الى متى هذا التخلف ..؟ <<< شاركوونا بالردود

السلام عليكم ورحمة الله وبركاته

اخواني اخواتي

كمقدمة لموضوعي ابغى اجيب لكم شي صار وزعلنا منه كلنا ورد عليه اغلبنا طيب مقدمة موضوعي هي الشي اللي شفناهـ بالدنمارك واستهزائهم برسولنا الكريم عليه افضل الصلاة واتم التسليم

عن نفسي انا قرأت عن الموضوع مية مرة ورديت ألف مره على الموضوع و أبغى اجيب لكم عن احصائيات قمت بجمعها من الانترنت و الجرائد ومصادر أخرى

لقيت الدنماركيين خافوا من الموجة العالية من الغضب الاسلامي على هذا التبجح الفضيع اللي صار بجرايدهم تابعو معاي وش اللي حصل من الطرفين

الدنمارك :
1 - السفير الدنماركي في الرياض يحذر الدنماركيين من خطورة وأضرار المقاطعة .

2 - حتى الآن تمت خسارة الدنمارك بما يقارب مليار يورو

3 - تم التكهن بانه لو تابع المسلمون المقاطعه فإنه في شهر أغسطس ستقارب خسائرهم إلى حوالي 39 مليار يورو .

4 - احتل خبر مقاطعة المسلمين للمنتجات الدنماركية الصفحات الأولى في الصحف الدنماركية .

5- الحكومة الدنماركية قلقة بعد أخذ المقاطعة بشكل جدي في السعودية .

المملكه العربية السعودية :

1 - بدأت حملة دار البينة لنصرة الرسول في السعودية بتوفير كتب أحمد ديدات بالدنماركية بالتنسيق مع مركز اسلامي هناك علما بأن تكلفة الكتاب 5 ريالات

2 - يعلن أحد كبار الأعمال في المملكة العربية السعودية على استعداده لتمويل أي قضية على الصحيفة الدنماركية لسبها الرسول الكريم .

3 - يعلن أحد الأثرياء عن أنه سيقوم بالتمويل المالي للكتب التي تتحدث عن الاسلام والرسول باللغة الدنماركية لارسالها إليهم .

4 - أعلن أحد كبار الأغنياء أنه سيقوم باستقطاع وقت من التلفزيون الدنماركي لعرض الصورة الحقيقية للإسلام والرسول عليه أفضل الصلاة والسلام باللغة الدنماركية .. وسيتكلف بذلك ماديا .

5 - علت منابر الجمعة خطب تتحدث عن سيرة الرسول وتندد بما حدث من استهزاء بشخصه الكريم وتدعو لمقاطعة الدولة ردعا لهم عن فعلهم .

6 - ارتفعت أصوات المسلمين بالدعاء على من استهزأ بمحمد صلى الله عليه وسلم بشل ايديهم وقطع السنتهم .

7 - اسواق العثيم تعلن لجميع فروعها بالمملكة عن وقف بيعها للمنتجات الدنماركية .

8 - كثير من الشباب الغير مستقيم أبدى غضبه مما حدث وأخذوا يسألون المشايخ عن الطرق التي يمكنهم بها نصرة الرسول صلى الله عليه وسلم .

9 - تأليف الشعراء للقصائد والأشعار في مدح محمد عليه افضل الصلاة والسلام والاستنكار على ماحدث من استهزاء به صلوات ربي وسلامه عليه .

هذا اللي حصل داخل المملكة العربية السعودية بس تتوقعون هل يكفي..؟

انا ودي اقولكم الشي اللي اشوفه بعيني صح وهذا مجرد رأي لا أقل و لا أكثر ( و رأيي يحتمل الصواب و الخطأ)

خل ناخذ (اليهود) كمثال ونقارنهم بـ (المسلمين) تمام..؟

لو جينا من ناحية العدد نبدأ باليهود هناك 14 مليون يهودي على وجه الكرة الارضية مقسمين بعدة أماكن 7 مليون منهم بالولايات المتحدة الامريكية .. 5 منهم بآسيا .. مليونين منهم بأوروبا .. مية ألف بافريقيا .. يعني كل فرد يهودي واحد يقابله مية مسلم..؟

