لقيته جاي يتخطى يشيل من الورد الوان....؟؟

سريت بليله على دنيا بلا عنوان=أخوض مغامره بدنيا وضيق الهم يكويني
نكابر نعدي ديار الزين كلها أشجان=تعاهدنا نحب وتضحك الدنيا وتسليني
تضم أيديك بيدي تدفي قلبي البردان=واٍذا هامت بنا الدنيا أناديك وتناديني
والى حل الظلام بااليل وعادت غيمة الاحزان=تجدد موسم أحزاني وهمومي ماتخليني
وجاء في خافقي جمر يوقد خوفي بنيران=أخاف يروح وينسى الود مابينه وبيني
وفجأة عدت الغيمة وأنافاقد أعز اٍنسان=أدور وين خطواته ودمعاته وسط عيني
لقيته جاي يتخطى يشيل من الورد الوان=مديت أيدي ليدينه لقيت أمي تصحيني