وش ذا المصخره اللي انا قاعـد اشوفها في قسم الفرفشه ..؟
يعني ما ادري انا اتكلم ياباني والا ايش .. يعني رازين لكم ثلاث مواضيع مثبته ولا فاد فيكم ..
الحين انا ما صدقت على الله انظف الفرفشه من المنقوله ولالعباب اللي فيها ويوم غبت لي يومين هذا اللي يصير .. رجعت الالعاب والمواضيع في قسم الفرفشه ..
ياخي افهموا ( الالعاب فوق الموصيع المثيته .. المواضيع المنقوله ممنووووعه .. المواضيع البايخه اللي كلها اسئله والا كلمه ومعناها ممنوووعه النكت فيه موضوع مثبت الصور برضو ممنوعه لانه موب هذا قسمها )
معليش يعني لو الواحد ما حط انظمه وشروط كان قلنا ما ينلامون لكن الشروط موجوده وعلى كذا ادخل والاقي سخافات لها اول مالها تالي ..
يعني الواحد يطالع ويسكت ابي اشوف انتقادات على المواضيع ابي اشوف ردود تفتح النفس مالقيت شي .. والمصيبه اني ادخل مواضيع تحوم الكبد قسم بالله ابي اقرى كلمه ابتسم عليها ابتسامه بس مالقيت واقرى الردود انواع المجاملات .. ياخي اذا الموضوع بايخ ليش تجاملون ..
عموما المره هاذي ما ارح الفرفشه .. وانا بتابع كل عضو ومواضيعه وان لقيت موضوع مخالف للقوانين اسمحوا لي اقول لكم انه راح يحال للمحاكمه هههههه وراح يطبق عليه حكم .. وعلى اللي ردوا على المواضيع لانهم شجعوه على انه يتمادى في طرح المواضيع المخالفه ..
اللهم قد بغلت اللهم فأشهد والحاضر يبلغ الغايب ..
واللي عنده اعتراض فليتقدم
وشكراااااااااااا
تركي الرياض
التعديل الأخير تم بواسطة هلوسة ; 13-Jun-2006 الساعة 09:35 PM.
تركي رووق هاه تراك طفيت بقووه هههههههههههه
شووف ونا اخوك انت عندك مسوليات محد يلومك فيها وهذا واجبك
تبين الصح والشي الغلط بس للمعلوميه منتداكم افضل من الف موقع ثاني
يكفي المه الحلوه بين الاعضاء يمكن تكون فيه مواضيع قديمه وبايخه
وفيه ناس فاهمين الفرفشه والصرقعه مخلوطه برومنسيات خخخخ
الي باين للاعضاء انه شي رايق
(( والناس اذوواق)))
اقتباس:
يعني الواحد يطالع ويسكت ابي اشوف انتقادات على المواضيع ابي اشوف ردود تفتح النفس مالقيت شي ..
سلااااااااااااام عليكم بصراحه انا انتظر هالموضوع من زمااااااااااااان لاني مليت
\
من المواضيع حتى ما صار لي نفس اكتب مواضيع واتمنى من الزقرت اتباع التعليمات
صباح الخير
اولااشكر لكل اللي شاركوني النقاش
ولكن انا ابي اقول كلامكم كله على راسي .. وهذي مجهات نظر وانا ماكتبت هالموضوع الا بعد ما شفت الاستهتار زاد عن حده .. يعني انا من يوم حطوني مشرف الى الان ابي ادخل اقرى موضوع ما قدرت ماغير انقل في ذا لامواضيع شي منقول وشي مكرر .. وشي مكانه غلط .. واذا عدلت قالوا ليش واذا ما عدلت قالوا القسم صار كله مواضيع بايخه .. ياناس انا ما اقول لاتكتبون ..اكتبوا ووسعوا صدوركم ولو تبون شات بنحط لكم شات في هالمنتدى.. بس ورونا شي سنع .. واللي ما يبي موضوعه ينقل المكررة و سله المحذوفات رجاءا يلتزم بالشروط والا لايتعب نفسه ويكتب لان مصير بيكون سلة المحذوفات
وبالنسبه للمواضيع اللي في المكررة انا ما ارسلتها هناك عبث واللي عنده اعتراض على اي موضوع انا نقلته هناك يقول لي ..
وبالنسبه للي يقولون ان المنتدى هو اللي في حاجة الاعضاء بقول له كلامك صحيح .. بس موب اي عضو الواحد يتحسف عليه .. الواحد مايتحسف الا على العضو اللي الكل يلاحق مواضيعه ويتابع ردوده .. يعني انا وش ابي بالعضو اللي ما يحترم قوانين القسم .. وش ابي باللي مالي مهنه الا اطارد وراه واحذف مواضيعه اللي كلها منقوله .. يعني على بلاطه هذا الفكه منه راحه .. وانا والله ما اقصد احد بعينه ولكن انا قاعد ارد على كلامك .
