الموضوع: رواية من يقول الحب يذبل كالورود

]فيصل علم ريما وبدت تبكي على فراق خالتها أم فيصل ووعدت فيصل انها ماتعلم نوف بشي

أبو فيصل من عرف بالخبر . جا لعند عياله وحاول يواسيهم لكنه ماكان حزين كثير مثلهم .

نوف حست ان البيت فيه تغير واخوانها فيهم شي . دخلت الصاله وكانوا كلهم مجتمعين هناك واللي لفتها أكثر ان ريما كانت تبكي
نوف كانت موقفه بالوسط بينهم . واخوانها كل واحد يطالع الثاني ومو عارفين كيف يردون على اسألة نوف

نوف: وش فيكم ؟

نوف: علموني وش فيكم ؟

نوف: أمي فيها شي ؟ امي وش فيها ؟

فيصل: نوف أمي تعبانه ويمكن تجلس في المستشفى وبتطول

نوف: طيب بس أشكالكم مررة متغيره وبعدين هذي مو أول مره تجلس امي في المستشفى

نوف: علموني !! اذا امي فيها شي علموني .أنا اعرف شكل ريما اذا ضاق صدرها عمري ماشفتها تبكي كذا أكيد صاير شي

طبعا ريما ماتحملت أنها تكتفي بالنظر لنوف . واخوانها اللي عجزوا كيف بس يقدرون يقولون لها

ريما على طول قامت تبكي بصوت مسموع . ومشاري كان حاط ايده على راسه بحيث ان وجهه ماينشاف

ريما مسكت نوف وظمتها بقووه .

نوف : ريما وش اللي صاير علميني

ريما: خالتي الله يرحمها يانوف

نوف باستغراب : وشو أمي

ريما ظمتها بشكل أقوى من أول : عطتك عمرها

نوف هدت ريما وقامت :: ريما يعني أمي أمي ؟

وقبل ماتكمل كلامها على طول طاحت على الأرض لأن الخبر كان اقوى منها بكثير وشلون تروح أم فيصل ونوف مالها بالدنيا غير أمها .صدمة قويه


كيف بيكون مصير نوف . من بعد ام فيصل هذي امها ونوف ضناها .كيف بتتحمل هالصدمه . فراق . أمها
قالت أمي .لكن كلمة ماتت هذي كانت صعبه صعبه كثير على لسانها .

فهد شال اخته عشان تروح للمستشفى

د: لازم تجلس عندنا ليله أو اكثرنتابع الحاله كويس

مشاري: طيب الحين وش عندها

د: يمكن انتم علمتوها بخبر أقوى من قلبها وقلبها ضعيف ومايتحمل

مشاري: الله يعينك يانوف الله يعينك

فهد: الحين وشلون نخلي نوف بلحالها في المستشفى؟

مشاري: وش رايك نخلي مرت فيصل تجي عندها

فهد:فكرة خلاص انت الحين اتصل عليه

ريما وافقت وجات لعند نوف بالمستشفى بتجلس عندها والباقي رجعوا للبيت

ريما كانت طول الوقت تبكي على منظرنوف الضعيف وش بتسوي بعد هالخبر

والأهل والناس كلهم دروا عن وفاة أم فيصل وجوا للعزا
وأكثر وحده حزينه كانت أم طلال لأنها غلطت بحق ام فيصل كثير
وطلال اللي حس انه عائق في سبيل الوصول لحلمه

اما ابو فيصل. ماحظر الا ثلاث ايام العزا وصلى على ام فيصل وبعدها سافر لمصر

واللي ماقدر يحضر أي شي من العزا .نوف . اللي كانت بغيبوبه أستمرت يومين . وبعدها قامت . وفتحت جوالها لقت رسايل من صديقاتها وأهلها كلها عزا الكل كان يعزيها . فتذكرت أمها . وبدت تبكي بشكل شديد ومنظرها يقطع القلب

حيل الله اقوى يالعيون الشقيه *** وش في يدي غير السهر والقصايد
قالوا توفت وافقتها المنيه *** واصحى ترى اللي مات ماهو بعايد
الموت حق وخل نفسك قويه *** يايمه بهالدنيا تشوف النكايد
قلت العنا شي مااقدر عليه *** والحزن عندي صار سلم وعوايد
ماتت وذكراها على البال حيه *** ودموع عيني لاطرتلي شدايد
حبيتها والحب ماهو خطيه *** عشقتها عشق على العشق زايد
وافراقها للقلب من غير نيه *** وانا اشهد ان فراق الاحباب كايد
كل الليالي عقبها سرمديه *** والا الفرح في دنيتي شي بايد


ريما وهي تبكي: نوف خلاص يانوف والله ضيقتي صدري خلاص

نوف: ريما علميني الحين أنا وش أسوا بها الدنيا وش لي فيها

ريما: نوف لاتقولين هالكلام الحين المفروض تفرحين لأمك الله يرحمها ,,لأنها ماتت وشكلها مرتاح

نوف ببكاء أشد: ريما انا مالي بها الدنيا غير أمي كنت أشوف كل الدنيا بعوينها

ريما:

نوف: ليتني أموت بدالك يايمه ,أو أتمنى أموت الحين أحسن لي .

ريما: نوف لاتقولين هالكلام

نوف: ريما أحس بغربه .أحس مااحد حولي ياريما خلاص أمي وراحت وانا من عندي الحين

ريما خلاص كل ماحاولت تمسك نفسها ماعرفت ضمتها بقوه .


ريما: نوف كلنا حولك أنا واخوانك محد راح يتركك لاتقولين غربه أحنا حزينين معك بس مايصير نوقف قدامها الدنيا ماوقفت يانوف ماوقفت

واستمروا وقت طويل بين بكاء نوف الشديد ودموع ريما . اللي تحاول تهديها

دخلوا اخوانها وتحمدوا لها بالسلامه . وحاولوا ينسونها اللي هي فيه

نوف: الحين وين أبوي؟

فارس: أبوي ماجا الا الثلاث أيام الأولى وبعدين سافر يقول عنده شغل

نوف: طيب والعزا والصلاة عليها ؟

فيصل: نوف خلاص صلينا عليها والحمدلله شكلها مررة مرتاح

نوف : طيب متى بنروح للبيت ؟

فيصل : لحظه الحين اروح اسأل الدكتور

:::::::::::::::::::::::::::::::::::::::::::::::::: ::::::::::::::::::::

فيصل: ماعلمتني عنها ؟

د: فيصل والله احتمال أو مانقول أحتمال من بعد تحاليل الدم أثبتت أن البنت عندها السكري

فيصل : وشو؟!! سكر وهي بها العمر.لاحول ولاقوة الا بالله
طيب هذا مو وراثه وليه الأسباب تتوقع ؟

د: يمكن اللي علمتوها هو السبب لهالمشكله .الله يعينكم ويعينها

فيصل: الله يعين ان شاء الله .بس متى بتطلع ؟

د: خلاص اليوم ممكن تطلع بس أنتبهوا للسكر ترا مو زين الاهمال
في الأبر والحبوب والعلاجات

فيصل: ان شاء الله

دخل فيصل عليهم

نوف: يالله متى ابطلع تراك طولت مع الدكتور

فيصل: اليوم بنطلعك ان شاء الله

نوف: أبي اشوف ملابس امي خلاص ابي اروح للبيت

فيصل: ان شاء الله

فهد بصوت واطي: فيصل شكلك مو على بعضك الدكتور وش قايل.؟

فيصل: نوف معها سكر

فهد: وش تقول ؟ سكر؟

مشاري: من جدك ؟

فيصل: لامن كذبي أي من جد

فهد: طيب علمها

فيصل: لالا أنت اللي علمها . ماابي اتسبب بضيقة صدر زياده

فهد راح لعند أخته وحط راسها في حضنه

فهد: نوف خلاص أن شاء الله أنتي وامي تشوفون بعض في الجنه
لاتبكين لأن الدموع ماتنفعك ولا تنفعها لازم تدعين لها الحين انتي بنتها الوحيده صح؟.

نوف: صح بس

فهد: وش اللي بس انتي ضايق صدرك على أمي كلنا زيك بس لازم تصيرين قويه

نوف: فهد هذي امي تعرف وش معنى امي ؟

فهد: وانا بعد امي بس أدري ان الصياح ماينفع بس يضر

نوف: وليه يضر؟

فهد: قبل شوي فيصل يوم سأل الدكتور عنك تدري وش قال له؟

نوف: وش قال؟

فهد: انتي وش تتوقعين ؟

نوف: أن شاء الله سرطان ولا أيدز عادي تبلد الأحساس

فهد: وش هالكلام ؟!! بسم الله عليك قولي استغفر الله

نوف: استغفر الله

فهد: نوف يقول ان انتي معك سكر

نوف: سكر؟!!!!!!!

فهد: ايه .بس هاه مانزعل ولانصيح لأن ربك يبي كذا والصياح يزيد المشكله

نوف: بس

فهد: الأطفال صاير يجيهم سكر وعادي يتماشون مع هالدنيا خلاص روحي غسلي وجهك الحين عشان نطلع وورانا شغل كثير .

