قصائد تستحق القرائه - الصفحة 5

عبدالمحسن العصيمي · 11:12 AM

النوايا الحايره

الصبر خنجر ، بظهر الشوق ، والحيـره ليالـي=والجروح البيد ، وأنا .. ضامي ٍ فيها وتايـه ..
والنوايا حايره بصدور خلق الله ثقالي=والدروب اللي توّدي سافرت من غير غايه
كلمة غصت بحلقي ِ واجرحت أول وتالـي=والنهايه.. في رقبتها دين .. من دم .. البدايه
آه يا قلب ٍ ضناك الحب ّ ما طقت احتمالي=وآه ياليل ٍ سهرته في عيون الشوق .. آيه
ليتني ما عشتها كذبه ولا ضمت ّ خيالي=وليتني ماذقت مرّ الحب بحياض الوشايه
الحزن بحر ٍ بصدري تلطم امواجه بجالي=وعين للذكرى تفيض الدمع وزادت بي عنايه
القصيد اللي رسمني في تباريح الرمالي=ماغرقني من غيوم الوصل بكفوف السقايه
والعمر في جرّهدي الوقت يركض بي وجالي=كن ّ مالي فوق بيد الارض جرّه من خطايه
ماجمعني قرب غالي .. لا نثرني بعد غالي=والسيوف اللي بصدري شلتهن وابقيت رايه
دام حملي من حلالي شلت حملي من حلالي=ايه يا راسي شفاك الله من وقت الوزايه
دوم عايش في عيون الناس وعقول ٍ خوالي=ما نكسر ظلعي ولا غير ّ بدوري فالروايه
والله ان الشعر حبله عاقده بأغلظ حبالي=مالتفت باللي يزمر ّ لو زعجني صوت نايه

نزف الشاعر

مساعد البيان

عبدالمحسن العصيمي · 11:13 AM

قمة الإحساس

تغار من غيـرك علـي غيـرة جنـون=ودك جمـيـع الـنـاس مايشاهـدونـي
لاصرت شوفـي بيـن أهـداب وعيـون=وشلون أشوف النـاس وأنتـي عيونـي
وشلون وأنتي السمع والنطـق والنـون=كـل المشـاعـر فـيـك مايعـذرونـي
مـن قمـة ألاحسـاس لاغبـة شجـون=تـروح باحساسـي وتجيبـك شجونـي
أنبض غلا أنـزف هـوى فجـر الكـون=لامانتظـرت الا أنـت لـو يحتـرونـي
ياماحـلا الغيـره مـن أللـي يحـبـون=يازينهـا مـن قلـب صـادق حنـونـي
بعض الغلا مستوقـد أحسـاس مجنـون=يـهـز روحــك أنفـعـال وفنـونـي
وفيه قلب خافت حس.. وفيه قلب من دون=وفيـه قلـب يشعلهـا وتمطـر مزونـي
لاتجرح أحساسـي وتدمـي بـي طعـون=مايكفـي أنـك صـرت بالكـون كونـي
تمـون فـوق الروح..وليـه ماتـمـون=علـي بجسـم وروح أنـتـي تمـونـي
كيف أبتدي ووصـف محبتـك وشلـون=صعب(ن) علي أوصف لك أللي بظنونـي
كأنـه هـواك جنـون يازينـه جـنـون=أنتـي وأنـا نصبـح جنـون بجنونـي
ولاصرت شوفي وشوف منهم يشوفـون=وشلون أشـوف النـاس ويشاهدونـي؟؟

