من ابيات الشعر الخالده

في 09-Jul-2005 الساعة : 09:21 PM

تركي بن حميد

من ياخـذ الدنيـا برايـه بلا قيـس

مثل الذي في جـوف بحـر يعومـي

ما ينبنـي بنيـان من غيـر تاسيـس

ومـن لا تعلـم مـا تفيـد العلومـي

* - * - * - *
بداح العنجري

ياغصن موزٍ ميلـه نسمـة الريـح

يا أبـو نهيـدٍ تقـل فنجـال صينـا

بديوي الوقداني

قـومٍ إلى جيتـهم رفـت شواربـها

بالضحك واقلوبها فيها الردى كالـي

وقومٍ إلى جيتـهم صكـت حواجبـها

وأبدت لي البغض في مقفاي واقبالـي

بركات الشريف

أدّب ولـدك إن كان تبغيـه يشفيـك

واستسعفـه من بعـد مربـاه بـالآك

* - * - * - *

يا ذيب وان جتك الغنـم في مفاليـك

فاكمن إلى حيـث الرعايـا اتّعـداك

مـن أولٍ يا ذيـب تفـرس بياديـك

واليوم جا ذيبٍ عن الفـرس عـداك

محمد السديري

يابجـاد شـب النـار وادن الدلالـي

واحمس لنا يابجاد ما يقعـد الـراس

ودقـه بنجـرٍ يـاظريـف العيالـي

يجذب لنا ربعٍ على اكـوار جـلاس

* - * - * - *

لاخـاب ظنـي بالرفيـق الموالـي

مالي مشاريـهٍ علـى نايـد النـاس

لعـل قصـر مـا يجيلـه ظـلالـي

ينـهد مـن عـال مبانيـه للسـاس

لاصـار ما هـو مدهـل للرجالـي

وملجا لمن هو يشكي الضيم والبـاس

أبو دباس

يا الله يا اللي رد من عقـب مايـاس

يوسف على يعقوب وابصـر نظيـره

ترد علي دبـاس يا محصـي النـاس

يـا عالـم مـا بالخفـا والسـريـره

شليويح العطاوي

يـا ناشـدٍ عنـي ترانـي شليويـح

نفسي على قطع الخرايـم عزومـي

لا قلّـت الوزنـة وربعـي مشافيـح

أخلّـي الوزنـة لربعـي وأشومـي

نوره الهوشان

اللي يبينــا عيّـت النفــس تبغيـه

واللي نبـي عيّـا البخـت لا يجيبـه

نمر بن عدوان

البـارحـة يـوم الخـلايـق نيـاما

بيّحـت من كثر البكـا كل مكنـون

لـي ونّـهٍ مـن سمعـها ما ينـاما

ونّة صويبٍ بين الأطـلاع مطعـون

محسن الهزاني

من ناظري دمعي على الخد مسكـوب

ومن الحوادث شاب راسي وأنا شـاب

لا لـذ لـي زادٍ ولا حلـو مشـروب

ولا لموق العين طيـب الكرى طـاب

* - * - * - *

غنا النفس معروف بتـرك المطامـع

وليـس لمـن لا يجمـع الله جـامـع

ولا مانـع لمـا يعطـي الله حـاسـد

ولا صـاحـبٍ يعطيـك والله مانـع

فهد بورسلي

حل الفـراق وخافـي السـد باحـي

حاولت أصبر والصبر عـذّب الـروح

حالـي تـردى ومتكسـر جنـاحـي

حزين من كثـر الهواجيـس والنـوح

* - * - * - *

ألا يا عضيدي وين راحوا هل الثنـا

بنشدك حيثك باخـصٍ في أمورهـا

تراني بجي للموت تسلـوم شرعـي

إن قلت لي قضت وفاتت عصورهـا

عبدالله بن سبيل

وسـدك فلا تعطيـه عـمٍ ولا خـال

كـم واحـدٍ بالهـرج يبحـث كنينـه

* - * - * - *

قالوا نـدور لك من البيـض حليـاه

قلـت آه لـو غيـره بكفـي رميتـه

قالـوا تـزوج كـود تدلـه وتنسـاه

قلت آه لـو خـذت أربـعٍ ما نسيتـه

