الموضوع: الأمير بدر بن عبدالمحسن 00 و000(وضحى)

[glow1=CC3366] ياعيني ع الغرور شايفه حالتس يوم شفتي القصايد تطريتس




يحق لتس شوفي روحتس اسمتس (وضــــــــحـــــــــــى)

سلمت ايدينك ع النقل وصح لسان قايلها [/glow1]

ياهلا والله بمناكير تسلمين يالغلا




هذا من ذوقتس الله يعطيتس العافيه

يعطيك الف عافيه على القصيده الرائعه




والانيات الجميله




تحيا تي الها جس الحب

~~ضـــيــــدان بــن قــضــعــــان~~

هو الشاعر _ضيدان بن منصور بن قضعان العجمي اليامي_
شاعر المفرادت البدوية، شاعر الكلمات القوية, شاعر لم ينال من الشهرة الشيء الكثير
شاعر تميز بقوة اساليبه التصويريه كما في رائعته (نجوم الصبح) التي قال فيها
((قلت الشعر سحرٍ يسخّر لي القلوب ويختصر**عمر المسافات الطويله والسنين المجدبه))
فيتضح لنا جمال اساليبه وقوة تشابيهه,فهو ينثر الابداع تلو الابداع ، اشتهر بقصيدته
(( يا عظيمه كل شي له حدود و له نهاية ;لكن أنتي ما وقفتي عند حدك يا عظيمه ))
وعرفناه من خلال قصيدة
((يـا وجــودي كــل مــا هــبّ صـوتــك مــن شـمــال **وجـد مـن حـدّه زمـانـه عـلــى الـلــي مــا يـبـيــه))
والتي يعتبرها ضيدان من اجمل ماقال ,, فقد صرح من خلال لقاء له لجريدة الوطن القطرية

((-ما هى القصيدة التي تحمل مكانة خاصة في قلبك ولاتنساها‚

ــ نسناس الشمال ‚

لماذا؟

ــ عندما ظهرت في العام 1997 أحدثت ضجة بين النقاد الذين وصفوها بـ « البدائية» ثم ما لبثت أن انتشرت وعاشت حتى أصبحت « خالدة»‚))


اما عن الانتقادات التي وجهت له:


1ـ جهله بالحساب حين يقول :
باقي كثر ما راح واللي راح نصف اللي بقا
وإن ماوصلت لغايتي باموت في نصف الطريق
فكيف (باقي كثر ما راح) تصبح (واللي راح نصف اللي بقا)؟


2ـ خلطه المذكر بالمؤنث حين يقول :
سامحيني واقبلي عذري وسميها بريره
وإعتبرها من عيونك فزعة اليامي ليامي
كيف سامحيني واقبلي , وإعتبرها


3 أخطاء معرفيه :
يقول ::
أقرب مثل اللي لهم فالبيت سبع معلقات
راحوا ولازالت قصايدهم كما البدر المنير
الأعشى وعمر وطرفه بن العبد والعبسي ثبات
والنابغه وابن ربيعه وابن أبي سلمى زهير
فعمر بن ابي ربيعه شاعر إسلامي وليس جاهليا

ضيدان وفخره بنفسه

نرى فخر ضيدان بنفسه نراها تجلت في هذا الابيات

((أخاف تقول عني يا بحر ضيدان بن منصوروقف في يوم من الأيام ودموعه على خده
وأنا مانيب حيالله بشر يكشف لك المستورأنا رجل ٍ يموت ولادرت الأمواج عن سده
ولا آقف ماقفٍ ماهو بقدي لاطغا المغرورانا قد الكلام وماقفي قدي وانا قده ))


فنحن في هذا الموضوع نركز الضوء على هذا الشاعر الرائع المبدع, ونركز على ابداعاته وقصائده


==========
نبدأ بلقا لضيدان مع جريدة الوطن القطرية

فاليكم هذا اللقاء.

