~[ حب المعذب.. ]~

--------------------------------------------------------------------------------

السلام عليكم..
هاي بداياتي فكتابه القصص..
وانشالله اتنال اعجابكم..




حب المعذب

مره من الأيام.. رقدت ونسيت اسكر الدريشة.. وكان الجو برع بارد.. كان فاشتاء.. المهم..... أول ما حسيت إن البرد يدخل لي من تحت اللحاف.. انتبهت وقمت وسكرت الدريشة.. بس قبل ماأرد لرقادي.. سمعت تلفوني يرن.. وكان الوقت متأخر.. حوالي الساعة 4 ونص.. ومحد فهالوقت متعود يدق لي.. شفت إن الرقم غريب.. اتجاهلت الموضوع وغلقت المبايل.. وكملت رقادي.. نشيت عقبها بصوت المنبه.. دخلت وتوضيت وفرشت السيادة وصليت الفجر.. وعقب الصلاة.. فتحت مبايلي عشان نوره ربيعتي مخبرتني انها بدق قبل ماتسافر.. يعني ع الساعة 8..
أول مافتحت المبايل.. شفت إن واصلني مسج من نفس الرقم.. والمسج يقول..
(( ما تموت محبتك..
إلا بموتي..
ويبقى لك من الذكرى رسالاتي..
وصدى صوتي..... المعذب))
يلست افكر.. منو صاحب هالمسج.. شالسالفة؟؟
المهم.... أنا ما حطيت حد معين فبالي.. وسرت اكمل رقادي.. إلا وشوي وصوت المسج.. وبعد بنفس الرقم.. شي عجيب.. المسج يقول.....
(( لو العيون تضم في الناس مخلوق..
والله لضمك يالغلا في عيوني....... المعذب))
بعد بنفس التوقيع.. ونفس الرقم.. لااااااا.. أكيد هالشخص قاصد.. أكيد مب مغلط.. قلت فبالي.. إذا طرش مره ثانيه.. برد عليه.. وبشوف نهايتها معاه..
بس المعذب ما رد يطرش مسج..المعذب كان خطيب هند بس انفصلوا من مده,, وهو مغير رقمه.. وسبب الانفصال.. أنه تعرف له على وحده عراقيه وأهمل خطيبته.. ويوم عرفت هند قررت انها تنسحب من حياته بكل هدوء.. بس خالد
( المعذب) كان يحبها وعايش على حبها.. ويتنفس هواها.. لدرجة أنه مانساها طول هالــ3 أشهر.. كان خايف انه ايي واحد غيره وياخذ هالقلب الحنون(هند) منه..
استوت الساعة 8.. واتصلت نوره عشان تسلم عليّ.. نوره هي من أعز ربعي.. اعتبرها أختي لأني وحيدة أمي وأبويه..
وعقب ما بندت عن نوره.. اتصل( المعذب).. وحسيت إن قلبي انقبض يوم ييت برد عليه.. رديت..الووووو.. الوووووو.. تميت أقول الووو.. بس محد يرد عليّ.. بندت التلفون.. وعقب يومين.. مريت علي بنت خالتي وطلعنا المارينا مول.. لأنها تبا تاتشّرى حق الجامعة.. وهناك صدفه لمحت خالد.. بس هو ما عرفني لأني متغشيه.. وأول ما شفته قلت حق بنت خالتي اتغشي عن يشوفج ويعرفني.. ما أبا اشوف شيفته.. بس خالد كان يدري أن بيشوفا.. لأنه كان يلاحقها من مكان لين مكان.. وهو هناك طرش مسج..
((الله يخليج سامحيني..... المعذب))
هي ما حطت فبالها إن يمكن يكون هو.. لأنها تدري انه من الشباب اللي ايسوون اللي فراسم.. وما يندمون بسهوله.. عقب مارديت البيت.. دخلت الحجره ويلست ع النت شوي.. لأني من فتره ما فتحت ايميلي.. حطيت المبايل ع السرير.. ورن مبايلي وربعت له.. شليته وأنا محرجه.. الوووووو.... ممكن اعرف منو ويايه؟؟
هو ماصدق سمع صوت هند.. على طول بند الخط..
عقب اسبوع تقريبا.. أو10 أيام.. رد خالد.. وطرش مسج.. يقول فيه..
(( اشتقت لك والوله يحرق اليوف..
والصبر ما يطفي من البعد ناري..
أكتم شعور الشوق وأصارع الخوف..
وفي داخلي نهر من الهم جاري..
أضحك ولحن الحزن بالصدر معزوف..
ودمعي حبسته لا يبين إنهياري.. المعذب))

(( ابكي واصيح ولا احد يباني..
أمرض واطيح ولا حد يداويني..
ارحل وأموت ولا حد يدفني..
وين الأهل؟؟
وين الأحباب؟؟
وين لي قالوا نحبك حتى لو الدنيا فرقتنا!!
المعذب))

حسيت إن هالشخص قريب مني وفنفس الوقت بعيد.. ما ادري كيف وليش دقيت على الرقم؟؟ يمكن من باب الفضول ماأدري!! خالد أول ما شاف الرقم ماقدر يرد..
اصلا هو طول هالاسبوع كان مريض ومنوم فالمستشفى.. فيه حمى وحالته حاله.. ومتعذب فالحب..
رديت أدق مره ثانيه وثالثه وعاشره بس محد يرد عليّ.. حسيت إن هالشخص محتاج لي.. بس أبا اعرف منو عشان اساعده.. طرشت مسج..
((إلى المعذب......
ممكن اعرف منو انته؟؟
وشو تبا مني؟؟))
وفاليوم الثاني رديت ادق.. شله خالد.. أول ما سمعت حسه.. ذكرت كل الأيام الحلو اللي قضيناها مع بعض.. ذكرت كل كلمه كان يقولها لي.. ذكرت طلعانتا.. ويياتنا.. ذكرت ضحكاتنا.. وسهراتنا.. شوي شوي.. بديت اذكر غدره وخيانته..هو اللي ما حافظ عليّ من البدايه.. هو سبب اللي يستوي له..
كلمته.. وعرفت منه إن العراقيه اللي كانت سبب فراقنا.. سرقته ولعبت عليه وماتت بحادث..
بس مب هالنهايه.. هاي كانت البدايه عند خالد..
خالد كان يبا يرد لي.. يبا قلبي.. يبا حبي.. يباني زوجه له.... وأنا.. ما فكر فقلبي المجروح.. منو بيداويه؟؟ هو ما يقدر يداوي جروحه.. كيف بيداوي جروح غيره؟؟
خالد كان متندم لكل لحظه ضيعها بدوني.. وأنا صح إني كنت أحبه.. بس اللي سواه بعد مب هين عليّ.. أنا من النوع اللي بسرعة أنسى وبسرعه اسامح.. وهو يدري بهالشي.. عشان جي حاول مره ثانيه ويايه.. وأنا وقلبي وافقنا على إنا نسامحه.. وإني أرد له..

خالد محتاج لهند.. مثل ما هند محتاجه لخالد.. لأنهم مخلوقين لبعض.. وجروحم بيبرن مع الأيام.. دامهم مع بعض..
عسى الله لا يفرق بين اثنين.. قولوا آميـــــن..

عسى الله لا يفرق بين اثنين..

امين امين

مشكور اخوي احمد على هيك قصة


كثر منها الله لايهينك


طحياطي