وبالنسبه للي يتكلم على العنصريه انا عن نفسي ما احب افرق بين عضو ومشرف او اداري او غير . كلكم عندي واحد واللي يستاهل المدح بمدحه .. واللي ما يتاهل مانيب مادحه لو انه ايش
وفي ختام كلامي
اقول لكم انا ماراح انقل اي موضوع للمكررة هاليومين .. راجعوا المواضيع اللي موجوده حاليا واللي يلاقي لي موضوع واحد يستاهل ان الواحد يثبته يجي يعلمني
التعديل الأخير تم بواسطة هلوسة ; 13-Jun-2006 الساعة 09:58 PM.
ههههههههههه الله يقطع ابليسك قطعت بطني من الضحك هههههههههه
يسلموو عالموضوع
7
7
7
7
7
7
الامثله السابقه كانت لردود بارده لا تقدم ولا تؤخر .. وتخلي الواحد يتحاشى انه يقرا للعضو اللي اغلب ردوده بهالشكل .. عشان كذا انا طنّت في بالي فكره .. وهي تأسيس دكه نجتمع فيها ونتعلم وشلون نرد وكيف نكتب مواضيع وكيف نجذب القراء
مشاعل الرياض بالله عليتس ضبطي لي راس معسل جعلتس تسلمين
اولا اذا جيت ترد على موضوع اقراه كله زين .. وحاول انك تقتبس الاشياء المميزه اللي تقدر تضيف عليها اشياء او تذب على كاتب الموضوع ذبات حلو .. بس لاتكثر لان الذبه مثل السكر اللي في الشاهي اذا زوّدتها بتصير حاليه مره همن محد شاربها
حاول مشاركة الكاتب في موضوعه من خلال اضافه قصه صغيره لها علاقه بالموضوع
مشاعل الرياض وبعدين معتس كم مره اقول لتس ان المعسل تحت والفحم فوق يالتنكه
آسف على المقاطعه بس كله من مشاعل الرياض حطت الفحم تحت والمعسل فوق .. ياخي كنها سبهه الواحد يعلمها مليون مره ولكن ما تفهم .. ياخي السبايك مشكله .. ايه عاد اقول لكم .. بعد ممكن انكم تداعبون الاعضاء من خلال استخدام كلمه موضوع فلان وتكتبون له اي شي تبونه حتى لو كان ( هين الوعد في الفسحه )
اذا فيه مجال للانتقاد انتقدوا وابدوا رايكم بصراحه من دون مجامله حتى لو ما اعجبكم الموضوع قولوا والله الموضوع حلو بس ناقصه كذا وكذا وكذا
<------- حطوا اسهم وتكلموا على نفسكم .. مثال
<------- برادان يبي يروح يطفي المكيف او
<------- يدها تحكها وده يصفق أحد
وما ننسى طبعا نشكر الكاتب على موضوعه .. ونريّش به شوي ..
واذا بغيتوا تكتبون موضوع ياليتتحددون الهدف من الموضوع ..يعني هل فعلا للموضوع هدف او بس عشان توسع صدرك ..
الموضوع لازم يحتوي على مقدمه .. والاحداث .. ومؤخره .. عفوا اقصد خاتمه اذا اكتملت هالعناصر في اي موضوع اكيد الموضوع بيصير ناجح .. ولا راح يروح المكررة او سلة المخذوفات
وبتجيه ردود حلوه .. لانه موضوع يستاهل ان الواحد يرد عليه ويثبته بعد ..
اصبروا دقيقه ..
<<< قاعد يعسل ..
مشاعل خلاص يا خاله توكلي على الله .. ونكتفي بهذا القدر من المعلومات .. ياليت الي يقرا يطبق ..
لاني راح اسوي لكم تقييم وراح اشوف من هو صاحب أفضل ردود للاسبوع وراح يكون عليها درجات .. سارع بالشراء فالكميه محدوده ..
اشبك معصب ...؟؟ صل على النبي ...روق واجلس
والله احس نك يوم كتبت انك شوي وتكسر الكيبورد... بشويش..اعصابك
هههههههههههههههههههه
ما يستاهل كل هذا الزعل..!؟!؟
ترى التنظيم المواضيع ماهي مسؤليتنا تراها مسؤليه المشرف على القسم
واما الردود هذا يجامل وهذا رده بايخ هو حر في نفسه يرد بالاسلوب اللي يبيه مادام ماغلط على احد
ولاتعصب ترى حتى احنى بشر نحس محنى جماد ولا احنى تحت امر الي شخص في المنتدى
نكتب على حسب الشروط واذا المكان غير مناسب المشرف ينقله ويحذف المواضيع السيئه الغير مؤدبه
آخر 10 مشاركات
مشاركة رقم :
1
في 09-Jun-2006 الساعة :
01:23 AM
انذار أخير ( للي يكتبون في قسم الفرفشه والفكاهة )
. 