كيف بدأت تجربتك مع الشعر ؟

- بدأت تجربتي مع الشعر منذ كان عمري 12 عاما وكانت أول قصيدة نشرت لي في العام 1995 من خلال مجلة المختلف في الكويت ‚

والى ماذا ترجع موهبتك للشعر وحب الناس لشعرك وقصائدك؟

- هذا من رب العالمين سبحانه وتعالى وحب الناس من حب الله سبحانه وتعالى‚

كيف تصف شعرك؟ هل تنظمه او تكتبه أو ترسمه ؟

ــ أنا أرسم شعري في قصائد وأحرص على تقديمها للناس في صور تقترب من حالاتهم النفسية وتلامس شعورهم وتجعلهم يتفاعلون معها ‚

ومن هم جماهيرك ؟

ــ جماهيري هم كل الناس من حضر وبدو ومن مختلف الاعمار والحمد لله‚


هل الشعر معاناة وهل تولد القصيدة ببساطة ؟

ــ يعتمد على الحالة النفسية وقد تولد قصيدة في دقائق وقد تمتد ولادتها الى ساعات وربما ليلة أو حتى أكثر ‚

هل للشعر شيطان كما يقولون ؟

ــ أعتقد ذلك ‚

وكيف تتعامل مع هذا الشيطان ؟

ــ أستعيذ بالله والحمد لله ‚

هل خاصمك شيطان الشعر بعض الوقت ؟

ــ حدث ذلك لمدة تزيد على ستة أشهر وكنت محبطا للغاية ‚

ما هى القصيدة التي تحمل مكانة خاصة في قلبك ولاتنساها‚

ــ نسناس الشمال ‚

لماذا؟

ــ عندما ظهرت في العام 1997 أحدثت ضجة بين النقاد الذين وصفوها بـ « البدائية» ثم ما لبثت أن انتشرت وعاشت حتى أصبحت « خالدة»‚

هل غنى قصائدك أحد من كبار المطربين الخليجيين ؟

- على المستوى الخاص في مناسبات خاصة غنى لي الاستاذ محمد عبده والاستاذ راشد الماجد ولكن لم تعرف أي قصيدة طريقها الى الانتاج والتوزيع ‚

وهل هناك أغنيات تم توزيعها وطبعها على شرائط ؟

ــ هناك أشهر أغنية لي أحبها الجمهور وهي أغنية في أمان الله وقد غنى لي حسن الطيار وحسين العلي ‚

الشعر والإرهاب

من من الشعراء يخشى بن قضعان العجمي ؟

ــ أخشى كثيرا من محمد بن الذيب ذلك «الارهابي»‚

تصف بن الذيب بالارهابي ؟ كيف ؟

ــ نعم محمد بن الذيب شاعر ارهابي لانه خرج بقوة واشتهر بقوة ولديه تمكن وثقة لذا فهو شاعر ارهابي وأنا أخشى الارهاب‚

وماذا عن الارهاب نفسه ؟

ــ الارهاب الحقيقي سيىء وهو الى زوال‚

ماعلاقة العرب بالشعر ؟

ــ الشعر هو ديوان العرب ‚

اذا كان الشعر هو ديوان العرب وبرعوا في الكلام فلماذا ضاعت حقوقهم اذن؟

ــ هناك زمن للعزة وهناك زمن للهوان وزمن الهوان لايدوم ‚

من هم أصحابك من الشعراء القطريين ؟

ــ كلهم أحبابي وأصدقائي وأذكر منهم مبارك عبد الله الخليفي ومحمد بن الذيب وحمد بن فطيس وحمد الدعية وعلي بن عبد الله آل خليفة ‚

فضائيات شعرية

على طريقة الفضائيات والتليفزيونات سأسألك رأيك بسرعة فى التالي:

الشعر ؟

ــ موهبة ‚

السفر ؟

ــ فيه خمس فوائد ‚

السياحة ؟

ــ شيء حلو‚

المرأة ؟

ــ كل شيء‚

الكمبيوتر؟

ــ لا أعلم عنه شيئا‚

الطيارات ؟

ــ أركبها ولا أعرف أسوقها ‚

الارهاب ؟

ــ جريمة ‚

الارهاب في الشعر ؟

ــ عادي ومطلوب ‚

الصحافة ؟

ــ الصحافة تهتم بالشعر والشعراء‚

===
روعة التشابيه وقوة المفردات نجدها كامنه في هذه القصيدة,, نجد تشبيهات ذهبت بنا لمكامن التاريخ

اترككم مع قصيدة((نجوم الصبح))

