ليه هاللحظة تجيني؟؟؟؟(قصة ررروعة ياليت تتفضلون وتقروها)

في 17-Mar-2006 الساعة : 05:52 PM

ملاحظ .......هذه القصة منقولة.

تعريف الشخصيات:
بوعبدالله (سالم) رجل مقتدر وعايش بخير لكن مشكلته انه دكتاتوووووورررري متزوج
من نوره ام حليوه وتحب عيالها كثير بس مغلوب على امره
وعنده ولدين وبنتين....(عبدالله 29 سنه يشتغل في التجاره مع ابوه وعمه
متزوج من ريم بنت خاله وزوجته حامل..عبدالله رجل وسيم تزوج زوجته زواج
اهل وحبها حب كبير....................ساره 25 خلصت ادب انجليزي وقعدت في البيت تبي تريح مثل ماتقول...بنت حبوبه بس طيبه بزياااااده مثل ريم ويصدقون بسرعه وساره وريم علاقتهم قووويه من صغرهم
وساره مملكه من ولد عمها عبدالعزيز................محمد 23 شيطان من صغره وشقي
يحب الضحك والفرفشه كثير ويشتغل مع ابوه وعمه مثل اخوه................لينه 20 سنه بنت حلوه وطيبه وحبوبه تدرس طب.............
............................
بو عبدالعزيز (صالح) رجل مقتدر ايضا بس عكس اخوه بو عبدالله يعني ديمقراطي
متزوج من منيره ام حبوووبه ...............عبدالعزيز 29 قريب من عبدالله ويشتغل
مع ابوه وعمه وعيال عمه مملك على ساره مثل ماقلت قبل ومتزوجها عن حب
خالد.....................24 قريييب من محمد كثير ونفس الطقه هو وياه ونفس اخوه
وعيال عمه يشتغل في التجاره..................................مزون ومااا ادرااك مامزون
بنت تحب الضحك والهبال يمكن لانها تربت بين اولاد..............واقرب انسانه
لـ لينه بنت عمها...وتدرس هندسة ديكور
........................................
بو فيصل (فهد)
هو شخص قريب من بو عبدالعزيز وبو عبدالله وحتى عيالهم قريبين من بعض
بحكم علاقات الاباء وابو فيصل مايقل في شي عن اصحابه سالم وصالح
فيصل............28 اكبر عيال فهد تخصصه هندسه معماريه انسان شخصيته قويه البعض او الاغلب يحسه غامض..............
ابراهيم.......25 طيب وحبوب ويحب الهبال يشتغل مع اخوه وابوه ودارس
ادارة اعمال.................عنود 24 سنه تخاف من فيصل اخوها وتحترمه
وهاديه يعني حطها تلقاها ونفس ساره ادب انجليزي.........عهود 20
شيطانه وخوافه تدرس خدمه اجتماعيه.........

بو بدر(طلال) متزوج من جواهر اخت نوره عنده ولد وبنت.........بدر
انسان متبلد الاحساس وله حركات وسوالف ومايحشم احد مسافر برى
له كذا سنه................غاده بنت طيبه وهاديه وعاطفيه 20 سنه
وداخله علوم طبيه........
والباقي قدام ان شاء الله

الجــــــــــــــــــــــــــــــــــــــــــــزء الاول
في بيت بوعبدالله
لينه وهي جايه للصاله:اوووف اووووف وشذا الازعاج فقعتواا راااسي...
عبدالله وهو يلتفت عليها: جعله ينفقع وشفيك تصارخين..؟؟
لينه: اقول لاتدعي علي...وانا اصارخ منكم انتوا بيت قلللق...
محمد: اقول انثبري بس...
لينه: محمد قسم بالله ماني طايقتك...
محمد: خير انشاءالله وش سويتلك..؟؟
ساره: محمد عبدالله خلاص خلوها...
عبدالله: وش سوينالها الحين.؟؟
محمد بطنازه: خلاص خلوا حضرة الدكتوره لا احد يزعجها..ههههههه...
لينه وهي تطالعه بنص عين: هين ياحمود انا اوريك...
محمد: ههههههه روحي بس...
ريم (زوجة عبدالله):خلاص ياجماعه انتوا دايما مناقر..؟
امهم وهي جايه: لا اله الا الله وشفيكم صوتكم واصل للجيران...
ريم: سلامتك خالتي مافي شي...
محمد (وهو يأشر على لينه): يما تعالي فكينا من شر بنتك...
ابوهم وهو داخل عليهم: لا والله...بنتها مهي اختك ياطويل اللسان..؟؟
محمد: لايبا بس هي اذتنا...
لينه: من اللي اذى الثاني..؟؟
محمد: انتي اذيتينا..
ريم وساره وعبدالله: ههههههههههههه
عبدالله: والله انك خبل وماتعرف حتى تصرف انت ووجهك....
رد محمد على عبدالله بأبتسامه عريضه خلت الكل يضحك عليه...

...........................................
(في بيت بوعبدالعزيز)
بعد الغداء
ابو عبدالعزيز: الا وين خالد..؟؟
مزون: اي صح ما شفته من امس...
عبدالعزيز: هو رجع متأخر امس واليوم الصبح طلع بدري ولي الحين مارجع..
وفي هاللحظه دخل عليهم خالد..
خالد: السلاااااااااااااام عليكم..
الكل: وعليكم السلام....
مزون وهي تتكلم مصري: هههههههه جبنا في سيرة القط جي ينط......
عبدالعزيز: هههههههه اي والله..
خالد بطانزه: هيهيهيهيهي ياخفت دمكم بس...
ام عبدالعزيز: ماعليك منهم ياولدي الا الطيب عند ذكره...
خالد: تسلملي الحنوونه والله....
عبدالعزيز: افااا يعني هو بس ولدك...
مزون:حنا عيال البطه السوده..هههههههه
ام عبدالعزيز: سوده في عينك...
الكل: ههههههه
عبدالعزيز: مزون مو كذا غازليها..وبتحبك ههههههههه
ابو عبدالعزيز: هههههههههه....ياولد انت ماتستحي..؟؟
عبدالعزيز: لا..
ام عبدالعزيز: اقول اسكت لا اقوم عليك عاد..
مزون: عبدالعزيز ترى بتروح فيها قلتلك عاد..هههههههه
خالد: اقول انتي وهو حدكم عاد كل شي ولا الوالده...
بعدها سمعت مزون جوالها يرن واستأذنت عنهم وراحت ترد..
مزون بعد ماشافت الرقم: هلاااااا والله ياقلبي...
لينه: هلا فيك شخباارك..؟
مزون: بخيرررر...انتي شلونك..؟
لينه: ابيض...
مزون: هههه باايخه..
لينه: انتي ابيخ..
مزون وهي تفكر: كنك خذيتي وجه..؟؟
لينه: ههههههه...لا..
مزون: وش مسويه..؟
لينه: ااه تمام..
مزون وهي تقلدها: ااه وشفيك..؟
لينه: سلامتك...مافي شي..
مزون: افااا يعني ماراح تقولين لي...؟
لينه:....
مزون: لينه لايكون على نفس السالفه...
لينه: ااه يامزون هي يعني بس على هذيك السالفه...كل شي..
مزون بحزن: ليش حبيبتي وش صاير..؟؟
لينه: حمود ذا رافع ضغطي هالايام..حاب ينكد علي...
مزون: ههههه..انتي حمود ينكد عليك وانا انكد على خالد هههههههه..
لينه: ههههههه الله يعينه عليك...انتي وحمود نفس الطينه...
مزون: اقول بس بلا طينه بلا تراب...انا طفشاانه...ابي اطللع..
لينه: طلعي احد ماسكك...؟
مزون: اووف لينه مو وقت مزحك...
لينه: ياحلووك بس وانتي مرتفع ضغطك...
مزون: لا والله...المهم لينه تكفين نبي نطلع...
لينه: مزون كم مره بفهمك مااااااا احب..
مزون: حبك برص بتطلعين يعني بتطلعين...
لينه: اوووف..
مزون: والله انتي خبله نطلع نغير جو...
لينه: ممم اوكي..بس من اللي بتكرم علينا من اخواني ولا اخوانك ويطلعنا..؟؟
مزون: ههههه مافي غير السواق الله يخليه لنا ياااااااارب ويمد لنا بعمره..
لينه: هههههههههههه حلووه...حشا لو انه ما ادر ي مين..
مزون: فديته والله....
لينه: وعععع الله يقطعك ههههههههههه..
مزون: هههههههههه جد مافي غيره...
لينه: هذا لو وافقوا الاخوه الاعداء..
مزون: هههههههههه...مو مهمين المهم الرؤوس الكبرى...
لينه: ههههههه ..عصابه هي.؟اوكي بروح استأذن...
مزون: وانا بعد الله يعين...يلا اكلمك بعد شوي بااااي..
لينه: بااااي..
كانت لينه في الحديقه وهي تكلم ورجعت بتدخل تستأذن من امها...
وضربت في.....
..................................

