~[ ماذا تفعل في هذا الموقف؟؟؟؟ ]~

السلام عليكم ورحمة الله وبركاته

اشكرك اختي في موقف مثل هذا:
1ـ اذا صديقي مايدري عن الرقم انه لزوجتي او اختي او قريبه من قرايبي فشاب ماله ذتب تدرين ليه يمكن هذا الشاب مايدري عن الرقم انه لقريبه لك وحاله حال الشباب اللي يدورون بنات يكلمونهم يفرغون الغريزه العاطفيه اللي مايقدرون يفرغونها لأحد في بيتهم حتى لأزواجهم وهذا واقع واذا يعزني ويحترمني وعرف صدقيني راح ينسى البنت هذي نهائياً.

2ـ اتأكد من الرقم واحاسب القريبه هذي ليش سويتي كذا في حالة انها زوجتي اطلقها بسكات وبدون مشاكل ( فإمساك بمعروف أو تسريح بإحسان ) واذا اختك فالمشكله يبغالها سحبت الجوال ومراقبتها مراقبه شديده وبدون طول لسان او مدة يد بالحكمة والموعظة الحسنه والتذكير بالله سبحانه ثوابه وعقابه .

3ـ أراقب نفسي وأجلس مع نفسي قبل ما أسوي أي شي من النقاط اللي ذكرت سابقاً فإذا انا راعي غزل وبنات ولف ودوران فهذا الدين جا عليك ويقول المثل ( من طق باب الناس طقو الناس بابه ) وأذكركم وأذكر نفسي بعد باحد الصاحابه لما جاء عند رسول الله صلى الله عليه وسلم وطلب من الرسول بأنه يزني فقال له الرسول الكريم ( أترضى بأن يزنى بأمك ) فرجع عن هذا او كما روي عن الحديث .

4ـ المشكله العضمى يا أخواني انا وانتم نقول هذا الكلام على سعه ولكن لو افترضنا شي من هذا صار كل الكلام اللي قلته بيطير مع الهوى وراح نلجاء للضرب والعدوانية والشراسه هذا مجمعنا السعوديين ويطلع من 1% اللي يطبق الكلام اللي قلته .
اختي العزيزه طرحك ممتاز والله يعطيك العافيه وجزاك الله خير بتذكيرك الناس انفسهم
وننتظر منك المزيد