مشاركة رقم :
1
 في 01-May-2006 الساعة :
10:35 PM
|
V.I.P
| | | | | | | | | | | | | المستوى :  | | | | المنتدى :
•°•¤ لا للطفش¤•°•  ((فص فص تحت المجهر))
سلام فص عليكم
.
.
صح أني مبطي عنكم بس شسوي الظروف تخلى العنز خروف
.
.
>>>> أقــــــول بلا نصب ماصار لك شهرين من نزلت موضوع ، أخلٌص يالشين عطنا الى براســك .... (الي بـراســي ..اّنـي نـزلـــت هـالمـوضــوع ع طلــب وعشــــان برهوم اّميـر ميـــاسه >> بـس يـاليــت تــهتمــون فـي اّمـر مصطــول وترجعـــونه ولاّتــر نبي نـرحل مـعه )
وقبل الشروع بالقراءه إليكم بعض الشروط
1-اذا معك اخوك الصغير صرفه .. واذا النور شغـال طفه . (( أنواع الخثره )) .
2-علبة زبـادي قليلة الدسم وخبز بر (( في حالة عدم توفر المزه )) .
3-جركل شـاهي ثقيل يصبخ أبو المخ (( فـي حالة عدم توفر جراك )) .
4-موسيقى هـادئه للفنانه الشعبيه والطقـاقه برتني (( في حالة عدم توفر عزازي او ابونايف )) .
5-لقرأه أفضل قم بالضغط على F11 وولع زقاره والبس نظاره شمسيه .
6-لا بس خلاص مافيه شروط بس حبيت اتميلح عليكم شوي .
.
.
طبوووو بالموضوووع
.
.
ابكـتب لكـم قصـتي من الخيـال وحوبـي اّلاول و عــرس وضحـى >>>> ياهـو عـرس بعد .
السـالـفه بـدت يـوم جلـست أشــرب من هالماخـوذ وأغنـي (( هـل تـرى الحـب سكارى مثلنـا )) . وأنــا اللى ألقـط جـوالـى وأتصــل علـى حبيبت القـلب وأبيـن لـهـا أني فـاقد من حبهـا الغجـري وأجي أتصـل والا جـوالى أستقبـال بس كثـر الله خيـرهـا شـركـة الأتصـالات أفتـحت لى الخـط عشـان لا أسـوي مظـاهرات .
أنــا :: ألــووو ...
هــي :: هــلا قـلـبي ...
أنــا :: هـلا بـك يالزيـن ، شخبـارك ...
هــي :: الحمـد لله أنت شخبـارك ..
أنــا :: أخبـاري ماتصـر جلسـت أشـرب من هالمـاخوذ وبديت أحـس أنـك تبين تتزوجيـن وتخليـني بـوسط الزحـام تلعـب فيـني الأمـواج <<< فـاقد واعرف احتسي ..
هــي :: كـم مـره قـأيـله لـك لا تشـرب من هالسـم ..
أنــا ::وضحـى تـحـبـيـنـي ..
هــي :: يــاصـبر الأرض أيـه أحبـك <<< تطـقطق عـلـى راســي ...
.
وأنــا الـى أفتــح فمــي وأرقــد وأحـلام ورديـه وهـواجيـس فـكـريـه غيـر هـادفـه ، ومــا جـت السـاعه الصبـح <<< شكلهــا مافكـت .. الااا وأنــا قــاحص من السـريـر وأجلــس أتمغـط وافـتح الشبـاك وأشـوف العصـافير تـزغـرط ، أنــا من يوم شفتهـــا تزغرط قلبـي نغزنــي وقلت أكيــد وضحـى تبي تـتـزوج وحــدثة الكــارثـه المنتظـره ..
.
يحكـي لنــا المضطـهد فص فص مـاذ حـصل لـه بـعـد تـلك الليـله المشـئومــه .
.
.
((فص فص تحت المجهر))
.
.
طبـعـاً أنــا اللحيــن طـالـع بالتلـفزيــون وحاطيــن عـلـى وجـهـي تشـويـش متهـم بقضيـة تـزويـر أخـلاقـي مفتعــل ضـدي .
.
.
كـنت اتقـهوا مع امي في البيت ، كيف طبعا كـل صبح تجيب امي قهـوتها ونتـقهوا انا ويـاها >>> ا يام العاطـله لا شغـل ولا مشغـله . > توضفنا ابشركم خخخ
وكـانت نظرات امـي لي غريبـه كنـها بتقول لــي شـي انــا من يـوم شفـتها تـاكـل الفصــم وتقط التمـر وانا عارف انها بتقولي شي .
المـهـم قالـت لي وياليتـها ما قالـت لي قالـت شف وانا امك يا فص فص هذا حـال الــدنيا >>>> اول مره اشـوف امـي تتكلم زين ، قلـت هاه اخلـصي علميـني قالت اصـبر شـوي ، وقامـت وعـظت جـلالها ووقفت عند الـدرج وقالت فص فص ، وضحى بنت جيــرانا بتعـرس الاربعاء الجاي ونحاشت امــي >>>> عـارفه اني عصبـي . ، انـا من الصدمه قعـدت اشرب الدله وهي حــاره >>>> يسمـع بالانتحــار ، المهم حــاولت اشــوف وضحـي بنت الـ...؟؟؟؟؟ اســتغفرالله المشكله مــالها دخــل المشكــله في شـايب الشــيريا ابـوها يبيى يزوجها مهندس وما يدري اني مهندس بس مهندس سياكل .