في 17-Mar-2006 الساعة : 05:53 PM

في بيت بو عبدالعزيز
مزون: السلام عليكم...
ام عبدالعزيز: وعليكم السلام...
مزون: يما حبيبتي ابي اطلع.؟؟
ام عبدالعزيز: وين بتروحين..؟؟
مزون: ابي اطلع بروح انا ولينه نتمشى...بليز مااامي...
ام عبدالعزيز: والله يامامي..اذا ابوك رضى روحي..وبعدين شلون بتروحون..؟؟
مزون:ههههههه...بنروح مممممممم...(وهي مغمضه عينها) مع حاج..
ام عبدالعزيز: هههههااي يحلوك بس...
مزون بأحباط: طيب يما وش اسوي..؟؟ مافي غيره...
ام عبدالعزيز: بنتين بروحكم تطلعون مع سواق...؟؟
مزون: يوووه وشذا اجل شلون لو ان نسوق في السعوديه...
ام عبدالعزيز: كان بتلاقيني اربع وعشرين ساعه ادور بالشوراع ....
مزون: هههههههههههه تصدقين يما دمك خفيف...
ام عبدالعزيز: خفيف ثقيل وسط...مافي ....
مزون: يوووه....طيب وش الحل..؟؟
ام عبدالعزيز: اول شي خل ابوك يوافق على الطلعه وبعدين نفكر في الحل...
مزون: انا متأكده انه بيوافق......عموما الحين انا بروح استأذن منه..يلا تشااو..
ام عبدالعزيز بأبتسامه: سي يو...
مزون: هههههههههههه ياحلوك يما...
ام عبدالعزيز: ههههههه..الله يصلحك..
..................................................
في الحديقه (في بيت بوعبدالله)
محمد:خلاص لولو...اسف ياقلبي..
لينه:.........
محمد:افاا لينه خلاص حبيبتي..
لينه: محمد انت احيانا تمزح معي في اوقات انا جد اكون فيها مالي خلق احد...
محمد: يعني ماتستحملين مزح اخوك حمود..؟
لينه: ههههه..الله يخليك لي..
محمد وهو يحبها على خدها: ويخليك لي ياحبيبة حمود..
لينه بأبتسامه: تسلملي..والله...
محمد: وين رايحه..؟
لينه: داخله لامي بستاذن منها ابي اطلع..
محمد يطالعها بنص عين: غرريبه...
لينه: ههههههه هذي فكرة مزون وحنت علي لين ماوافقت...
محمد: اهاااااااا...بنت عمك ذي...هههههههه..
لينه: وشفيها بعد..؟؟ ترى هي بنت عمك زي ماهي بنت عمي...
محمد: كفو والله..انا اسمع انا واخوي على ولد عمي ....لكن انا وبنت عمي على اخوي..!! ماسمعت فيها...
لينه: ههههههه...زين اجل اني قلتلك...
محمد: هههههههه..طيب مع مين بتروحون..
لينه بصوت واطي: رحنا ووطي..
محمد: ايش..؟؟
لينه: ها...لا سلاامتك؟...ما ادري ...بسسسسس....احتمال يعني احتمال نروح مع ...........السواق..
محمد: ههههههااي....اجل سواق..سمعي بس انا ودي اطلع...انا بطلعكم...
لينه وهي مفتحه عيونها: جد والله...
محمد بأبتسامه عريضه: اي عندك مانع..؟؟
لينه: لاوالله...بس الحين نبي موافقة الوالده....
محمد: افااا عليك اجل وانا وش لزمتي...؟؟
لينه: ههههههه مالك لزمه...
محمد:شكرا...
لينه: العفو...لاشكر على واجب...
محمد: شكلي ببطل.....
لينه: هههههه لاخلاص...
محمد: اي كذا تعدلي....
لينه: انشاءالله...
محمد: يلا بروح اكلم الوالده....
لينه: اوكي...
..............................................
محمد: تسلمين يا الغاليه..
ام عبدالله:الله يسلمك ياولدي...بتتأخرون...
محمد: انشاءالله ماراح نتأخر..يلا عن أذنك.....
ام عبدالله: في حفظ الله...

بعد ماطلع محمد من المطبخ واخذ الموافقه من أمه
محمد:الوو..ووجع
خالد: يوجعك انشاءالله..انت ليش لسانك طويل..؟
محمد: اسم الله علي...المهم لاتكثر بس..شخبارك
خالد: بخير..وانت
محمد: كنت بألف خير وصحه وعافيه ...قبل لااكلمك
خالد: لاوالله اجل اذلف
محمد: صدق ان لسانك طويل
خالد: انا اللي لساني طويل.؟
محمد: المهم انا بطلع مع لينه ونبي ناخذ مزون..وطبعا ابيك تجي
خالد: ليش اجي انا بعد.؟
محمد: لاوالله اجل اروح انا معهم بروحي مع بنتين كني سواق ابوهم
خالد: ههههههههههههههههههه..احسن تستاهل
محمد: خلود بلا مصاخه واستخفاف دم بتروح يعني بتروح
خالد:لايكون بس اشتغل عندك وانا مو داري
محمد: لاوالله حشاك بس انت اخوي ولازم تروح معي
خالد: ياصبر ايوب على بلاوه..ربي باليني فيك يا اكبر مصيبه
محمد: يعني بتجي.؟
خالد: الشكوى لله
محمد: هههههههه..طيب روح قول لاختك ساس البلاء
خالد: مو ملاحظ اني عطيتك وجه زياده يلا روح باي
محمد: باااايااات..انتظررك
..................
في بيت بوعبدالعزيز
مزون: يعني موافق..؟
بوعبدالعزيز:موافق بس مع مين بتروحون
مزون بصوت غير مسموع:سؤال وجيه
بوعبدالعزيز: ايش..؟
مزون: ابد اقول بنروح معــ....
ويقطع عليها هاللحظه...
خالد:مزون لين الحين مالبستي..لينه وخالد ينتظرونا...
مزون وهي مو مستوعبه: وشو..؟
خالد: وشفيك.؟؟ ماتبين تروحين..؟
مزون: وين..؟
خالد: اوووووف..انا وخالد بنروح معكم انتي ولينه..
مزون:جد..؟
بوعبدالعزيز:ليش انتي مع مين كنتي بتروحين...
مزون: جاك الموت ياتارك الصلاه...
عبدالعزيز:وش تقولين ما اسمعك تكلمين نفسك..؟
مزون: ها لالا..كنا بنروح معهم بس..بس..ماكنت ادري ان بنروح الحين..
بوعبدالعزيز:طيب اجل يلا روحي بسرعه لاتتأخرون على عيال عمكم
مزون: انشاءالله يبا..يلا فمان الله
بوعبدالعزيز: مع السلامه..

عند السوق
محمد: يلا ياحلوين..وصلنا..
خالد: يلا نزلوا..
ووقت ماكانوا يتمشون ..
مزون: لينه تعالي هالمحل مبين عليه مره حلو
محمد: يووه عاد ياشين المحلات اللي يدخلونها البنات..
لينه: لاوالله اذا في هنا محل للشباب تعال كلمني..
لينه ومزون: هههههههههههههههههههه
مزون: حلوه لولو
محمد: انطموا خير انشاءالله وين قاعدين في الشارع ..تضحكون..؟
مزون: اسكت بس ولي يعافني
خالد: حمود امش وخلهم ياخي..بنات ماتعرفهم يعني..؟
لينه: احسن منكم والله
محمد:احنا الاغبياء اللي نمشي معكم
مزون وهي تكلم لينه بصوت واطي: احسن كلمه قالوها ههههههههههه
لينه: هههههههههههه..يلا يلا احنا بندخل كل هالمحاضره عشان محل
ودخلوا المحل وقعدوا يتنقون ويشوفون الملابس ومره يقولون حلو ومره يقولون شين
ويعد اشتروا الملابس
مزون: شوفي هالاكسسورات..
لينه: مبين عليها حلوه...تعالي نشوفها..
مزون: يلا..وااو هذي حلوه
لينه: اممم..يعني
وفجأه طاح نظر لينه على شي ماتمنت تشوفه ابد..ووجها انعفس وتضايقت
مزون حست فيها:لينه وشفيك..؟
وانتبهت مزون..وشافت عقد فيه حرفين..b,l....
مزون وهي زعلانه: لينه يلا خلاص...خلينا نطلع..
لينه بصوت مخنوق: نفس الحرفين يامزون ...
مزون: خلاص حبيبتي يلا نمشي..
لينه بتنهيده: يكون احسن..