نزف الشاعر

مفلح مطلق

عبدالمحسن العصيمي · 11:14 AM

إنتفاضه

رُب موعد مايجيب الحب لو طـال السهـر=ورُب صدفة تشتريها بألف موعـد مايفيـد
صدفتي بعد الغـروب بليـلٍ يعـادل شهـر=من ليالي ألف ليلة وعنترة وابـن الرشيـد
ألتقيت الحب فيها وعفت انـا ايـام القهـر=واعترفت بحبهـا للـورد والجـرد البعيـد
وقمت انادي باسمها بالسر وبصـوتٍ جهـر=بالحدايق والشوارع حتى بـدروس النشيـد
واستوى عندي غدير الحب مع طبع النهـر=كل ماطـاف الغديـر يزيدهـا حـبٍ جديـد
ياه كم عشت السعادة قربهـا اليـوم بدهـر=إنتفاضة للفكـر والقلـب والطبـع العنيـد
من بعد ماكنت ادور نسمة من بـذرة زهـر=صرت مالك للزهر واسقيه من مجرى الوريد
اطلبتني قلب صادق عاشق يكـون المهـر=قلت قلبي والعيون وروحـي وكـل القصيـد
أشتريت بصدفتي هالحـب وطـوال السهـر=والتقيـت احـلام دارت دورةً لابعـد بعيـد

نزف الشاعر

سعود إبراهيم

عبدالمحسن العصيمي · 11:16 AM

أمي شموخ الحب

أمي : وتـخـضـر لي ذكـرت أسمهـا البـيـد=أٌمـي مـطــر يـهــمــي عـلـي عــطـف وُوداد
أٌ مُي شــمـوع الـحُب في لـيـلي تْـقـيـد=اللّه , يـاطـــيــــبــه وكــــُبــره منْ فْـــؤاد
حنـانـهـا يـكـفي هـــل الأرض ويـــزيـد=كالـبـحـــر يـغـمـــرنـي عـطـاهـــا ويــزداد
في كل يـــوم مْن الـســنـه دون تـحـديـد=أنــا لـي مـعــاهــا والـفــرح ألـف مــيـعاد
لْـصـوتـها في مـسمـعـي عـزف أناشـيـد=أســافـــر وارحـــل بـــه مـنْ بـــــْلاد لـبـلاد
تـشـقى لأجل آعـيـش في عـمري سْـعيـد=تـتـعـب لأجـلي تـقـضـي اللـيـل فــ سهاد
تـرضى وتكمـل لي جـمـيـع المـقـاصــيـد=حـــيــث إنْ دعــوتــهــا أبـــدْ مـالـها راد
أحـنــي لـهـا رأسي واقــــبـّل لـهـا الإيـد=مـثـل الـطــفل لامـــي أنــا دايــــم أنـقاد
مـهـمـا عـــلا شــأني وروّحـت لـبـْعــيـد=أمــــي لــهــا قـــــدرٍ كـــبــيـرٍ وأبـعـاد
أخـضـع لها أكـثـر من العـبـد للـسـيـد=أبــوي وامــي غــيـرهــم مـن لي أســـيـاد
مـقـــدر أجــازيـها ولاادري وش إتــريـد=ودي أراهــــا دوم فــي خـــــــيـر وســعـاد
الله يـحـفـظـهـا لـي إسـنـــيـن ويـعـيـد=الـعــــيــد كل عـــامٍ عــلـيــهـا ويـنـعاد
وارجـع واقـول إنْ شـوفت أمي هي الـعـيـد=لي فـِبــ ـتــسـامــتـها مــسـرات واعــيـاد

نزف الشاعر

مبروك بن ماضي

عبدالمحسن العصيمي · 11:17 AM

قلت أحبك

واعذابي منك يامصدر عذابي=قلت احبك مير ما في الحب راحه
كل ليله والهموم تدق بابي=ما اتهني في مساه وفي صباحه
اكتسيت الحزن والحزن اكتسابي=والمصيبه هد قلبي واستباحه
والسهر وثق حزامه والتوي بي=في جفون العين مزعجني صياحه
ما بقي غير اتبرى من ثيابي=والجروح اعلن بها في كل ساحه
الوله والبعد مفقدني صوابي=والزمان الشين تلعبي رياحه
كل ماتطري علي اعض نابي=فوق اباهيمي واقضيها مناحه
انتي اول من ذكرني في غيابي=وردتينك عطرها في كل واحه
وانتي اول حرف في صفحة كتابي=وانتي اخر حرف يكتب وبصراحه

