تحــدى النفس

[poem=font="Simplified Arabic,4,black,normal,normal" bkcolor="skyblue" bkimage="" border="none,4,orange" type=3 line=0 align=center use=ex num="0,black"]
السلام عليكم ورحمة الله وبركاته

لحضه ترى ماجيت اقدم لكي اعذار
لحضه وبعدها سوى اللى تسوين
لحضه بصحح بيننا بعض الافكار
وباقول لك حاجه قبل ماتقولين
لاتحسبيني بانثر الدمع وانهار
ولا اترجى واطلبك ماتروحين
روحي عسى دربك بساتين وازهار
روحي وغيري بالمخاليق تلقين
صحيح لك بالقلب حشمه ومقدار
لاكن شسوى لك اذا ماتحسين
لي قلب لامنه عشق حيل مدرار
ومن الغلا عندي يكفي ملايين
بس ان لقى صد وجفى صار جبار
واقدر افارق واهجرك لاتخافين
يابنت انا لى عزيتي وباخذ الثار
وابغى انصحك لارحت اصحى تنادين
ماني براجع لاتقولين وش صار
لاتساليني ليه انت تعرفين
غيرك تمنوني وبلعب واختار
واعشق بدالك الف وحده بيومين
وانتى رصيدك بالغلا عندي اصفار
ماعو بذنبي ماعرفتي تحبين
ياما عطيتك الف انذار وانذار
اقدر افارق قلت لك لاتحدين
واليوم انا ليه اتعب النفس واحتار
دامك جرحتيني وكنتي تسلين
واللحين يالله خلي ادموعك امطار
وبحاول اضحك طول منتي تصيحين