الموضوع: قصيدة غلطة الحب

قصيدة غلطة الحب

يا مهاجر على غيري وعذرك سمين
بارك الله دروبـك لا تمنيتــهـا
العفو والمسامح لك يمين ويمين
يشـهد الله نفسـي عنك رديتـهـا
رح فمان الكريم ورافع الك اليدين
ادعي الله لك الفرحه عسى ليتـهـا
دام هذا نصيبك والقدر والسنين
. قـدرة الله ببطـي ما تحديتـهـا
بس خوفي مع الايام زولك يبين
. بعد هجر العيـون اللي ما حنيتـهـا
تسهرك بالدموع وبالشقا والحنين
. لكن اليوم لو شفتك ما هليتـهـا
دام هذا اختيارك يا الفهيم الفطين
. زلتـك تحتملها يـوم زليتــهـا
والله إني في حبك سيد العاشقين
. ووالله إن الليالي فيك عزيتـهـا
والغلا والضلوع ورحلة المغرمين
كلها من خفوقي اليوم ذا ألغيتـهـا
انتهينا خلاص ارجوك والعذر وين
ليه ذكـرى المحبه تـوّك أوحيتـهـا
للأسف يا حبيبي دون جيم ٍ وسين
. سالفة عشقنا بتمـوت ما أحييتـهـا
يرحم الله حبك في صدى الراحلين
. عـزة النفس يا عمـري ما ذليتـــهـا
إسمع الناس حولك وإسمع العاذلين
وإكتم الونه بصـدرك لا ونيتــهـا
وش تفيد الحسايف وش يفيد الونين
. كل ما تسنح الفرصات عديتــهـا
غلطة الحب ترخص وانت عندي ثمين
لين زادت بلاويـها ومليتــهـا
لا يطول الكلام ولا يزين ويشين
قصرة حبال وصلك وانت قصيتـهـا
هذي آخر مشاعر شاعـرك والحنين
ترجمتها لك حروفي وبثيتــهـا
استلمها بستر الله وربك يعين
صورة الحب ماتت وانهدم بيتـهـا

منقول

---

rwd]m yg'm hgpf