العــز حنــا اللي يا ساســه وسمنــاه .... ( مجاراة لقصيــدة ناضح الأسحار )

المشاركة الأصلية كتبت بواسطة ناضح الأسحار هديتي لعزوتي مع أنها متواضعه في حقها ولكنها هديتي وبكُل فخر..اتت في موقف خلاني أفوح عنها وبروحي أفداها كيبورديه وأعذروني على التقصير وبك حنا مطير كم راسً عطبناه= يشهد لنا التاريخ أمجاد وافعال لاتكابر ونت جاهل ماتاصل النجم وسناه= وبك فارق عن دروبي ياذميم النفس والحال حمر عين و كلامك ترى ماتعدى حذفة حصاه= في ذمت التاريخ لنا المجد من الجال للجال حنا خذينا العز ثم فزنابه وكتبناه= أنشد ثنايا نجد والصمان عن فعل الأهوال أنشدك أي موقف مع كافر نعنبو مجناه= تجيه مطير ولاذاق منها دمكً يشبه الزلزال وأنشد الباشا ياكم تركيً عنقه حصدناه= يوم كان الشر بالظلم زايد والقتال أفهم الماضي عسفنا الشموخ وجنيناه= ماهوكلام الجهاله لاصار يتحسحس ويحتال حبيت أعلمك أني مطيري ثوب العز يزهاه= مطير حنا وأسأل ابوك ورد لي وش قال وسلامتكم سامحونا على القصور...

أسلم ياراع الطير قافك نسخنـاه=(سهـوم شعري) في نحـركم يا عذال
خلك على هالسير درب ومشينـاه=انفهم اللي ما فهم ( وقفـة رجال )
أرسل يا ( ذيب مطير ) عز وعرفناه=وبكل فخر يورث من أجيال للأجيــال
العز حنا اللي ياساسه وسمنــاه=وأفعالنــا تشهد ما هو هرج ينقال
والذل يا ماجد ماوالله عرفناه=والموت خير إن ما علينــا على العال
يا كم راسـاً من على المتن شلنـاه=والسيف في وجه المعادين سـلال
واللي نعاهـد لا حشا ما غدرنـاه=وأجيالنـا تربى على طيب الافعـال
ويا كم درب للمراجل سلكنـاه=ويا كم بيتــاً للطواريق مدهال
المرجلـه يا الذيب عـزاً ورثنــاه=والطيبـه يالقرم مضرب للأمثال
وفعل القبايل ثابتـاً ما جحدنـاه=لهم فعـولنـا صيتهـا بالسماء طال
وأسم ( البدو ) أغلى وسامنـا لبسناه=زوداً على علمـاً تصاعـد بالاجيـال
وإختامهـا تسلم يا حــراً عرفنـاه=لكـن رسالـة .. وأستلم ( جاري إرسال )
وصل سـلامي للذي ما عجبنـاه=إن كان توه ما فهم ( وقفـة رجال )
هذا السؤال ويختصـر ما كتبنــاه=يومـك سألت أبوكـ .. بالله وش قال ؟؟؟