وقعدوا يلفون ويدورن في المحلات واستمروا على هالحاله لين ماقرب أذان العشاء
لينه: يارب عليكي ..قوليلي مره طلعت معك ومارجعنا متأخرين..
مزون:حبيبتي عاادي دونت ووري..
لينه: صح ليش اقلق...ماراح يصير شي كم كف على الماشي بس..
مزون: هههههههههههه الله يرجك..
لينه: اقول ترى جد تأخرنا..
مزون: اوك الحين نمشي..
لينه: يلا بكلم محمد..
مزون: اووف عليكي ..ليش متعجله..
لينه: مزون وشرايك..نسكن في السوق ناخذ شقه في حدا هالادور..
مزون: الله ياريت..في شقق هنا..
لينه: هذي اللي بطلع حرتي فيها..
مزون: هههههه..خلاص كلميهم اووف..
لينه: الوو
محمد: هلا والله..
لينه: وينكم..
مزون: اكيد يغازلون..
لينه: ههههههههه
محمد: سكتي اللي جنبك لا اجي اوريها شغلها..
لينه: هههههههه اقول خلك منها وقلي وينكم.؟؟نبي نمشي..
محمد: والله اخيرااااااااا حسيتوا..وش اسوي ياناس ازغرط..
لينه: هيهيهي بااايخه..خلصنا تعالوا..
محمد: مو ابيخ منك جايين..يلا بااي
لينه: بايات..
مزون: ها وينهم.؟
لينه فتحت عيونها: ههههههههههههههههههههههههههههههه
مزون: الحمدلله والشكر وشفيك..؟؟
لينه: هههههههههههههههه
مزون: يابنت اهجدي في سوق ليش هالضحك وش قايلتلك انا.؟؟
لينه: تصدقين على هالمكالمه كنا تناقر ولا انا عرفت وينه ولا هو عرف ويني..
الثنتين: هههههههههههههههههههههه
مزون: الله يرجك انتي واخوك صدق انكم خبلان ههههههههههه
..............
في جهه ثانيه
محمد: اي اضحك...فالح
خالد: هههههههههههههههه....الله يعين اختك عليك
محمد: اسكت بس...الوو الحين انتي متصله تقولين بنمشي وتسكرين..
لينه: يمه وشفيك كليتني..ترى حتى انت مثلك مثلي..
محمد: الحين وينكم..؟
لينه: حنا برى رحنا عند السياره..
محمد: اوكي بنجيكم..باي
لينه: باي
...............

في 17-Mar-2006 الساعة : 05:54 PM

وهم في السياره
كان حاط محمد اغنية يابعدهم لعبدالمجيد عبدالله
مزون بعد ماحست ان الوضع بيرتبك: يوووه وشذا النكد انا ما احب هالاغنيه
خالد وهو مستغرب: الحين انتي ماتحبينها...وانتي اللي ذبحتينا فيها.
محمد: خلك منها بس تبي تنكد علينا
وهمت مزون انها ترد عليه لكن تراجعت بعد مامنعتها يد لينه ومسكت يدها ..
وارجعت ورى تسندت
محمد: وشفيك سكتي.؟
مزون:مافي شي
محمد بتعجب: لايكون زعلتي..؟
مزون: لا ابد بس مصدعه..
محمد: سلامتك ..
مزون:الله يسلمك
بعد كذا كمل محمد وخالد سوالفهم
ولينه ومزون كانت كل وحده في عالم بعيد عن الكل
مزون في تفكيرها وحزنها على لينه وحالها
ولينه في عذابها وألمها اللي كانت تزداد مع سماعها للاغنيه

بعدها كل واحد راح بيته وراح يكمل ليلته

محمد: هههههه ياحلو هالمزون لولا لسانها..يعني انا اللي لسان قصير...شكلي انهبلت قاعد اكلم نفسي..خلني اروح اقعد مع الشله احسن
وراح جلس مع الباقين
كان يمشي في الممر...وصادف اخوه عبدالله
محمد: ها وين.؟؟
عبدالله: اقول جيت بوقتك بس..
محمد: خير..؟
عبدالله: يلا روح جيب عشا
محمد: ليه..؟
عبدالله: الشباب بيجون..ونبي نعشيهم واهلك بعد جيب لهم..
محمد: انشاءالله..
وراح ولقى الحريم جالسين في الصاله
محمد:السلام
الكل: عليكم السلام
محمد: وين الوالده..؟
ساره: راحت غرفتها ..
ريم: تعالوا صح وين رحتوا.؟
ساره: وشو انتوا طلعتوا.؟؟
محمد: ايييييييه فااتك رحنا للبر عند الدبابات..وانا ركبت مع مزون ولينه ركبت مع خالد..
وطبعا لينه ومحمد داهيه في هالاشياء...وريم وساره على نياتهم
ريم: جد والله.؟؟
محمد: اجل امزح معك..
ساره: اماااااااااااانه ...ليش ماخذيتونا..؟
لينه: انتوا كنتوا طالعين...
ساره: يووه قهر...طيب وش سوويتوا.؟؟
ريم: مو هنا المهم ...بذمتك الحين ركبت مع مزون وركبت اختك مع خالد..؟؟
محمد: وش ركبتها انتي بعد هي بزر.؟؟ هي اللي ركبت بروحها...
ريم: وفرحان ان اختك راكبه مع ولد عمك وانت راكب مع بنت عمك..؟
محمد: ياحليلها مزووون بس مسكينه كانت خايفه ومتمسكه فيني..ودي اني مانزلت من الدباب..
ساره: ولينه..؟؟
محمد: يووووووووه لينه وقف خالد الدباب وهي ماسكه فيه مو راضيه تقوم
ساره: بعد...يوه كنت ابي اروح..
لينه: وش تروحين مع من تركبين..؟ تركبين مع الهنود اللي هناك..؟؟
الكل: ههههههههههههههه
ريم: طيب كمل..
محمد: ايه المهم لينه عجزنا فيها ياماما هدي الولد نزلي من الدباب بنعطيك حلاوه طيب خلي الدباب وامسكي في الولد بس نزلي مااافي فايده..
ساره وريم فتحوا عيونهم وهم مو مصدقين ولا مستوعبين
ساره وعيونها بتطلع من محلها:ليييييييييييييييييييييينه تحبين خالد وماتقولين لينه...
لينه بتمثيل مصطنع: استحي اقولكم
ريم: ومن متى...؟ وانت من متى تحب مزون..
لينه: اااااه من اول ماركبت معه الدباب.. وطالعت لينه محمد..وبعدها
لينه ومحمد:هههههههههههههههههههههههههههههههههههههههههههه هههههههه
ساره اللي بدت تستوعب هي وريم
ساره:ماااااااااااااااااااااااالت عليكم حتى مااالت..
ريم: صدق انكم باااااايخين ومالكم داعي ابد
لينه ومحمد: هههههههههههههههههههههههههههههه
لينه: قسم بالله انكم مصخرررررررررررره
محمد: ههههههههههههههههههه...والله تنفعون كاميرا خفيه هههههههههههههههههه
ريم: صدق انكم ماتستحون
ساره: والله من طيبتنا نصدقكم..
محمد: قصدك من غبااائكم ههههههههههههه
لينه:ههههههههههههه
وجا في هالوقت عبدالله
عبدالله:امداك تجيب العشاء...هي انت اكلمك
محمد:نعم
عبدالله: جبته ولا..
ريم: لا توه ماطلع..
ساره: اي قاعد حضرته يستخف دمه..
محمد: يبون ينتقمون ههههههههههههه
لينه: هههههههههههه
عبدالله: ليش وش مسوي..؟
لينه: هههههههههههه
عبدالله: وش مسوي عاد..
ريم: اقولك بعدين روحوا الحين جيبوا عشاء
ساره: اي والله جعنا..
محمد: طيب طيب في بطنكم دود..؟؟
عبدالله وهو مبتسم من كلام محمد وهباله:يلا المهم روح الشباب بيجون..وهذول جوعانين
محمد: طيب
وقعد محمد يلمس جيوبه ويتأكد ان مفتاح سيارته معه..
محمد: طيب تبون شي بعد..؟
ساره: جيب لنا شوية شوكلاته..
لينه: لاتضر في الاسنان وانتي ماتفرشين هههههههههه
محمد:هههههههههههه خلاص الدكتوره تقول لا
ساره: اقول عاد جيب لااقوم عليك انت ودكتورتك
محمد:هههههههههه شي ثاني بعد..؟
عبدالله: خلاص ماتبون شي..؟
محمد: لينه حبيبتي تبين شي..
لينه: لا سلامتك حبيبي..
محمد: سارونه تامرين بشي..؟ ريم.؟
ريم وساره: سلامتك..
محمد: الله يسلمكم يلا مع السلامه
الكل :مع السلامه
عبدالله: اقول نبي قهوه وشاي..الشغالات قاعدين..؟
ريم: انا بقوم اسويلك..
ساره: لاقعدي انتي..حامل وتعبانه..الشغالاات قاعدين
ريم: اخاف يحطون اي شي..ومايرتبونه زين..
ساره: لايبنت الحلال يعرفون قعدي بس..
عبدالله :طيب قولولهم..
ساره: شوفهم تحت
عبدالله: طيب
ونزل عبدالله وقال للشغالات انهم يجهزون القهوه والشاي..
لينه:ريم حاولي هالفتره تمشين كثير زين لك..
ريم: اووف والله تعب...
لينه: الله يعينك يارب..
ساره: تعالوا نروح الغرفه نشوف شي لين مايجي العشاء..
وقاموا راحوا لغرفة ريم كانت غرفة ريم مره حلوه كان يغلب على اثاثها اللون البني والبيج..وكانت حاطه فيها ابجورات ريم ماكانت تطيق النور الابيض وتحس انه مره كئيب
على اي مكان وتحس ان الابجوارت تعطي راحه نفسيه للشخص اللي قاعد في هالمكان وكانت موزعه على غرفتها الاكسسورات والشموع
وكان عبدالله يحب فيها كثير هالشي كان دايما يحب يجلس في غرفته ويحس فيها براحه كبيره مايحسها في مكان ثاني