بانت نجوم الصبح واللي في عيوني من عَصر
ما هوب دمعٍ لا تضايقت آتنهّتْ واسكبه
لا والله الا حلم شيخٍ عن طموحه ما قِصَر
لو قصّرت سود الليالي من يمينه وشْنبه
وانا لو اني ما تعلّمت الهزيمه والنصر
ما كان ذقت من الهوى القتّال مرّه واعذبه
شاعر وعصري فاتني واعيش في أغرب عصر
لا الوقت وقتي والزمن ما بيني وبينه شبه
لكن هنوفٍ مثّلتْ دور العزيزه في مصر
قدّتْ قميصي واسرفت في وصلها قبل انتبه
يوم انْتبَهْتْ استشهدت ضدّي بحرّاس وقصر
قلت ارحمي عزيز قومٍ ذل وارخى منكبه
ماني نبي الله اقاوم حسن خصرك لا انهصر
انا بشر عبدٍ ضعيف وكل برقٍ يجذبه
قالت وهي تُوّي تثنّى كنْ ما فيها خصر
الشعر يا ضيدان ورث جدود ولاّ موهبه ؟!
قلت الشعر سحرٍ يسخّر لي القلوب ويختصر
عمر المسافات الطويله والسنين المجدبه
والحب شيٍ لو حصرته في ضلوعي ما انحصر
يطغي على حدْب المحاني لين ابيحه واكتبه
وان علّمتني الفاتنه وشلون اسير ابلا بصر
علّمْتَها الفنجال وشلون اتحدّى واشربه
وعلّمْتَها إنّي كذا طال الزمن ولاّ قصر
وان اعذب الحب اصدقه وان اعذب الشعر اكذبه


======



يـــتـــــبــــع

7
7

(طير ضيدان)

الشاعر ضيدان يقول شريت لي طير وسألت صاحبه عن إسمه فقال اسمه دهام يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير



ناديت له بأسمه الجديد فواز فواز فالتفت الطير على ضيدان وقال له :



ضيدان أنا أسمي دهام ما هوب فواز

.أما أدعني يا دهام ولا بلاشي

ما هوب حق تغير أسمي بلا أرماز

.وأنا عذاب الخرب لا أقبلت حاشي



فرد عليه ضيدان :



لعيون بعض الناس سميت فواز

.اسم يشابه لاسم صعب المناشي

اللي غلاه بثومة القلب حزاز

.تقبل له ظعوني وتقفي عطاشي



فرد الطير :



ما أرضى تسميني عليها ولا جاز

تغيير الإسم إلا بذبح الكباشي

إذبح تميمه وأقلب الإسم فواز

.إذا ذبحت الكبش ما صار ماشي



فرد ضيدان :



قلت فواز تكفى فكني بالتلعواز

.الحل عندي وأسمع العلم كاشي

لازم تشوف اللي لها القلب ينحاز

.عقب (ن) تجي فواز ولا شلاشي





فردالطير :





يالله مشينا والعمر يبغي إنجاز

يا ما نجز بالهدي ولا عراشي

قم جهز اللي ذاخرينه وممتاز

.وعلي الطلاق إن عزبته من معاشي



وعنما وصلوا الى التي سمي الطير عليها شال ضيدان البرقع عن الطير وقال له هذي اللي سميتك عليها



فقال الطير :



أنا أشهد إني يابن قضعان فواز

واني بعد فواز جاني خراشي

ياحظ قلبك يوم في حبها حاز

.كحيلة ما عاشرة كل لاشي

ياليتني رجلٍ لو أمشي بمعكاز

.وأنخاك وأنخى مبعدين المعاشي

وأنهض لطيف الروح وأجلا لشيراز

وأقضي بقايا العمر ما أحتر جاشي

في شرع أبن حنبل بتأكيد ابن باز

معروف راعي الحب قلبه هشاشي

وأنا لوصل ملوع الشيخ معتاز

أعوز من فراق السبوق الرواشي

أبا أتمنى والتمني به الغاز

ياليت جنحاني لخلك فراشي

أو ليتني بيجر على الورك هزاز

ولا قلم بين الجسد والقماشي
===
فكما للشعراء قصايد في رثاء انفسهم وحالتهم
فلضيدان من هذه القصائد نصيب

ونترككم مع قصيدة ((ياصاحبي))

يا صـاحـبي غـابت عـلـي الشــمـس بـاطــراف الـنخــيـل
وامـسـيـت اشـوف الـباسـقـات الـلـي تمـيل عـذوقهـا

