ياناس تكفوون ابي العرس

05:56 AM

السلام عليكم ورحمه الله وبركاته ..

والله من زمان عنكم

لكن انشالله هالموضوع الصغيروري يعوض لو شوي من غيابي وهو بمثابه اثبات وجود عموما هو قليل ولكن يحمل في طياته شي من حياتنا الواقعيه ويشكل معضله بأغلب البيوت السعوديه

.. وقفه مع الذات ..

ماذا حل بنا ... نحن يا معشر الفتيات .. اخبر ان الفتاة منا .. ايام مبطي .. وايام جدي وجدك ... ما يجي عمره 14 الا وهي معرسه ..
وما يجي عمره 18 الا وتجر وراها 9 بزران .. وما تاصل 25 الا وهي عجوز سنين ودنين .. < الله يا سرع الدنيا

ونحن .. آآآآه من كلمه نحن < كلمة تثر بالواحد وكسمن

نحن .. اصبحنا .. مجرد فتاة غلاف .. تمر الوحده منا بجميع مراحل النبته .. ( بذره > جذر > ساق > اوراق > زهرة > الا ما نصير والاعوذ بالله شرنقه مدري يرقه ) < من مراحل النبته ان منيب واهمه

المهم تمر المدري وشسمه النبته .. وحنا خامرين في بيت اهلنا .. والله لو انا خميره تسان انتفشت من امس ..

البنات والبنات والبنات < الطف الكائنات ..غنوا يا تلميزات طافا طيفي طافا طا < يا قدمي انا وقناة مصر الثانيه

لا اطيل عليكم الحديث .. ولا اململكم .. اكثر من مللكم .. ولكن ما وقفت معه مع نفسي .. هي " العنوسه "

اخبر بنات زمان اللي هن .. امي وامك .. كان احلامهم .. ان يكون عنده عروس وترضعه ... وانها تروح الشارع .. تلعب مع البنات

فتاحي يا ورده .. وبربر .. وعلبه تشاكيل
اما جيلي .. فاحلامهن تتلخص .. في انه من يومهي بزر .. وهي تب تعرس "اعوذ بالله وش هالشفاح " ولا وامنيتها متى امه تفلته تروح الشارع .. عشان تلعب عروس وعريسه ... والا هاتك يا تميلح .. عند مناحي وخلف .
. ومطلق < وين عايشه ذي

وربي رد ذا كله بنحورنا يا هالجيل ..

الوكاد .. ان بعهدنا .. انمحقوا الرجال .. وكثرن العوانس .. وزادت الازمه .. ورئصني يا قدع

سأثقل كاهل كل منكم

.. يا عل كاهله للكسر ... ولسانه للمزر .. وسأروي لكم .. مراحل النبته التي مريت بها

.
.
.

" يا ويل حالي انا "

في يوم من ايام المراهقه .. دخلت علي امي .. وانا مقعيتن بغرفتي .. انتف شعر ساقي ... قالت لي .. لعنه .. متى تعقلين يا هالبنت

حسسيني انتس بنت .. خلاص نب نزوجتس .. نب نقلعتس .. قلت : صدز عاد " انواع الشفاح "

قالت :ايه .. ولكن هيهات .. < ما يمديني على امي هالساع .. شوي وامطقه .. الدبيه

وشو هيهاته يمه .. لا تضيقين صدري .. قالت ميمتي .. الا به بنت تنتف شعر سيقانه .. قلت يمه ذا يطلع وقت المراهقه بس ..

قالت ايه .. شيليه مثل البنات .. بالمقص < امي تفكيرها العن خخخ

شوي واقوله البخي الله يهداتس ... واكملت حديثه وهي تقول .. والا به بنت .. شعره فوق اذنه .. يمه انتي تخبرين .. ما احب الشعر الطويل

قالت : اجل اربضي عند امتس .. قلت وراوا .. بس انا ابي اعرس ..

قالت اغدي حرمه .. وطولي شعرتس .. وخلتس نظيفه .. وتسبحي كل اسبوع < نسمع بالنظافه

عاد عقبه .. وانا اطبق .. حكي امي بحذافيره .. ما جا اسبوع الا وانا مجدلتن جدوله هدا تبلها

وما تخش ميمتي علي الغرفه .. الا وانا امشط هالشوشه .. قدام المرايه .. واقول " اب اعرس اب اعرس "

عاد مرت علي مراحل النبته .. ومراحل الحشره .... ومراحل الضفادع ... وانا ما بعد اعرست ..

