السلام عليكم ورحمة الله وبركاته

اخواني واخواتي اعضاء منتدى مياسه ومشرفيه والقائمين عليه

تقبل الله طاعتكم ( وكل عام وانتم بألف خير )

احب اضع بين ايديكم هاذي الابيات وهيا لكم و للغالي ( سفير المحبه )

اخوي سفير انت مابينتلي اسمك او اي شي واسمحلي اني سميتك بالقصيده ابومحمد

واتمنا ان ترتقي لكم


بديت بإسم اللي يسمى بديان

رب البريه خالق المسلميني

الواحد اللي موجدأ كل ماكان

وكل مايكون بكل واقتاً وحيني

بسبحه ومجده دون نقصان

وذكره ترى حقاً علي وديني

والتاليه يا سفير القلب وجعان

وجعان والله وغاديله ونيني

يون ونه ويردف الون بأحزان

وتجاوبه بالون دمعات عيني

وأنة اسى ونة هواوي وعطشان

ظامي وابي اشوف المسمى اضنيني

اللي ملك عقلي وقلبي بسلطان

بسلطان حبه ياولد مبتليني

من جور حبه صرت بالحيل تعبان

مدري وش اللي بسبته صار فيني

طيفه يرافقني كما ظلي احيان

واحيان احسه توأمي من سنيني

لا مايفارقني حشا حيث ماكان

اصبح خشير الروح مني وفيني

يسري مع دمي بوريداً وشريان

وإليا وصلو قلبي تزايد حنيني

ثم ضخهم قلبي على جسم الانسان

وإليا وصلو راسي يعرق جبيني

اسهر طوال الليل لو كنت نعسان

اسهر وكل اللي معي نايميني

اسهر وانا دايم مفهي وسرحان

اسهر مع اللي طيفها مهتويني

وإليا ظهرت شمس الضحا صرت مرضان

تسني مريضاُ وصط سجناً مهيني

وإليا جلست بمجلساً عالي الشان

قدمي بني عمي وبن خالي يميني

والكل منهم ضاحك السن طربان

اضحك وهمي وسط قلبي سجيني

حالي تنكس بين وصلاُ وهجران

إما وصلني او تركني حزيني

لو هو جفاني بجزى الصد بحسان

يبقى غرامه في حشامي دفيني

له داخل قلبي مدينه بعنوان

عنوانها حبه فريضه وديني

تمت وبعد اللي سمعته يابو فلان

طالبك طلبه بس بينك وبيني

تكفا يبو محمد ترى حيل شفقان

على النصيحه دام منك تجيني


وسلامتكم

( ودمح خطى قافي ووزني اذا فيه زله )