نوف: ان شاء الله

أما الباقي الكل كان ساكت ويسمع لهمس فهد لنوف وكلماته اللطيفه عليها .أعجبوا باسلوبه وبطريقته مع نوف . وحاولوا يتمالكون دموعهم لأن المنظر يقطع القلب . كيف تقدر تتحمل صدمتين بوقت واحد . وكل وحده منهم بتأثر في حياتها .لكن أسلوب فهد الرائع ابعد قليل من الحزن وخفف من الصدمه اللي في قلب نوف

ريما جمعت ملابسها عشان يمشون للبيت . بيتهم كان فيه خالاتهم متجمعين يعزون ام فيصل مشاري طلب من نوف انها ماتجلس في العزا لأن حالتها الصحيه والنفسيه بتتأثر كثير


:::::::::::::::::::::::::::::::::::::::::::::::::: :::::::::::::::::::::::::

دخلت غرفتها المحيووسه وتذكرت امها وهي تصارخ فيها رتبي غرفتك وليه الغرفه كذا ؟

رتبت أغراضها وبدت تبكي . دخلوا عليها بنات خالاتها وريما يحاولون يهدون الوضع شوي أما الباقي من اخوانها جلسوا تحت عند العزا

كانت تضم شيلة أمها وحاطتها على أكتافها وتبكي بحرقه .الباقي من البنات مو عارفين كيف يتصرفون .

نوف: عارفين هالشيله مهما كان مارح ارميها ابخليها على أكتافي طول الوقت

نوره: الله يرحمك ياخالتي

نوف أستمرت حالة صياحها الى ساعه متأخره من الليل

ريما: نوف خلاص خلاص والله ضيقتي صدري

نوره: حرام تسوين بروحك كذا

نوف بصياح: ريما أبي أمي بس أبي أضمها أبي أحبها بقووه أبي أسلم عليها . أبي أقول كلمة أمي مرة ثانيه

ريما اللي ضمتها وبدت تقرا عليها قرآن الى أن نامت وهي بحظن ريما

نوره بصياح: الله يعينك يانوف الله يكون بعونك

ريما: أي مسكينه

فاطمه : طيب مو زين تخلي الشيله عندها مايصير تتذكر أمها كل شوي

ريما: أي انا اباخذها وهي مو حاسه بس مب الحين

نوره: خلاص خلوها ترتاح

ريما: ايه يللا أنا أبنام جنبها وانتوا اطلعوا

فاطمه : ان شاء الله يللا يانوره

:::::::::::::::::::::::::::::::::::::::::::::::::: :::::::::::::::::::::::

((ليت من يقعد جنبك يانوف . ليت من يواسيك ليتني اقدر أحس اني غلطان أتركها وهي بحاجتي في هالمواقف . هذا الوقت اللي نوف تحتاجني فيه ,,. نوف لاتفكرين اني ابنساك ومارح اتخلي عنك لو وش يصير ))

ام طلال: طلال . خلاص انسى البنت

طلال: وليه ؟

ام طلال: الحين ماحد فاظي لك الكل في عزا وانت تبي تتزوج

طلال: لو وش يصير نوف ماانساها خلاص.؟

:::::::::::::::::::::::::::::::::::::::::::::::::: :::::::::::::::::::::

فيصل: خلاص بكرا بنطلع ملابسها

مشعل: لا

فيصل: مو حلوه نخلي البنت تشوف ملابس واغراظ امها بعد لازم نراعيها شوي

وشوي ونزلوا البنات من الدرج نوره وفاطمه طبعا كانوا متغطين

فهد: وين نوف؟

فاطمه : نايمه الحين مع ريما

فهد أي زين

وطلعوا البنات من البيت والكل راح لبيته

:::::::::::::::::::::::::::::::::::::::::::::::::: ::::::::::::::::::::::::::

الجوهره اللي مازالت تفكر بمحمد وحضرت أول يوم للعزا وبعدها رجعت مع أخوها للدمام

((ليه يامحمد ليه الخيانه لاويقول أبي أسافر هو أنا لازم اعرف أكيد انه يصرفني أبتصل على بيتهم واسوي نفسي غلطانه ))

اتصلت على رقم بيت محمد وردت عليها سارا . الجوهره حاولت تغير من صوتها عشان ماتعرفها

سارا: الو مين ؟

الجوهره: الو هلا انا ام زياد

سارا : طيب لحظه شوي

وبعدها جات ام محمد

ام محمد: هلا ام زياد

الجوهره: ياهلا وين محمد؟

ام محمد: محمد متزوج الحين الله يوفقه

الجوهره: عفوا هذا بيت محمد بن سعد آل

ام محمد: لالا غلطانه

الجوهره: معليش سامحيني . ومع السلامه

ام محمد: مع السلامه

((معقوله خلاص يامحمد رحت تتزوج . ولا حتى قلت لي ولاشي . ليه ليه وأنا اللي حبيتك جعلك ماتتهنى . لالا وش هالكلام أنا لايمكن أدعي على .على محمد مهما سوى أنا ماادعي عليه . بس الله ان بينتقم لي منه ))

وجلست الجوهره لها ساعه بس تصيح على اللي سواه محمد فيها

:::::::::::::::::::::::::::::::::::::::::::::::::: :::::::::::::::::

الحين نرجع لبندر وابو بندر

بندر : يبه الحين وش بنسوي على الزواج ؟

ابو بندر: انتظر انت الحين المساكين . توهم مخلصين من هالعزا

بندر: بس حتى نوف الحين لازم تستقر . وبعدين لاتستبعد ان يجي أحد ويخطبها

ابو بندر: بس للحين اخوانها ماردوا علينا

بندر: خلاص انا ابتصل فيهم

ابو بندر: لابس عيب الحين مب فاضين لهالأشياء

بندر: لالا ماعليك تلقاهم الحين بدوا يتأقلمون

واتصل بندر بمشاري . مشاري انحرج من ولد خاله وفعلا هو طول كثير ولاحتى ماأمداه يسأل عنه لأن بندر علاقته في مشاري مو قويه
مشاري: علمه أن نوف مادرت عشان صعبه يكلمونها عن موضوع زواج وهي في عزا امها . وبعدين سبعين في الميه ماتوافق على بندر . بندر مايأس طلب من مشاري أنه يعلم أخته بأسرع وقت عشان يرتب للملكه . مشاري قال له انه بيحاول

((ااخ ياقليل الذوق في أحد يجي يملك بعد عزا والله ان هالولد ماعنده ذوق أبد .بس الأحسن اننا نسأل نوف هالوقت لأنها أكيد مارح توافق ))

مشاري: فيصل ترا بندر تو يبي يشوف موضوعه مع نوف

مشعل: يحسبنا رايقين له

مشاري: مدري بس توهقت ومدري وش أقول له خلاص بس خلونا نسأل نوف أكيد مارح توافق

فيصل : خلاص نسألها أحسن

:::::::::::::::::::::::::::::::::::::::::::::::::: ::::::::::::::::::::::::

نوف: لاوش تخربطون هو أنا ناقصه بعد تبون تزوجوني عشان تفتكون مابي ومابقى الا بندر

فيصل: يابنت الحلال الولد وجاي يخطبك ماتبيننا نقول لك ؟
لا وحشى يكفي أن امي وصت عليك ليه تفتك منك خلي عنك كلام المسلسلات وفكري

نوف: ماابي اتزوج من بعد امي مارح اتزوج خير شر

فهد: نوف بالهداوه وش هالكلام خلاص ماتبين بندر نرده بس مو نفتك منك ولا ماراح تزوجين بعد احنا مارح نخليك كذا لازم تعيشين حياتك

نوف وهي تبكي : خلاص اطلعوا برا ماعاد أبي اشوف أحد عند غرفتي

فيصل: نوف وبعدين ,

نوف: فيصل تكفى ان كنت مهتم بوصية أمي وتحبني خلك برا أنت واخوانك مابي اشوف وجيهكم ثانيه

فيصل: لا مارح اطلع واخليك كذا بس ريما معاك

نوف: ايه بس ريما أهم شي انتوا أطلعوا

ريما: طيب طيب خلاص فيصل أنا أبجلس معاها

:::::::::::::::::::::::::::::::::::::::::::::::::: ::::::::::::::::::::

مشاري: لاحول ولاقوة الا بالله

فهد: وش السواة الحين ؟

فيصل: حركاتها طبيعيه هذي ضغوط نفسيه وريما تحاول تعوضها حنان بس المشكله أنا خايف عليها من هالسكر والله مو زين تسوي بنفسها كذا

فهد: الحين خلوها مع ريما أريح لها . ريما تفهمها أكثر

:::::::::::::::::::::::::::::::::::::::::::::::::: :::::::::::::

((معقوله بس خلاص . مامر الا كم من اسبوع عالعزا ويبون الفكه مني أبوي اللي يبيني أعيش معاه في مصر . واخواني اللي شوي ويتبرون مني . والحين مالي فهالدنيا احد أبد . حتى المدرسه أنقطعت عنها .ليتك عندي يايمه كان ماتسلطوا علي هالأخوان بس من يوم رحتي تغيروا ))

ريما: نوف

نوف:

ريما: نوف كلميني

نوف والدموع في عيونها : نعم؟

ريما: أخذتي الأبر؟

نوف: لا اعطيني اياها

ريما: طيب

ريما ونوف ظلوا ساكتين . فتره طويله .ريما حاظنه نوف مثل العاده وتحرك شعرها

نوف خلاص تعبت من التفكير ونامت

اما مشاري اللي اتصل على بندر وعلمه ان نوف مو راضيه . بندر مايأس وقال انه بيجي لبيتهم بكرا . مشاري ماكان وده ان بندر يجي لأن نوف بترجع حالتها اللي أول فقال له ان جيته مالها داعي . لكن بندر كان مصر