ما نسأل انفسنا ليش هم أحسن منا و اقوى منا و ذالينا ولا نقدر نقولهم شئ..؟

طيب خلوكم معي وبنعرف وش اللي حاصل

عندنا عدة اسماء خل نشوف وش هي

Benjamin Rubin .. اول من اكتشف التلقيح بالابر

Jonas Salk .. اول من اكتشف لقاح شلل الاطفال

Gertrude Elion .. اول من عالج اللوكيميا << سرطان الدم

Baruch Blumberg ..hepatitis B اول من اكتشف علاج التهاب الكبد

Paul Ehrlich ..syphilis اكتشف علاج الزهري

Elie Metchnikoff .. نال جائزة نوبل في الامراض المعدية

Bernard Katz .. نال جائزة نوبل لاكتشافه انتقال الاشارات العصبيه بين العضلات والجهاز العصبي

Andrew Schally .. نال جائزة نوبل في أمراض الغدد

George Wald نال جائزة نوبل في علم العين << للانسان

Aaron Beck .. اكتشف علاج لامراض نفسية عديدة مثل مرض الاحباط و الرهاب

Stanley Cohen .. نال جائزة نوبل في علم الاجنة (علم دراسة تركيب الجنين وطريقة تكونه)

Willem Kolff .. اكتشف الالة التي تقوم بغسيل الكلية

الحين اقولكم خلال المية والخمس سنين الاخيرة 14 مليون يهودي

حصلوا على أكثر من 15 درزن من جوائز نوبل

بالمقابل 1.4 مليار مسلم ماحصلوا الا على 3 جوائز نوبل..؟

خل اشوف لكم مثال حلو بعد

George Soros ,, هذا يهودي صرف اكثر من 4 مليار دولار على العلماء و على العلم

Walter Annenberg, هذا يهودي ثاني صرف مايقارب 2 مليار دولار على بناء المكاتب العلمية

خلونا نروح لهوليوود الافلام اللي نشوفها بكل القنوات وخل نشوف عدد من الممثلين شوفوا

Harrison Ford, George Burns, Tony Curtis, Charles Bronson, Sandra Bullock, Billy Crystal, Woody Allen, Paul Newman, Peter Sellers, Dustin Hoffman, Michael Douglas, Ben Kingsley,[?] Kirk Douglas, Goldie Hawn, Cary Grant, William Shatner, Jerry Lewis and Peter Falk

كل هذولا من هم؟؟

وش تتوقعون؟؟

كلهم يهـــــــــــود

طيب خل نشوف من ناحية الكوفي..؟

ستار بوكس من اللي يملكه يملكه واحد يهودي و من المتعصبين لدولة اسرائيل بعد ( يقوم بدعم الجيش الاسرائيلي ماليا كل بداية سنة) << ودايم يشترون منه المسلمين كأنهم يدعمون اليهود؟

طيب خل نشوف أكبر و أقوى دولة و أكثر دولة تقدما بعالم وش هي؟ أكيد الولايات المتحدة الامريكية ..طيب وش اللي يهمنا بأي دولة عاصمتها أكيد وعاصمتها وش هي؟ أكيد واشنطن طيب العاصمة هذي فيها لوبي يسمى

American Israel Public Affairs Committee (AIPAC)

هذا أقوى لوبي في العاصمة هذي.. و يعتبر الاكثر تحكما سياسيا و اقتصاديا وهوبالطبع ايش؟ يهودي

طيب الحين بعد ما قارنا بين المسلمين واليهود وش رايكم وش السبب اللي خلاهم أقوى منا..؟

الجواب هو العلم

أول القوة قوة التخطيط العسكري وقوة الذراع والسيف والفرسان بس بالزمن هذا للأسف ما تنفع هذي

ماينفع الا قوة العقل



آخر كلامي للأسف الشعب العربي والمسلم شعب عاطفي لحد ما. يعني تاخذه العاطفه ويثور بسرعه بس للأسف يبرد بسرعه ومن المؤسف جدا ان اغلب الشعب الحين صاروا غير مهتمين وهذا نذير شر مو نذير خير مشكلة اذا الواحد يحس بسرعة ويبرد بسرعة والمصيبه انه يصير متبلد احساس ومشكلة الكسل والخمول لازم نشتغل عشان نجاري الشعوب وما يستهينون فينا .. بالله لو حنا بأوج قوة الاسلام بعهد الرسول صلى الله عليه وسلم والا بعهد الدولة الاموية والعباسية والعثمانيه يقدرون يقولون نفس الكلام ويكابرون حتى بكلمة اعتذار..؟


الشعب العربي شعب ممزق من الداخل و من الخارج
من الداخل مزقته العصبيات القبليه والعصبيات العرقيه
من الخارج مزقته الشعوب الاخرى بحروبها الدائمه التي لم تنقطع




تقبلوا تحياتي و آسف كل الاسف على الاطالة
تحياتي: صرخآت قلم