قالوا من أقصى الناس وين أنت ويـاه

قلت آه ما أنسا يـوم جانـي وجيتـه

صقر النصافي

ماني بمن يطـرد سـرابٍ بمضمـاه

شاف السراب ويحسـب أنه غديـري

* - * - * - *

لواهنـي اللـي ليـا ضـاق له يـوم

اليـوم الآخـر خاطـره ما يضيقـي

ما هو بمثلـي ضيقتـه دايـم الـدوم

أبي المليق شـوي وأزريـت اليقـي

شالح بن هدلان

ما ذكـر به حيٍ بكـى حي يا ذيـب

واليـوم أنـا ببكيـك لو كنـت حيـا

* - * - * - *

ياذيب انا بوصيـك لا تأكـل الذيـب

كم ليلـةٍ عشّـاك عقـب المجاعـة

كم ليلة عشـاك حـرش العراقيـب

وكم شيـخ قـوم كزته لك ذراعـه

سليمان بن شريم

هبـي بريحـه يا هبـوب الشمالـي

كود الجنوب ومطلع الشمس ينصـاه

يـامـا ويـامـا فرقتنـا الليـالـي

وعزي لمن يصفـق شمالـه بيمنـاه

زيد الحرب

ما تنفع الدنيـا بلا شـوف الأعيـان

وعـزي لمن مثلي عيـونه عصاتـه

راشد الخلاوي

نعـد الليـالـي والليـالـي تعدنـا

العمـر يفنـا والليـالـي بـزايـد

قولـوا لبيت الفقـر لا يامـن الغنـا

وبيت الغنـا لا يامـن الفقـر عايـد

الدقيس

من لا يستشيـرك لا تباديـه بالشـور

ومن لا يـودك سعـد عينـك فراقـه

سعود بن بندر

منـهو حبيبـك غايتـي بس أهنيـه

على حسـن حظـه عشانـك حبيبـه

أنـا أشهـد إن الله يحبـه ومعطيـه

اللي هـداك الـرب تصبـح نصيبـه

* - * - * - *

كرهني بنفسـك ولو بذنـب صغيـر

القى به اعـذاري واعـود لزمانـي

المشكل انه ما بـدى منـك تقصيـر

وهـذا يـزود واقعـك فـي كيانـي

محمد بن لعبون

عـلامـه مـا ينابينـي عـلامـه

ويخفـي مـا بقلبـه من غرامـه

ويخلـف سنـة العشــاق فيـها

ومثلـه مـا يغابـي فـي كلامـه

في 09-Jul-2005 الساعة : 10:03 PM

فعلا ابيات حفرت في الذاكرة
لاعدمناك عزيزي
دمت سعيدا

في 09-Jul-2005 الساعة : 11:04 PM

يــعــطــيــك الــعــافـيــه أخــوووي

مــشــكــوور يـالـغـالـي عـلـى الـنـقـلـه الــرائــعــه لكـلـمـات رائـعـه

الـلــه يــديــمــك لـلـمــيــاســه ولأحــبــابــك

ولا تــحــرمتـنــا جــديــدك

في 13-Jul-2005 الساعة : 04:37 PM

مشكورين على مروركم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لايفوتكم مضموووووووووووون لازالة الشعر	عاشقة المياسة	•°•¤ قلادة انثى¤•°•	8	15-Jun-2006 04:23 AM
بالموز .. خلطه خطيره لتنعيم الشعر!!	brave Man	•°•¤ قلادة انثى¤•°•	7	15-Oct-2005 02:04 PM
تساقط الشعر..............	مضيعه جوتيها	•°•¤ حقيبة المسعف¤•°•	6	06-Oct-2005 01:13 PM
تعرف على شخصيتك من لونه وطوله ونوعه	الاانتي	•°•¤ قلادة انثى¤•°•	6	22-Jul-2005 04:20 PM
```شامبوهات الطبيعية```	عصير همبرجر	•°•¤ قلادة انثى¤•°•	10	12-Jul-2005 01:39 PM

الذين يشاهدون محتوى الموضوع الآن : 1 ( الأعضاء 0 والزوار 1)

من ابيات الشعر الخالده

•°•¤ محبرة شاعر¤•°•