وش تتوقعون السر اللي مأثر على لينه ومخليها عايشه في صراع وعذاب داخلي ما احد يعرف فيه الامزون..؟؟
وهل تتوقعون ان محمد يحب مزون..؟؟
ولو كان يحبها هل هي بعد تحبه..؟؟
هذا كله انشاءالله تعرفونه في الاجزاء الجايه..
هذا الجزء الاول يارب يكون نال على اعجابكم
تحياتي

في 17-Mar-2006 الساعة : 05:55 PM

الجــــــــــــــــــــــــــــــــزء الثانـــــــــــــــــــــــــــــــــي
محمد كان في سيارته ومشغل المسجل ويدندن وداخل بجو...وفي هالوقت رن جواله وانتبه له
محمد:الوو
عبدالعزيز: انت وينك فيه حشى رايح تجيب ذبيحه
محمد: اسم الله علي وشفيك.؟؟سلم على الاقل..
عبدالعزيز: والله انك فاضي وينك فيه الحين..؟
محمد: ها..هذاني وصلت يلا خلني انزل اجيب العشاء عشان تفطحون
عبدالعزيز: صدق انك طويل لسان..يلا لاتتأخر..
محمد: يلا مع السلامه..
ونزل محمد وجاب العشاء ورجع للبيت
.............
ساره: محمد تأخر..وينه..؟
ريم: لاتلاقينه الحين جاي
لينه: اقول اسكتوا خلونا نتفرج..
بعدها رن جوال لينه وعرفت من النغمه ان هذا محمد
لينه: هلا والله
محمد: هلافيك...اقول انا جبت العشاء...لينه حبيبتي ماتبين شي..
لينه: سلامتك والله..
محمد: طيب هالخبلتين اللي جنبك مايبون شي...؟؟
لينه: ههههههههه..تبون شي يجيبه محمد وهو جاي..
ساره: اي لاينسى يمر السوبرماركت..
لينه: قلنا شوكلاته مافيه هههههههه
ساره بضحك: قسم بالله ترى الحين كف على وجهك..ههههههه..والله قامت تتحكم بعد
محمد بضحك: خلاص لاتاكلنا بنجيب اللي تبي
لينه: اوك ننتظرك...يلا مع السلامه..
محمد: يا هلا
...................

مزون: اووووف
ام عبدالعزيز: وشفيك تتأفأفين بعد..؟
مزون: يمه طفشششششش
ام عبدالعزيز: وش طفش انتي بعد..؟ توك جايه من السوق انتي ماتشبعين روحات
مزون: يمه شوفي ابوي واخواني كلهم رايحي بيت عمي لييييييييش مانروح احنا بعد..؟
ام عبدالعزيز: خلاص اخوانك راحوا وشلون تبين نروح..؟
مزون: لاخالد توه قاعد نروح معه تكفين يمه..
ام عبدالعزيز: ياربي على هالحنه...الله يصلحك بس
مزون: اميييييييييييييين....بس تكفين نرووووح..
ام عبدالعزيز: روحي لحقي على اخوك قبل لايطلع..
قامت مزون وهي تركض كنها بنت عمرها ست سنين
ام عبدالعزيز بصوت عالي:يابنت اركدي وشفيك انتي بزر..؟
دخلت مزون غرفة خالد وهو طالع وهي تحاول تاخذ نفسها..
خالد: خير وش صاير..؟
مزون وهي تاخذ نفسها: سلامتك بس انا وامي بنروح معك بيت عمي..
خالد: هههههههههههه انشاءالله جايه تركضين عشان كذا..
مزون: اي نعم خلصنا نبي نروح معك..
خالد وهو رافع ايده للسماء:يارب تخلف عليها وتستر علينا
مزون: خير انشاءالله وش شايفني مجنوونه؟؟
خالد: ههههههههه لاوالله خبله..المهم انا انتظركم بالسياره تتأخرون امشي واخليكم
مزون: لالالالا خلاص الحين نجي
خالد: يلا انتظركم..
وفعلا راحوا مع خالد بيت عمهم بو عبدالله
...........................

وصلوا بيت عمهم نزلت ام عبدالعزيز قبل عيالها
مزون: اوووف...وين التلفون؟؟...خالد رن علي..
خالد: هذا انا ارن..
مزون: ايه خلاص خلاص...لقيته
خالد: انتي قلللق قلللق انتي وكل شي يمد لك بصله
مزون: ترى الحين اقوم عليك
خالد: روحي بس يلا دخلي

بيت بو عيدالله كان فيه بابين الباب الاول كانوا دايما يدخلون منه الرجال لانه كان عند المجلس حق الرجال والباب الثاني يدخل من اهل البيت والحريم وكثير من البيوت تتميز بهذا التصميم
وطبعا خالد دخل من باب الرجال لانه رايح على طول للمجلس اما مزون راحت للباب الثاني.
لمحت مزون وهي داخله رجال واستنتجت انه محمد
مزون: السلام عليكم
محمد بأبتسامه: ياهلا والله وعليكم السلام
مزون: شخبارك محمد..؟
محمد: والله بخير بشوفتك..
مزون بتعجب:الله يسلمك
محمد: شخبارك انتي..؟
مزون: كأنك مو شايفني اليوم..
محمد: هههههههههه..الحين من اللي سأل الثاني..
مزون: حتى لو..
محمد: طيب اسمحي لي..بدخل العشاء
مزون: اساعدك..؟؟
محمد: ما ابي اتعبك..
مزون: لاتعبك راحه..هات اشيل معك
محمد بفرح: تسلمين والله ياذوق
مزون بأستغراب: العفو
وشالت مزون ومحمد الاغراض ودخلوا داخل
.............................
مزون وهي داخله على البنات الغرفه:هااااااااي
ساره: وعليكم الهايات
لينه بفرح: مزون.
مزون بأبتسامه: هلا والله
مزون وهي تسلم عليهم:اقول ترى محمد جاب اللي تبونه
ريم: جاب العشاء والحلويات
مزون: ههههههه والله ما ادري عنكم وش طالبين...عاد طالبين ضبان سحالي عشاء غدا..روحوا شوفوا
ريم: يابايخه ودي اسطرك وشذا القرف..
ساره: يبيلها اللي في رجلي
الكل: ههههههههههههههه
لينه: ياحلوك مزون والله انا فرحانه انك جيتي...وين خالتي.؟؟
مزون: امي تحت مع الوالده..
ريم: اجل ننزل نسلم عليها
محمد وهو جاي لهم ومعصب: ماتبون شي..؟ والله يكون احسن مو لازم
ساره: يووووه صح جبت الاغراض..؟؟
محمد: اي جبتها ساعه مخليني استنى
ريم: خلالالاص جايين...
محمد: طيب انا بنزل قولوا للشغالات يجيبون لنا العشا في المجلس..
ساره: انشاءالله...بس جبت اللي نبيه
محمد: يارب انتي ماشفتي خير جبت روحي شوفيه هناك..
ساره: يمه...طيب
وراحوا ريم وساره يشوفوا وش جاب محمد,ولينه ومزون راحوا لغرفة لينه
مزون وهي ترمي نفسها على السرير:اووف
لينه:ههههه من أولها وشفيك..
مزون:امي والله طلعت روحي على ماوافقت نجي
لينه: يووووووه صح نسيت انزل اسلم عليها
مزون وهي تستوعب: حتى انا ماسلمت على خالتي طلعت فوق على طول
وقاموا مزون ولينه يراكضون زي الاطفال
ريم: وشفيهم..؟
ساره:خير وشصاير..؟؟
لينه ومزون وهم يتكلمون بسررعه: مو صاير شي مو صاير شي
ساره: الحمدلله بس
ريم: هههههه خلك منهم
محمد وهورايح للمجلس: بسم الله وش صاير..
مزون: مافي شي
كان باين على وجه محمد الاستغراب وفجأه تحول هالاستغراب الى ابتسامه خبيثه
لما قربوا يوصلون لعند الحريم وقفوا وهم ياخذون نفسهم وقاموا يطالعون بعض
لينه ومزون:ههههههههههههههه
مزون:هالطبع ماراح نبطله
لينه: ههههههه
لينه ومزون كانوا دايما لما يبون يرحون يسلمون على احد يتراكضون ....عشان يشوفون من بيسبق الثاني مو عشان السلام نفسه

مزون ولينه:السلام عليكم
ام عبدالله وام عبدالعزيز: عليكم السلام
وبعد ما سلموا على بعض قعدوا لينا ومزون جنب بعض
ام عبدالله: هلا والله مزون شخبارك حبيبتي..؟
مزون: والله بخير دامك بخير..
ام عبد العزيز: شلونك لينه..؟
لينه: بخير ياخالتي...اخبارك انتي..؟
ام عبدالعزيز:الله يسلمك يابنتي بخير..
ام عبدالله: وين البنات..؟
لينه وهي تساسر مزون: قال بنات الا خرفان
الثنتين: ههههههههههه
ام عبدالعزيز: ياكثر ماتتساسرون
ريم وساره:السلام عليكم
الكل: وعليكم السلام
مزون وهي تكلم لينه بصوت واطي: اذكر اللي شسمه يجيك اللي شسمه
لينه: هههههههههه
ام عبدالله:رحنا نشوف الاغراض اللي وصينا محمد عليها
مزون وهي تطالع لينه فتحت عيونها وكأن عيونها بتطلع من مكانها
لينه: وشفيك..؟ وش صاير..؟
مزون: ياخبله شوفيني وش لابسه..
لينه: وشفيك لبسك روعه من وين جبتي هالملابس حلووه مره..
مزون: مالت عليك...احنا كنا نركض وانا مو لابسه عباتي
لينه: هههههههههه ليش تبين تلبسين عبايه..؟؟ بنلاحق غنم في البر..؟
مزون: يارررررررربي مو كذا واحنا نركض اخوك محمد شااااافنا..
لينه فتحت عيونها وحطت ايدها على فمها وبعدها بثواني : هههههههههههههههههههههههههههه
مزون وهي معصبه:تضحكين..؟
لينه: يعني محمد شافك كذا..

