يالله انا طالبك مع كل طلاب = تبري مواجع طعنتي من رسنـــها
وتخفف الهم المقدر ليا غاب = من هو شغل بالي وروحي سكنها
كم ليلة جفني من النوم ماطاب = من يوم جفني لاح زاهــي وجنهـا
الصدفه الي سببة كل الاسباب = تسببت بين الحنـايــا حزنــهـــــــا
ياليتني ماشفت انا ذيك الاهداب = وياليت ربي كفني الشرمنهــــــــا
جيت اتوقى واختبي واقفل الباب = لاكن سهوم العين صابة هدفهـــا
من صوبتني لويمكم منه منصاب =ما كني الا ربطـة في متنهـــــــا
جاني وخذاني ثم خلاني و تـــاب = وش ذنب روحي بتوبة ماوزنها
جاني ونهبني يوم جيته علي عاب = يعيب يوم به حياتي قرنهــــــا
والضن دايم احسنه فيه لا خاب =احسنه لحضة ماتذكــر حسنهــا
وشو سبب ياناس تعذيب الاحباب =وياكيف اصبر في تلقي طعنها
علامها تفرح اذا الجرح معطاب =وعلامي ماترك الرجا من لدنها
قالولي من لهم انا انوح وارتــاب = انسى وادم جنته ماضمنها
الناس واجد والمحبين اربـــاب = ويعوضك الي بالحلا قد وهبها
واقول انا لناس وش جاب الجاب = واجد ولكن وين بلقى وزنهــا
مثل الثريا في السماء ياولي الالباب = كثر الكواكب ماغنى شي عنها
مالوم محسن في هيا يومه ارتاب = ومالوم قيس يوم ليلى رهنها
وتكفون لاحد يلومني بعشق نهاب =الي نهبني وسرقته لي علنها
حبي لها تحنان واشواق واعجاب = و شوقي لها زاده هبايب وطنها
لين الشمالي هب زفيت ترحاب = واقول هذي من نسايم مدنها
ويعود لي همي وانوح طلاب = نفسي ياربي مايطول غبنها
يامن تفك من المراهيف الارقاب = تبري مواجع طعنتي من رسنها