نزف الشاعر

محمد الوبيري

عبدالمحسن العصيمي · 11:19 AM

الناس أجناس

بـديـت بـســـم الله قـبــل بدعــة الـقـاف=قــافٍ تجاوز في مداه ألغيومي
يقــول مـن عـــدا على رأس مـشـراف=وعدا الجبال العالية والرجـومي
ولـه مـع أهـل الطيب جلـسه ومـيقـاف=أهل النقا وأهل الصفا والعزومي
وقلبه على أهل المجد والجـود ميلاف=وعينه تناظـر عاليات ألنجــومي
الناس أكيد أجناس تعرف بالأوصاف=والســاتـر الله بالنعــم والهـدومي
هــرج المهـأيـط والمشـاريه ينعـاف=والصقر عن بعض المواقع يشومي
ومـن الـتهــور والمطـافـيـق ينخــاف=وفـقـر العقول اكبر خطر للعمـومي
كثر التنافس في المكاسب والأضعاف=وبعض الطمع جاب النكد والهمومي
لاشـك كـلـن لــه طموحـات وأهـداف=احـــد ٍ يطيح الحــظ واحــدٍ يقـومي
وفعـل النشـاما في المـواقيف ينشـاف=جـزعه وفـزعه عند وقـت أللزومي
على السـجية صدق وقلـوبٍ انـظـاف=على عـادات أجـدادهـم والسـلـومي
الهـرج لـه حكمـه وللعـرف عــراف=وأهـل العقـول يمـيـزون ألعــلـومي
ما نلـحـق الدنيا ضـنـون وتحـســاف=واكبر فخر عرف الرجال القرومي

نزف الشاعر

فالح الحارثي

عبدالمحسن العصيمي · 11:22 AM

لعنة التفاح

وش تسـأل / البـارات / فـي دمـع الايـتـام=والا الحرير / اش يطلب / فْـ ملمـس الصـوف
رعشة..شفـاهـك / إيقظت..فيـنـي اقـــوام=لبّـت لـك / افرادا..وسـارت لـك / صْفـوف
لا تستحـي / قـل مـا تبـي / لـو فَـ الاحـلام=وابشر..بمـطـلـوبـك..ولـو..دونـه..سْـيـوف
شـاور / برمـش العين..واقـضـب / بالابـهـام=ويْجيـك / ماتبغـى / غصب..مو بَـ/ مـعـروف
هي بس..قصيـدة / سهّرت..عينـك / ايـاام..!!=كـل القصايـد / كلـهـااا / اقبالـك..وْقـوف
فكّر..بشـي / اكبر..مـن حْــدود / مـرسـام=شــي ٍ / يليق..بْمـركـزك / داخل..الـجـوف
فـكّـر / بَنيل..الشـمـس / تحطـيـم..الاهـرام=والا القصايـد؟ / خلـهـاا / فوق..الـ"رْفـوف"
لـك الله..اللـي / فـي يـدَي / ماهـي / اقـلام="ميلاااان"..ونجومـه / معي..جاتـك / حْــروف
كافو..ومالْدينـي..وَنـسْـتـا..وْيـابَ سْــتـــام=وافْيَيْري..وْشيـفـااا..وَكـاكـا..وسـدروووف
الشـعـر / بيـتـك..وانـت / مفتـاح..الالـهـام=وانا..وحرفي..والفـضـا / عـنـدك / ضْـيـوف
لـ اصنع..عليك / كْويت..وآآآصـيـر / صــدّام=واجـيـك..غـازي / فازع..مْـألّـف..ألـوووف
ماهيـب / فزعـات العـرب / كذب..واوهـاام=فـزعـة / غشـيـم ٍ..قــرم / ماناشهـا..خـوف
لو..مـا نـزع / سبع..الجـهـل / طهْـر..الاسـلام=لتْـكـون / ثامنها..وحولـيـنـك / نْـطــووف
والله..لـ اسـوق / الـحـرف..قـدام / قـــدام=لينه / يغنّي..للسمـاا / باسمـك..اووف / اوووف
(....) / اسمـك / إلغى..بعـده / آلاف..الاعــلام=وش هند / وش غاده / وش احلام / وش نوف..!!
غيرك..يمـر ّ / القلب..والقـلـب / مــا قــام=وانته..على / ذكر اسمك..يْقـوم / ملهـوف..!!
أبك انت / منت أي شخص / أبك انت / ضرغام=ملـك / علـى / مـن لا يشووف..وْمن..يْشـووف
في يدْك / تزرعني / علـى حْـدودك / إلغـام=وبْيـدْك / تلبسنـي / عن..الـبـرد / نفـنـوف
وبْيـدْك / تاخذنـي / على..صـدرك / وْســام=وان طحت / في..ملقوف / بيديـك / ملقـووف
يــا / لـعـنـة الـتـفّـاح / مرحـى..بـالآثـام=من نار / إلى نار..وْمن شْفـاه / الـى كْفـوف
كلـك / جمر..مـن راسـك / لْماطى..الاقـدام=مدري / شـ وصّف؟ / ضاعت..وْصوف / بوْصـوف
كانت..قصـيـدة / حلـمـهـا / بْعينـك..تْـنـام=واثـرْ .. بَعينـك / موت..وسْيوفـك / سْيـووف