مزون كانت لابسه بنطلون جينز ناعم لونه سماوي وكانت لابسه بلوزه كات لونها موف غامق وكانت طبعا البلوزه مره حلوه عليها خصوصا انها بيضه واللي لابسته غامق
مزون كانت بنت حلووووه وفيها جاذبيه لون عيونها بني فاتح وشعرها كان يوصل تحت كتفها تقريبا لحد كوع يدها لكن هي كانت تحب بين فتره وفتره تصبغه وتسوي له قصات

عكس لينه... لينه كانت عيونها عسلي وشعرها بني فااتح وكانت حلوووووه مره ولينه كانت نفس الشي فيها جاذبيه كبيره
وكانت ماتحب تقص شعرها او حتى تصبغه
مزون ولينه كانوا قريبين من بعض في جاذبيتهم يعني لو احد بيقعد معهم يحتاااار من يطالع فيهم

مزون: ياربي فشيله...لا والمشكله يقولي وش صاير اقول مافي شي فرحانه اكلمه وانا كذا
لينه: ههههههههههههههه...هذي اخرة هالحركات
مزون: يعني انا بروحي اللي كنت اركض..؟
لينه: هههههههههه...خلاص انسي ولاكأن صار شي...بعدين احنا كنا نركض مالحق يطالع زين..
....................
عند الرجال
سعود:محمد محمـــــــــــــد..
محمد بعد ما انتبه: هلا والله..
سعود:وشفيك يارجال وين سارح فيه..؟
محمد: سلامتك معكم..
طلال: ياخي وين معنا.....الرجال له ساعه يناديك..
رد محمد على كلامهم بأبتسامه
سعود: اقول تلعب..؟
محمد: نلعب وش روانا..؟
عبدالله: عن أذنكم..
طلع عبدالله وكلم ريم وطلعت له عشان تشوف وش يبي..
ريم: هلا عبدالله..
عبدالله: هلا وغلا فيك ياقلبي..
ريم بأبتسامه: بغيت شي حبيبي..؟
عبدالله: اي والله بغيت..
ريم: امر..وش بغيت ..
عبدالله: بغيتك انتي.. ابي اكحل عيوني بشوفتك...
ريم: ياحياتي انت..امرني وش بغيت..
عبدالله: والله بغيت اشوفك ياالغاليه...شلونك تعبانه..؟
ريم: دام اشوفك انا بخير والله..
قرب عبدالله من ريم وباس خدها
عبدالله : تسلمين حبيبتي...وين الشغالات ماجابوا شي..؟
ريم: تعال نروح نشوفهم في المطبخ..
وراحوا المطبخ
عبدالله كان يحب ريم كثير من أول يوم شافها ريم وعبدالله زواجهم كان زواج اهل لكن سبحان الله الحب جمع بينهم بشكل كبير وكأنهم اختاروا بعض من قبل مايتزوجون
ولما عرف انها حامل استانس وفرح بشكل كبير لانه بيكون اب واكثر شي فرح فيه ان هالولد بيكون من ريم حبيبة عمره..وكان دايما يحاول يريحها ويطمن عليها ويدللها من أول يوم من زواجهم

في 17-Mar-2006 الساعة : 05:57 PM

المطبخ كان في بيت بوعبدالله مطبخ خارجي يعني برى البيت نفسه
ريم: سيتي ها خلصتوا..؟
سيتي:يس مدام
ريم:اجل حطوا عند الرجال وحطوه عند الحريم(ريم وهي توجه الكلام لعبدالله)قولي الحين انتوا تبون العشا وين..؟
عبدالله: حطوا في المقلط..نتعشا وبعدين نرجع نقعد في المجلس..
ريم:طيب...اجل خلاص سيتي حطي حق الرجال في المقلط..
وقعدت ريم تشوف شلون جهزوا العشاء والحلا وشلون رتبوا الصحون وكان عبدالله معها
ريم وهي تاكل:ممممم..حلو خذ ذق وحده..
عبدالله: لا اكليني انتي..
ريم: ههههههههه
عبدالله: يلا عاد ابي اذوق..
ريم: من جدك..؟
عبدالله: اجل من عمي..يلا عاد تكفين
ريم: هههههههه طيب
وخذت ريم قطعه من الحلا واكلتها لعبدالله
ريم:اكيد حلو ساره مسويته.....
عبدالله: ممممممم هو يجنن بس مو عشان ساره مسويته..
ريم كعادتها على نيتها مثل ساره: اجل عشان وشو..؟
عبدالله: ههههههههه ياعمري انتي ...عشانه من ايدك ياقلبي
ريم: تسلملي حبيبي..
عبدالله: طيب ياعيوني بروح الحين تأخرت على الرجال..ولاتتعبين نفسك عشان خاطري
ريم: انشاءالله
ساره:ها..خلصتوا..؟
ريم: اي خلاص بس بيحطونه
عبدالله:طيب انا بطلع..ريم لاتتعبين نفسك..
ريم: ولايهمك
ساره: لاتخاف انا بقعد معها
عبدالله:اوكي يلا لاتتأخرون

وبعد كذا حطوا العشاء للحريم والرجال طبعا الرجال بعد ماخلصوا قعدوا يشوفون التلفزيون ويلعبون ورق وبعضهم مشى والبعض جلس

داخل البيت
محمد:السلام عليكم..
الكل: وعليكم السلام..
ام عبدالعزيز:هلا محمد شخبارك ياولدي..؟
محمد:الحمدلله بخير..شخبارك انتي ياخالتي..
ام عبدالعزيز :بخير الله يسلمك ياولدي
مزون كانت طبعا قاعده وجهها طماااطه على اللي صار ومحمد كان حاس بهالشي ومبتسم
ام عبدالله وهي تكلم محمد: وش جايبك الحين..؟؟
محمد: ابد والله مشتهي اشوف القمر..
ساره: قالولك معمل علوم..؟
محمد: والله انك ماتدرين وين ربي حاطك وشدخل معمل العلوم في السالفه..؟
ساره: ما ادري عنك انت ووجهك..وبعدين تراك ماخذ وجه مره احترم نفسك انا اكبر منك..
ريم: ساره قومي بس لشطيه..
محمد: هذا اللي ناقص عشان أرميك انتي وهي من هالشباك..
ريم: لا والله انا حامل ومو مستعده انرمي..ههههههه
محمد: ليش هو بكيفك ياماما..؟..ارميك انتي وشينة الحلايا ذي (وهو يقصد ساره)هههههه
عبدالله:السلام عليكم
الكل: وعليكم السلام..
عبدالله:وش صاير على هالضحك..؟
لينه: هههههههههههه...وانت دايما تجي في الاخير..وتقول ليش الضحك..؟
الكل: هههههههههه
عبدالله:ههههههه اصلا انا استغرب شلون هم قادرين يضحكون وانتي معهم..؟؟
الكل: هههههههههههه
ساره: اقول الحق على حرمتك اخوك بيرميها من الشباك..
عبدالله:نعم؟؟...خير انشاءالله انت بعد..؟
ساره: وبيرميني معها..ويوم قلنا له انها حامل يقول مو بكيفك..
عبدالله: بعد....هذا اللي ناقص انت ووجهك..اسمع عاد ريم وساره تحت حمايتي هذول(وهو يأشر على لينه ومزون) بكيفك انت وهم انشاءالله تقطع العقال على ظهورهم..
مزون:خير.؟؟؟...وانا وشدخلني..؟؟..وبعدين من انشاءالله اللي يمد يده على لينه.؟
عبدالله: انا ياروح امك اكفخها واكفخك معها..
محمد: ها عااااد....اقول لاياحبيبي ماعاش من يمد يده على مزون..(وتدارك محمد الوضع بسرعه)ولينه...والله اقص يده..
لينه: ياهووو...كفو والله اخوي
محمد وهو قاعد يرز جسمه ونفسه ويبتسم: الله يسلمك..
الكل: ههههههههه
ام عبدالعزيز: الرجال راحوا..؟
عبدالله: اي بس بقى الشياب..(وقام عبدالله في هاللحظه بحركه ضرب يد محمد فيها) حلوه
محمد وعبدالله: هههههههههااي
الكل ضحك على حركتهم حتى ام عبدالعزيز وام عبدالله اللي حاولوا يمسكون نفسهم
ام عبدالله وهي ماسكه نفسها: صدق انكم ماتستحون..
ريم: عبدالله..شلون العشاء..؟؟
عبدالله: لاجد تسلم ايدينك ياقلبي...ماقصرتوا
عبدالله كان قريب من ساره بحكم تقارب السن بينهم
ومحمد كان نفس الشي مع لينه...
عبدالعزيز كان يتنحنح لانه بيدخل عليهم...عبدالله توقع انه عبدالعزيز...وعلى طول ساره ولينه خذوا الجلالات اللي جنبهم وتغطوا فيها
عبدالله: تعال عزوز
عبدالعزيز:السلام عليكم..
الكل: عليكم السلام
عبدالعزيز:شخبارك ياخالتي..؟
ام عبدالله: الحمدلله شلونك انت ياولدي..عساك بخير..؟
عبدالعزيز:الله يخليك بخير الحمدلله...ساره شخبارك..؟
ساره: الله يسلمك بخير..
لينه بنص عين : وانا..؟
عبدالعزيز: ياهلا والله...شخبارك لولو..؟
لينه: تو الناس..
عبدالعزيز:هههههههه..ماشفتك ياحلوه
لينه: وشقالولك قطعة اثاث..؟
عبدالعزيز: ههههههههه..لا والله تو ماقالوا شي ما ردوا خبر
لينه: والله ماراح اجيبك اسكت اصرف لي..
عبدالعزيز: ههههههههه واصرف لي والله
خالد: مرحبا ياجماعه...شخباركم..؟
لينه: هههههههه اول واحد يجي مايقول السلام عليكم
خالد: ههههههههه ياسلام وشعمنى انا قاعده لي على الوحده..؟
ساره: والله هي ومزون اعوذ بالله مايخلون احد توقف وحده تشتغل الثانيه..
الكل: هههههههههههه
عبدالعزيز: حشى مكاين مو ناس
عبدالله:بس مزون هاديه اليوم شكلها ماخذه اجازه..
مزون ولينه وهم يساسرون:اللي يدري يدري واللي ما يدري يقول مكاين..
لينه: هههههههه
مزون: لا والله مو اجازه بس في مفاجأه قريبه
عبدالعزيز: هههههههههه وش هي..؟
مزون: خلاص قلنا مفاجأه..
عبدالله: ههههههههه...والله ماعندك ماعند جدتي..
الكل ضحك الا مزون ولينه....ومحمد..
وتموا على هالحاله ضحك وسوالف ومناقر لين وقت متأخر من الليل
وبعدها ابوعبدالله واهله راحوا بيوتهم..
في وقت متأخر من الليل
في غرفة محمد
محمد وهو يفكر ويتذكر مو قف مزون:هههههههههه...يارربي ماتوقعتها كذا حلوه صدق هي من يوم ما احنا صغار وهي حلوه بس شكلها تغير ماصارت حلوه الا قمررر ياربي
وانا كل ما اقعد بروحي اقعد افكر فيها وشذا اووف..خلني اروح لـلينه على الاقل هي حبيبة مزون..لا شكلي فيني شي هههههه