وانــا عــلــي بـشــتٍ حــســاوي لا قـصـــيـر ولا طــويــل

والـمــزنه الـغــــرّا عـلــى راســـي تـلــــوح بــروقــهــا

والـعـالـم الـلـه يدرك العـطــشــان مـنها سـلسـبيل

والا يــوقّـــف يــومــــه المـوعــــود قـــبـــل يـذوقـهـا

يا صـاحـبي . . يا ناس . . ياللي فوق . . يالوزن الثـقيل

لـد الـنظـــر لـلــعـــالــم الـلــي مــا تـبـل حـــلـــوقــهــا

والــعـمـر مــرّه والـقــلــوب الـبيـض مـا تبغـي دلـيـل

والـناس اذا طــابت نـوايـاهــا . . تـطـــيـب وفـوقـهـا

لـو كـل مـن سـمّـا نبيل يصـيـر مـثـل اســمـه نبيل

ســمّـيتهـا لـيلـى عـلـى لــيلــى وانــا مـعــشــــوقـهــا

كـذا . . كـذا يا حـرفـة الـتمـويـه في نعـش الـقـتيل

يا صـاحـبي غــمّــض عـيـونـك وادفـنـه فـي مـــوقـهـا

وانـا تـعـبـت مـن الـحــجــاج السـمـح والكـف البخـيل

ولا عـاد عـندي حــل اعــالـجــهـا واخـــيـط افـتـوقـهـا

صــحــيح انـا مـمـكـن أسـوّيهـا واسـوّي المـسـتحـيل

لكـن رجـلــي فـي هــوى نـفـسـي مـاعـــاد اســوقــهـا

وشـلـون ابرّر مـوقـفـي واجــزا جــمـيـلـك بالـجــمـيـل

وانـا يـديـنـي فــي فــم الـحـــيّـه ورجــلــي فـوقـهــا


-----
الوطن ذلك الشيء النبيل , ذلك الانتماء العظيم
ذلك الكيان الذي نحمل له كل الفضل بعد الله ولقادته
ومهما كتبنا لن نفي الوطن حقه.

فان ضيدان له مجال القصائد الوطنية

ونترككم مع قصيدة((درعنا الصلب))


يالله يا من شكى الخوف يا من &باسمك و بضلال الفهد درعنا الصلب

يا من كشفت أمر الحقيرين يا من &عليك يشكون الغلابا من الغلب

تحفظ وطنا من عبث كل طامن &في ظل من يذري من النهب والسلب

يا شلة التخريب للسبع ثامن & نايف من اسمة يقلب الطاولة قلب

حنا جنودة والطريق متيا من & والله كريم ينشيي الغيث لا طلب

حنا الخبر لاصار الجرح كامن &نايف هو الدكتور للراس والقلب

حنا سعوديين ونبين لأمن &صاحت تهامة و اعتزت نجد في الصلب

حنا فهد حنا دعاة التضامن & من دون مكة تجلب اعمارنا جلب

تقول للضيف استرح و ارقد آمن&ونقول للكلب انبح هناك يا كلب

--------------------------------------------------------------------------------

----
بدوية ضيدان

كما ان الشعار اشتهروا بفخرهم بالبدو وبدواتهم

فلضيدان كذلك نفس هذا التوجه

نترككم مع قصيدة((حنا بدو))

يلي على وجهي قريتي كل صفحات الشقى& أقري و أنا بكتب قصيده و أشعل الساحه حريق
باقي كثر ما راح و اللي راح نصف اللي بقى& و أن ما وصلت لغايتي بموت في نصف الطريق
يا بنت يوم أمطر غلاك بقلب ضيدان و سقى& تدرين وش سبة شقاه و سبة الجرح العميق؟!
شقاه من يمناه و أسم الشيخ و النفس امحقى& و الجرح منك يا أعذب العذبات يالموت الرقيق
يا بنت ما دام البدو تخلف هقاوي من هقى& و أنا بدوي متني يشيل من الزمن ما لا يطيق
ابفخر حنا بدو نعشق على وضح النقا& حنا بدو فينا الولد للقمه العليا عشيق
حنا بدو فينا الولد لو شاف موته ما أتقى& حنا بدو فينا الولد يرقا و لو ماله رفيق
حنا بدو فينا الولد لا من رقا رقا رقا& الين يوصل غايته لوكان في قمة طويق
يا بنت جيتك و الثمن عمري أبي ليلة لقا& يما كذا و الا بلاش من الصداقه والصديق
و ساعة تبسمتي و شفت الجمر والثلج أصدقا& قلت أشهد أن الموت حق و صحت لك صيحة غريق
و أعتقت دمعي و الزعل و الحزن لرضاك أعتقا& و أغفت عيوني في عيونك يا عساها ما تفيق
و آمنت باللي سخرك تقرين صفحات الشقا& و أشعلت بردي في دفاك و شبت الساحه حريق


