~[ اللي ما يعرف الصقر يشويه (قصة المثل)... ]~

تحية طيبة للجميع وبعد :

...


كان هناك رجل عنده صقر ثمين جدا وكان يغليه أكثر من عياله
لأنه مصدر أكلهم بعد الله , فخرج ذات يوم وكان الجو غير صافٍ
فهد الطير على جول من الحباري , فغاب الصقر عنه وأخذ
طول الوقت يصيح ويلوح فوق كل مرقاب ..
وبعد صلاة العصر بعد ماتعب وهلك ، رأى راعي إبل بالقرب منه ..
فذهب له ..

وعندما وصل إليه ، وجده قد شب ناره ..

فسلم عليه وسأله عن الصقر ، فقال الراعي :
" والله ماعرف طيرك ولكن جاء هنيا طيرين وطاحن تحت هالشجره
وقامن يتفارسن وقربت منها وضربتها بالعصا وعانها فالنار اصبر شوي وناكلها كلنا . "

قام الرجال وحرث النار واذا هو طيره ومعه الحبارى , ثم صاح على الراعي قائلا :
" أبك هذا صقر يامهبول هذا طيري . "

قال الراعي : " مافيه فرق حبارى صقر كلها واحد . "
ندم الرجال ولكن لايفيد الندم ثم أطلق كلمته المشهوره :
( اللي مايعرف الصقر يشويه ) .

وفعلا اللي مايعرف الصقر يشويه .

فاقد حنان

مشكور ياغالي عالقصه

سلمت يمناك

أختك