في 17-Mar-2006 الساعة : 05:59 PM

في غرفة لينه
محمد وهو يدق الباب..
لينه: مين..؟
محمد: انا الحلو حمودي..
لينه: هههههههههه ادخل ياحلو..
محمد:مرحبا
لينه: مراحب وش هالزياره الكريمه في هذا الوقت الكريم
محمد: هههههه..جاي بقعد معك انسه لينه مافيني نوم
لينه: حياك هلا والله..
محمد:هلا فيك حبيبتي بس وش هالزين..؟
لينه كانت لابسه بجامه روعه وبناتيه كان لون بنطلون البجامه أحمر وبلوزتها حمره وداخل فيها اللون البيج ورابطه شعرها زي ذيل الحصان ومنزله خصل من غرتها وطالعه جنان
لينه: تسلم والله عيونك الحلوه..
محمد: عندك شي طفشان ترى..
لينه: ههههههه كالعاده بنحط فلم ولاشي نشوفه ونقعد نسولف..
محمد: هههههه اوك حلو..يلا اشوف روحي جيبي العده
لينه: هههههههه اوك وراحت لينه جابتها
العده اللي كان يقصد خالد هي حلويات وشيبسي ومشروبات غازيه..يعني هالاشياء...ولينه ماكانت مقصره كان عندها ثلاجه صغيره في الغرفه مليانه من هالاشياء
لينه:رجعت
محمد: هلا والله بهالطله..اشتقنا لعيونك والله..
لينه: ههههه..تكفى قوم ارقص
محمد: والله مالي نفس الحين..
لينه: ههههههه..
وقعدوا لينه ومحمد لين الساعه ثمان وهم كذا

محمد: اقول مافيني نوم
لينه: هههههههه اقعد معي لين يجيك النوم
محمد: يووه..طفشان ..
لينه: ههههههه الله يسامحك
محمد: اقول وشرايك بس نروح انا وانتي وخالد ومزون ونفطر في أوتيل..
لينه: ممممم..والله فكره..بس بنلحق على البوفيه
محمد: بنلحق انشاءالله..ولو مالحقنا ناخذ اولدر..
لينه: طيب بس مزون وخالد قاعدين..؟؟
محمد: اي اكيد قاعدين ..
لينه:لو نايمين.؟؟
محمد: ياختي مو نايمين عموما بكلم الحين خالد..
لينه: وعلى مين انشاءالله العزيمه..
محمد: علي انا طبعا هههههههه
لينه: ههههههههههه
لينه: اوكي كلمهم
وكلم محمد خالد وكان صاحي هو ومزون وعزمهم واتفقوا ان الاربعه يلتقون في الاوتيل
وهم قاعدين يفطرون
خالد: ماشاءالله حمود وشذا الكرم..؟
محمد: اي شفت عاد..
خالد: اي والله بس ياريتك ماجبت هذول معنا
مزون: ليش انشاءالله مو عاجبينك..
لينه: اصلا احمدوا ربكم وش حلونا اتحدى تلاقون بنات مثلنا يرضون يقعدون معكم...انا بس خايفه لايجون الحين يطبون علينا ولا شي يقولون حريم قاعدين يفطرون مع سواويقهم..
مزون: ههههههههههههههههه حلووه وربي..
خالد: هههههههههه الحين احنا سواويق..؟
محمد: ههههههه لو احنا سواويق انتوا شغالات
خالد: اي ترى ماشافوا خير فشلونا شفت شلون أشكالهم....يوم شافوا الاكل حتى لينه جابت ثلاث صحون لكل اكله
محمد:هههههههههه لاانت ماشفت مزون...شالت القدر نفسه
محمد وخالد: هههههههههههههههااااي
مزون: هههههههههه بذمتك (وهي تكلم لينه) هذول ينطلع معهم يقول قدر ههههههههه
لينه: ههههههههههه اقولك لايطب علينا احد

كان في واحد جاي من بعيد ولمح محمد وخالد وجا سلم عليهم
فيصل:السلام عليكم
الكل: وعليكم السلام
خالد ومحمد قاموا له وسلموا عليه
محمد: هلاا والله فيصل شخبارك..وينك ياخي..؟
خالد: هلا فيصل وشذا الغيبه يبن الحلال..؟
فيصل:هلا فيكم والله شخباركم وشخبار عبدالعزيز وعبدالله والاهل..انشاءالله بخير..؟
محمد:الله يسلمك بخير والله..شخبارك انت..؟
فيصل: بخير الله يسلمكم..
خالد: وشخبار ابراهيم والاهل.؟
فيصل: والله بخير يسلمون عليكم
الاثنين :الله يسلمك ويسلمهم يارب
فيصل: طيب شباب ما اطول عليكم انا والله جاي مع اختي..
خالد: حنا جايين مع بنات صداقه
فيصل:ههههههههه خساره..معي اختي
الكل: ههههههههههههههههه
محمد: اقول ترى يكذب بس خلك منه هههههههههه جايين والله مع خواتنا..
فيصل:ههههههههههه وشدعوه يامحمد انا اكثر واحد يعرفكم واللي بينا اكبر من هالتفكير...انا عارفكم وعارف تربيتكم واحنا اساسا اكثر من خوان
محمد: تسلم والله
خالد: ماعليك زود والله
في جهه ثانيه
لينه: وين راحوا هذول..؟
مزون: خليهم يذلفون شوي ههههههه
لينه: هههههههه
مزون: ممممم لينه..؟
لينه: همممم
مزون: نبي نروح السوق اللي هنا
لينه: ترى الحين كف على وجهك..
مزون: هههههههه ليش ياختي نروح شوي نتمشى
لينه: مزون ياحبك للسوق..
مزون: لينه تكفين حبيبتي والله في الصبح غيرر شي رواق وهدوء
لينه:بنت ولي يعافيني بس قعدي ههههههههه
مزون: ههههههههه...عشاني لولو بترديني..؟
لينه: اااه ياربي عليك..طيب نروح بس تكفين مانبي نقعد..
مزون: لاوالله ماراح نتأخر بس بنتمشى
محمد: احم احم
خالد: نحن هنا
لينه: وينكم ..؟
خالد: واحد من الشباب..من زمان ماشفنا وشافنا وجا سلم
مزون: ياليته ماخذكم..
محمد: ههههههههه قاعدين على قلووووبكم حرره
خالد: ههههههههههه
مزون: اقول طيب نبي نروح السوق نتمشى والله الحين رواق
محمد:طيب نروح ماورانا شي..
خالد: شكلك مصحصح يابو الشباب...نروح بس ماراح نتأخر
مزون: لا انشاءالله
وخلصوا الفطور وراحوا السوق وتمشوا ورجعوا وبعدها كل واحد راح في نوم عميق

