مشاركة رقم :
13
 في 28-Jul-2008 الساعة :
06:07 AM
|
| | كاتب الموضوع :
جــــــــــنان المنتدى :
•°•¤ محبرة شاعر¤•°• رد: ๑ ◦˚ஐ .. صف نفسك بــبـــيــت شعر ..๑ ◦˚ஐ
انا منهو ومن ياللي بداخـل هالجسـد موجـود
انا لمعة نجـم والا شهـابٍ نـاض بهبوطـه ؟
انا شيخ انتهى عمره ويرقـب ساعتـه بركـود
او صغيّر , همومـه بيـن ميكيّـه وبطوطـه ؟
انا رجلٍ ورث جـوده , وزاده بالمراجـل جـود
او بنيّـه ضفايرهـا بـورد العـز ممشوطـه ؟
انا مسافر بلا وِجهه , بكونٍ ما حصـره حـدود
او مْقيم وْمريح وْكل شف موافـق شروطـه ؟
انا في عتمة الدنيا طريـقٍ موحـش ومسـدود
او ارضٍ مْنوِره خضرا ومد الشوف مبسوطـه ؟
انا حـرفٍ بـلا معنـى ولا بالأبجـدي معـدود
اوحـروفٍ اساسيـه لهـا شكـلٍ ومنقوطـه ؟
انا دمعٍ حرق اجفان , وذوب باللهيـب خـدود
اوبدنيا الفرح دوّيت بيـن النـاس زغروطـه ؟
انا غصن اجْرد بصحرا جداب وحاد عنها الـذود
او زهور وْروايحها بنشـو السيـل مخلوطـه ؟
انا خيبة امل حلّت على اللـي بالرجـا موعـود
اوبشارة نجاح احيت مجـدٍ محـري سقوطـه ؟
انا عقلٍ بليا قلـب , او انـي قلـب دون قيـود
واحساس او بتكويني رموز الحـس مغلوطـه ؟
انا كذّابٍ او صادق , انـا حاسـد او المحسـود
انا مْداوي لهيب السوط او اللي يحرق بسوطه ؟
انا المقبل او المقفي او اللـي مكتنفـه بـرود
فلا بايع ولا شاري , رجـاه بْعيـد وقنوطـه ؟
انا أي الوجيه اللي ذكرت البيـض والا السـود
رسومه عابسـه , والا نداويـه ومبسوطـه ؟
من يْجاوب ويعطيني جوابٍ واضـح ومحـدود
بكلمه , بس ما ابغاها باداة الشرط مشروطـه !
انا هذا , وانا ذاك , وغير اللـي ذكرتـه زود
ولا يكفي لذكر الزود دفاتـر والـف مخطوطـه
انا الرجال والانثى , انا الطفل البـري والعـود
انا صورة جميع الناس وبالاحساس مضبوطـه
انا الطيب وانا الشرير , انا التابع وانا اللي يقود
وانا المسرح وكل دْماه , وانا اللي يلعب خيوطه
انا انسان ولا أحتاج على نظم الكلام شهـود
انا شاعر ,, ولكن زد عليها تـاء مربوطـه !!
| | |
|
آخر 10 مشاركات
๑ ◦˚ஐ .. صف نفسك بــبـــيــت شعر ..๑ ◦˚ஐ
