لوهو ذبحني عشر مرات معـذور

**سعود العطاوي** · 07-May-2006,05:15 AM

معـذور, ذبحني, عشر

بسم الله الرحمن الرحيم

السلاااام عليكم وحمة الله وبركاته

عنيت صوبك يوم طـال انتظـاري=غلاك خلا القلب منهـي ومامـور

سريتني وانـا ماحـب المسـاري=ورجعت منكم خاطري غير مجبور

طرى عليك بتالـي الليـل طـاري=والا تسلا يادعج العيـن مسـرور

قلبي يحبك وانـت بالوضـع داري=وش حيلتي لاصرت داري ومغرور

خليتنـي مابيـن بايـع وشــاري=احذرعلى القلب المولع من الجـور

حبك مناي وجنتـي وانـت نـاري=وايضا دوا قلبي وللقلـب دكتـور

يانور عينـي رغبتـي واختيـاري=اليا نظرتك شفت نور علـى نـور

بالوصـل ياليتـك تـرد اعتبـاري=لا لا تخليني مـن البعـد مقهـور

انا اشهد اني ذقت مـر العـزاري=مما جرالي خاطري منك مكسـور

واقت الضحى كني بوسط الغداري=امشي مع العالم بلا حس وشعـور

اخاف امـوت ويطلبونـك بثـاري=يلحقك باسبابي عواقيـب وعثـور

لكـن ياهـل الثـار هـذا قـراري=لوهو ذبحني عشر مرات معـذور

(منقول)

وسلااااااااااااااااااااااااااامتكم

g,i, `fpkd uav lvhj luJ`,v

**نجمـ** · 07-May-2006,05:35 AM

[align=center]

سرقة جديده
هذي القصيدة للشاعر / الهداف

الله يهديك يا سعود

[/align]

**حازم التركى** · 07-May-2006,06:22 AM

؟

بس الكلمات حلوة

**سعود العطاوي** · 07-May-2006,07:33 AM

نجمـ اخوي السرق مو لنا يالغالي واذا دخولك بس للشوشره فهذا مو من قيم الرجال

وعلى العموم اقر منقول؟ اوكي

وجب اسم شاعر القصيده كامل

**جرحـ الزمنـ** · 07-May-2006,12:46 PM

صح لسان الشاعر ولاهنت اخوي سعود

قصيده رائعه تسلم يدك يا غالي

**نجمـ** · 07-May-2006,01:51 PM

هذا هو الرابط يا سعود

اضغط هنا

**سعود العطاوي** · 08-May-2006,12:18 AM

لاهنت اخوي وبيض الله وجهك اخوي عاشق الزين

تحياتي

**سعود العطاوي** · 08-May-2006,12:20 AM

ما قصرت نجم ولكن انا كاتب الله يهديك منقول والقصيده هذي في عدة منتديات

ولا اعرف اسم شاعرها وهي قصيده رائعه وعاجبتني ونقلتها هنا ((منقول))

ولاحظ يالغالي زين ؟

تحياتي