====
المراد لضيدان مع غيره من الشعراء

كما من فنون الشعر المرد فقد طرق هذا الفن ضيدان

ونترككم
مع (ردية بين الشاعرين / ضيدان بن قضعان وسعد الودعاني)
ضيدان

البارحة يا سعد والعين مسهرها=واغلا القصايد تزاحم في شراييني
شبيت نار القصيد وبت اسامرها= ويممت لك يا سعد والله محييني
وخليت بعض القصايد في دفاترها=ايمان بالله ثم بسمي وتكويني
وغنيت لك من طروقٍ كان ذاخرها=غوالي ما تساق إلا لغاليني
وانا اعرف منين وليه وكيف اعبرها=موهوب فطره ورب البيت مغنيني
والشعر لعبة سحر وعيون ساحرها=احيان تسكن جفوني لين تغويني
واحس نفسي على الدنيا واكابرها=سلطانها اللي عليها الله موليني
مغرور مجنون مدري كيف اصوّرها=الغاية انها تركز في شياطيني
واعوذ بالله يقهرها ويدحرها=ربٍ ليا اغواني الشيطان يهديني
اللي رفع سبع فوق وسبع كوّرها=إن شاء يميتني وإن شاء يحيني
مؤمن وشاعر واجم من البحر وارها=وعلى قصير المدا ما الله بحاديني
اغلي القصيدة وارتبها واطوّرها=والعب بها كنها المسباح فيديني
ما اتعب عليها واكسرها واجبرها=إليا تناوشتها ما هيب تلهيني
وعد القصيدة على اللي ما يقدرها=عيبٍ على اللي يعرفون القوانيني
والسالفة يا سعد مانيب ذاكرها=دام انت فاهم وتسمعني وتوحيني
والناس سرد الحكي ما هوب غاترها=لكن خل السوالف بينك وبيني
وان مرتك صد ما كنك بخابرها=الصمت حكمة يا راع الشين والعيني
والمزنه اللي سقا الصمان ماطرها=ان خلّتها يا سعد لا تلتفت فيني
والساحة اللي تعلو في منابرها=غير السعودي اماراتي وبحريني
العين يا بو مبارك شافت اكثرها=ويا شيب عيني من اللي شلفته عيني
شافت من الناس شعارٍ جواهرها=من غبة اليم تشرا بالملاييني
ناسٍ لو تموت من مفاخرها=قصايدٍ تفتخر فيها الدواويني
وشافت من الناس شعارٍ بمظاهرها=ناسٍ عسى اللي تبلاّها يعافيني
شعّار ما همها إلا اتطلع صوّرها=وقلوبها اكبرمن قلوب البعاريني
تقرا على كل ما شافت مشاعرها=حتى على التايلندي والفلبيني
ناسٍ ما يدرون وين الله حاشرها=ما صاح من صايحٍ هجّوا مغيريني
بلا على الدبك سندها وحدرها=وما قالوا الناس عادوه الوراعيني
قلته وانا غلطتي الا اخطيت ابررها=ما اقول فاتت ما عاد يمديني
وقصيدة ٍ ما تطول وجه شاعرها=ما هيب للي على السكة يباريني
هذا وتسلم من اولها الى آخرها=والسالفة خلها ما بينك وبيني