يمه .. بصراحه طقت تسبدي .. شعري صار الا ركبتي .. ومهنا لا رجال ولا عرس .. لو انتس مخليتن العنز على حاله ابرك < حنت لنتف ساقها

قالت يا بنيتي يجيب الله مطر

بس ظنتي ... ان بتس عين .. والا احد ناضلتس .. نب نوديتس عند شيخ .. رحنا لم .. الشيخ .. وقال بنتكم ما فيها الا العافيه ..

وتقدر تعرس بأي وقت .. قلت يا شيخ .. تخبرلنا واحد مناوالا منا .. في هذه اللحظات .. تلتني ميمتي من علباي ...

طبعا .. وصل عمري 30 وانا ما بعد اعرست .. يمه تراه موب حال .. الحين .. حنا نشوف هاللي يسعسعون بالشوارع .. وربي مكثر السمرمد ..

وينهم عننا هاه .. لا انا اعرست .. ولا خواتي .. ولا بنات عمي .. ولا صديقاتي .. وش هالقحط

وكعادتها تقول يجيب الله مطر

وتدق على جارتنا .. تقول ... نب نجي نسير عليكم .. ( وهالمسيار مخصص عشان نشوف كيف بناتهن اعرسن ) الا بسالتس .. يا جهيّر شلون بناتس اعرسن .. ؟ قالت الجاره .. بناتي طخمات < مهيب تدق الوالده ابد

ومار اسمع هالتلسمه .. وتحز بنفيستي وازعل .. والز امي مع جنبه .. واقول سرينا .. لا ابوهم لابو اللي يقابل هالوجيه الودره .. تفو عليكم .. يا ربي انشالله يطلقن بناتك اجمعين

قالت بناتي .. مهن عوب مثلتس .. دوري احد ياويتس .. غدا وجهتس حلاة الجفر .. وانتي تحترين العرس

ومار يغمن عليا ... وتشيلني ميمتي ....... وتودين لنفس الشيخ .. تقول يا شيخ .. بنتي .. منسطحتن تسبده .. كلن يعرس الا هي ..

قال ... لحول يا خاله قلت لتس بنتس مضعوفه ما فيها الا الفسقه .. لا تسمعين كلامها .. بس يا شيخ .. ودي انها تعرس .. وودي خواتها يعرسن

سدت طريقهن .. عويذ الله من شرها

قال والله انكن بلشه .. بس خذي مني الشور وخليها تحضر عروس اغدي .. يحطون عليها العين .. بس خليها تحتشم ..

ومن باتسر .. والا ميمتي .. ماخذتني على اقرب قاعه افراح لبيتنا ..

عاد بالنسبه للحشمه ابشركم .. فهمت الشيخ غلط .. ومير اروح اشري .. عباة على الراس ...وقفازات .. وشراريب .. ونقاب اسلامي (ابو عين وحده )

وعاد اطردونا من على الباب .. وامي تقردن فيهم .. تقول والله موب مكتوب ممنوع مغاتير

ردت الخاله اللي عند البوابه .. قالت أي مغاتير الله يصلحتس .. جايبتن معتس هالخفاش وتقولين مغاتير .. والله ان ولدي بخيت افتح منها

وباتسر بدينا رحله جديده .. لبست لبس زين .. وكشخت .. ورحنا نفس القاعه ..

يوم تشوفني الخاله ... تقول اهبوا عليتس .. اثرتس حمرا .. شكلي بزوجتس ولدي بخيت

عاد انا يوم مدحتني .. مير .. اميق بعمري .. واقوله .. وع .. عليتس انتي وولدك .. الخال .... ذا اللي ناقصني ..

بما انها حرمتن حشيمه واحسن مني انا وامي < تراني ما ا سب ابد

ما ردت علي واسفهتني .. على اني احرجته قدام الناس ...

جينا واقعينا على اول طاولة ... " الله من قو الوجيه " وتجلس جمبنا وحده ... ما خلت بنت ما قزته .. الا انا .. عاد سالته .. قلت وش تسوين ...

قالت انا خطابه ... وجايتن اشوف بنيت زينات .. عندي طلبات .. واطمر بحلدزه قلت .. صدزي عاد .. دخيلتس انا بعرس

قلت .. اقضبي ارضتس بس .. محدن باغيتس .. قلت ليه .. قالت .. يبون عشرينيه .. ما يبون عجّيز كبرتس .. قلت طه انا جايه هالعرس عشان اخطب .. ويعجبون فيني .. وش اسوي .. قالت قومي ارقصي ..

