الشاعر محمد الحويماني العتيبي

في 26-Jan-2008 الساعة : 08:10 AM

الشاعر محمد الحويماني العتيبي في شاعر المليون هذا الثلاثاء

مدخل

محمد الحويماني شاعر شاب يكتب بقلق الشاعر لأنه صادق متمكن من أدواته يعرف أبعاد قصيدته

.. قصيدته عذبة تروي عطش متذوقي الشعر لما تحمله من عذوبة في اللفظ والمعنى.
الحويماني شاعر جميل وبسيط وهادئ مليء بالحب

.. يجيد التعبير عما بداخله بأسلوب شعري رشيق ولطيف. والذي لا يعرفه الآخرون عن هذا الشاعر انه يمارس مهنة «الطب

» فهو يقدم الدواء لكل من يشتكي من الألم ليعالج بذلك الأعضاء العضوية فهو من خلال هذه المهنة الانسانية يمارس انسانيته بكل ما أوتي من علم.. وفي أوقات كثيرة يقدم غذاء الروح للجميع بما يكتبه من شعر

..توضع كل الصور والمواضيع التي تخص الشاعر في هي صفحة الشاعر هنا

هذه القصيدة للشاعر الرائع / محمد الحويماني النفيعي

وهو مشارك الآن في برنامج ( شاعر المليون ) النسخة الثانية

وهذه القصيدة هي التي أجازته اللجنة فيها , وانـتـقـل لـمـرحـلـة الــ 48

لأنه شاعر رائع ويستاهل

وهذه القصيدة هي في أخوه التوأم فهد في يوم زواجه

وهذه هي قصيدته :

يافهد مـن شفـت زولـك بينهـم روح خيالـي
.................................................. ........يقطع بحور الزمان الاولـي عرضـه وطولـه
قمت اهوجـس واتذكـر طيشنـا ذيـك الليالـي
.................................................. ........يـوم كنـا صغـار تحكمنـا بـرأات الطفولـه
يوم كان اقصى طموح لنا ... نروح لبيت خالـي
.................................................. ........وكيف كنا ننتهي من واجب ( الخط وأصولـه )
اذكرك ... يومك تجيني ... كنت انا جالس لحالي
.................................................. ........واتفقد جيـب ثوبـي وألعـن الفقـر وفضولـه
يوم شفتك ... هل دمعي ( يافهد دور ريالـي ؟ )
.................................................. ........وانت تمسح دمعتي بايديك ... وأحساس الرجوله
تقطع ريالك .. تقول ( أمسك ولاتبكي قبالـي )
.................................................. ........وكننا من بعـد هـذا كـل مانبغـى ....ننولـه
وأذكرك يوم انت تلبس غترتـي ...ولا عقالـي
.................................................. ........ثم تجلس في مكان ابـوي ... وعيونـي ذهولـه
والله انـك يافهـد فـي وقتهـا شكلـك خيالـي
.................................................. ........والله انك كل مالديـت .. اقـول الـزول زولـه
يافهـد والخمسـه وعشريـن مـرت ياظلالـي
.................................................. ........قـدر الله والسنيـن بطبعهـا دائــم عجـولـه
يافهد وانت الوحيد اللي يعرف ان ضـاق بالـي
.................................................. ........قبل ماشكي قبل مادمعـي يبـادر فـي هطولـه
يافهد وان شفت دمعي يـوم عرسـك لا تبالـي
.................................................. ........كل مافي الامر فرح ماقدرت انطـق واقولـه !!!

............. <<مدارات - خاص>>.........

«12» ورقة من أوراقه الشعرية

(1)

يحق لك تعتب علي وتشره
مع إني ادمح زلتك ما تشرهت
لاني ادري لو تشرهت مره
عليك تكبر شرهتي ما تنبهت

(2)

من غبت والناس كن نفوسها قشرا
الطفهم اللي كسر روحي وهلابي
الجرح يبرا لو ان الوقت ما يبرى
شف وقتي اللي خذلني ويش سوى بي
(3)

الشعر ذنبه كبير وزلته زله
يارب ترضى علي وتغفر ذنوبي
أمسيت مثل الكبير اللي غدا دله
وأصبحت مثل الصغير ابين عيوبي

(4)

جيت أعشم بردنا.. بالصيف لكن..
الفصول الاربعة.. برد ورتابه!!
أهـ لا صار الغلا بالجرح ساكن
والخناجر كلها.. ربع وقرابه!!

