][ الـــــطـــــريــــق الــــــعـــــذب ][

سقت القوافي سوقة اللي ما اهتنى نومه ........... يقطع مسافات الخطى وللمشي ما يداري



جيتك ابشكي لك بلاوي القلب وسمومه ........... كم سقت انا رجلي ظلام اللي به ساري



كم طحت ببحور الهوى وعجزت انا العومه ........... واموت واغرق وانتهى ما بحت باسراري



ودايك يزاورني ظلام الليل وهمومه ........... وياخذني بهموم الزمن ويضيع افكاري



ولا بان في عيني حزن او نظرة مشئومة ........... وادفن همومي بالصخر وما همني زاري




واليا ذكرتك لحظه تاخذني ديمومه ........... تغرق به الدنيا ويجدد صافي انهاري




صرتي على دروب الهوى يا بنت ملهومه ........... متفلسفه متفهمة وتدرين باخباري




وانتي على ذاك الطريق العذب وحلومه ........... حلم كبير ابرسمه وانتثرت احباري




حلم سكن جوفي وثبت بالحشى سهومه ........... والد وجهي له وادخلي الليل سهاري




خليني في سماء عشقك بعيش فغيومه ........... وقولي لهم مهند سماي وكل امطاري




للعاذلين اهل الحكي والردى واللومه ........... اللي يسوقون الردى لا حل بك طاري




وانا الحبيب اللي بشوفك ضيع علومه ........... واشب لك كل الغلا وانثر لك اشعاري




وانا لك الفزعه سوات مشقق هدومه ........... تحسب لي الناس حسبه وبالقشر ضاري




وانا لك المتعنصر اللي حافظ سلومه ........... وانا لربعي يا بنيه من الهوى ذاري





وانا صغير ذاق المر الوقت مقسومه ........... حتى عرفت العلم وشبيت به ناري





وانتي لي بحور الهوى وسنينه ويومه ........... ولو بالغلا بوصفك مقدر وانا داري






عهد على ما ارضى لك اليوم انا سومه ........... ولو هو ردي الحظ باعك صرت انا الشاري





يا ام العيون اللي هدبها سود مرسومه ........... اصبح غرامك في عروقي كالنهر جااااااري



وسلامتكم



اخوكم