نزف الشاعر

أحمد الجعيد

عبدالمحسن العصيمي · 11:28 AM

سالفة رحله

أنــا مــســافــر مــعي قــلـبٍ حميـته بــداخــل أســواري..!!=اعـيــش بــنـبضــه الـصــادق مــدام الــروح مــنــكـســره
يــخــوفــي من الــزمـــن يــســرق بــطــولــه ويــاخـــذ أدواري=ويــمــوت بــغــربــتــي طــفــلٍ صــغــيــر ويــنــتهــي صــبــره
أنــا مــســافــر مــعي شـــوقٍ يـعــانــد صـدمــة أقــداري=تـــركـــته صــامــتٍ فـي مــوطنــي وتــفــضحــنــي الــعــبــره
احـــاول اخــفــي أهــدابــي بــضــاعــه فــ شـــنـطــة أســفــاري=كــانــي والــمــلامـــح نــخــتفــي والــدمــع وش كــثــره..!!
نــزل حــبــرٍ حــفــظــته بــكــبــريــائــي وســـالت أنــهــاري=وانـــا دمـــعـــي لــيّــا مـــن هـــلْ أبـــد مــا ينتــهــي نـــهـــره
بــكــيــته..؟؟!! أيــه بــكــيــته.. صدق أنـــا مـــدري إذا داري=عـــن عــيـــونٍ خــذت .. مــن دفــتر أيــام الــهــنــا حــبــره
ســكــبــته يــوم شــح الــوقـــت فــيــنــي وذبــلــت أزهــاري=ولا بــاقــي عــلى غــيــابــي ســوى دمــعـات مـنــهــمــره
كـــلامٍ ضـــاع بــشــفــاه الــغــيــاب ..وتــاهـــت أنــظــاري=عــجـــزت اجــمــع لــك حـــروفـــه .. وعــيّــا يــبــتدي نــثــره
قــصــيــدٍ تــاهـــت ابــيـاتـــه عــلى مــعــزوفـــة أوتــاري=مــدام إنّــي الــغــريب اللــي يــعــيش ومــنــحــفــر قــبــره
مـــشــاعــر تــسكن بــقــلبــي .. وتــســأل كــيــفــهــا أخــبــاري=أنـــا كـلــّي ضــيــاع بــعــالمٍ مــــزحـــوم مـــن فـــتـــره
اجـــدد للألـــم رحــلــه واتــوه بـــزحمـــة أفــكــاري=واتــمـتـم مــ اكتــبــه المــحــســن لـيّــا مــن زارنــي بــدره
عــن الــفــرقــا والــمـســافــر وابــد مــا يـهــدأ اعــصــاري=اذا الــحـل الــصعــب اصـبــح يـــدوّر للأمــل ثــغــره
وأنــا بمــشــي عــلى الآمــال أجــازف لــو بـــدا طـــاري=اعـــيــش وبــالقــدر مــؤمــن أســايــر خــيــره وشـــره
حــبــيــبـــة قــلــبي .. اللــيـــلة ..يــفــارق طيفي ديــاري=تــذاكـــر لـــلأســـف تــرفــض تـــأجـــل مـــوعـــدي بـــكـــره..!!
مـــطــار وســـاعـــه تــنــبّــه.. دقـيــقه وتــــشــتعــل نــاري=مــخــارج تــزدحـــم بــالنــاس .. كــنّ بـــدنــيــتــي طــفــره