وسمعت حتسيها .. وهات يا ردح .. الا ما تمزعت جنوبي .. ولا تعبت .. اقعد بالارض .. واومي بشعري

الوكاد اني نقصت 10 كيلو خخخ .. بس ماش .. جت اللي تطرد البزران .. وطردتني بباكورته .. ومير تنكسر نفسي .. واحول ..

واقول في بال نفسي .. " اعنبوا اللي جابني لكم .. ناس ما عندكم عرسان "

واجي لم .. امي وهي طايحن وجهها ودميعاته على خدها .. .. يوم تشوف ان الدنيا تلطم ببنيتها من شمال ومن يمين ..

وتهورت .. وطلعت على المنصه .. وهي تنشد ..

ليه يا دنيا تعزين .. عوب البنيت ..

وبنيتي جنينتي .. مطيحتن بختها ..

حرمتيها حلو المنام ..وزين المبيت ..

لين عافت زين حلومها ورمتها ...

ما بغت الارجل با لحلال وستر بيت ..

وما لقت الا بخيت وامه اللي حطمتها ..

يالله انك تحفظها من كل كيت وكيت ..

وتثوبني من اجرك كاني امنٍ حمتها ..

وفي هذه اللحظه ... سحبت ميمتي .. وقلت هلم بنا .. يكفي طيحه وجهه

وامر من جمب ام بخيب .. واقوله .. هاه .. ما زلتي .. عند كلمتك .. وتبيني لبخيت ؟

قالت : ايه .. صح انتس عوبه .. بس بعد حتى حنا عندنا بنات .. نب نسترهن ..

ما يستفاد :

1- العنوسه .. غدت داء ماله دواء ..

2- البنات العوب .. هن اكثر المستهدفات من قبل العنوسه

3- الله يهدي بعض الامهات اللي تطامر عند الشيوخ تقول بناتي بهن عين وما اعرسن ..

4- نهايه كل وحده تميق بشبابها .. وعمرها .. لبخيت واشكاله .. < لحد الان حاقرتن بخيت ههههه

5- يا ليت كل اسرة تحس بمعاناة الاسره الثانيه .. وما تخطب لعيالها .. من بنات اجنبيات .. والا من برا برا العائله .. لان كل ذا على حساب بنيتنا ..

6- يمديكم على القصيده

.
.
.

ملاحظه : اسفه على البثاره .. ولكن كان براسي هدف .. حبيت اصيغه .. بطريقه ماصله مثلي وهادفه بنفس الوقت .. واسفه على القصور .. واللخبطه .. بس مهنا وقت .. فكتبته سر يع سريع .. .. اعذروني

06:34 AM

ههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههه

يالربع زوجوها وفكونا من شرها هي اهم شي عندها انها في صباحيتها يقول لها زوجها ( طيييييييييط ) وعقبها لو تطلق ما يهمها

نعنبوا بليس بالعة مسجل , على طاري المسجل تعرفين الرادو ؟ على طاري الرادو تعرفين اف إم ؟

هـ الا اف ام فيها الله مير أنه يسلم خشتك مقدمه اسمها : خديجة الوعل ,, هذي اسمها حرمة يعني أنثى ,,

إما أنتم فكلمة أنثى نطلقها عليكم مجازاً فقط هههههههههههههههههههههه

يعني لا تلومونا لا مننا الله مير انه يسلمنا جحدناكم وصفقناكم بهذيك الركبه لين تطبون الثلاثين , وش ثلاثينه إلا العشرينات <<< يحسب العشرين أكبر من الثلاثين شوي ويقول ان العشرين أكبر من الجبل ! ---> (( الله ابو اللي انت مسطوله ))

البهم (( مزكوم الله يجيرك والميم قالبه عندي باء ))

ايه المهم :-

موضوع خبل مهبول وحاذف ولا يفيد فيه الترصيص , اهنيك عليه بعنف وبكل ما أوتيت من قسوة ,

على طاري القسوة بالله كيف تحلقون سيقانكم ؟ حبذا تدعمين الموضوع بشيء ٍ من الصور عشان نستوعب ولا ننحرف !

