الموضوع: لـــــقاء مــع فــــتاة كـــويـــتيه عابـــدة للشـــــيطان((جديد))

لـــــقاء

الســــــلام عليــــــكم ورحــــــمة الله وبـــــركاته




أحب أقدم لكم اليوم مقابلة أجراها قرووب مارينا موول مع بنت من الكويت تعبد الشيطان
و طبعا شوفوا ردودها و أتركم مع المقابلة

بس نبدا بمقدمة صغيرة للتعريف عنها

فامبايرا . أو بالعربي مصاصه الدماء بنت كويتية توها بزره أختربت من كثر ما أهلها دلعوها تدرون بعد عيال الجخ المهم هالبنت تأثرت بأغاني الروك الميتال والهيفي ميتال و الهاردكور والبلاك أند دث ميتال
(نوع من موسيقى الروك اللي تبط الأذن وكل اللي يأدون هالأغاني فرق عبدة الشيطان)
لي درجه الجنون
ولما سألتها عن الفرق اللي تحبها قالت :-
Children of bodom, Cradle of filth, In Flames, Soilwork, Slipknot, Coal Chamber, Demon Hunter, Dark Tranquilli ty, From Autumn To Ashes, Old Man's Child, Killswitch Engage, Lacuna Coil, For My Pain., Dimmu Borgir, Dark Funeral, DevilDrive r, Mudvayne, Nothingfac e and more
يعني ماخلت فرقه من فرق عبده الشيطان الا وحبتهم
والله هالبنت أستخفت لي درجه أنها تعترف أنها كافره !
أكيد هالبنت ايمانها حد أم الضعيف لأنها تربت في المدارس الانجليزيه الخاصه حتى لما كلمناها كله تتحجى أنجليزي تقول أكره العربي
يعني ولا تدري عن دينها الله يهديها
أحنا قابلناها بطريقة غير مباشرة عن طريق المسنجر
وقدرنا نطلعلكم بالمعلومات اللي راح تشوفونها

أول شي سألناها عن بطاقتها الشخصية:-
الاسم : طبعاً ماتقوله علشان الفضايحد

النك نيم : فامبايرا بالعربي يعني مصاصه الدماء

!!!تاريخ الميلاد : 19 أكتوبر 1989 شفتوا شلون ياهل بعدها

الوزن :42 كيلو

الطول : 154 سانتي متر

الجنسية : كويتية

لون العيون : أدعم غامج ومرات تقلب بندقي أو أخضر غامج العن أبو الصوارييخ

لون الشعر : هم أدعم غامج بس تصبغه ألوان أحمر وأزرق وأخضر وبنفسجي وأجلح وأملح

هواياتها : تسمع أغاني عبدة الشيطان اللي تبط الراس
(عسى الله يبط راسها بجهنم قولوا آمين)

تعزف قيتار
(ماسألناها بس أتوقع قيتار كهربائي)

البلع(الاكل)
(عسى الأكل زقوم ببطنج قولوا آمين)

النوم
(نامت عليج طوفه قولوا آمين)

تجرح نفسها تقول أحب أشوف نفسي مجروحه
(الحمدلله والشكر)

التعارف
(منو اللي يبي يتعرف على هالأشكال الوصخه!)
تطالع تلفزيون

القراءة
(أقري شي يفيدج ياحظي!!)

تحب تذبح الحيوانات مثل الجلابه والقطاوه وتتسبح بدمهم !!! وتحب تتصرف تصرفات عبدة الشيطان

و هاذي المقابلة ألحين بين القرووب و البنت ( فامبيرا )

مارينا موول : ليش مسميه روحج فامبايرا؟

فامبايرا : لأني أحب الفامبايرز

مارينا موول : شاللي محببج فيهم؟

فامبايرا : لأني وحده منهم صج مو مثل اللي يطلعون بالأفلام

مارينا موول : قصي على روحج

فامبايرا : كل واحد وإعتقاده

مارينا موول : أنزين شفيج مجلبه عالانجليزي ليش ماتتحجين عربي؟

فامبايرا : أعرف أتحجى عربي بس أكره العربي وبعدين أنا أتحجى أنجليزي أكثر من العربي

مارينا موول : بس لازم ماتكرهين أنج تتحجين عربي أو تنسين أنج عربية أول شي هذا حجينا وثاني شي اللغة العربية لغه القرآن ولا شرايج ؟

فامبايرا : بليز غيروا الموضوع

مارينا موول : اوكي انزين بس انتي اللي بروحج جذي من أهلج ؟

فامبايرا : اي بس انا

مارينا موول : انتي ماتحسين انج غلط بينهم ؟

فامبايرا : أصلاً انا أكره أهلي وأكره كل الناس وأكره نفسي كله تلقاني أقعد بداري بروحي وأسمع هالاغاني ومرات أقعد أبجي ومحد يوقف معاي غير أخوي الصغير

مارينا موول : اممم اخوج الصغير . شسمه ؟

فامبايرا : . سوري ماقدر

مارينا موول : انزين أنا بعرف أهلج يدرون أنج عبده شيطان ؟

فامبايرا : أنا مو عبدة شيطان بس أحب أقلدهمفامب ايرا : انزين أنت عبدة شيطان ؟

مارينا موول : من صجج أنتي ؟ أكيد مسلم ششايفتني وأنتي شنو بالله ؟

فامبايرا : امممم كنت مسلمه بس الحين لأ

مارينا موول : ماتستحين على ويهج لما تقولين انج مو مسلمه ؟!؟

فامبايرا : شفيك قلتلك أنا كنت مسلمه بس أكتشفت أن الاسلام كله خرافات

مارينا موول : شلون تتجرأين وتقولين أن الاسلام كله خرافات ؟ حد أم الضياااع . أنزين يبيلي دليل يثبت اللي تقولينه والله العظيم أدري ماتقدرين تردين على هالسؤال

فامبايرا : غير الموضوع بليز لا يصير طق

مارينا موول : لووووووووو ل . أنزين ماقلتي أهلج يدرون عنج ؟

فامبايرا : اي يدرون

مارينا موول : ونعم الأهل اللي يشوفون بنتهم جذي وساكتين عنها . والله الدنيا اختربت

فامبايرا : عن الغلط

مارينا موول : عن الغلط ؟ أنتي الغلط بكبره الله يهديج بس ترى انتي بعدج ياهل مو تقولين تحبين القراءة ؟ روحي أقري القرآن يمكن الله يستر عليج بس لازم اول شي تتوضين مو بنجاستج

فامبايرا : انت بلوك ودليت خلاص

مارينا موول : تفووووووو على هالاشكال يلا حطيني بلوك ودليت من قال أبي أكلمج أصلاً يلا ذلفي وانشالله رواسي بجهنم


------بلوووك ياباشا بلوووك-----


كلمة أخيرة :

ماقول الا عسى الله يهدي الناس الضايعه ويهدي هالأهل اللي ماعرفوا يربون عيالهم
صج الديرة أختربت عيال الديرة أختبروا خلاص تلقاهم تفرفر بالمجمعات وتحرش ببنات خلق الله والبنات هم نفس الشي يلبسونلي من غير هدوووم والشباب الجنوس والبنات الصبيك وعبدة الشيطان ماقول الا عسى الله يهديهم







تــــــــقبلوا فـــــائق احــــــترامي





مـــــحــــمــــــاس كـــــــلاســــكــ

---

gJJJJJrhx lJJu tJJJJjhm ;JJJ,dJJJjdi uhfJJJ]m ggaJJJJJd'hk(([]d]))