~[ مهم وعاجل جدا للبنات وللعيال جدا جدا ]~

السلام عليكم ورحمة الله وبركاته

اول كل شي اشكر اخوي ابراهيم على هالموضوع والنصائح ..بالفعل اخوي اضم صوتي لصوتك

المنتدى فيه مواضيع روعة بكل الاقسام ..وحرام ما يمر عليها الاعضاء على الاقل ياجماعة كلمة شكر...كثير منا يقول ما نعرف شنقول او كيف نرد .انا اقول انت حول تمر واقرا الموضوع ....بالتدريج صدقوني مع الايام راح تتعلمون وتستفيدون من الي قريتوه اذا مو اليوم بكرة..بتشوفون مع الايام راح تكتسبون الاسلوب ومصطلحات وعبارات ...الكل يتعلم بس لازم يكون الواحد عنده دافعية من داخل نفسه ...

من ناحية ثانية البعض يقضي مو اقل من ساعة بالمنتدى طيب الانسان ما يفكر هالوقت في وين قضاه ؟وش استفدت ؟ اذا بقول ماعرف ولا احاول اقرا ولا راح استفيد شي ..واحنا عارفين ان فكرة المنتدى للترفية والتعليم وتبادل الخبرات والثقافات....وغيره ...لكن اذا الواحد بس ركز على شي معين ممكن يبدع فيه طبعا لكن من الافضل ان العضو يلم بكل الاقسام منها :

* تكسب لنفسك شي لو كانت كلمة فانت كسبان...على الاقل حق المدرسة شويت فلسفة..
** كذلك التشــــــــــــــــــــــــــــــــــــــجيع لبعضنا يعني تخيل نفسك تعبت روحك كتبت او دورت موضوع وجيت ولا لقيت ولا رد او ردود محدودة..اكيد بتضايق ..وكما ذكر الاخ ابراهيم في مواضيع تستحق انك تقراها فوق 5 مرات.
*** راح تكسب اعضاء ومعرفتهم وبتالي تصير علاقة الاعضاء والمشرفين قوية وهذا مهم لنجاح المنتدى الي كلكم حريصين عليه..

تركيز بعض الاعضاء على الفرفشة حلو بس هذا ما يمنع لو تمر على كم قسم ترد على موضوعين وشوي يمكن راح تحب القسم الي كنت ما تطيق تدخله (صارت معي والحين اذا ما امر عليه احس ان شي ناقصني).. انا متاكدة ان كل الاعضاء عارفين هالشي بس التذكير وقوفنا عند نواحي قصور فينا راح نتدارك هالشي ....ونطور باذن الله وبارادتنا

وبالمناسبة فيه اعضاء ما يقصرون(بدون ذكر اسماء) تلقاهم نشيطين في كل الاقسام ومبدعين بقسم او قسمين ترى هذا شي عادي لان كل انسان له ميول معينة (لا تقول ماعرف احشر روحك بتعلم والانسان ما نولد متعلم)....

وبالاخير اكرر شكري لاخوي ابراهيم ..واحيي كل عضو متفاعل بالمنتدى ..واشجع الاعضاء الي تفاعلهم محدود اوان شاء الله راح نشوف نشاطكم و بتبدعون ..

### سامحوني على الهذرة بس بالفعل موضوع كان يقلق الكثير من الاعضاء والمشرفين
** احترت بنقل الموضوع راح اخليه في العام لان اكثر الاعضاء يروحون هالقسم ..ويمكن بعد فترة راح ينقل للاقتراحات .. وان شاء الله الادارة راح ترسل رابط الموضوع لكل الاعضاء .. لأهميته ونريد تفاعل الكل وهذا الاهم ..

خالـــــــــــــــــــــــــص شكري وتقديري للجميع

اختكم هنــد