:::::::::::::::::::::::::::::::::::::::::::::::::: ::::::::::::::::::

ويوم ماجا اليوم الثاني على العصر جا الخال بو بندر وولده واخواته الأربعه

خالهم كان صارم كثير . ومايبي لولده غير نوف

فيصل: البنت ماتبي الزواج

ابو بندر: لا بس أحسن لها ع الأقل تطلع شوي من الهم اللي فيها

فهد: وليه نجبرها وبعدين توها صغيره

بندر: طيب الحين ابخلي أخواتي يروحون لها يمكن ينفع

مشاري: انا لله

أخوانها كانوا ساكتين لأنهم عارفين ردة فعل نوف

ويوم راحوا لها اخواته حاولوا فيها يمين ويسار لكن مافي فايده . قالوا لها ان بندر مايتعوض وبيحطها على راسه .
وبيملكها لكن الزواج بيأجلونه . بس البنت رافضه . وبعد مده من الأقناع دخل عليهم ابو بندر وقال ((ماتاخذين غير بندر مالك غيره )) نوف ماعجبها تصرف خالها لأنه مو المسؤول عنها وبعدين مو بهالطريقه يكون الأقناع

حاولوا البنات أكثر الا أن وافقت ولكنها ماتبي بس قالت في خاطرها أنها ودها تتفرغ لنفسها وتنسى همومها
البنات فرحوا كثير وراحوا لعند ابوهم واخوهم بيبشرونه
ابو بندر فرح كثير وبندر اكثر وقام يسلم على ولده ويبارك له
وبدوا يتكلمون عن موعد الملكه

فهد وفيصل قاموا يطالعون ببعض باستغراب اما مشاري راح لعند غرفة نوف بسرعه

مشاري: نوف صدق اللي سمعته ؟

نوف: ايه صدق

مشاري: يعني بتتزوجين بندر؟

نوف: خلاص لاتقولها أنا مانيب متزوجه بس أبملك

مشاري : نوف فكري زين أحنا مارح نخلي خالي يجبرك مو على كيفه أنتي وحياتك ماعليك منه .لايكون رمى عليك كم من كلمه هالجفس وخفتي ووافقتي لا يانوف هذا مو أي شي فكري أكثر

نوف: خلاص مشاري قلت أني موافقه

مشاري وهو مازال مستغرب: براحتك

:::::::::::::::::::::::::::::::::::::::::::::::::: :::::::::::::::::::::::::

أما طارق أبو نهى ونهى كانوا في الصاله نهى ساهيه وتفكر

طارق: نهى وش فيك وفي ايش تفكرين ؟

نهى : يبه وين مصطفى ماصرنا نشوفه

طارق : أي صح ذكرتيني أنتي معزومه على حفلة زواجه

نهى: زواج؟

طارق: ايه

نهى بحزن : يعني مصطفى بيزوج

طارق: ههههههه وانتي ليه ضايق صدرك افرحي لمصطفى توقعتك أكثر وحده بتفرحين

نهى : وليه أفرح ؟

طارق: مو أنتي تقولين ان مصطفى مثل أخوك خلاص أخوك بيتزوج

نهى: هههه أي الله يهنيه بس نبي نودعه

طارق : أي يمكن يجي بعد شوي

نهى اللي في قلبها كلام ثاني كان ضايق صدرها بس هي عارفه أن مو ممكن ان مصطفى ياخذها بس ودها انها تكون زوجته

((مصطفى الله يهنيك . ليه الله يهينيك لأنك بتاخذ غيري ؟ لالا انا المفروظ ازعل فعلا أحس بضيقة صدر لأن مصطفى من وقت قريب كان المفروض لي بس طيب وانا ليه ازعل ان كان طلبني بس اهلي مو موافقين . اهم شي انه كان حاطني بباله بس المفروظ أفرح لك تستاهل كل خير وياحظ هاللي بتاخذك ياامصطفى ))
وارتسمت الأبتسامه فرح لزواج مصطفى لكن مايزال القلب حزين شوي

مها : نهى ان جا مصطفى المفروظ تتغطين

نهى : ان شاء الله

ودخل عليهم مصطفى ونهى بحجابها

مصطفى : يالله مع السلامه نهى

نهى: بدت الدموع في عيونها :: مع السلامه مصطفى

مصطفى : انشاء الله بين كل وقت والثاني ابجيكم

نهى : مصطفى وش جنسية زوجتك

مصطفى: هنديه

نهى : الله يهنيكم

مصطفى : يالله ان شاء الله اذا جاتني بنوته ابسميها نهى

نهى : هههههه

مصطفى : يللا أنا ماشي

نهى بدت تبكي : مع السلامه مصطفى ولأخر مره أقول لك اياها قبل ماتتزوج

مصطفى : مع السلامه نهى

وراح من عندهم مصطفى . وبدت نهى تتأقلم وتنساه وتنسى أيامه لأنه الحين بيتفرغ لنفسه
ويقول لها ((مع السلاااامه ))

:::::::::::::::::::::::::::::::::::::::::::::::::: :::::::::::::::::::::::::
اما الوضع في بيت أبو فيصل كان شبه متأزم
فارس دائما منعزل في غرفته ومايحب يكلم أحد كثير
مشعل مازال حزين على فراق أمه لكن مع الوقت بدا يتعود
مشاري قلبه قوي وقادر يصبر ويتحمل وبدا يتعاطف مع نوف اكثر
فهد اكثر واحد يقدر حالة أخته وكان يحاول يعوضها حنان ام فيصل ويمشيها بين وقت وثاني عشان يحاول ينسيها ويجبرها تروح للمدرسه اللي انقطعت عنها اكثر من اسبوع
فيصل هو الحين رجال البيت وهو المسؤوول عنه وكأنه الأب الموجود الحمل كان قوي عليه كثير واهم ماعنده نوف والأبر يعني تهمه حالتها الصحيه أكثر شي
نوف الله يساعدها كل ماجلست لوحدها تذكرت أمها وهي تجلس وياها . وتتذكرها يوم تقول لها لاتركضين من عند الدرج عشان لاتطيحين . وتذكر ايام امها اللي تحاول تنساها ومع الوقت بدت ترجع لحياة طبيعيه وخفت همومها كثير عن اول ومازالت تفكر بملكتها مع بندر

أبوفيصل اللي ماشاف عياله من بعد العزا . واكتفى انه يتصل بنوف ويسأل عن اخبارها ويحاول فيها انها تجي تسكن بمصر عنده
الحين الساعه 9 الصبح جا فيصل مسرع وفرحاان يركض بأسرع ماعنده
كان رايح لغرفته

فهد: اعصابك فيصل وش عندك

فيصل كان يحاول يتكلم بس الفرح مو مخليه

فهد : ههههههههه الله يستر من اخبار الساعه تسع فصييييييل تكلم

فيصل: هههه ريما ولدت لوووووووووول

فهد: مبرووووووووووووووووووووووك

وسلم على اخوه

مشاري: مبرووووك يابابا أخيرا صرت عم

مشعل: وش جابت ؟

فيصل: ولد

فارس : مبروووووووووك مبرووك فيصل وش بتسميه ؟

فيصل: مدري . ابسميه خالد

فهد: خالد!!

فيصل: او اقول مدري بعدين الحين ابروح اجيب ملابسها

فهد: ههههه يللا افرح وعقبالنا

فيصل: ههههههههههه مع السلامه ابروح . علموا نوف

مشاري: ههههههههه طيب بس انت رح لايجيك شي

درت نوف وفرحت لأخوها وريما . سمو ولدهم ((نوااف)) وفيصل كان وده ببنت عشان يسميها الجوهره بس كل شي من الله

أخيرا جا خبر يفرح بيت بو فيصل ويفرح عياله .

:::::::::::::::::::::::::::::::::::::::::::::::::: ::::::::::::::::::::::::::
ام طلال مازالت تناقر طلال وتحاول تقنعه أن مافيه فايده من نوف
طبعا الكل عرف بسالفة خطبتها لبندر الا طلال

ام طلال: طلال

طلال: نعم يمه

ام طلال بفرح: وش صارعلى زواجك

طلال: انا قلت لك ان مازوجتيني لنوف مانيب متزوج

ام طلال: نووف؟ وليه ؟ ماتدري انها مخطوبه ؟

طلال: وشو نوف بنت عمي خالد أقصد

ام طلال: هههههههه أي داريه نوف مخطوبه

طلال: يمه صدق والله

ام طلال: والله أجل ابكذب عليك

طلال: لاااااا مايصير طيب من اللي خاطبها ؟

ام طلال: بندر ولد خالها ومصر عليها

طلال طلع من البيت وهو مو عارف كيف يتصرف البنت وراحت من يده حلمه راح . وكل شوي يجي حدث يعكر عليه زواجه وهو يعرف بندر زين يدري انه مايصلح لنوف أبد . نزلت دموع طلال لنوف مررة ثانيه

((أااخخ يالقهر معقوله تروحين من قدام عيني وانا ساكت يانوف قهر وانا لازم اخذك بس حلمي رااح ادراج الرياح مافيه نوف وانا الحين لازم انساها .أاه يالقهر لا ليه يصير كذا وانا اسكت لازم اسوي شي ))

والله ماكان الفراق أختياري لاعمري أخترت الوصال ولقيته
وانا اعشقك عشق المطر للصحاري مهما قسى وقتك علي ماجفيتك


ماكان بعدي عنك بالبال طاري أخترت بعدي عنك منك ورضيتك
لو كنت داري بس لوكنت داري معطيت لك قلبي حبك مشيته

لو مل من صبري حنين أنتظاري ماقلت أبيك ولارجوعك رجيته
أذبلت من طبعك ورود اعتذاري عطشان ذوق ولطفكم ماارتويته


كانت دموعه تنزل من غير شعوره
((ياحلو الدموع صدق انها تشيل شي من الهم من اللي قال انها بس للحريم لاحتى لنا ,.وانا لازم اسوي شي . ابحاول البنت مابعد تملك ,,. وحتى لو ماوقفت امي معاي . شكل مالي غير أحمد هو اللي عارف وبيفيدني ان شاء الله ))

احمد: هلاطلال

طلال: .

