هلا بضوء قمر الكويت كويتي ^صخر مشرق انت بلا أضواء ،‘

صقور البوادي

فعلا اسعدتني بمرورك اخوي صقر .. فديتك والله وفديت طلتك يالنشمي
لك كل تقدير احترام امانتاً لك معزه خاصه ..
مشالله للحينك تذكر ههههههههههههههههههههه مير انت خذيتها جد بغيت تخسبقني :p <- اسولف

فديتك والله ... لك وحشه انت وسلطان هكس وسكادا والله
عسى ربي يرسم بوجيهكم البسمه .. والله يسهل اموركم ودربكم خضر

وماننسى جمايلك انت راعي الاوله فديتك...

*

*

*

حياك الله أخوي ماجد..

اشرقت وانورت ربوع مياسة..بعودتك..

من حسن حظنا..رجوعك ..وتربعك على كرسي الاستضافة..

يجعله خير بوجهك..

حبيت اسلم وارحب بك أخي الفاضل..

وباخذ رايك بكم سالفة..

1- يقولون إن الله ما يطق بعصا :) صج مفروض يقولون ما يجوز نقول هالمثل لكن حبيت اقرب الفكرة..
من رحلتك بعالم الهكر..أكيد صادتك مواقف..او سمعت بها.خاصة لما الواحد يكون توه متخرع بالنت عمره صغيرون شوي..وبعد العقل متخرع بعد:) ..حبيت تقولنا سالفة او تجربة بكل صراحة..خلت ماجد بوقت من هلالوقات يقول
ايه والله صج هالمثل..
* اعطيك مثل..مرة كنت اتابع سوالف الي يهكرون..وتجاربهم وخبرتهم..هذول يقولون تجاربهم ..وما شاء الله عليكم كلكم بكندا شسالفة؟:) ..المهم الا واحد متدين بينهم..نوعا ما..يقول من اهم الاحداث الي بحياته خلته يتوب على الفوضة والتهكير خاصة بالأمور الشخصية..انه مدري وش كان يعدل بسطح بيته..الا وانه طايح على حدايد بناء..وانكسر ظهره قال وقتها ( عرفت ان الله ما يطق بعصا..وتذكر الاجهزة الي اخترقتها..والسرقات..وعرفت شنو معنى كل حديده اخترقت ظهري..ولليوم اتعالج..وانا استغفر واتحمد ربي)..
المهم هالموقف وايد اثر فيني..صج مالي بهالكر وزين عندي ايميل..لكن عرفت انه عالم خطر..ومثل ما تدين تدان..ومو ضروري يكون الواحد هكر عشان يعرف المثل هي شمعناته..معظم التعاملات تصير بهالشكل..بالواقع..
سبحان الله..حتى بالنت الي الكثير منا يعتبره لعبه..وكأنه ربه ما يشوفه..
(( تعقيبك اخوي ماجد..ونسمع منك سالفة على هالمنوال..للفائدة..عشان بعد واحد يخاف ويحسب حساب ربه:) )


2- رأي الاخ كويتي صخر..بالعلاقات المولوده بعالم النت..وياترى فيه فرق بين العرب والغرب بهذا الشي..
شخصيا اقول تطور العرب..كثير..وبشكل ما اتوقع..ومرة اقول لا..يمكن حسب كل منطقة..وتفكير الشخص نفسه وثقافته..من اطلاعك اخوي ماجد..شتقول ؟

3- اخوي ماجد الحين طفل عمره 6 سنين يعرف يسوي ايميل ويضيف ويتكلم مسنجر!!
انا ماعرفت هالشي الا لما دشيت جامعة..( فشيلة!! )
ما تشوف ان النت ذابح الناس..ويأثر على العلاقات الاجتماعية..غصب عن الناس احيان..
يعني تشوف الطفل يقابل النت والمراهق..يالله..عليهم..
حتى الناضجين..تعب والله:) ..
يمكن اخوي ماجد خاطب او متزوج..او نقول ( واحد من اصدقاءه او معارفه )..طبعا يدشون نت ومسنجر
وتعالمهم مع النت من سنين وصار يجري بدمهم..مو مشكلة نواكب العصر..
بس ما قد سمعت زوجة واحد تشتكي..من لصقته على الكمبيوتر..لانه ياخذ الوقت..
مدري ايش تنصح بهالوضع..طبعا الحب والتفاهم والثقة موجودة..بس بعد النت يشغل الرجال عن اشياء اهم بنظري..فما يستطيع تقديمه الاخ ماجد من نصح أو توجيه نحو هالموقف..مع الاستشهاد بالحكمة والخبرة..