الكل انبسط بالطلعه ومزون حست بشعور غريب لمحمد قاعد يكبر يوم عن يوم
ومحمد بدا يحس ان مزون تعني له شي كبير...
لكن..........في واحد كان يفكر بوحده مافارقت خياله من أول يوم طاحت عينه عليها وهالشخص كان فيصل ...
بعد مرور شهرين

مزون وهي داخله الصاله
مزون: هلا يبا...ناديتني..؟
ابو عبدالعزيز: هلا فيك اي والله ناديتك..
مزون: امر..
ابو عبدالعزيز: مايامر عليك عدو...مزون حبيبتي انتي الحين كبرتي وصرتي مره ماشاءالله عليك...وانتي تعرفين ان انا ما حاب اغصبك على شي
مزون وهي عاقده حواجبها:خير وش صاير..؟
ابوعبدالعزيز: في جماعه خطبوك مني..
مزون: خطبوني..؟!
ابوعبدالله: اي وانا بعطيك وقت تفكرين وتقولين وشرايك...وترى الولد ماشاءالله عليه ماينعاب ومن عيله زينه وعارفينهم..يعني ماينرد...بس في الاول والاخير الرأي رأيك..
مزون بعد صمت لحظات: انشاءالله ...بفكر وارجع اقولك رأيي..عن أذنك
ابوعبدالله: تفضلي يابنتي..

ياترى ايش راح يصير مزون بتوافق على اللي متقدم لها ولا لا...؟؟
ايش ردة فعل محمد لما بيعرف بالخطبة...؟؟
هل را ح يعلن الحب اللي لسى ماشاف النور عن وفاته...؟؟
وهل راح ينكشف سر لينه ولا يبقى مدفون في قلبها وفي قلب مزون وفي قلب.....ولو نكشف متى هالشي راح يحصل...؟؟
الشخصيات الثانيه راح تستمر بهذا السكون والهدوء...؟؟
والسؤال المهم من هالبنت اللي مافارقت خيال فيصل...؟؟
كل هذا راح نعرفه في الاجزاء الجايه انشاءالله
تحياتي

في 17-Mar-2006 الساعة : 06:00 PM

الجـــــــــــــــــــــــــــــــــزء الثــــــالث
بعد مرور يومين
لينه وهي داخله مجلس الرجال
لينه: السلام عليكم..
محمد وهو قاعد يفطر:عليكم السلام....
لينه وهي تقعد: شوي شوي..اعوذ بالله وش ذا الوحشيه اللي تاكل فيها..؟
محمد: هههههههههههه..ااه ياطويلة اللسان..وشذا اللي معك..؟
لينه كانت توها جايه ولابسه عبايتها ومعاها شوية اكياس
لينه: جبت شوية اغراض من السوبر ماركت..
محمد وهو يطالعها: ممممممم...مالنا نصيب فيها..؟
لينه:...لك ...لاتخاف اصلا هي كلها تروح لبطنك في الاخير
محمد:ههههههه وشفيك لسانك طايل..؟
لينه: سلاامتك..
بعد هدوء لحظات
محمد: لينه.....
طالعت لينه محمد بنظره وكأنها تقوله نعم..
محمد: شخبار مزون..؟
لينه بأستغراب: بخير الحمدلله...(بأبتسامه) مابشترك انخطبت..
محمد وهو مو مستعوب:وشو..؟
لينه: وشفيك.؟ اقولك مزون بنت عمي انخطبت..
محمد بعصبيه بسيطه: شلون ومتى..؟ وعمي ليش ماقال لنا..؟
لينه:محمد شفيك هي لسى ماوافقت..بس شكله اللي خاطبها زين وبتوافق...بعدين انا ادري وامي وريم وساره وابوي..كلنا ندري..
محمد بعصبيه اكبر: يا سلام وانا ماتعملوني مخليني اخر من يعلم..؟
لينه: محمد وشفيك الله يهداك ليش هالعصبيه..
محمد وهو يقوم:انا طالع..
لينه وهي عاقده حواجبها: وين..؟
محمد وهو معصب ويصرخ: في ستين داهيه...يهمك..؟
ومشى محمد بسرعه وطلع وقامت لينه ولحقته
لينه : محمد محمــد..
زادت سرعتها لين ماوصلت عنده وكان على وشك انه يركب سيارته ويمشي
لينه بعد ما مسكت يده: محمد تكفى ارجع...وشفيك عصبت..؟..
محمد: لينه تكفين وخري عني مالي خلق احد لا اسوي شي مو زين
لينه: محمد تكفى عشاني الله يخليك خلنا نتكلم بس
محمد: وش نتكلم فيه بعد..؟
لينه: ادخل اول تبي نتكلم كذا...الناس بدت تطالعنا ادخل
دخل محمد بعد اصرار لينه وراح معها للحديقه وظلوا يمشون مع بعض
لينه: هديت..؟
محمد:......
لينه: يلا قولي وشفيك..؟
محمد:......
لينه: محمد...انا وانت اكثر من اخوان وانت عارف هالشي احنا اصدقاء قبل اي شي..دايما كنت تقولي مشاكلك ماراح تقولي يعني الحين وشفيك..؟
انا حاسه في شي مزعلك من سالفة خطبة مزون مو عشانك اخر واحد يعرف لا في شي ثاني.....(وهي تطالعه)..صح..؟
محمد اكتفى انه يبادل لينه النظر
لينه: محمد.......انت تحب مزون.
محمد:من قالك..؟..
لينه: ما احد بس انا حسيت كذا اهتمامك بمزون الفتره الاخيره مو طبيعي..
محمد:انتي تتوهمين
لينه: لا ما اتوهم (وهي تمسك ايده)..محمد احنا اصدقاء قبل مانكون اخوان قولي الصراحه انت تحبها ولا لا..؟
محمد بأستسلام:اي احبها يالينه...
لينه: كنت حاسه....طيب وهي تحبك....
محمد: ولاتدري عن هوى داري....
لينه:وليش ماقلت لها..؟
محمد: وش اقولها..؟
لينه:انك تحبها
محمد: ما اقدر صعبه ..
لينه:يعني الحين بتسكت وبتخليها تتزوج واحد ثاني بهالسهوله..؟
محمد: لينه الله يخليك لاتزيدينها علي...سكري الموضوع...انا الحين بطلع اتمشى تعبان ومضايق..
لينه: لاماراح تطلع..(بأبتسامه)...الا لو تاخذني معك
محمد بأبتسامه بارد: تفضلي
لينه: اموت في الذرابه هههههه
وطلعوا محمد ولينه وومن لحظة ماطلعوا لين ما رجعوا ولا واحد فيهم نطق بكلمه
..........................
في بيت بو عبدالعزيز
مزون وهي في غرفتها
ام عبدالعزيز وهي داخله على مزون:مزون..
مزون: هلا والله..
ام عبدالعزيز: وشفيك قاعده هنا بروحك.؟
مزون: سلامتك مافي شي
ام عبدالعزيز:مزون حبيبتي...فكرتي في الموضوع..؟
مزون:اي..
ام عبدالعزيز: وش قررتي..؟
مزون في داخلها: وش اقولك..؟؟ اقولك انا قلبي مع واحد ثاني...اقولك مو قادره افكر اني اخذ واحد غيره..؟
ام عبدالعزيز:مزون...ليش ماتردين..؟
مزون: يمه...خليني افكر ولما اقرر اقولك..
ام عبدالعزيز: يعني لين الحين ماقررتي..؟
مزون وهي مرخيه راسها: لا..
ام عبدالعزيز بأبتسامه حنان:خذي راحتك وفكري هذي حياه بتعيشنها واذا ماوافقتي بيت ابوك مو عاجز عنك..
مزون بعد ماسمعت كلام امها حست براحه وقامت وحضنت أمها
مزون: الله يخليك لي..
ام عبدالعزيز: ويخليك يابنتي..
.....................
في السياره
ساره: اقول حط لنا شي نسمعه
عبدالله: وش تبون..؟
ساره: اي شي..
ريم: لاحط لنا شي حلو فرايحي..
حط عبدالله ياعمري أنا لميامي
عبدالله: ماودكم ارقص لكم بعد..؟
الكل: ههههههههههههههه
ساره: لا غن لنا تكفى
وبدا فعلا عبدالله يغني مع الاغنيه وكان مندمج معها وكل شوي يطالع ريم اللي كانت تضحك
ساره: والله انا طالعه برى الموضوع ياليت ماقلتلك غني
الكل: ههههههههههه
رن جوال عبدالله ولما شاف الرقم ابتسم ورد وهو يغني وحطه على السبيكر
عبدالله: ياعمري أنا فديتك أنا ياريتك هنا وياي حياتي انا عذاب وهنا وقربك منى دنياي
عبدالله وعبدالعزيز هو ماقصر:تدلل حبيبي وتامر امر اعيش الصحاري واروح القمر رضاك انت غالي رضا الناس تالي شريت انا بالكون
الكل: هههههههههههههههه
عبدالعزيز: وشفيك انت الحين يا الخبل..؟
عبدالله: انا بروحي خبل..؟ مروق ياخي
عبدالعزيز: وينك الحين..؟
عبدالله: عشقتك هوى في روحي دوا ماهمني زماني اذا احنا سوا
عبدالعزيز: وينك يا الخبل..؟
عبدالله: هههههههههه في السياره...رايح السوق مع ريم وساره
عبدالعزيز: اها...اجل مشغول..؟
عبدالله: اقول عزوز تعال معنا يلا..
عبدالعزيز: اوكي..وين بتروحون..؟
وبعدها اتفقوا يلتقون في السوق وفعلا التقوا هنا وبدوا يمشون مع بعض
ودخلوا محل لملابس الاطفال عشان ريم
وابتعدت ساره وعبدالعزيز عن ريم وعبدالله
ساره وهي تشوف الملابس: الله حلووووه ذي مره
عبدالعزيز بأبتسامه كلها حب: عقبال ما تجيبين لعيالك..
ساره بحيا: انشاءالله
عبدالعزيز: ياليت الحين كنا نختار لولدنا مو ولد عبدالله
ساره: عبدالعزيز ترى والله احرجتني
عبدالعزيز: لا والله..انتي حبيبتي وزوجتي ..ليشت تنحرجين..؟..
ساره بحيا: خلاص عبدالعزيز...الناس تطالعنا
عبدالعزيز:هههههههه هين اوريك
ساره: اهون عليك يعني..؟
عبدالعزيز: هذي المشكله هههههههههه
ساره: الله يخليك لي
عبدالعزيز: ويخليك يابعد قلبي..
وكملوا لفلفه لحد ماخذوا اللي يبونه ورجعوا
........................
كان يتمشى وهو يحاول يفكر وش يسوي بعد اللي صار
محمد في داخله:معقوله اخسرها بهذي السهوله..؟..والله حرام يوم ماحبيتها تضيع مني
وقف سيارته ونزل السوبر ماركت وشرى له علبة زقاير ورجع لنفس اللي كان فيه
محمد: ماينفع اسكت لازم اشوف حل لو في احد بياخذ مزون مافي غيري انا
........................
عبدالعزيز: السلام عليكم
الكل: عليكم السلام
خالد: وينك فيه..؟
عبدالعزيز: كنت طالع مع عبدالله وريم وساره..
خالد: شوف شلون قالها ساااره ساااره ..يغني بأسمها سااره هههههههه
عبدالعزيز: اقول انطم ولي يعافيني لا اقوم اسطرك
ام عبدالعزيز: لا اله الا الله
عبدالعزيز: خلصنا من مزون طلع لنا ذا..
ابو عبدالعزيز:على طاري مزون وش صار..؟ وافقت ولا تو..؟
ام عبدالعزيز: انا اقول خلها تفكر براحتها مانبي نضغط عليها...والله يكتب اللي فيه الخير
الكل: امين
.........................
لينه: والله انك ماتستحين كم يوم ماكلمتيني..؟
مزون: اسم الله علي وشفي انتي..؟
لينه: وينك هالايام..؟
مزون بتنهيده: هنا والله..
لينه: مزون....
مزون:هممم
لينه: وافقتي..؟
مزون: والله يالينه توني محتااره
لينه: ليش وش اللي مو عاجبك فيه..؟
مزون: مو مسألة مو عاجبني بس بصراحه ما ادري وش اقولك...حاسه اني مو متقبله الفكره كلها..
لينه: مزون...انتي...تحبين..؟
مزون: ها...احب..؟
لينه: اي..
بعد صمت لحظاات
مزون: والله ما ادري يالينه...
لينه: شلون ماتدرين..؟؟ مزون انتي خايفه تعترفين بشي في قلبك ..؟
مزون :يمكن..
لينه: ولا حتى لي..؟
مزون:.......
لينه: مزوون...انا لينه..
مزون بتردد: لينه....انا احب..
لينه بتفكير:مين..؟
مزون بأحراج:محمد اخوك..
لينه بفرح: من متى وليش ماقلتي لي يا الخاينه..؟
مزون: من فتره وانا احس انه شخص غير بالنسبه لي...اول شي كنت اقول ان شعور عادي مو حب بس هالفتره الاخير وخصوصا لما عرفت اني ممكن اكون لواحد غير محمد
حسيت اني فعلا احبه..
لينه بأبتسامه: طيب...وهو يدري..؟
مزون: لاطبعا انتي وش تقولين..؟
لينه: اجل وش بتسوين..؟
مزون بنتهيده: والله ما ادري شكلي يالينه بتناسى محمد واوافق على اللي متقدم لي...
لينه: مزون طيب قولي لمحمد علميه انك تحبينه..
مزون: لينه انت وش تقولين..؟ مستحيل ما اقدر..وبعدين ما اضن انه يحبني اروح افضح نفسي...
لينه: مزون فكري تكفين..
مزون: لينه خلاص ماينفع انا الحين قاعده اقنع نفسي في اللي متقدم لي..
لينه بأحباط: يعني مافي أمل..
مزون: لينه خلاص قفلي على الموضوع....يلا حبيبتي عن أذنك بكره وراي دوام
لينه: ومتى بتعلنين موافقتك..
مزون: بكره انشاءالله
لينه: حرام عليك يامزون..
مزون وهي حابسه دموعها: لينه الله يخليك لاتزودينها علي..تصبحين على خير..
لينه: وانتي من اهله..مع السلامه