سـ اّلريـاّض ـاّره
ماذا حل بنا ... نحن يا معشر الفتيات .. اخبر ان الفتاة منا .. ايام مبطي .. وايام جدي وجدك ... ما يجي عمره 14 الا وهي معرسه .. وما يجي عمره 18 الا وتجر وراها 9 بزران .. وما تاصل 25 الا وهي عجوز سنين ودنين .. < الله يا سرع الدنيا
************************************************

بلا والله مافيه اول قناة lbc ولا ستار اكاديمي وكانوا يظنون ان الحريم كلهم مثل بعض لكن يوم تطور العلم وتقدم الطب وعرفوا الرجال ان فيه شي اسمه انوثه بدوا يفكرون في الامر بجد ، يقولون اول اي واحد من الزوجين يقول قبلت بك زوجا وما يخالف .

سـ اّلريـاّض ـاّره
اما جيلي .. فاحلامهن تتلخص .. في انه من يومهي بزر .. وهي تب تعرس "اعوذ بالله وش هالشفاح " ولا وامنيتها متى امه تفلته تروح الشارع .. عشان تلعب عروس وعريسه ... والا هاتك يا تميلح .. عند مناحي وخلف .. ومطلق < وين عايشه ذي
*************************************************

هههههههههههههههههههههههههههههههه ذكرتيني بالعاب اول نلعب عروس وعريسه وعلى طول نقول جاء الليل وشوي ونقول خلاص قضينا ، بعد عشر دقايق نلعب عروس وعريسه وما يمديها توافق الا انا في الليل وهذا لعبنا . واذا خلصنا لعب عروس وعريسه رحنا نسبر لبعض وهذه حياتنا علشان كذا تلقين الواحد منا منتهي ظهره وهو في خامس واذا جاء يقوم الين كنه مازدا بقوس من الصرصره في ركيباته .

سـ اّلريـاّض ـاّره
يوم من ايام المراهقه .. دخلت علي امي .. وانا مقعيتن بغرفتي .. انتف شعر ساقي ... قالت لي .. لعنه .. متى تعقلين يا هالبنت حسسيني انتس بنت
*******************************************

هههههههههههههههههههههههههههههه علشان كذا تلعبين عروس وعروسه

سـ اّلريـاّض ـاّره
قلت يا شيخ .. تخبرلنا واحد مناوالا منا
*********************************************

هههههههههههههههههههههههههههههههههههههه تدورين بياع انتي والا بتشترين سلاح

سـ اّلريـاّض ـاّره
قالت الجاره .. بناتي طخمات < مهيب تدق الوالده ابد
********************
هههههههههههههههههههههههههههههههههه فعلا خير الكلام ما قل ودل

سـ اّلريـاّض ـاّره
ومار اسمع هالتلسمه .. وتحز بنفيستي وازعل .. والز امي مع جنبه .. واقول سرينا .. لا ابوهم لابو اللي يقابل هالوجيه الودره .. تفو عليكم .. يا ربي انشالله يطلقن بناتك اجمعين
************************************************

ههههههههههههههههههههههههههههههههااااااااااااااي يالبى قلبتس بعد ، والله فيتس رجاء يوم ان كلمتها حزت في نفسك لو ما فيك من الانوثه الا هذه كفتك ، وربي مقيوله " عزيز النفس شييييييييييييييييييييييييييييييييييييييين "

سـ اّلريـاّض ـاّره
عاد بالنسبه للحشمه ابشركم .. فهمت الشيخ غلط .. ومير اروح اشري .. عباة على الراس ...وقفازات .. وشراريب .. ونقاب اسلامي (ابو عين وحده ) ن
*****************************************

رايحه تفتشين على معامل ايران النوويه انتي وهاللبس هههههههههههههههههههههههههه

سـ اّلريـاّض ـاّره
واقوله .. وع .. عليتس انتي وولدك .. الخال .... ذا اللي ناقصني ..

************************************************** ***************

يابنت الحلال تعوذي من الشيطان لو انتس مدنقه وشايفتن شعر ساقتس كان ما قلتي هالكلام

سـ اّلريـاّض ـاّره
وتجلس جمبنا وحده ... ما خلت بنت ما قزته .. الا انا ..