.
(( نعم نعم هذي سنة المحبين ))
.
(( وتـرحل صرخــتي تذبــل ))
.
(( ألعب . ألعب . ألعب . يــا شايب الشريـا ))
.
اللعن ابو دارك أحوبهــا <<< الواو فوقها ضمه .. بس شايب قريح مايفهم .
.
ياقلـبيه اليـوم الثـلاثـاء وبكـره الاربعاء يعنـي قرب عرس وضحى >>> حتى اسمها زين ، الـمهم قـلت والله لـحظر عرس وضحـى ،وشلون تحظره يافص فص وشلون يافص فص قـلت بـس لـقيتـها الـبس بشت ونـقاب واحـظـر مـع ذا الحريم ماحد داري عنك بس عسى ما يكـتبون ممـنوع دخـول الـمـغـاتـيـر . يـوم جـاء الاربـعاء الـظهـر واروح الـمشـغل بـسـوى تـسـريحه واستـشور شعـري ذا الـعـراده ويـغيرون شكلـي طـلعت كنـي عروس >>> لا تكذب طلعت كنك ام الدواهـي ، والله واطـق المـكيـاج ظـل بـنـفسـجي وكـحـل احـمـر وروج اسـود >>>> جيت كني صالون طقاقات ...!!!
.
.
يـوم جـاء اللـيل وراحـو اهـلـي للـعـرس وانا اللي اكـشـخ بالـبشـت العـمـانـي ولااا لقـيـت نقـاب واخـذت نقـاب الشـغـالـه واخـذه منـها بـس واجـهتـني مشـكلـه وهـو انـي كـل مـا لـبسـت النـقـاب يـطيـح تعـود علـى خشـم هالشغاله متـساوى مـع وجهـهـا وانـا خشـمـي سـلـه خنـجر . والله وروح للصاله وألـبـق مـوتري بعـيد واجـي امشي وادخـل الصـالـه وقالـت لــي وحـده عنـد البـاب لـو سمحـتي صفـطـي بشتـس وحـطـيه هنـا قـلـت معـصـي واذا دخـلـو الرجـاجـيل وشـلـون اتـغـطـى وانـا ويـاااهاا طـقـاق لـين وافـقـت ،الـمهـم دخلـت واقـعـد علـى ذيـك الطـاولـه الا امـي فـي الطـاولـه اللـي جـنبـي المشـكلـه تطـالـعني كنـها عـارفتـني بـس سـويـت نـفسـي مـاشفـتها ، والله وتـجي امـي وقـالـت ممكن سـؤال يا بنـتي قلـت خـير نـعـم وش تـبيـن قـالـت عـيـونـس مـهيـب غـريبـه علـي >>> والله النشبه ذا العجوز ..!!!
قـلـت احـسـن اخـطبيـني لـولـدس ، قـالـت خلي ولـدي فـي حـالـه مسكين اليـوم عـرس وضحـى حـبـيـبـته >>>> وانا اللي تخنقني العبره وتدمع عيوني وسال الكحل الاحمر ..!!
.
.
والله ويـجـون الطـقـاقـات الااا مـعـهـم وحـده مـهيـب حـرمـه دبـااا وسـايلـه مـنهاا الشحـوم وعليها بـراطـم كـنها حـواف خبـز تمـيس ، الـغريـبه ان بـرطمـها اللـي تحـت رابطتـها في شيلتـها (رافعته عن الارض) ، يـوه يا عليـهم طـق مهـوب صـاحـي والله ويغنـون ( مـيلـي يـا بـنيـه مـيلـي يـم الـدشـداشـه الـنيـلـي ) الااا وكـل اللـي فـي الصـالـه يـناظـرونـي نـسيـت انـي لابـس دراعـه نـيـلي >>> والله الـتـوهـيقـه والحـظ الـمخيـس ..!!!
وجـو كـلـهـم يطـلبـوني ارقـص ويتـلوني للمـنصـه وقـعـدت ارقـص بنـقابـي وجنـني ذا الـنقـاب اشـوا ذيـك ام بـراطـم نايـمـه تخـوف والله واقـعـد اطـامـر ، ويصفـرون ذا الـبنـي وانـا اللـي اتـحمـس وانـا ارقـص حسيـت انـي وطيـت زي العـلك ولـزق فـي رجـلـي الا الصيـاح والـزعـاق يـوم طـالعـت تـحـت لـينـي واطـي علـى بـراطمـها >>> يوه اللي بـيقلـبـون خدودي طـبـول وراسـي زيـر وبـطنـي اورق ..!!!
حـسيـت انـي بـروح فيـها قـلـت يـالربـع بـسـرعـه الـعـود وهـفـو علـيـها الـحـرمـه مـستـنزلـه يـلـعن ام التصـريفـه وانــا قـاعـد اهـف علـى شـحنـة ذا الـقـار ( ام بـراطـم ) والتـفـت الا ذيـك وضحى يـزفـونـها (( واللـقلـب بـدى يخـفـق يخـفـق )) مـع ذا الشـيفـه ويـا خـشمـه اللـي كـنـه بـزر سـاجـد عـلـى وجـهـه .
.
.
اه اه اه اه اه اه اه اه اه ضاعت وضحـى
فص فص
| |
التعديل الأخير تم بواسطة فـص فـص ; 02-May-2006 الساعة 12:12 AM.
|
|
|
آخر 10 مشاركات
العرض العادي
