بنات ابغى مساعدتكم ماني عارفة ايش ألبس

**جداويه عسل** · 09-May-2006,05:41 PM

ابغى, ايش, بنات, عارفة

السلام عليكم ورحمة الله وبركاته
بنات تكفى ابغى مساعدتكم لاتبخلوا عليه
بعد شهر تقريبا الحنة او (الغمرة) حقت بنت عمي ومني عارفة ايش البس
البس لبس هندي ولافستان عادي ابغى شي يكون شيك لاني معروفه في العيلة دايم البس الشي المميز والشيك مابغى اتفشل
ممكن تقترحوا عليه او تزلوا لي صور بلييييييييييييييييييييز!
انتظرردودكم

fkhj hfyn lshu]j;l lhkd uhvtm hda Hgfs

**المحـ غريق ـبة** · 09-May-2006,05:44 PM

العسل دايم عسل

اترك الخوات
يردون

تقبلي مروري

غريق

**شيطونة مياسه** · 09-May-2006,06:11 PM

البسي هندي أحس انه أحلي دام انها غمرة

امممممممممممم اذا لقيت صور بجيب

مع اني ما لي في هذه الحركات كثير

هيا اعزميني بروح جده بعد شهر هههههههه

لك احترامي شيطونتك

((شط شط))

**جداويه عسل** · 09-May-2006,06:47 PM

افكر في رايك شيطونة

**}{حورية الأرض}{** · 10-May-2006,03:07 PM

اعتقد مرت الغمرة خلصت خخخخخخخخخخخخخخخخخخخخخخخخخ

مشي حالك ماحبيت اشوف موضوعك وماارد

انا عن نفسي زي حالتك مااحب البس الا كل شي حلو

ولازم يكن مميز والحلو هنا ياحلوة انتي

برأي انك تلبسي فستان ناااااااعم مرة كلاسيك ولو كان اسود راح يهبل عليكي

وهادي صورة منو

الف عافية ياعيني وسهرة سعيدة وعقبال الزواج ان شاءالله

وصلي تبريكاتي لبنت عمك

**سندريلا مملوحة** · 10-May-2006,03:14 PM

لالالا حورية الارض
دة مكشوف اوى
ومش ينفع تطلع كدة
بس انا اقترح عليكى
تلبسى فستان يكون
بنى او احمرغامق جدا
ويكون طويل
لانى دة اللى يمشى مع الحنة
وانتى زى ما بتقولى جميلة
يعنى كمان بعد الفستان والكوافير
هتكونى روعة
ولا انتى رأيك اية
والف الف الف مبروك
وعقبالك ان شالله