(5)

كل ما فكرت بازعل منك وأعتب واتضايق
ضاقت الدنيا علي..وجيت لك زعلان.. راضي!!

(6)

يا عيد تدري وش اللي مر في بالي
خلاني اعتق رقاب الدمع في عيني
اصحابي اللي بعد ما بارت احوالي
ما منهم اللي نشدني وش جرى فيني!!

(7)

أقفيت واشباه الاوادم لهم رمس
شحوا علي بضحكة ما لها قيد
طاح الشجر في ذمتي طاح والشمس
توجع ولابه غير ظلي.. على البيد

(8)

ماجيت أقول القصيد.. ورحت اغني به
ولا كتبته لعين وكف عشاقي
من يوم وقتي ثعت فيني مخاليبه
والشعر طير وسماه بداخل اعماقي!!

(9)

هذاك دمعي وكنه صار بأسبابك
يجفى عيوني وروح ينتخي قربك
وهذاك صوت رميته ساعة غيابك
حتى صداه استخار وهج مع دربك

(10)

تعالي يالسنين الاوله.. يالمقبله فوتي
نعيد أيامنا «طبعا» من آخرها الى أولها
علشان اليدين اللي تحرضني على موتي
تقدر موقفي لا من رفضت اني أموت لها!!

(11)

احترت يا صاح في بوحي وكتماني
وأزريت حتى المس المضمون بيديني
أنا الغريب وتعبت اشتاق لأوطاني
ذكرت ربعي نهار.. وجيت ناسيني!!

(12)

أنا اللي مد العالم يمينٍ كلها تقدير
ومدوا لي سيوفٍ نصرها ينشاف في عوقي

خروج..

أغيب لكن لا حضرت وتكلمت
داريت شرهة غيبتي في حضوري
أنا الذي عن منة أنوارهم شمت
وكم واحدٍ يبغى يجي تحت نوري

في 26-Jan-2008 الساعة : 09:23 AM

يتبع

من نص : حديث البرد

من حرض الريح تكسر علبة الواني
..............................................حتى غدى اللون واحد في شرائيني
من علم الناي لحني لين بكاني
..............................................من وصل البرد جوفي واختفى فيني

نص الطفلة :-

فكرت اقرب مسافاتي واجي يمي
.................................................و أكتب مشاوير حزني واكتب الساقي
لقيت نصف الشوارع مهدره دمي
.................................................و النصف الاخر هلك مالامس اعماقي
والطفله اللي تسيني طرف كمي
.................................................م اتت وخلت بعيني حزنها باقي
ليت المنايا تناشد وانتخي همي
.................................................و أموت معها وفيها واجمع اشواقي

من نص : الطير

الا ياطير وش جابك تخلي منزلك ياطير
................................................عس ى ماشر ياطيرٍ يحوم وينكسر فوقي
ترى ماعاد لك عندي سوى جرح وسحابة خير
................................................ال ا من جرهدت بيد القصائد لاحت بروقي

من نص : نافذة للحزن .

ياآلهي وش بلا هذا المساء عيّا يعـدّي
................................................لا هو اللي محتويني ولاني اللي محتويه
كل مافكرت أبفتح نافذه للحـزن قـدّي
................................................ام تلا صدري نوافذ وامتلت عيني وجيه

من نص الاماكن :-

لا تهج البوح لاحساس الاماكن
........................................يمتلي صدر الورق حزن وكآبه
الشوارع مظلمه والبيت داكن
........................................والنوافذ كلها صمت وغرابه
والموانئ خامله والموج راكن
.....................................يلفظ انفاسه على شط الكتابه

من نص : سوالف جرح

صرخ وجه الظلام وضج صوته في سماء
.................................. غرفهبعد ماجاد به وصـل الستايـر والجفـا فينـي
غدى نصف المكان ونصفه الثاني لقـى

