~[ الهرج واجد ......... اتمنا انها تعجبكم..., ]~

بسم الله الرحمن الرحيم

السلام عليكم ورحمة الله وبركاته

هذه القصيده ارجو ان يقراها منهو على بالي ويحكم في معانيها ويستفيد منها ولايهون الجميع




الليل الاسود بنـور الصبـح متجلـي 000 والصبح يضوي عليه الليـل ويعـوده

اسلـي النفـس لومانيـب متسـلـي 000 والرجل ماهي على العرجات محـدودة

الهرج واجدوش نجيـب وش نخلـي 000 والفكرشغـال والاعصـاب مشـدودة

كل المشاكل طـوال الوقـت تنحلـي 000 لكن بيـن الوجيـه وجيـه مقـرودة

كوارث الوقـت تنـزل يـوم وتحلـي 000 تالي زمان دموعـة تغسـل خـدودة

ياكاسب العلم من عمرالزمـن قلـي 000 لاجاتنـي غلطـة ماهيـب مقصـودة

ان جيت ابااسكت واخلي الزلة تزلـي 000 تروح نفسـي بنـار الهـم ملهـودة

وان جيت اوضح ظروفـي ماتهيلـي 000 لاالدرب مغلـق ولاالبيبـان مسـدودة

هذا زمـان يحـط النـاس ويشلـي 000 حارن الافكار في نقصـه وفـي زوده

الطيب نجـم بسقـف الجـو متعلـي 000 والنـاس كـل بمقـدورة ومجهـوده

واللي بمبدا الوفـا والطيـب متحلـي 000 اقول جعـل الزمـان يثمـن جهـوده

القاع يابـس وحبـل الدلـو متدلـي 000 والبير بالخيـر مذكـوره ومعهـودة

يرعى الجمل في فياض العشب ويفلي 000 والجو فوقه بروقـه تسبـق رعـوده

كم قلب شخص بنـار الحقـد متغلـي 000 حتى ولو جسمه ابرد من هوى السودة

رجـل شبـوره قريبـه خلـه يولـي 000 يصادم الوقت حتـى ينكسـر عـوده

الصعب يسهل وطبـع اللغـز ينحلـي 000 والمشكلة غلطـة ماهيـب مقصـودة



وســــــــــــــــــــــلآمتكم.جميعــآ............ .......

وتقبلووووووووو تحياتي....,

صح لسانك ياسعود

ولاهنت على هذه القصيده


دائماً مبدع مشاء الله عليك


يعطيك العافيه


ودمت بكل خير