احمد: الووو طلال وشفيك رد

طلال: احمد انت سمعت اللي انا سامعه ؟

احمد: وش سامع ؟

طلال: عارف ان نوف بنت عمي مخطوبه ؟

احمد: وشو؟ نوف مخطوبه ؟ لا مدري من قال لك ؟

طلال: يااحمد امي معلمتني

احمد: الحين بنات عماني اللي أكبرمنها ماانخطبوا وبعدين عمي مو مزوجها وهي صغيره تو الناس عليها

طلال: صدقني الخبر أكيد

احمد: طيب شف أنا عندي لك فكره أنت الحين اتصل بمشاري ولا فهد أو أي أحد من اخوانها وتأكد .أن صار صدق رح للرياض وسو نفسك مب عارف واخطبها من عمي خالد نفسه مب أخوانها
وشف وش بيصير بس لاتضيق صدرك كذا ولاتفقد الأمل

طلال: مشكور أحمد خووش فكره .

احمد: ولاتضيق صدرك بس هونها وتهون انت بس سوو اللي قلت لك عنه المهم الحين من اللي خطبها ؟

طلال: بندر

احمد: بندر مغيره

طلال: اخس رجال شفته تاخذه نوف .شفت القهر

احمد: لالا وش مايصير غريبه عمي رضى .طيب انت احسن من مليون واحد مثله بس حاول ولاتيأس لازم نشوفك تاخذ نوف هههههههههه

طلال: هههههه ان شاء الله وسعت صدري الله يوسع عليك

احمد: وش دعوه ماسويت شي كلنا لبعض بس انت الحين علمني وش اللي بيصير معك ومعها ورد لي خلاص

طلال: ان شاء الله يللا أحمد مشكور ومع السلامه

احمد: العفو .مع السلامه

((احييت فيني أمل كبير لنوف يااحمد صدقت بندر مااسمح له ياخذ مكاني أو ياخذ بنت عمي . نوف .أأخ يانوف لو انك تدرين كان رديتيه والله تعبت تعبت كثير يانوف تعبت ))

وراح دخل للبيت مستعجل

ام طلال: طلال وين وين رايح ؟

طلال: يمه انا ماشي للرياض وابرجع ان شاء الله بكره

ام طلال: وش تسوي تودع حبيبة قلبك

طلال: يالله أنا رايح

ام طلال: الحين ؟

طلال:أجل بعدين ؟

ام طلال: طيب حط لك ملابس شي

طلال: لالاوش ملابس بس بسرعه

ام طلال: بشوي شوي ع الطريق

طلال: ان شاء الله

وركب للسياره مستعجل وعلى طول كلم فهد وأكد له فهد خطبة نوف وأنها موافقه وابو فيصل .أما اخوانها مو راضين أبد طلال سأل عن الملكه قال للحين مابعد يتحدد موعدها بس قريب
سكر طلال من فهد وكل ماتذكرنوف . وبندر .أسرع بالسياره زياده كان جالس بتوتر وعيونه على الطريق وكأنه يشوف شكل نوف وهو مسرع لها يتذكر حركات بندر بالمغازل والتدخين فيسرع أكثر وهو على طريق الدمام للرياض
((بيني وبينك مسافه . مهما كانت طويله أنا أشوفها قصيره وموعد لقائك مقرب .وان شاء الله ماكتب الله الا الخير))

وهو في الطريق حتى ماوقف عند محطة بنزين على طول من البيت لبيت بو فيصل

دخل الرياض وتذكر انه مااعطاهم خبر أنه بيجي بس هم متعودين على جياته الكثيره .

يوم وصل للبيت .واستقبلوه اخوانه وتحمدوا له بالسلامه
جلس في المجلس الى وقت متأخر من الليل
كان جالس مع مشاري اللي يسولف له عن ربعه وطلعاته معاهم للبر . بس طلال مو معاه ابد بس يتابع عيونه ويتذكر نوف ومازال يشوفه يشبه لها وذكر نوف وحالة التوتر ماراحت

طلع مشاري ودخل فارس وجو كلهم يسولفون عنده ولاحظوا تغير طلال توقعوا أنه تعبان ويبي يرتاح فماحبوا يزعجونه . طلعوا من عنده

جلس يقلب بالمسجات اللي كانت جايته من نوف بالبوتوث
((فكره وأنا ليه مااتصل عليها بنفسي واسألها ع الأقل أخفف شوي عن اللي أنا فيه من توتر مافي غير هالفكره أنا مارح أغلط بس أبسألها .يالله توكلنا ))

اتصل على جوالها

نوف كانت جاسه على السرير تتذكر أيامها مع أمها والمواقف الطريفه اللي معها . وفي نفس الوقت تذكر بندر فجأه أتصل جوالها واستغربت أن الرقم رقم طلال

((غريبه !! طلال وش يبي ))

نوف: ألو

طلال ((أخيرا سمعت صوتك )): هلا .عظم الله أجرك

نوف:أجرنا واجرك

طلال: عرفتيني ؟

نوف: أيه عرفتك طلال

طلال((طلال.أخيرا نطقتي بهاالكلمه يامعذبتني )): نوف أنا متصل عليك أبسألك عن شي بس ليتك ماتشوفينها خصوصيه وتردين علي

نوف باستغراب : طلال وش تبي؟

طلال: نوف أنتي مخطوبه لولد خالك صح

نوف: ايه

طلال: ابي الصراحه انتي تبينه ؟ ولا لأ؟

نوف: أي عادي

طلال: نوف رديه نصيحه من أخوك وولد عمك ردي بندر

نوف: وليه ؟

طلال: يانوف مايصلح لك

نوف : على أي أساس وبعدين هو بنفسه يبيني وانا وافقت ومابقى على الملكه شي

طلال ((حتى أنتي تسدين الباب في وجهي )): لا أنتي حاولي صدقيني أن اخوانك مايبيونه وانا أكثر واحد أعرفه الولد رايح فيها


نوف: لا أنت ماعندك أي دليل عن كلامك وبعدين باين عليه انه ولد ناس ووش رايح فيها تراه ولد خالي

طلال: صدقيني يانوف صدقيني مااكذب الولد رايح فيها

نوف: طيب من أي ناحيه

طلال(مدري أطيح لك دموعي عشان تصدقين . تعبتيني يانوف والله تعبت أثبت لك )): الله يسلمك الولد مابقى بنت ماتعرف عليها . ويستخدم العود .ويدخن وش تبين غير كذا ؟

نوف: طيب والدليل ؟

طلال: اوكي الدليل خليه علي .انتي الحين متى ملكتك ؟

نوف: مدري نهاية هالأسبوع

طلال: لاااااااا طيب اجليها عشان يمديني .وانا ابجلس هنا فالرياض أسبوع ابغيب عن الجامعه .عشان يمديني

نوف: طلال وش سبب أهتمامك

طلال ((ليتك تعرفين يانوف ليتك ))):لأن مااحد يعرفه مثلي ومن يوم سمعت مارضيت انك تاخذين واحد مثله وبعدين اعلمك الباقي خلاص؟

نوف: اوكي خلاص

طلال: على فكره أنا أول مااتصلت عرفتي أني طلال كيف؟

نوف: حافظه رقمك عندي

طلال : اها طيب يللا مع السلامه وفكري باللي كلمتك عنه زين طيب؟

نوف: طيب

طلال: وان بغيتيني شي لايردك الا لسانك

نوف: ان شاء الله

طلال: سلام

نوف: مع السلامه

:::::::::::::::::::::::::::::::::::::::::::::::::: :::::::::::::::::::::::::

عاد طلال بعد هالمكالمه جلس يناقز من الفرح يحس أن حلمه يقرب له أكثر . ومو مصدق أن نوف كلمته بهالأدب .
((تحبيني معقوله ؟.اكييد أجل ليه حافظه رقمي .لالامااعتقد بعد كل وحده حاطه رقمي تحبني ههههه احلى شي سويته اليوم اني كلمتها وسمعت صوتك وتطمنت عليك ياااااا معذبتني .اي والله جد تعبت معاك .بس المشكله الحين كيف اجيب لها أثبات لازم نروح لهيئة تحقيق .لا أنا بكره ابروح لبندر واقدر من عنده أجيب كلش ))

:::::::::::::::::::::::::::::::::::::::::::::::::: ::::::::::::::

