الموضوع: المســــــــافه طوووويله

المســــــــافه

صادق الوعد لو دونك مسافه طويله
داعي الحب يجبرني والبي نداك

واتحدى الظروف اللي بوصلك بخيله
ماترد الحواجز خطوتي عن لقاك

لوطلبت العمر ماقلتلك مستحيله
كل ماتملك ايدي مايساوي غلاك

المصاعب على شانك تراها ذليله
حطمتها مشاعر قلب عاشق رعاك

ياحبيبي انا شلت الهموم الثقيله
رغم كل المتاعب جيت ادور رضاك

وافي الحب دايم كل حمل بشيله
لاتقول ان راع الود قلبه جفاك

كل مشتاق قلبه بالمحبه دليله
اعطيني صادق احساسك وروحي فداك

وكل درب مشيناها بخطوه مهيله
عرفتنا مخاطرها دروب الهلاك

ارحم اللي يحبك قبل يعلن رحيله
لاتبيع اللي باشواق عمره شراك

لايغرك رعد ماله بروق مخيله
مايسقي بلاد ولايروي ضماك


وسلامتــــــــــــــكم

---

hglsJJJJJJJJhti ',,,,dgi