<< كانت تحب ما تفلسف..ما اعرف اختصر!!..بس المقدمات توضح السؤال..عشان توضح الاجابة..

شاكره لك سعة صدرك اخي ماجد..وبالطبع يمكنك التجاوز عن ما لا تريد الوقوف عنده..

ولك كل تقدير واحترام..
*

*

مسيتم بالخير

اول شي تسلمين قلبي الثريا على هالاستضافه الرائعة لاخوي كويتي

الف شكر لك عبوووره


***********

حبيت ارحب فيك اخوي ماجد على هالحضور

والله لايحرمنا من طلتك ابن عموو


هلا ومسهلا فيك وباشراقتك

ولي عوده ان شاء الله لـ لاسئلة

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



كل الشكر للاخت الثريـا على هذه الإستضافه للاخ ماجد

حياك الله اخي ماجدتحيه ممزوجه برائحة الورد والعود ترحيبا يليق بشخصك الكريم

اسمح لي أطرح عليك هذه الأسئلة التي أتمنى أن تكون خفيفة عليك :


_ ما الذي يميز منتدى مياسه عن غيره من المنتديات من وجهة نظرك ؟

_ كم يقضي ماجد خلف جهاز الحاسب؟؟ ومالذي استفاده ومالذي خسره من هذا المكوث؟

_ من هي الشخصية التي اثرت في حياة و اسلوب تفكيرك ... ؟

_ ثلاثة أشياء تتمنى زوالها من على وجه الكرة الأرضية ؟


تقبل فائق الإحترام والتقدير

مع اطيب المنى


مياسن..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تسلم اخوي المحبوب وعلى راسي والله وفديت الامارات
على راسي من فوق يالامير ...
وربي يوفقك ويسلمك ويخليك لمياسه ...

اخوك

اهلين وسهلا هنوده تسلمين والله عالترحيب
وتسلم يمناج .. اخت عزيزه وعلى راسي مرورج هني غاليتي
لج كل تقدير واحترام

- يقولون إن الله ما يطق بعصا

فعلا يا هند كثير قطعت ورجعت للهاكر والسبب .. انا الله يبليني ببلوه
وانا ابصم بالعشره السبب كانت دعوه الي اخترقهم.. سبحان الله والله كل ما اخترق
ما اتوفق بشئ ... تسببت مشكله بأختراق موقع عضو بمياسه انا اخترقت موقعه
وانا مادري ان عضو ... بس انحلت المشكله من اخوي الكبير خالد الحربي ....
لكن انا عارف ان قلب الرجال هذاك مش مرتاح ... يوم طلعت وكان علي تقديم اختارات قبول
بيوم الاختبارات وانا متأخر وسويت حادث ومنها انكسرت رجلي ووتأجل الامتحان لبعد ثلاث شهور
ومره من المرات بغيت انسجن .. كثير اشياء ما اتوفق فيها يوم اكون مخترق شغله عن ظلم
( ليس تفاخرا لكن حبيت اوضحلج شخصيتي قبل كيف كانت ) ...