نوف مازالت مو متصوره اللي سوته حاسه بتأنيب الضمير لأنها كلمت ولد عمها وهو مو محرم لها
((افف وش بيقول عني الحين .أخاف يقول تكلم شباب بس هو اللي متصل علي .لحظه لحظه ليه هالأسئله وليه يتصل عشان اشياء بيعلمني فيها بعدين . بس اللي علي أني أجل الملكه واعرف حقيقة بندر .وان كان صدق والله مااخذه لو وش يصير بس أنا بعد ماابي اخذ غير بندر أن كان طلال يكذب أو بس يبي مشاكل أنا باخذ بندر عن جد شكله أنسان مثالي بس مدري يقولون تحت السواهي دواهي خلاص انشوف بكره ))

جلست طول الليل هي وطلال يفكرون بها السالفه طلال كيف بيجيب أثبات ونوف تفكر بكلامه عن بندر ))

:::::::::::::::::::::::::::::::::::::::::::::::::: :::::::::::::::::::::::::::::

من يوم ماجا من بكره جا أبو بندر مع بندرجلست نوف مع خالها وطلبت منه تاجيل الملكه ابو بندر مارضى .نوف طبعا حاولت فيه بالأدب والأخلاق الى أن اقتنع وأجلوها بعد أسبوعين


طلال بعد ماشاف خالها وبندر في البيت تمنى أن نوف في هاليوم بتأجل الملكه أما هو استغل الفرصه وأخذ من جوال بندر رقم وحده من البنات اللي يكلمهم

:::::::::::::::::::::::::::::::::::::::::::::::::: ::::::::::::::::::::::

نوف يوم كانت في الصاله عند خالها فجأه وصلها مسج من طلال

**نوف ان أجلتوا الملكه علميني **

ابو بندر: هاه وش اللي وصلك؟

نوف: هاه لا هذا مسج من صديقتي

وراحت مسرعه لغرفتها

وارسلت لطلال

**الملكه تأجلت بعد اسبوعين وأتمنى اني اشوف الدليل اللي تقول عنه لأن خالي بالموت اقنعته **

طلال

**ولايهمك نوف شوفي هذا رقم بنت يكلمها بندر واسمها لولو خذي الرقم وتأكدي ********

نوف أنصدمت من هالرساله
(معقوله بندر يسويها اللي حبيتك يابندر تجي تخطبني وتكلم غيري .أه يازمن هو انا لازم اتصل عليها .بس كيف ؟ لازم أخذ جوال بندر أول )

نوف : فارس

فارس: نعم ؟

نوف: ابطلبك طلب تكفى تقول لي تم

فارس : لااااا مافي

نوف: فارس تكفى

فارس: وش تبين ؟

نوف: أبي جوال بندر

فارس : وع جواله الزعيم هههههه

نوف: لو انه الرهيب الله يخليك

فارس: كم تعطيني ؟

نوف: فارس ووجع

فارس : ههههههههههه طييب

نوف: بس لااحد يدري

فارس: طييب

ويوم جاب لها الجوال اتصلت على الرقم

لولو: هلا وغلا بندر

لولو : بندر حبيبي وينك؟

نوف: مين معاي ؟

لولو: انتي اللي داقه انتي مين ؟

نوف:أنا وحده متعرفه على بندر

لولو: ماااااااااالت مابقى الا هالأشكال يتعرفون

نوف: اقول بندر من متى تعرفينه

لولو: ياحليلك من زمااان وحتى شفته يغني لي أغنيه بالعود وأهداها لي هههههههه يعني انسي بندر

نوف على طول سكرت في وجه البنت وهي مصدووومه من اللي سمعته . وقامت تبكي ((ايش اللي اسمعه الحين.لالا مايصير . لايابندر ليه الحمدلله اني عرفت قبل مااملك والشكر بعد الله لطلال))

نوف
**الف شكر طلال **

طلال بعد هالمسج فرح فرحه مايعرفها الا اللي يجربها .

(نوف ان شاء لله أكيد بترده أكيد بتردين بندر أخيرا )

ومن الفرحه اتصل على احمد وعلمه وحتى مو عارف يتكلم زين من الفرح

:::::::::::::::::::::::::::::::::::::::::::::::::: ::::::::::::::::::::::

طبعا نوف تعقدت من الزواج وتذكرت أم فيصل تمنت لو تجلس مع أمها بس تستشيرها وش بتسوي في هالموقف كبير كثير على نوف

وقامت تبكي بشده دخلت عليها ريما وسألتها

ريما: نوف شفيك؟

نوف: ريما طلبتك قولي لهم ماابي اتزوج

ريما/ : وش هالكلام ؟!! الحين عطيناهم كلمه لالا مايصلح

نوف: ريما مابي أتزوج ابد لابندر ولاغيره

ريما: وليه نوف وش اللي قلبك ؟

نوف: خلاص خلاص الكل خاين ياريما

ريما: نوف تعوذي من ابليس بس وخلي عنك هالكلام

نوف بصياح شديد: اقول لك ماابي يعني مابي ريما تكفين قولي لهم

ريما راحت وعلمت فيصل باللي صار . مشاري كان يسمع ريما وهي تكلم فيصل . فراح يعلم فهد .

فهد: حلو جت منها من زمان ماابيها لبندر أصلا ماارتحت له

مشاري: اقول خلونا نقول لخالي قبل مايروح ان نوف ماتبي ولده

فيصل: بالهداوه شوي شوي يمكن تغيررايها لاتستعجلون

مشاري: مو بكيفها وبندر هذا تشيله من بالها . خلونا نروح أحسن

فهد: اي والله معاه حق

وراحوا وعلموه خالهم تضايق كثير للي سمعه وبندر أنصدم من الكلام اللي وصله واستغرب ردة فعل نوف خالها أصر عشان يعرف السبب بس نوف مو عارفه كيف تقول

نوف بانفعال وصياح : خلاص خالي على عيني وراسي بس أتزوج ماابي

فيصل: نوف شوي شوي اعصابك

الخال طلع وهو متنكد مع ولده بندر ضايق صدره كثير بس في نفس الوقت يحس انه في احد مغير عقلها

:::::::::::::::::::::::::::::::::::::::::::::::::: ::::::::::::::::::::::::

اما طلال من جهه ثانيه كان يوصله كثير من اللي يحصل عن طريق مشعل وحاس ان الأمور تمشي في صالحه بس اللي معكر عليه أن نوف ماتبي تتزوج أبد ولا أي واحد يعني تبي تعنس طول عمرها

طلال
((مدري يانوف أنا اللي أحاول أقرب وانتي تبعديني وتبتعدين الى متى يانوف الى متى أنا خلاص تعبت وانتي عذبتيني المشكله مافهمتي قصدي يوم اكلمك واعيد واكرر ليتك تفهميني يانوف ليتك ))

:::::::::::::::::::::::::::::::::::::::::::::::::: ::::::::::::::::::::

اما ابوفيصل اول ماعرف رجع للسعوديه يبي نوف تتزوج لكن رفضها موقف ضد رغبته

كان وده انها تتزوج وبس أي احد بس اهم شي يقرب لهم ومو من بعيد
حاول فيها لكنها تبكي بحرقه وأنفعال شديد .وكأن في شي بداخلها مو عارفه كيف تقوله ومحد يعرف طبعا غير طلال

طلال قرر انه يخطب نوف ويقرب من حلمه اللي تعب وشقا حياته بس عشان هالحلم

وبعد ماسأل ابوفيصل

ابوفيصل: والله مانلقى مثلك ياطلال بس انت شايف البنت ماتبي تتزوج ياما حاولت فيها بس ماتبي

طلال: طيب علموها أني خطبتها وان شاء الله ماتقول شي

ابوفيصل: والله انك خوش بس نشوف وبأرد لك خبر

الكل في البيت عرف ان طلال يبي نوف وطبعا كل أخوانها

والكل يحاول يقنع فيها حتى أبو فيصل لكن البنت مو راضيه . خلاص مافي أمل أنها توافق .لأنها مارح تاخذ بندر اللي كانت تتمناه والسبب الرئيسي وفاة أم فيصل تبي ومازالت طلال مافقد الأمل أنه يااخذها بس متضايق أن نوف اهي العقبه

((بالبدايه كانت الوالده . وبعدين ماتت أم فيصل وببعدين بندر. والحين أنتي يانوف بنفسك توقفين بوجهي ))

:::::::::::::::::::::::::::::::::::::::::::::::::: :::::::::::::::::::::::::
نوف تغر حالها وحتى صجتها تغيرت بدت تذكر أيام أمها . وتربط ارغام اخوانها وابوها على طلال من كرههم لها وماتدري انهم يدورون مصلحتها نوف بس تذكر حالها وتبكي وحتى ماصارت تاكل ولاتجلس مع أهلها .بس طول الوقت تذاكر أو بالغرفه وتروح للمدرسه

فهد: والله هالبنت مو عاجبتني حالتها أبد

مشاري: تغيرت أول مااحد يقوم البيت غيرها الحين متغيره

فيصل: المشكله أنه مو زين للسكر وهي حتى ماتراعي نفسها شوي

الا دخلت عليهم نوف

فيصل: نوف !! للحين مانمتي ؟ بكرا وراك دراسه

نوف: مانيب رايحه بكرا

فهد: وليه صار لك أيام ماتروحين يانوف هذي ثالث ثانوي مولعبه

نوف: خلاص ماعليكم مني .الحين مااحد يتدخل فيني

فيصل: ماحد مسؤول عنك غيرنا وبتروحين للمدرسه

نوف: قلت لكم مابي

فهد: يانوف خلاص لازم تحاولين تنسين نفسك . والمدرسه لازم بتروحين مب حلوه تفوتك الدروس