في 17-Mar-2006 الساعة : 06:02 PM

بعد هالمكالمه لينه صعبت عليها حالة مزون ومحمد كل واحد يحب الثاني ومو عارفين...تمنت لو انها تقول لمزون او محمد لكن للاسف ماكان عندها الجرأه الكافيه...وحست ان في شي مانعها
ماكنت تعرف وش هو...اما مزون كانت عايشه في عذاب بتوافق على شخص ما تحس بأي شعور اتجاهه وبتتنازل عن محمد اول حب لها والواضح انه بيكون اخر حب..
كان في شخص سعيد جدا من هالمكالمه.....محمد...محمد سمع كل الكلام اللي دار بين مزون ولينه...وعرف ان مزون تحبه بس ماعرف انها بكره بتعلن موافقتها
على المتقدم لها...لكن توقع انها راح تكون في وقت قريب
...........................
كانت قاعده تشوف الاغراض اللي جابتها وتتخيل شلون بيكون شكل ولدها وشلون بتهتم فيه...كانت مبسوطه خصوصا انه اول ولد لها
عبدالله بصوت هادي من وراها: ريومه.....عجبتك الاغراض حبيبتي..؟
ريم وهي تلف له بأبتسامه: اي مره..
عبدالله وهو يمسك يدها: يارب يقومك بالسلامه ويهون عليك...
ريم: امين

في هالوقت دق الباب
عبدالله: مين.؟
ساره: انااااا...
عبدالله: وفرحاانه بعد تعالي..
ساره وهي تدخل : السلام عليكم..
ريم وعبدالله: عليكم السلام
ساره وهي تقعد: وين الثنائي المرح...؟
ريم:...قصدك محمد ولينه.؟
ساره: في غيرهم يا بنت الحلال..؟
عبدالله: اي صح ترى بعد شوي بتجي خالتي وعيالها
ساره: خالتي..؟..خالتي منيره..؟
عبدالله: اي..
ريم: متى..؟
ساره: وش عرفك..؟
عبدالله: وشفيكم.؟...كلموني الله يهداكم وقالوا بيجون..
ساره: يوووووه عبدالله ليش ماقلت من أول..؟
عبدالله: وشفيها.؟؟ هذاني قلت لكم الحين..وترى بيجون بعد ناس..
ريم: ماجهزنا شي ماسوينا عشا مارتبنا لهم مكان..
عبدالله وهو يقوم بيطلع: يمديكم لاتخافون الدنيا مو طايره..
ساره: مدامها مو طايره يلا ورنا شطارتك وروح جب اغراض
عبدالله وهو يبتسم ابتسامه عريضه:عندكم السواق
مشى عبدالله وخلى ساره وريم وهم يفكرون في اللي بيسوونه ومقهورين من تصرفه

منيره..خالة عبدالله وساره ومحمد ولينه...كانت عايشه في مدينه ثانيه وتجيهم من فتره لفتره

بغت لينه تدخل على ساره وريم...فتحت الباب عشان تدخل
لينه وهي مدخله راسها بس: هااااااااي
ساره: وعليكم الهاي ياهلاااااااااااااااا
ريم: جيتي والله جابك..
لينه: هااااااااااااه..؟ يعني في شي تبونه يلا انا توكل على الله بااااي
وصارت لينه تبي تسرع عشان ما يمسكونها

ليه هاللحظة تجيني؟؟؟؟(قصة ررروعة ياليت تتفضلون وتقروها)

•°•¤ في جعبتي حكاية ¤•°•