ليش كلكم بكندا هههههههههههههه انا اقولج غلاتي .. كندا البلد الوحيد بالعالم
فيه شهادات عاليه بالبرمجه والشبكات .. وفيها ناس تخصص قوي جدا حتى بالمايكروسوفت
عشان جذي تلقين اكثر المبرمجين والهاكر يدرسون بكندا ... لان تخصص حلو وله شهاده قويه





رأي الاخ كويتي صخر..بالعلاقات المولوده بعالم النت..وياترى فيه فرق بين العرب والغرب بهذا الشي..
شخصيا اقول تطور العرب..كثير..وبشكل ما اتوقع..ومرة اقول لا..يمكن حسب كل منطقة..وتفكير الشخص نفسه وثقافته..من اطلاعك اخوي ماجد..شتقول ؟

طبعا انا رايي من رايك العرب في تطور مستمر ... نطمح نوصل للقمه
لكن للاسف هناك اشياء تحكم علينا البقاء بالاسفل ... كثير اشياء واتجنب ذكرها كلها
لكن منها جشع العرب والحسد بينهم حتى بالانترنت والله ... ما يبي الثاني يصير احسن
فيه عنصريه مافي روح التعاون ابدا .. هذا الفرق

الاجانب انا بصراحه احسدهم على تعاونهم .. هذا واحناا مسلمين
" لا خير في كاتم علمه " و " كاتم علمه يلجأ بلجام من نار يوم القيامه "
هذا واحنا نعرف هالكلام بس الله المستعان ..


3- اخوي ماجد الحين طفل عمره 6 سنين يعرف يسوي ايميل ويضيف ويتكلم مسنجر!!
انا ماعرفت هالشي الا لما دشيت جامعة..( فشيلة!! )

هههههههه لالا بالعكس احسن من غيرج ... الاميل ليس ضروري بتقدم العلم
الاميل فقط مراسله او ان Messenger بس لااكثر ولا اقل ولا ان يكسبني معلومه
في ناس للحين ما يعرفون يدشون مواقع ....

ما تشوف ان النت ذابح الناس..ويأثر على العلاقات الاجتماعية..

والله الانترنت مصيبه بآخر فترات ... والله اعرف رجال كبار يقعدون عالنت
اكثر ما ان يقعدون مع زوجاتهم ... يتهرب بلليل عشان يدخل الانترنت ويسولف عالشات
ياليت يستفيد ... وفي ناس وللاسف انا كنت منهم يا هند اقطع صله رحم بسبب الانترنت
لكن الحمدلله تركت هالشئ ... والله في ناس كثير يقطعون صله الارحام ليومج هذا..

وفي رجال ما تزوجوا والسبب الانترنت . يوم نسأله يقول مش فاضي
اانا 24 ساعه عالنت مافي بنت تتحملني ... اكيد مافي بنت تتحملك شهالزوج الي دايما
عالنت ما يكلمني ولا يقعد معاي .... والله بلوى يعني بصراحه قمت اشوف عادات تمصخ
وتشوه سمعت الانترنت ...


وما تقصرين على الاسئله يا هند وتسلم يمينج واسأله حلوه ولقيت متعه اني اجاوب عليها
وبالعكس مافي فلسفه ... واذا عنداي سؤال واستفسار انا حاظر

اخوج

هلابج يانجوله هلا وغلا بساندريلا شمر ...
لج كل تقدير واحترام ويسعدني مرورج وترحيبج وما تقصرين يابنت العم
وربي يوفقج ويخليج

مرورج عطر وورد .. وننتظر اسألتج غاليتي

مشرفتنا الغاليه مياسن.. اهلا فيج نورتي الموضوع والله
وشكرا يالكادي على ترحيبج وعلى عطر تشريفج ما تقصرين
وتسلم يمناج عالكلام الحلو ... ما تقصرين




_ ما الذي يميز منتدى مياسه عن غيره من المنتديات من وجهة نظرك ؟

مياسه من المنتديات المميزه بقوه طرح المواضيع بجميع مجالاتها ...
في مياسه كتاب لا يستهان فيهم ومبدعين مثلج اختي العزيزه يطورون امكانيات مياسه
والي يميز مياسه ان يظم كوكبه قويه جدا من المبدعين .. وفيهم روح المنافسه
بالطرح والمشاركات القويه جدا .. مشالله وربي انشالله يقدرنا
نرفع مياسه للأعلى ان شاء الله...