.............................. حتفـهمدام الشمعدان اللي نخيتـه مـات فـي عينـي

في 27-Jan-2008 الساعة : 11:31 AM

شاعر رائع

اتمنى له كل التوفيق ان شا الله

يعطيك العافيه يالغلا

وننتظر جديدك القادم

تحيتي لك

في 27-Jan-2008 الساعة : 12:08 PM

منور والله في خاطري تصدق من زود نورك ودي اخذ صورتك العرض واحطهاا في كل موضوع لى علشان تنوره

قسم بالله اني كاتب الموضوع هذا فوووق 20 منتدي :( يعني لا تلومني اذ مارديت علييك زين حق والله اكثرر من ذا الكلام الى مثلك غلييين عليناا

قسسسم بالله اني انتظر يوم الثلاثاء على أحر من الجمر

في 27-Jan-2008 الساعة : 04:02 PM

/

أقفيت واشباه الاوادم لهم رمس
شحوا علي بضحكة ما لها قيد
طاح الشجر في ذمتي طاح والشمس
توجع ولابه غير ظلي.. على البيد

/

لا تهج البوح لاحساس الاماكن
يمتلي صدر الورق حزن وكآبه
الشوارع مظلمه والبيت داكن
والنوافذ كلها صمت وغرابه
والموانئ خامله والموج راكن
يلفظ انفاسه على شط الكتابه

/

صح لسااااانه .. وفاله البيرق (مع اني ماقد سمعته)

مشكور هلوسه

في 28-Jan-2008 الساعة : 07:43 AM

هلا والله يالنجلاء منورة يابطه

اقتباس:

مع اني ماقد سمعته

محمد الحويماني هو من اسره شعريه حيث انه شقيق الشاعر المبدع راشد الحويماني وا شقيق الشاعر فهد الحويماني ..و تراء محمد مهب مشهوور من البرنامج شاعر الميلون محمد شاعر معرووف جدأ

في 30-Jan-2008 الساعة : 01:26 AM

محمد شاعر كبير .. ويشرفيني انه يكون ولد عمي .. بالتوفيق له

في 31-Jan-2008 الساعة : 11:38 PM

صح لسانــه

شــاعر متمكــن ومبـدع

والله إنقهرت يوم اللجنة ما رشحــوه للمرحلة الجايــة

والله إنه أفضل من اليمانــي والاماراتي ..

لكــن وش نسوي .. سيــاسية برنامج ..

بالتوفيق لمحــمد .. كلنــا معــه

في 01-Feb-2008 الساعة : 02:15 PM

محمد كبيييييييييييير ومايختلف عليه ثنين ..

تكفى ابغى قصيدته يافهد صوت ...:(

تعبت من كثر مادورها :(

في 02-Feb-2008 الساعة : 01:28 AM

هلووووسه

يعني عشانه ابن عمك تقول كذا << اقشر

ونعم فيك وفيه ياغناتي

وجتني اتصالات تقول شوفه ترا ابن عم تركي بس للاسف كان على دوامي اخذت مقطع بسيط ومشيت

لكن الله يوفقه ويستاهل ولد الهيلا

مشكور تركي على عرض القصائد الجميله

تحيتي لكـ...

في 02-Feb-2008 الساعة : 07:21 AM

هذاك دمعي وكنه صار بأسبابك
يجفى عيوني وروح ينتخي قربك

وهذاك صوت رميته ساعة غيابك
حتى صداه استخار وهج مع دربك

صح لسانه ..وفاله التوفيق ان شالله ..

يعطيك العافيه تركي ..على موضوعك..

مشكووور ..وتسلم

تحيااتي لك ..

في 04-Feb-2008 الساعة : 12:59 AM

قصيده جزله ومافيه حيله والصور الجماليه رائعه ارويتني شعر وفالك البيرق والتوفيق

يستاهل اكثر محمد والله انه شاعر كبير ويستحق البيرق

تحياااااااااااااتيـــــــــــــــ،،،ـــــــ

في 04-Feb-2008 الساعة : 05:44 PM

صـح لـسـانـه , وفـالـه الـمـلـيـون

الله يعطيك العافيه تركي ,,,,,,

الشاعر محمد الحويماني العتيبي

•°•¤ شاعر المليون ¤•°•