سـ اّلريـاّض ـاّره
واكملت حديثه وهي تقول .. والا به بنت .. شعره فوق اذنه .. يمه انتي تخبرين .. ما احب الشعر الطويل

ههههههههههههههههههه حال اغلب هالبنات ويقولن ليش ما نعرس ... لعنبو شياطينكم صرتوا اطقع من الرجاجيل .... الحين الرجاجيل شعورهم فوق كتوفهم وانتن مطلعات ارقابكن يالنياق الجرب ...ز هو من زين رقابكم ؟؟؟ ... مادري بس تسن الحسحسه لاعبه لعبها

سـ اّلريـاّض ـاّره
تمر الوحده منا بجميع مراحل النبته ..
************************************************** *******

ما اضنه ..... خبري باللي امثالكم تطلع من بطن امها وهي بالغه دايركت من زود الفهاوة .... ههههههههههه بس اصدقين يا تسذا مادري احس فيه شئ غلط .... صعبه اصدق انك مريتي مثل الكائنات الحيه بمراحل النمو .... يا وخيتي مادري ولكن يقولون انه اذا لنشر ابوتس حطتس سبير بدال الكفر المبنشر

هههههههههههههههههههههههههههههه الحين هي متغطيه عنتس وانتي تبينها تناظرتس

سـ اّلريـاّض ـاّره
وسمعت حتسيها .. وهات يا ردح .. الا ما تمزعت جنوبي .. ولا تعبت .. اقعد بالارض .. واومي بشعري

*****************************
هههههههههههههههههههههههههههههههههههههه قاعد اتخيلك وانتي متروبعه وترقصين بشعرك هههههههههههههههههلعنة الله على شكلك

ابداع يالمجنووونه ابداع ..... موضوع صغيرون وحليووووو مرة .. حلاته انه خفيييف مرة على التسبد ( طرالي مواضيع هالايام وكثر الشطحات اللي فيها ) اعذريني على تاخري بالرد

يالله ياكريم يارحيم ياودو يالدود ياذا العرش المجيد يافــّـعال لما تريد ..
ارزق ..تسذا .. برجالن سنع وأحلى منها .. وراتبه موب 10 الاف عشرين

تحياتي
تركي الرياض

في 12-May-2006 الساعة : 10:06 PM

ههههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههههههه
الله يقطع بليستس يالخبله<==خربها

موضوعك فله احس اني قريته سريع السريع
وفطست ضحك على حالتكم يالشيون<==ذب المونه

ماقول الا الحمد الله اننا احنا اللي نخطب يالرجاجيل هوب انتم

في 12-May-2006 الساعة : 10:15 PM

ههههههههههههههههههههههههههه
ههههههههههههههههههههههههههه
ههههههههههههههههههههههههههه

تركي روقنا

اقسم بالله وانت اقرا احس اني اشوف حياتي تمر امام عيني في بضع لحظات يا هذا ؟ !!

خخخخخخخخخخخخ

وربي فقعت ضحك يا المفهي

في 12-May-2006 الساعة : 10:17 PM

كاسبر
اضحك الله سرك

منتب عاقل .. منور .. ويالله يا هالموضوع جا بحزه نوم .. وارد بحزه نوم ... خخخ

حياك

في 12-May-2006 الساعة : 10:18 PM

هههههههههههههههههههههههههههههههههههههههههههههههههه ههههههههههههههههههههههههههههههههههههه
لكن انشالله هالموضوع الصغيروري يعوض لو شوي من غيابي وهو بمثابه اثبات وجود عموما هو قليل ولكن يحمل في طياته شي من حياتنا الواقعيه ويشكل معضله بأغلب البيوت السعوديه

خخخ هذا صغيرون اجل لو كان مو صغير وشلون بيكون خخخ
اما مشكله فهذا كلام صحيح وحاصله في كل البيوت والله يعين
اللي بنتهم معنسه واللي ولدهم معنس خخخخ كل البيوت فيها نعانيس ههههه

ماذا حل بنا ... نحن يا معشر الفتيات .. اخبر ان الفتاة منا .. ايام مبطي .. وايام جدي وجدك ... ما يجي عمره 14 الا وهي معرسه ..
وما يجي عمره 18 الا وتجر وراها 9 بزران .. وما تاصل 25 الا وهي عجوز سنين ودنين .. < الله يا سرع الدنيا
خخخخخخخخخ اما يجي عمرها 18 ومعها 9 بزران قويه خخ اجل عمرها 25 واولادها تخرجو من الجامعه هههههه
اما جيلي .. فاحلامهن تتلخص .. في انه من يومهي بزر .. وهي تب تعرس "اعوذ بالله وش هالشفاح " ولا وامنيتها متى امه تفلته تروح الشارع .. عشان تلعب عروس وعريسه ... والا هاتك يا تميلح .. عند مناحي وخلف .. ومطلق < وين عايشه ذي
ههههههههههههههههههههههه يازين ايام زمان نلعب عريس وعروسه دون مهر خخخخخ