نوف: خلاص بس بكرا

فيصل: انتي الحين روحي نامي وبكرا يصير خير

مشاري: يالله تصبحون على خير أنا رايح

نوف: وانت من اهله

:::::::::::::::::::::::::::::::::::::::::::::::::: ::::::::::::::::::::::::

وفي المدرسه كانت المعلمه تشرح الدرس أما نوف ماكانت معها أبد كانت تفكر بحالها وطبعا كل المعلمات عارفين بموتت أمها فيعذرونها وهي ساهيه تفكر والمدرسه بوسط الشرح
طاحت دمعتها وعلى طول مسحتها

مشاعل : نوف شفيك

نوف:

غاده : نوف علمينا وش فيك؟

نوف: لالا ولاشي

مشاعل: تعبانه ؟

نوف: بس راسي يوجعني شوي

غاده : اخذتي أدويتك؟

نوف: ايه ماخذتهم

وكملت المدرسه الشرح والبنت غارقه بعالم ثاني . وحتى وجهها مبين عليه الصياح وضيقة الصدر

وبعد فتره قصيره . أغمى عليها وطاحت على الطاوله اللي قدامها
مشاعل: نوف كلميني وش فيك

نوف:

غاده : خلينا نروح نعلم المشرفه الأجتماعيه

مشاعل: أنتي روحي وانا ابجلس معاها

ويوم جات المشرفه . قررت تتصل على بيت أهلها وتعلم اخوانها عشان تروح للمستشفى

المشرفه: المشكله أرقام اخوانها مو عندي وبيتهم ماحد يرد أتوقع مافيه أحد

مشاعل: استاذه أنا أعرف رقم أخوها

المشرفه: طيب يللا استعجلي

واتصلوا على فيصل . اللي جا مسرع أول مادرى باللي صار لها ووداها للمستشفى

طبعا طلال أول مادرى على طول راح يلحق فيصل

د: والله شكل عندها ضغوطات نفسيه كثيره

فيصل: طيب والحل ؟

د: بعد ماتصحى تقيس الضغط والأغماء بسبب السكر كان نازل عندها كثير يعني لو تأخرتوا شوي كان راحت فيها

طلال: طيب والحين وش بتسون ؟

د: بس الحين تحت الأجهزه . وبعد ماتقوم رح نقيس الضغط

فيصل: اوكي شكرا

فيصل: طلال!

طلال: هلا

فيصل: خلاص روح أنا أبجلس معاها

طلال: لالا أنا مانيب رايح الين أتطمن عليها

فيصل: براحتك

وبعد فتره دخل عليهم الدكتور وقال أنها قامت

د: الحمدلله الحين حالتها أحسن تقدرون تشوفونها

طبعا بس فيصل اللي دخل وطلال قاعد على أعصابه .

نوف ماكانت تذكر ايش سوت بالمدرسه وتطالع في الأجهزه باستغراب

نوف: فيصل أنا وش جابني هنا؟

فيصل: تعبتي فالمدرسه وجبناك

طلال: دكتور ايش صار على الضغط قستوه ؟

د: الحين صبر

د: فيصل وطلال لازم نرفع الضغط عندها

فيصل: هههههه يعني والمطلوب نخوفها؟

طلال: هههههههههههه

د: ههه ايه ارفعوه عشان يرتفع

فيصل: ههههه طلال أدخل عليها وشف شغلك

طلال: أنا ! وانا وش دخلني ؟ انت اخوها

فيصل: لا بس مارح اقدر اسوي شي

طلال: خلاص بس خلها تتغطى

فيصل: طيب يلللا

ودخل عليها طلال

نوف: طلال خير ان شاء الله وش تبي؟

فيصل طبعا كان جالس ع الجنب ونوف ماتدري عنه

طلال: خخخخخخ ابي أكلك

نوف: وجع طلعوه عني فيصل وينك ؟

طلال: فيصل رااح فيصل بحح هههههه

نوف بانفعال: وجع أطلع

ووقفت فوق السرير من العصبيه

نوف بصراخ: اطلع أكرههههك أكرررررررهك

طلال بنفس النبره : هههههههههه وانا أحبك مووووت

نوف: أكرررهك

طلال: أحبك

نوف: أطلع

طلال: مانيب طالع

نوف: طلاااااااااااااااال

طلال: عيون طلال

نوف: اطلع برررا

طلال: لاااااااا
فيصل : هههههههههه الله يرجك يللا لاتموت علينا

طلال: ههههه يالله انزين

ودخل الدكتور وقاس ضغطها وطلع سليم بس البنت تنفعل بسرعه
طلال وفيصل جلسوا ساعه يضحكون على منظر نوف وطلال
نوف جلست في المستشفى شوي وبنفس اليوم الليل طلعت

:::::::::::::::::::::::::::::::::::::::::::::::::: ::::::::::::::::::::

بعد ماجلست في البيت وماكانت تذكر اللي صار في المستشفى زين ماتتذكر الا أنها كانت موقفه على السرير وتصرخ على طلال
لكنها مستغربه ردة فعلها الغريبه

في وقت متأخر من الليل

طلال قرر أنه يتصل عليها طبعا من ورى أهلها

نوف: ألو طلال

طلال: هلا نوف

نوف: اهلين

طلال: وش أخبارك؟

نوف: الحمدلله بخير

طلال: ممكن تعطيني سبب مقنع ليه ترفضيني يانوف؟

نوف: خلاص أنا ماابي اتزوج خير شر . من بعد امي الله يرحمها زواج ماأبي

طلال: يانوف حياتك هذي لاتربطينها بأحد

نوف:/.

طلال: وان كان فيني عيب علميني يانوف أبي سبب

نوف: طلال أنت ماقلت فيك شي بس ليه أتزوج من غير أمي

طلال: نوف ممكن تخليني أعترف لك بشي ؟ بس أتمنى أنك ماتزعلين

نوف باستغراب: وش؟

طلال: أنا أحــــــــــبــــــك يانوف

نوف :.

طلال: والله ماحاولت اجي للرياض وطلبتك من أبوك وحتى ضد رغبة الوالده بس عشانك . كل اللي وقف بوجهي تخطيته .والحين مابقى غيرك يحرمني منك نوف أرفقي بحالي شوي

نوف:

طلال: أن شاء الله أبعيشك أحلى عيشه أخليك تنسين همومك بس .أنتي وافقي صدقيني ياما ناس ماتوا كل أهلهم وشافوا حياتهم انتي بعدين بتندمين أن رديتي أحد عشان امك .يانوف أخوانك كلهم بيروحون .وانتي اللي بتبقين. نوف افهميني

نوف: طلال احرجتني بس مدري وش اقول لك

طلال: عموما أنتي ان مابغيتيني براحتك . بس أنتي لازم تشوفين طريقك ولا مارح تنسين همك هذا طول عمرك . وان مابغيتيني أنا مارح اتزوج خير شر واذ ماتبيني رديني

نوف: خلاص خلاص انا ابشوف مع السلامه

طلال: فكري زين باللي قلته .ومع السلامه


أنا اللي لك زرع قلبه غرام وانبتت ورده
قطفها لك وقدمها هدية قلبه الموعود
ياليت أحساسك المرهف يمد الورد في يده
بحس ان الامل ينوي لدنيا فرحتي بيعود
تعال نعيش فرحتنا ونوقف للجفا ضده
حرام تعاند أحلامك وقلبك عني ترده
أجيلك بالوله وألقى طريقك بالجفا مسدود
اذا ضاقت بك الدنيا أنا عنتني بشده
واكيد اني على حبك تراني يالغلا محسود
تعال نعيش فرحتنا ونوقف للجفا ضده
ندور عالمن ثاني غدا مابيننا مفقود
وعدنا الحب بالفرحه ولاحدن وفى بوعده
ووعد الحر في قلبك وفي قلبي ترا موجود
أحبك كلمتن ظلت شفاهالحب من مده
نست حتى ابتسامتنا وضحكات العيون السود
عسى ربك يجمعنا وننسى الهم ونصده
نعيش أيامنا الحلوه بلا هجر وجفا وصدود
:::::::::::::::::::::::::::::::::::::::::::::::::: ::::::::::::::::::::::::

((يالهوي الحين أنا وش قاعد أسوي لا ماابي اخرب اللي بنيته . أخاف الحين تفهمني غلط صدق كلامي وقح .بس يجدد الأمل أنها توافق علي وماترفضني أحسن من اني أسكت . ومااخذها . ))

:::::::::::::::::::::::::::::::::::::::::::::::::: :::::::::::::

((وشلون ؟!! يعني طلال يبيني من البدايه ؟ .لالا مايصير طيب # أنا احبك # عشان كذا ناضل .بس أخاف انه اهو اللي مدبر شي على بندر عشان مااخذه .بس مااتوقع دام ان اخواني ماحاولوا فيني أخذ بندر يعني انهم ماودهم فيه بس عن جد كل اخواني بيروحون وهذا مصيرهم وانا اللي ابجلس ولازم اتزوج على قولته بس أمــــــــــــي ؟!!! لالا أنا مارح ارضى بأحد من غير أمي يعني مانيب متزوجه ))

:::::::::::::::::::::::::::::::::::::::::::::::::: :::::::::::::::::::
ابوفيصل وعياله مارضوا أن نوف تاخذ أحد غير طلال

وطلال علمهم أنه يحبها وكلهم مقتنعين فيه وماراح يحصلون أحد مثل طلال لنوف برغم انه توه صغير ويدرس بالجامعه فلازم بياخذها . وقرروا أن نوف تاخذه غصب وراحوا عندها وعلموها أن الملكه بعد يومين وهي كانت مجهزه لملكة بندر من أول وخلاص مارح تاخذ غيره بس بعد ماصار اللي صار أصروا كلهم على طلال .

