ابيك تكون في قلبي واكون بقلبك لحالي

**شهلا** · 13-Jun-2006,01:25 PM

ابيك, بقلبك, تكون

أبيك

أبيك تكون في قلبي وأكون بقلبك لحالي
وأبي لا دورت عيني عليك تحصلك دايم

********

أبي أنساك لا شفتك لأجل يشتاق لك بالي
وأبي لاشتقت لعيونك تكون بشوفتي هايم

********

أبيك تحس بوجودي تروف شوي به حالي
وأبي لاحتجتلك جنبي تجيني مسرع وحايم

********

أبيك تكون مستنانس تكون من الألم خالي
بشوش مثل ما اعتدتك وحس الحب بك عايم

********

أبيك بكل رغباتي وإذا كان الطلب غالي
تعالي واسكني قلب تراه امن الهوى صايم

********

أبيك تكوني من عمي أو أبعد من نسل خالي
أبيك وما علي من حد عذول ولا بعد لايم

hfd; j;,k td rgfd ,h;,k frgf; gphgd

**في خاطري** · 13-Jun-2006,01:58 PM

أبيك تكوني من عمي أو أبعد من نسل خالي
أبيك وما علي من حد عذول ولا بعد لايم

صح لسانك يالغاليه

الله عليك ابداااااع

فيك الحب الصادق
اللي يتمسك بحبه ويخلص فيه

ولا يتاثر بكلام العواذل والحاقدين

الله عليك ارددها من هنا اللين بكره

يعطيك الف عافيه يالغاليه

**عشق بدوي** · 13-Jun-2006,02:25 PM

سلام عليكم ورحمة الله وبركاته

مساك الله بالخير احتي شهلا

وصح لسانك على هذه الكلمات الرائع والعذبه والجميع

تسلم يمناك اختي

ننتظر جديدك القادم :)

لاهنتٍ