_ كم يقضي ماجد خلف جهاز الحاسب؟؟ ومالذي استفاده ومالذي خسره من هذا المكوث؟

والله قضائي خلف جهاز الكمبيوتر فترات طويله جدا وممله ... وخسرت اشياء واستفدت اشيا
من الاشياء الي خسرتها مستقبلي يعني ضيعت كم سنه من عمري عشان قعدتي بس بالانترنت
والي استفدت فيه طبعا معلومات كثيره ولولا الانترنت ما دشيت خذيت شهادات عليا بالبرمجه والهندسه

_ من هي الشخصية التي اثرت في حياة و اسلوب تفكيرك ... ؟


والله اختي مافي شخصيه معينه اثرت في اسلوب تفكيري ...
لان دايما يوم اعرف شخصيه معينه اخذ منها صفات احاول اغير نفسي للاحسن
وما فهمت كل سؤالج " قصدج شخصيه بالنت ولا برا النت " ...

_ ثلاثة أشياء تتمنى زوالها من على وجه الكرة الأرضية ؟

ثللاث اشيا اتمناها وكل انساان بهالدنيا يتمنى هالثلاث اشياء

1- الحروب والمشاكل الدوليه الي ودتنا بداهيه ودهورت مكانت العرب
2- الجهل
3- الكذب

ولو كان الجهل رجلا لقتلته ....


وتسلمين مياسن مشرفتنا المحبوبه وما تقصرين .. واسأله وايد حلوه وبسيطه
واشكرج اختي ...

مرحباً ..

والله ما عندي اسئلة :)

بس تسجيل حضور وإعجاب في كويتي صخر
أخوي الصغنطط :)

لك التحية كويتي من القلب

*

*

*

مرحبا مرة ثانية..

اخوي ماجد ما يخالف..بسوي لك فوضة بالاستضافة..

عادة انا ادخل ارحب واطلع..قليل ما أسأل..

لكن ذوي الخبرة والمعرفة والصراحة..أحب اخذ واعطي معهم..ليس مدحا فيك..

ولكن حقيقة..جميل يكون الانسان صريح حتى لو يكون كلامه ضدي..أهم شي يكون موجه ومباشر لي..


اختراق النفوس..يعد مشكلة للمخترق اراها لا تقل خطورة وربما اخطر من اختراق الاجهزة..او غيره
اكيد الفاضل ماجد(كانسان بالحياة/ اداري موقع/ مخترق ) يوم من الايام شاف شي..وتمنى انه ما شافه..او اعتصر قلبه..ويمكن بعض الاشياء ما قدر ينساها ليومه..ويذكرها بلحظة..قد تكون ما تعنيه وما تخصه شخصيا..لكن تخصه كانسان..
اخوي ماجد ..الاختراق للنفوس.. قلب الموزاين ضدك..خاصة حينما يشتعل ضميرك..ولا يعرف ان يهدى ولا ينام...
ومن سوء الحظ حينما لا ينتمي الانسان لزمرة من يتجولون بالنت..للتسلية وإن كان لكن لا يصبرون على ما يرضي ضميرهم..ويمقتون الخداع..والكذب والرياء..ولكنهم غصبا عن عيونهم..وجدوا نفسهم هنا..
وتأسفوا على قدرتهم ونفاذهم لجهاز / نفس ..او اي مكان..
وقالوا للعلم ..والتدرب والتمرس..( ليتني يوما لم اتعلمه)..
طبعا ممكن يكون اختراقك للنفوس بالواقع اسهل واسرع تصرف..وتساعدك عوامل كثير لإنقاذ نفسك..
وإرضاء ضميرك..ولو اني ارى حتى بالواقع ليس سهل جدا..

فهل وجد الاخ الكريم ماجد نفسه بهذا الموقف؟ وكيف شغل ضميره حتى لا يشغله..عذاب الضمير متعب
فماذا فعل..

على ضوء هذا لك..

