~[ إلى جنان الله يا أمير مكــــه .( فقيدنا الراحل صاحب السمو الملكي الامير عبد المجيد) ]~

من بعد أعلان الخبر صابني عمس = ونفسي غدت من هول ذيك الفجيعه
يرحمك ربي ولا يجازيك بالحمس = بحنان خلدك هو مكان الوديعه
امير مكه نذكره بفايت الامس = مريض يشكي من فضايع شنيعه
واليوم غاب الصوت والشوف واللمس = عن روح سيدي أصبحت هي منيعه
من وسط واشطن بلا زيف أو لبس =قالو توفى وأخرعونا خريعه
جزاك ربي بجنته وتنفس = فيها وتلقى العود بزين الطبيعه
امير الحجاز وسيرته لك تدرس = امير ٍ مكه بلا مزايف خديعه
كل ٍ ذكر بافعاله ويوم كرّس = مواصل لرحمه ما مشى للقطيعه
وش أكتب وفكري مشتت على طمس = يارب احفظ من بقى يا سميعه
هذي احاسيسي بقلبي بلا دس = من صادق الاشعار جبرته مطيعه
في حق من هم بالمواجيب تنعس = عيال الكريم وقولهم له مطيعه
نشوفهم واحد بميزان ينقس = ملوك وذراهم منعمين ٍ بريعه
هذا وصلو عداد من صلو الخمس =على رسول للبشر هو شفيعه

يالله ياللي فوق عرشك تعالا= يالواحد الخلاق يابارئ الخلق
ياللي لنا بينت طرق الحلالا = وطرق الحرام وصار بطروقهن فرق
ترحم لنا شامان زين القبالا = مما جراله حل في داخلي حرق
وتشفي مصابه ياعظيم الجلالا= يامدبر الدنيا من الغرب للشرق
يارب هذا من خيار الرجالا = اللي بفعل الطيب له منهج وطرق
ولا هو من اللي ينذكر بالنذالا = ولا هو من اللي يفعل الشين والسرق
من عاشره ماقيل دوّر بدالا = من أقصى الجماعه والقريبين بالعرق
يفز بوجه اللي جاه وعنالا = ويقضي له الازم في لمحة البرق
ولو القصيد يفيد قلنا المحالا = ومن كثر ماقلنا يصيبكم غرق
وصلو على اللي من بعث بالرسالا = المصطفى المحمود هو سيد الخلق