عاد بالنسبه للحشمه ابشركم .. فهمت الشيخ غلط .. ومير اروح اشري .. عباة على الراس ...وقفازات .. وشراريب .. ونقاب اسلامي (ابو عين وحده ) ن
هههههههههههههههههههههههههههههههه
هههههههههههههههههههههههههههههه لا والله نفذتي الكلام صح خخخ

اما بالنسبه لبخيت لو اني مثلك كان وافقة على طول ودون تردد ودفعت له المهر ههههه

مشكوره خيتو ساره على الموضوع الرائع
وصراحه ما قصرتي طرحتيه بشكل رائع
وننتظر موضوعك الجاي وان شا الله يكون عن غلا المهور هههههههههههههههههه

اخوك عاشق الزين

في 13-May-2006 الساعة : 03:26 AM

^
^

^
^

^
^
عاشق الزين تراك استاثمت فيني خخخ .. وش هالخط الله يهداك ..

بس هين ذي مراحل البنت خخخ .. قراد هاه

في 13-May-2006 الساعة : 11:17 AM

اقووووول الحمدلله اللي مناب مثل زمان اول (طاعون) هذا قتل لمراحل الحياة خخ
الحين اذا اتزوجت البنت وعمرها14 و18 تجر وراها بزران ويييين الطفوله ووين المراهقه ؟؟!!
والله ياهو قتلللل للانسان خخخخ

اقووول الله يصلحك بس وش فيك متجننه على العرس وععععع من زينه كفوك خليه ينفعك ههه <<<مااااتبي تعرس

اجل تقولين العروس هي اللي تجيب العرسان اشوى اني ماااااواطنها ولا اروح لها خخخ<<<تكككككره الزواجات والخطابات

سلمي لي على امك ياهي موووووضة ذالحريم الله يهديهن كل ماطق عود عود راحن للشيخ تقول ذالشيخ بيحل كل مشاكلهن خخخخ<<<<تككككره حركات بعض الحريم الموسوسات

طحياطي لك الله يزوجك خخخ

ويحقق امنياتي واصير افضل لاعبة كرة قدم <<< كلن على همه سرى

في 13-May-2006 الساعة : 02:34 PM

الله يرجك

ياسارة
انتي
وتركي

وايش هذا الهرج كله
طفشت وانا اقراء

بالعين مسجلات
الله أكبر عليكم ماتتعبون

تزوجوا وفكونا
هذا كله علشان الزووووواج

خخخخخخخخخخخخخخخخخخخخخخخخخخخ

تحياتي

في 13-May-2006 الساعة : 04:43 PM

اغلب الكلام مافهمته اكتبي شي بالعربي جالسة زي الاطرش في الزفه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري



ضي الأمل من اللهم رحمتك نرجوا فلا تكلنا لانفسنا طرفة عين واصلح لنا شاننا كله : لله يشفي كل مريض ويفرج هم كل مكروب ويرحمنا برحمته هدااوي من السعوديه : حبيتبي محرمه على الحب والله قلوبنا معك وندعيلك water flower من مشاعرألم الله يفرج همك : اللهم أغثة برحمتك { كما أغثت يونس من بطن الحوت } اللهم سخر له معجزتك { كما سخرت القافلة ليوسف } اللهم شق له طريق النجاه { كما شققت البحر لموسى } ******** رهف الروح من مشاااعر ألمـ تضامناَ معكـِ غاليتي : اللهم أغثة برحمتك { كما أغثت يونس من بطن الحوت }اللهم سخر له معجزتك { كما سخرت القافلة ليوسف }اللهم أخرج له الفرج من بين الصخور { كما أخرجت الناقة لصالح } ضي الأمل من سبحانك ربي : سبحان اللله وبحمده سبحان الله العظيم مشاااعر ألم من اللهم أغثة برحمتك { كما أغثت يونس من بطن الحوت } : اللهم سخر له معجزتك { كما سخرت القافلة ليوسف } اللهم شق له طريق النجاه { كما شققت البحر لموسى } اللهم أفده بعطفك { كما فديت أسماعيل من الذبح } Madridiah من _ : البنت التي كويس ,_ الله يجــزاكـ خـيـر وماتشوفين شــر **** يـــــاااااااااااااااارب تشفي جنان وماتوريها مكـروهـ وتـرجع لنا بالســلامه آميين يارب مشاااعر ألم من اللّـهُمَّ بِحَقِّ الْعَرْشِ وَمنْ عَلاهُ، وَبِحَقِّ الْوَحْي وَمَنْ اَوْحاهُ، : يا سامِعَ كُلِّ صَوْت، يا جامِعَ كُلِّ فَوْت، يا بارِئَ النُّفُوسِ بَعْدَ الْمَوْتِ،أسَالكَ فَرَجاً مِنْ عِنْدِكَ عاجِلاً بِشَهادَةِ اَنْ لا اِلـهَ اِلاَّ اللهُ، واَنَّ مُحَمَّداً عَبْدُكَ وَرَسُولُكَ مشاااعر ألم من برحمتك يا من وسعت رحمتك كل شي : إلهي ردَة لأهلة قرير العين كما رددتَ موسى لأمه ،إلهي أنصرهُ في أمره ، واشدد على قلبه ، وامنحهُ القُوة، يا جواد لا تبخل +ونـة خفوق+ من ياذا المعروف الذى لا ينقطع أبداً، ولايحصيه غيرك : اللهم اجعل له من كل همِ يَهُمُّه فرجاً ومخرجاً،اللهم اجعل له من كل همِ يَهُمُّه فرجاً ومخرجاً، اللهم اجعل له من كل همِ يَهُمُّه فرجاً ومخرجاً، البنت التي كويس من مشاعرألم قلبي معاك : اللهم يا كبير فوق كل كبير : يا سميع يا بصير يا من لا شريك لك ولا وزير ،يا عصمة البائس المستجير ،يا غياث المغيثين أغثة يارحمن ،، وفرج كربتة وأزح همة ،يا جواد لا تبخل رهف الروح من لنصرة أهالي غزة : إخواتي وأخواتي أتمنى المرور على هذا الموضوع http://vbmaas1com/t75479html#post1006619 ولنساهمـ في رسمـ البسمة على أفواه إخواننا بانتظاركمـ جنون أنثى من لكل المشتركيين بمسابقة رحيق الحرف : بطلع الحيين ثم ارجع القى جميع الخواطر مكتوبة ع نفس الرابط اللي ارسلت لكم ********** الطفلة تنتظر أحد يتغزل يشكي يبكي يهمس يطير بها ************ وكل عام وانتم بخير مشاااعر ألم من اللهم يا كبير فوق كل كبير : يا سميع يا بصير يا من لا شريك لك ولا وزير ،يا عصمة البائس المستجير ،يا غياث المغيثين أغثة بجاه محمد ،، وفرج كربتة وأزح همة ،يا جواد لا تبخل ريم الغلا من سُبحان الذي اسرىَ بعبده ليلاً من المسج الحرام الى المسجد الاقصى : عظم الله اجرك اخي خيآل رجل **** اللهم ارحمهُ برحمتك وأظله بظلك وأزح عنه الغمام وأسكب عليه نور رضاك ****** آمين Madridiah من _ : انسان عادي :: الله يجزاك خييير وماتشووووف باس ان شاء الله ضي الأمل من ياااااارب : يااارب ياحنان يامنان ياعظيم الشان ارحمنا برحمتك اجبر ضعفنا بقدرتك %عاشقة التوت% من الدمام : عودة لكم ياأخواني وأخواتي بعد مده لكم مني تحية وألف سلام .إنـْسَـآن عَـآدِي. من ؛ٌُّ : آلســلآمُ عليكم ورحمـة آلله وبركـآته ؛؛ عــظم آلله اجرك اختي مدريديه ،، ألله يرحم فقيدكم وعسى ربي يصبركم Bent_Al_Ajaweed من نبض قلبه : سلاااااام كبيييييير للموجودين فاقد حنان وريفال كيفكم احاول ارسلكم بس مو قادرة اوصلكم على العموم انا ارسلت الاجوبة من يوم السبت سلاااام

الذين يشاهدون محتوى الموضوع الآن : 1 ( الأعضاء 0 والزوار 1)

ياناس تكفوون ابي العرس

•°•¤ لا للطفش¤•°•