عــلى إيــقــاع اقــدام الــرحــيــل وظــلمــة أســفــاري=ســمــعــت من الــحــزن صـــوتٍ يــنــادي لــيــه هــالســفــره؟؟!!
"ولـيه الغــيـــــم فـرّقــنـــا مـــدامـك تـــعـــشـــــق امـــطــــاري=قــلــيــبـك ياما أرويـــتــه وتــرعــرع فـــيـــنـي مــن صـــغـــره
دخــيــلــك يـــ الـغـــــلا ارحــــم شـــعــورٍ ســــاد مــشــواري=مــن احــلامــي الى احـــلامــي مــع انّــي مــدمـنـه الــسـهــره
تـــركـــت الــنــوم لــ عــيـــونك.. ســرحــت بــأعـــظــم أســـراري=فـــلا تتــــرك بــعــد ..هـــذا "مـــلاك" بــعــينــهـــا جــمـــره..!!
دخــيـــلــك أجّـــل الـــمــوعـــد أبــيـــك تــــــظـــل بــجـــواري=أبــيــك تــشــيـل مــن بــالــك عــشـانــي الــيــوم هــالــفــكــره"
تـــحـــاول يــمــكــن اتــراجـــع واحــــاول انــبــش اعـــذاري...="خــــلاص الــرحــله بــتقــلع .. حــبيــبــك واقــبــلي عــــذره
ابــرحـــل واغــفــري ذنــبــي إذا بُــعــدي غــدا عــاري=تــرى كــل الــســـتـر انــــي اعــيشــك صــحــره و خــضــره
حـــيــاتــي.. احــفــظـــي صـــوتٍ وصـــورة تــجــبــر جـــداري.....=حـــبــيــبك عانقي اســمــه وحـــرفــه وكــلمــته وشــعــره
بـــكــاه وصــرخــتـه وضــحــكــه اذا هــو جــا عــلـــى الــطــاري=زوايــا غــرفــتــه وريــحــه تــجـسّــد بــالغـــلا عــطــره"
ألا يــا أروع أحـــلامــي الــصغــيــره.. وأكــبــر أصــغــاري=مــكــانــك فــي مــســاحـــة دنــيــتـــي مــثــل الــعــمــر كــبــره
اســـيــر وخـــطــوتــي توقـــف.. لــمــحــت بــعــينــهــا داري=وانـــادي "ديرتــي راجـــع" تــجــاوب "حـــبّـــي مــنــتـــظــره"
واردد "لا بــعــد عــمـري قــراري مــانــي بـســـاري" ....=تــطــالـع تــخــتـلــط دمـعــه عــلـى فــرحــه عـلـى نـظــره
وتــشــوف الـنــاس مـــن حــولــي واشــوف يــمـيـنـي ويــســاري...=لــقــانــا يــجـمــع فــراق الــثـوانــي فــي دفــا صــدره
واضــمّــه واظــهــره شــوقٍ حـبـســتـه بـشــنـطــة اســفــاري...=حــبســتـه كــذب دام انــه بــعـيـنـي تــرجــم الــعــبــره
لــغــيـنـا ســالــفــة رحــلــة وبــقـى نــزفٍ عــلـى اشــعــاري....=قــصــيــده عــاشــت احـــداث الــمـطــار بــحــلـوه ومــره

