" ( ويجي راسي على ذراعك ) " حضور أول

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابسرق وقتي لعينك مدامـك ساكنـه باحشاي=
وابرمي كل هالدنيا ورى ظهري واخليها
*****
وابقبـل يمـة عيونك وشوفك غايتي ومـناي=
لان عيوني العطشا عيونك بس ترويها
*****
تعالي صافحي كفي وحطي في يدك يمناي=
وهدّي رعشة كفــوفٍ ملامس يدك يدفـيها
*****
تعبت أضمك بعيني وخايف يعرفون اعداي=
واقول الله يصبرني علـى الغـربه وينهيها
*****
تزورين اجمل احلامي يابخت الحلم طيفك جاي=
واسولف لو انـا نـايم واقـول يديـك هـاتيها
*****
ونركض كننا اطفال واهدي ركضتي وخطاي=
عشان اشوف خطواتك ونفسي فيك اهنيها
*****
ومن بعد التعب نجلس وتقولين الصدر مركاي=
واقول الصدر لك مسكن وروحك علّـي افديها
*****
واسولف لك عن اشواقي واقول البعد هو بلواي=
وقـربك راحـه لنفسـي ودموعـي عنّــك اخفيها
*****
واداعب شعرك بيدي وتهمس شفتك لشفاي=
واحس بلهفة العاشق على روحٍ معنيها
*****
ويجي راسي على ذراعك وحضنك داخله مثواي=
واقول انتي وطن روحي وروحي منك وفيها
*****
وتقولين انت لك قلبي ولك عمري ولك دنياي=
أبيع الناس والعالم وبسمة عمرك اشريها
*****
واتوه بعالمك حتى يضيع اقصاي قبل ادناي=
واسامر نور وجناتك وليالي حزني اطويها
*****
ابطويها لان انتي اذا جاني حزن مشكاي=
وابتعود اذا باحزن همومي يمك ارميها
*****
واذا بافرح لك افراحي وهذا دائما مبداي=
ونفسٍ تعرف عيونك حشا تترك مباديها
*****
وتكونين انتي اشعاري ولك قافي ولك معناي=
وتحيا القافيه لاجلك وعلى اسمك اسميها
*****
واصير بغيبتك ورده نسى يروي لها السقاي=
ثلاث ايام عطشانة وذبلانه تواليها
*****
واذا جيتي كما ورده روت بعد العطش بالماي=
واعيش بقربك ايامي وتحلى لي ثوانيها
*****
واحسك ساكنه روحي وسرقتي داخلي واحشاي=
واجيلك تارك الدنيا ورى ظهري مخليها