ريما: أحلى يااالعرووس مااقدر

نوف: ريما ترا مالي خلق هالكلام

ريما: اييه مستحيه يقولون انه يحبك من زمان

نوف: يقول

ريما: ياهوو أحمدي ربك تشوفين واحد يكلمك ويحاول ويشقى عشان عيونك وتروحين تردينه

نوف: طيب ماابي اتزوج

ريما: هههههههههه حتى طلال يضيع كذا عشان ماتبين تتزوجين
اقول عن المستحى وخلينا نروح للسوق خلينا نقضي لك

نوف: يووووه ريما

ريما: يللا بتصيرين عروس وانتي مع هالدموع

نوف: يللا طيب

ريما: اييووا اضحكي من زماااان عن ضحكك ورجتك وفرفشتك

نوف: ههههههههه

:::::::::::::::::::::::::::::::::::::::::::::::::: :::::::::::::::::::::::

جت ملكة طلال ونوف طلال دبر المهر من أبوه وطبعا كل عمانهم جو وأبو طلال جاي . وام طلال جات برغبة طلال وابو طلال
الكل فرحان بالملكه

((الله يايمه ليتك جنبي وعندي في هالملكه اكيد مارح ترضين اني اتزوج كذا بالغصب اكيد بتعيين . الله يرحمك يايمه ))

طلال أسعد الناس بهالزواج وحاس الدنيا ماتقده احمد ومحمد يعلقون على شكله وفرحته

((جا الوقت يانوف اللي أحط عيني بعينك وايدي بيدك اشوفك .أسمع همسك .صوتك تشكين لي واشكي لك هذا اللي انتظره هذي الساعه اللي شقيت عمري عشانها ))

نوف بين بنات اعمامها والكل يحاول ينسيها مكان أمها ووجودها جنبها

وكان شكلها طالع ياخذ العقل .

ابو طلال: والله أجل ولدي ماغلط يوم اختارك نوف

نوف: تسلم والله هذا من ذوقك

ليلى : اييووا يااحلاتك طالعه تهبلين مدري وش بتسوين بالولد اذا شافك

نوف: تسلمين


بعد فتره قصيره

طلال وصله مسج من رقم غريب ولد خالها

&&** الحق يالمتزوج ألحق على نوف على زوجتك شف جوالها وش المسج اللي جايها**&&

طلال انعفس وتغيرت حالته

احمد: طلال وش فيك؟

طلال بانفعال: لالا مافيني شي

احمد: الا متغير ماتشوف وجهك شلون صاير

طلال: احمد فكني خلاص . بس ابي ادخل على الحريم قل لهم

احمد: طيب قل ابي اشوف نوف بس مو تنقلب كنك .

طلال بصراخ: احمد احمد تكفى لاتخليني أقلب عليك أحمد سو اللي قلت لك

احمد: بسم الله ان شاء الله

دخل طلال مسرع للصاله وكانت نوف جالسه هناك وبجنبها الحريم كانوا متغطين

طلال: نوف

نوف: نعم ؟

طلال: وين جوالك؟

نوف باستغراب : جوالي ؟

طلال: ايه جوالك بسرعه

نوف : طيب خذه

فتح طلال الرساله أخر رساله وصلتها ونوف ماكانت فاتحتها ماتدري بها

طلال عصب كثيرومد يده على نوف واعطاها كف

نوف اللي انصدمت وماتوقعت حطت يدها على خدها وقامت تصيح

اللي في الصاله كلهم تجمعوا عليها

طلال: ومن وراي يانوف ؟

نوف: وشو وش السالفه طلال ماسويت شي

طلال: مدري وش سالفة بندر ؟ ووش بينك وبينه ؟

نوف: والله مابيننا شي وش دخل بندر الحين ؟

طلال: مدري افتحي هالرساله وشوفي

نوف والدمعه على خدها فتحت الرساله

**نوف فكينا من طلال هذا ترا مو فاظين له بعد الملكه اتصلي **

نوف جلست مصدومه ومو مستوعبه اللي يصير

طلال: علميني بالعلاقه اللي بينك وبين بندر بسرعه

نوف: وش بندر؟

طلال طلع من الصاله وهو متنكد .أخذ جواله واتصل على بندر ورد عليه واحد من أصدقاء بندر

طلال: الو

يزيد : هلا

طلال: معاي بندر؟

يزيد : هههههه لالا خويه

طلال: وين بندر

يزيد: بندر مسافر

طلال: مسافر؟ ووين؟

يزيد: للكويت

طلال: طيب وكيف اقدر أكلمه ؟

يزيد: ههههههههههه لا ماتقدر مخلي جواله عندي

طلال: طيب خلاص مع السلامه

يزيد: سلام

((هين يانوف وكله من وراي وبعذرك متعلقه بالولد وتبينه . واحنا اللي حاطين لك ألف حساب . وهالبندر ان ماأدبته مااكون طلال وداري اني متزوج وجاي ياخذ مواعيد ))

نوف اللي على طول راحت لغرفتها وقفلت الباب وجلست تبكي . متفشله . ومنصدمه مستغربه وتبكي من الظلم ويكفي انها مغصوبه وبعد جاي يفشلها

((اااااااااه يايمه ليتك موجوده كان ماخليتي هالبثر طلال يجي يتسبب ويعطيني طراق عند الناس والعالم كان ماسمحتي للي اسمه بندر يتسبب . وانا وش ذنبي اتورط معاهم أكرهك ياطلال أكرهك ))

ريما: نوف افتحي لي الباب

نوف فتحت لها الباب

ريما: نوف !! خلاص اهدي شوي

نوف بصياح: وانا وش مصلحتي اتزوج ليه ليه تجبروني . شفتي شفتي ياريما

ريما: الله بياخذ حقك منهم بس انتي هدي لايجيك شي

:::::::::::::::::::::::::::::::::::::::::::::::::: ::::::::::::::::::::::::

بندر كان متفق مع يزيد على طلال عشان يخرب عليه لأنه شاك فيه انه هو اللي مخرب على خطبته

بندر: هاه يزيد وش قال لك

يزيد: والله من صوته صدق ثاير . حرام عليك يابندر والله حرام

بندر: لامو حرام هو اللي مخرب علي

يزيد: طيب أكيد انه بيسوي شي للبنت . وهي وش ذنبها

بندر: ذنبها انها ردتني

يزيد: لابس حرام عليك .

بندر: ليه وانت اللي تعلمني الحلال والحرام مالك خص

يزيد اللي حس بتأنيب الضمير لأنه شارك بندر بالجريمه الفظيعه .الحين كأنه خدش البنت وهي بريئه . فقرر أنه يتصل على طلال ويفهمه السالفه

:::::::::::::::::::::::::::::::::::::::::::::::::: :::::::::::::::::::::

يزيد لذوقه وأدبه وأخلاقه وتربيته ماسمح لنفسه انه يبقى ساكت . وهو اليد اليمنى لبندر في هالجريمه . يوم اتصل على طلال سمع منه سب من طلال على بندر وأخذ وعد مع نفسه أنه ياخذ حقه منه
وأكثر شي أنه حس بتأنيب الضمير على اللي سواه بنوف لأنه مو شوي . حبيبة عمره المفروض يكون واثق فيها ,,. وع الأقل مو عند الناس والعالم

:::::::::::::::::::::::::::::::::::::::::::::::::: :::::::::::::::::::::

راح طلال لعند نوف وكانت جالسه بلحالها خلاص خلصت الملكه وانتهت بعد ماصار اللي صار مع طلال الكل طلع وفي وقت متأخر أتصل يزيد بطلال

طلال دخل على نوف .نوف على طول نزلت راسه وبدت تبكي

طلال: نوف

نوف: .