نزف الشاعر

خالد المحروقي

عبدالمحسن العصيمي · 11:30 AM

العنود

أشتكي جرحٍ من أعماق الضماير=قام يكويني على ما يشتهيله
ما قدرته يوم زادن السعاير=واشتعل بالقلب وأبطى يحتميله
وأشهد إني من عنا التفكير حاير=يوم طال الصبر للنفس العليله
يا وجودي وجد من عظمه كساير=طاح ما حصّـل عوينٍ يشتكيله
ويا وجودي وجد من هلّ العباير=فاقد ربوعه له سنينٍ طويله
ما نبي دنيا الشقا لو هي بشاير=دام فيها الخل ما يعرف خليله
أتوجد يوم صار الدم فاير=يوم جتني تعترفلي بالفشيله
قالت انساني وعجّل لا تخاير=قالت الفرقا تراه أقرب وسيله
وأثره الحسّاد معمين البصاير=أحرموها حب ما تلقى بديله
الهنوف اللي عليها القلب طاير=العنود اللي وصايفها جميله
لو سدل بالرمش من فوق النظاير=اشتعل في قلب من شافه مليله
ادعج العينين فيه الحب ساير=من عرفته ما لقت عيني مثيله
وقتٍ أصبح للهوى والحب جاير=زاد فيه الشر والحسنى قليله
وأصبح القلب المعنى للخساير=والهموم وعيشة الفرقا حصيله

نزف الشاعر

سطام العضياني

عبدالمحسن العصيمي · 11:32 AM

سجيت

سجيت عنك تحسب اني نسيتك=لا واللذي سوى الكواكب فلا انساك
ادري مقصر فالوصل بس ليتك=تــــــقــــــدر ظروفي ولا شوف لاماك
لامن بغيت اسج فيني لقيتك=في وسط عيني يامنى الروح سكناك
وفي كل لحظه لا نسيتك طريتك=وأرجع واعيد من الوله دوم ذكراك
تقدر تقول اني هويتك وجيتك=وتقدر تقول........ اني تعذبت وياك
لو كنت قادر ياحبيبي نسيتك=لاكن ......خفوقي يعصي الامر يبغاك
والحين وسط القلب مسكنك بيتك=حتى الضلوع الناحله ترفض جفاك
من قلبي الوافي لقلبك سقيتك=كل الغلا....... والمقصد افوز برظاك
واليوم جيت تقول ناسي..؟ فديتك=انساك(أنا ماطيق لو يوم فرقاك)
لوغبت عني لو ثواني دعيتك=مابيك......تبعد عن عيون ٍ ترجاك
اهواك((والله))شاهد إني هويتك=وان كان ماكفى ......لك الروح تفداك

نزف الشاعر

ناصر الهاجري



عاشق الاحزان من السلام عليكم : كيفكم اخواني عساكم طيبوون يارب فيه موضوع جديد لي اتمني مشاهده بقسم نبض الشارع الموضوع باسم صور تحرق القلب اتمني انه ينال اعجبكم تحياتي طبيب اسنان من من داخـــل العيــــأإأدهـ قسم التخدير : مســـأإأإء الورد وازهــارهـ ********** مساء النـــور وانواره ******** مســـأإأإء خاص لاعضــاء مياسه وزوارهـ **** سـلـطـانـ زمـانـهـ من مساء النور والسرور : اخيرا رجع المنتدى كيف حالكم مع الاجازه عساكم طيبين ومرتاحين فهدالعراق من العراق : السلام كيف الحال اخوكم فهد السعدون من العراق يحيكم Madridiah من غرفة جدتـي : وعليكـم السلااااااااااااام فاقد حنان كيف الاجازهـ معاكـ ؟ان شاء اللهـ تمام فـــاقد حـــنان من هووووووووووووون : السلام عليكم ورحمة الله وبركاتهـ **** الاستايل حلو بس العيب الوحيد فيه هو مستطيل الردود الاول كان متطووووور بكثيييييييير وأتمنى يكون الجميع بصحة وسعادة يآآآآآآرب نبض المدينة الم من مدينتي الطيبة : ربي اسألك خير المولج وخير المخرج ********************** سبحانك اللهم أستغفرك وأتوب إليك