ماني براضي بغيرك لاحشى لله

ياصاحبي ناظر المجروح وافطنله = وارفق بقلب عليك اتزايد اجراحه
غلاك عندي غلا محد بياصله = غلاك وسط الحشا صعب تنزاحه
وان كان قلبك تجاهل هالغلا قله = صاحبك نفسه بهالاشواق مجتاحه
يابو عيون هدبها سود ومظله = قلبي قفلته معاك اخذت مفتاحه
ماني براضي بغيرك لاحشى لله = نفسي الغيرك ترى ماهيب مرتاحه
يفوح قلبي عليكم فوحة الدله = دلة غشيم في جال النار فواحه
الدمع عيني ترى تزعجه وتهله = اليا ذكرتك وكل مهتني امراحه
شف حالتي من سببكم زادت العله = واليا ضوى الليل قلبي زاد بنياحه
ارفق بقلبي طلبتك والجفا خله = قلبي بحبك ترى مضمونه ارباحه
لاتحسبنك مثل هالناس لابالله = انته بكفه وباقي الناس منزاحه
والمعذره على قصر القصيده لكن حبيت اشارككم ولو حتى ببيت واحد حتى اتمكن من التواصل معكم ودمتم على الف خير


م ن ق و ل

جنرال المحبة