مقتطفات ( وارجو ان توجه تفكيرك نحو النت..وان سمح لك وقتك فلا بأس ايضا مشاركتنا
بواقع الحياة..فكلها فائدة..وقد تؤدي كل الطرق الى روما :) فالواقع..هو النت لكثير منا يعتبره لعب وخيال..
وهو واقع..لكنه يحتاج لوقت ودقه..وتكشف حقيقة من حولك..وتسقط الاقنعة ليس الا.( وجهة نظر). ::

1- ما رأيك اخي ماجد ( بالشاب/ الشابة) من يمر هنا وهناك.
قال ايش ( يا قلبي / يا عيني..فديتك ويالغالي..للي يعني لي شي ولا ما يعني..) مو فوضة هذي؟
ولا بالفعل ينطبق على منطقي ( معقدة / متخلفة..) ..صراحة لو جنبي ووحدة اعرفها اهفها (كف)..بكل بساطة احنا بمجتمع عربي..بهذي ما اشوف نمثل نفسنا..مو واقعنا يعني بتعاملي اليومي وبشغلي ماقدر اقول لواحد يا غلاي..ومن هالكلام..يمكن ابوي يسمعها او زوجي..اخوي يسكت لما يسمعها له..فخير شسالفة وين انا عايشة بمواقع الاجانب ما اشوفهم يقولون هالشي..شنو رايك انت عقد :)

2- اخوي ماجد..تفرفر بموقع ما..وصار لك كم سنة فيه..ومن خبرة ما..ومتابعة..(وتعرف بو طبيع ما يجوز عن طبعه)..مو مقصودة..هي تجي كذا..اخترقت نفس( كلمة/ صورة / مواضيع/ ردود / توقيع ..) عرفت ان شخصا ما ( عضو)..يحتاج لعلاج فورا..نفسيا منتهي..شفت بعينك مرات ومحد قالك..تنوم ضميرك..وتمر وحالك حال شرطة الحكومة تسكت..منعا للمشاكل..اصلا لو تكلمت يمكن يكذبوك..بس انت عندك ادلتك بناء على اختراقك:) وبناء على علم انت تعلمته..الابواب كلها تقول هالشخص ما هو صاحي..تصرفك اخوي ماجد؟؟

3- اخوي ماجد تعرف عضو او عضوه يعز عليك يتعرض لسوء من اي شخص..سواء الحديث عنه بما لا يرضي الله..
او يغرر به / بها ..من قبل لا يخاف الله..( حثالة يعني) ..مو بعيد من خبرتك ولصقتك بهالنت..تعرف انه من اصحاب اللحي الطويلة..ومنهم تعطيه مكان وتميز خسارة فيه اللون والي اخترعه..قلمه ونعم به..لكن لا اعتبر القلم قلما دون اخلاق..ابدا ابدا..( مميز لكن لا يجمع طوابع حوله وتضحك على بنات/ عيال الناس)..
شتسوي اخوي ماجد..تسكت وتجعل القافلة تسير؟ ( هذا ما نصحني به الناس على الواقع !!) واذا صحى ضميرك تعطيه كم سطار..وتتحمل العناء كل ما شفت شي يؤلمك..وتقول حسبي الله على عين وعلم خلاني اشوف شي مو لي!! وتتنظر الضحايا..


ارجوا ان تلقى المقتطفات محل اهتمامك..وعذرا لاني آخذ كل الامور جد..ونصيحة لي..
حتى اترك التدقيق والتفصيل..واعتبر الجو هنا شاعري ..نصحوني مسبقا ( التجاهل دواء ..لكن الضمير لا ينام )
ونصحني عزيز على قلبي..انه بمجرد اقفال الجهاز انسى هذا العالم..سأفعل لكن بعضه كالاعلى يعذبني..
اضطر كثيرا لاخذ هبوط واجازة اضطرارية..نريح العقول والناس شوي :)


معذرة اخوي ماجد..بحاول تكون الزيارة مرة ثانية خفيفة..

احترامي وتقديري لك اخي الكريم..

*

*

هند الوفاء

هلابك يا خالد يا استاذي واخوي الكبير فديتك
ما تقصر على مرورك صدقني استعدتني بمرورك غلاي

وهذه شهاده اعتز فيها وما تقصر حبيب قلبي ولي الشرف