طلال: نوف

نوف:

طلال : نوف كلميني

نوف انفعلت وقامت تصرخ وتصيح : طلال وخر عني وخرأحسن لك

طلال: بس

نوف: خلاص ماابي أشوف وجهك ماابيك أكررررهك اكرررررررهك

طلال كانت مثل الطعنه على صدره تمنى انه يموت مليون مره ولاينحط بها الموقف اللي يشك في حبيبة عمره ويترتب عليها كرهها لك وبعدها عنه

نوف كانت جالسه على الكنب . وجنبها ريما كانت متغطيه
طلال جلس على ركبته مقابل نوف
ومسك يدها

وبدا يبكي تنزل دموعه ثالث مره عشان نوف

طلال وهو يبكي : نوف سامحيني نوف تكفين ارفقي بحالي . والله أنك اكبر من هالكلام بس أنا الغبي

نوف أستغربت لأنها مو متوقعه اللي يسويه

طلال: نوف سامحيني يانوف أعترف اني غلطت وتسرعت تكفين سامحيني

مسك يدها بقوه ودموعه تطيح على ايدها وبدا يبكي بشده

نوف: طلال

طلال: قولي سامحتك تكفين ماابي اشوف دموع أنا المتسبب فيها بس شوفي الرساله اللي جتني

نوف قرت الرساله وطلال كمل لها كل اللي صار بينه بين زياد

نوف: طلال

طلال: آآمري عيون طلال

نوف: طلال أنا سامحتك خلاص لاتبكي اعذرك بس المفروظ انك ع الأقل ماسويتها عند الناس . المفروظ تكون واثق فيني بس للأسف

طلال: والله ماتصير ثانيه يانوف .أعترف بالغلط واعترف اني تسرعت . وكل هذا حبي لك وخوفي عليك

طلال يمسح دموع نوف : نوف ارفقي بحالي ولاتخليني أشوف دموع انا السبب فيها تكفين يانوف تكفييييين

نوف: خلاص طيب سامحناك خلاص

طلال((تعبت أرضي غرورك)): طمنيني

نوف: خلاص أنا سامحتك

وراحت فوق لغرفتها . ريما استحت وحست أن مكانها غلط فراحت لغرفتها

اما نوف وهي بالطريق للغرفه

((طلال عن جد ماتوقعت أنه بيجي يعتذر . بس المفروظ ماسواها لكن أنا مسامحتك ياطلال كلنا معرضين للخطأ . يكفي أنك انذليت وجيت تعتذر . بس والله ماتصورت هالجمال عيون وسيعه وبشره صافيه . عن جد هالولد أخلاق وطيبه وجماااااال ياخذ العقل . ))

:::::::::::::::::::::::::::::::::::::::::::::::::: ::::::::::::::

طلال كان يتابعها وهي راقيه للدرج .وهي تروح بهدوء

طلال: نوف!!

نوف ألتفتت عليه : هلا

طلال: ممكن شوي

نوف: وشو؟

طلال مسكها وضمها بقووووه . وطول

نوف أستغربت الحركه وكانت منحرجه وماحاولت حتى تضم يدها حول جسمه

طلال حب يدها : نوف سامحيني ضميتك

نوف انحرجت : .

طلال: سامحيني بس أنا احبك لو وش يصير ابظل لك وانتي لي

نوف أبتسمت ابتسامه تجنن : .

طلال: وتصبحين على خير

نوف بصوت واطي: وانت من اهله

:::::::::::::::::::::::::::::::::::::::::::::::::: :::::::::::::::::::

مرت الأيام والشهورسريعه ونوف بدت تميل لطلال أكثر كانوا يكلمون بعض بين وقت وثاني . طلال ماكان يمل منها كل ماحس بضيقة صدر أتصل عليها نوف بدت تنفتح أكثر وتنسى هم وفاة أمها . وتحب طلال أكثر

طلال: هلا بنوف

نوف: أهلين طلال

طلال: كيف الحال؟

نوف: تمام . وانت ؟

طلال: ان شاء الله دووووووم وانا بخير دامك بخير

نوف: طلال

طلال: عيونه

نوف: اممممممم وش رايك نعجل الزواج

طلال: هههههههههههههه من جدك؟

نوف: ليه أنت ماودك؟

طلال: هههه أنا اكثر واحد ودي بس تذكرين أول مرا أكلمك فيها؟

نوف: ههههههههه لامااذكر

طلال: هههههههههه كنتي تقولين طلال أجلوا الزواج ماابي اتزوج بس أبملك نسيتي؟

نوف: هههه الله ياخذ سوالفك أول أنواع العقد

طلال: والحين؟

نوف: افاا عليك اقول لك عجل هالزواج تراني على اعصابي

طلال: وانا أكثر نوف تحبيني ؟

نوف: هههههه وش هالسؤال؟

طلال: تكفين قولي أيه

نوف: وشوله

طلال: ياحليلك تستحين

نوف: طلووووولي

طلال: وشو عيديها ثانيه

نوف: ههههههه خلاص ولاشي طلعت عفويه

طلال : عفويه ؟

نوف: يوووووه عن الأحراج

طلال: عارفه أن لي سنه كامله أجاهد عشان كلمه

نوف: وشي ؟

طلال: بس أبيك تقولين <> طلال أنا أحبك <> تكفين

نوف: هههههههههههه الحمدلله والشكر صدق ماعندك سالفه

طلال: نفووووولتي عشاني

نوف: طيب أنا احبك مووووووووووووووووت ياطلال

طلال:

نوف: احببببببببببك طلال

طلال: اخيرا تحقق حلم سنه كامله

نوف: هههههه الله ياخذ ابليسك

طلال: تذكرين في مثل هالوقت من السنه وش كنا نسوي ؟

نوف: لاماذكر

طلال: كنا في جده أنا ويا الشباب واتصلت بك من جوال مشاري

نوف: هههههههههه أي تذكرت معقوله سنه ؟

طلال: سنه عشان عيونك

نوف: يووووه طلال

طلال: خلاص مانبي نحرجك

نوف: خلنا نعجل الزواج بسرعه

طلال: ههههههههههههه اكيد ابعجله مانيب صابر الين تصيرين في ثالث جامعه صاحيه انتي ؟

نوف : الا نسيت أبارك لك التخرج من الجامعه

طلال: الله يبارك فيك وانا بعد نسيت أقول لك مبروووووك التخرج

نوف: الله يبارك فيك . يعني خلاص بتشتغل ؟

طلال: ايه بس باقي الوظيفه

نوف: الحمدلله مبروك

طلال: ماعلمتيني كم نسبتك ؟

نوف: 97%

طلال: ماشاء الله شطووره

نوف: وش دعوه؟

طلال: على الظروف اللي مريتيها انتي موهوبه الصراحه مامريتي بأشياء سهله وفي أي جامعه بتدخلين ؟

نوف: مدري افكر بهندسة الديكور

طلال : اها حلو .الله يوفقك

نوف: يالله طلوووووووولي تصبح على خير وارسل لي ايميلك

طلال: ههههههههه ان شاء الله . تصبحين على خير

:::::::::::::::::::::::::::::::::::::::::::::::::: :::::::::::::::::::::

بدا زواج طلاااااااااااال ونوف هذي اللحظه اللي سعى لها طلال قد مايقدر هذا حلم طلال . أخيرا يجلس بجنب نوف ويخلف منها العيال ويكون معها أحلى علاقه

الكل فرحان بها الزواج وبالذات أخوان نوف وبو طلال والأكثر ___________طلال _____________

أخيرا جات اللحظه اللي يسعد فيها معها بعد علاقة حب دامت سنه كامله وكلها شقا وتعب

الزواج كان أحسن زواج كل أهل الرياض كانوا يتكلمون عن طلال وجماله الخشم الطويل والعيون الوسيعه والبياض ولحيته خفيفه والشعر الكثيف والجسم العريض شوي والطويل كان أطول من نوف بكثير وشكله مذوب نوف عليه .

أما نوف ماعليها كلام الشعر الناعم والبني كان مرفوع بتسريحه بسيطه وجهها مررة ناعم وطفولي وبرئ . وبياض كانت حاطه مكياج ناعم وخفيف .

طلال أعجب بجمالها وهي اعجبت بجماله وحست أن أهلها ماغلطوا يوم اجبروها على طلال بأخلاقه . وجماله .وأدبه يستاهل كل خير

كانوا جالسين على الكوشه وطول الوقت يسولفون ببعض

أما صديقات نوف كانوا جالسين بعيد يتكلمون عنهم

غاده : شفتي هذا طلال اللي كانت بترده والله انها خبله

مشاعل طول الوقت تصيح على فراق نوف

لميا : ياااحظظظها أبي اتزوج بس أبي مثل طلال

غاده : هههههههه خلاص انتي حدك سواقنا

لميا : ياشينك

مشاعل: الله يوفقك يانوف والله تستاهل هالمزيون مدري عيالهم وش بيصيرون ؟ قمر وقمر اثنينهم يطيرون العقل


سمر تبكي طول اليوم الا أنها ماحضرت للزواج بس اهلها راحوا وهي بقت في البيت ماتتحمل طلال مع وحده ثانيه




طلال : نوف

نوف : هلا

طلال: تحبيني ؟

نوف: اموووت عليك أحبببك

أخيرا قالت نوف كلمة أحبك اللي تمناها طلال طول عمره

أنتي وبس اللي له القلب يشتاق
وانتي وبس اللي سكنتي خفوفقي
ماغيرك من الناس في ناظري
لك ولاغيرك من الناس جفي وذوقي
فيك الجمال اللي تحليه الأخلاق
ياغالين مالي لغيره شفوقي
علمتني معنى المحبه والأشواق
تقرب ويقرب لك حنيني وشوقي
حبك ملك كل المشاعر والأعماق
يجري مثل دمي بداخل عروقي
وانتي وانا في عالم الحب عشاق
والكل منا للمشاعر صدوقي
حبن جمعنا جعل ماعقبه فراق
دامك معي يكفي وهذي حقوقي
أنتي وبس اللي له القلب يشتاق
وانتي وبس اللي سكنتي خفوفقي



::::::::::::::::::::::::::::::::::::::::النـــــــ هــــــــــأيــــــــهـ