رد الشاعر سعد الودعاني




قب المعاني متى ما اسرجت ضامرها=في قطع فرجة في خيالي ما تعنيني
بنا ريح يـدك الغيم حافرها=اصايل عسفها ما هوب يشقيني
ضيدان بيّن لي الشاره وشطرها=كنه يقول انتبه بالنقض تخطيني
شب القصايد وفاحت لي مكاسرها=والميت ايغبن وإلا الحي يحييني
نوادرٍ صدر ابو منصور ماكرها=هداتها عن بعض الاشياء تكفيني
خاتم سليمان في يمناه صخرها=وعصاة موسى ما بين ايميني
ما هيب تلهيه وانا ما اجررها=واحب طول المدى والرب مرهيني
مستفعل فاعلٍ فعول لاخرها=ما هيب وزني ولا طرقي وتلحيني
بين اصبعيني اورّدها واصدرها=كنها بلا قاف تتبعني وتمليني
من قلتلةٍ في الخيال ولا يخاشرها=غيري ومن صافي الطفوف ترويني
والشعر فطنة ذكا من ذهن ماهرها=وشرارة ابداع اولعها وتطفيني
حالة تلم التناقض في عناصرها=شعور عفوي وتلقائي وتخميني
احس بالعبقرية في تبخترها=واخش في جو واكره من يحاكيني
آراء مهما اختلفنا ما نكفرها=دام اتفقنا المبادي يا مخاويني
والمزنة اللي سما الصمان باشرها=كني برعادها لاحن يدعيـني
اول مقاديمها يتلا مواخرها=واتلا مواخيرها دينك على ديني
اشوفها وابتعد ما كني اناظرها=وفي صدتي عنك ما يحتاج توصيني
ما شافت العين تدفن في محاجرها=وان مرني اعتبر ما هوب يعنيني
والساحة اللي يفبركها محررها=امدح وتاخذ عباتي يا مواليني
ناسٍ تبيها لا والله تدبرها=بالعرض خشوا معارضة الطراشيني
اوادمٍ تبترم داخل دايرها=في طرح دارج وفي تكرار روتيني
شليلة اشباه ملهيها تكاثرها=تشابهت كنها ملامح الصيني
لا سبك لا حبك لا معنى ينورها=لا شاعرية ولا معهم مضاميني
يا مربحك يا معافي لو يوفرها=والقه في قلب من لايفقه اتهيني
على عماها وبالفاضي تدحدرها=تبداه مسحوب شوي ايلا هو هجيني
هلما جرا وتعلن عن تذمرها=ومن فتل قافك نظرت اللي توريني
لو اذنوا شرق ما والله يفسرها=غير الذي يعرف بين قوسيني
وقصيدة ابياتها ما هيب تشهرها=ما تحمل اسمي ولا خطي وتدويني
وشعرٍ عليه العرب ما تنطل غترها=وياقف شعر روسها له ويش يوزيني
والسالفة لو تشابرنا محاورها=الشين والعين عندك يا مناديني


-----
الوداع ومرارته كمرارته الحنظل,, فقد كتب ضيدان في الوداع

وقال:
فمان الله يا أول من سكن بين الضلوع العوج **عسى دربك سفير و يا عسى الله ما يخليني
توكل لا توادع رح عسى درب الجفا المسهوج **يصادف درب فرقى عقبها ما تلمحك عيني
سمحت من الهوى و من القصيد و من زراق الموج **و رميت أغلى المجاديف الغرام و جيت بيديني
أبغرق في عذابك لا رحلت و يصبح المنتوج **قصيد في حياتي سلوتي و أن مت يرثيني
و اذا هبن بنات الريح للذكرى بدون سروج ** أبسرج مهرة النسيان و أرحل من عناويني
وبنسى لين أسج و برسل الونات فوج فوج **وبنسى دمع عيني ينتثر و أنساك من حيني
صبور ؟ أي و الله اني ما ثنيت العزم قبل أدوج **بريضان الجفا و أظما لوصلك لين تسقيني
شجاع ؟ اي و الله اني ما عرفت الذل قبل أسوج **قدم رجلي على درب لبيت أهلك يوديني
كريم ؟ اي والله اني ما عرفت الشح قبل تروج **دموعي في عيوني ثم أشح بحسرتي فيني
أحبك ؟ حسبي الله ليت مالك في سماي بروج **و لا لك بالبسيطه كود شي بينك وبيني
دخيلك لا تلتفت رح بفالك و أترك المرجوج **تغانم ما بقى لك و لا أنا ما عاد يمديني
فمان الله سق ركبك على درب السنين العوج **و لكن طالبك لا أقفيت عني لا تخليني
**تنويه**
للعلم هذه القصيدة مغناه وغناها حسين العلي وكذلك حمد الطيار
__________________

يعطيك الف عافيه على القصيده الرائعه

يامرحبا والله بأخوي الهاجس الحب

صح لسانك ولسان القايل ولا عدمناك يالطيب


عزالله انك عرفت من تختار من الشعار وتكتب عنه وتنقله


(ضيدان ابن قضعان ) انا بصراحه من المعجبين بهاالشاعر


بس يأخوي الهاجس الحب أنا اشوف انك ضلمته يوم انك كتبت عنه


بعد هالموضوع وها القصيده


لا نه بصراحه يستاهل صفحه كامله تتكلم عنه وعن سيرته


او صفحتين لانه شاعر كبير

ع العموم ماقصرت


بيض الله وجهك

هلا بك أخوي حازم التركي


الله يعافيك ويقويك


سواء كان قصدك ع قصيدتي او قصيدة أخوي الهاجس الحب









عساك ع القوه