يا وردة البستان يسعد مساكم= يا بخت قلبي ساقه الحظ مساك
الورد الحمر مسكنة في رباكم= يعني العطر فواح دايم من إرباك
صار الحلا نقطة بعالم حلاكم= يعني جمال الناس يرسي بمرساك
مهما تناسيت الهوى ما نساكم=قلبي يعيش لخاطرك كيف ينساك
يعني بدمي صار يجري غلاكم= ما هو بكيفي بالغصب قلبي أغلاك
إن غبت لحظة طار فكري وجاكم=إما يجيّ له طيفكم ولا هو جاك
دام الشمس تكسف خجل من ضياكم=لا تلوم عيني تتبع الحسن وضياك
دام الخلايق تقتبس من وفاكم= مهما وفالك قـلبنا قلت موفاك
ودام الزهر يرقص لوقعة خطاكم= كل العيون العاشقة ترقب اخطاك
كل العذارى يا ملاكي فداكم= والشعر يا روح الشعر قلت يفداك
السعد ما يكمل حياتي بلاكم=آنتِ السعد يامسعد القــلب محلاك
القلب يسمع في بعادك نداكم=ويجاوبك يخفق بصدري وناداك
بعيش عمري منتظر في رجاكم=ونثر زهورالورد في وقت ملفاك
أنسى الأسى والحزن لحظة لقاكم=عمر الفرح مكتوب في ساعة القاك
اشكي الوقت لا ما شكينا قساكم= يا وقت تبعد مسعد القلب مقساك
للحرف لذة نسمعه من شفاكم=أعذب كلام الحب مولود بشفاك
القلب مابه حب ساكن سواكم= أنتِ الوحيدة بداخله ملك يمناك