الموضوع: ألا يا نفس لاتشكي

نفس

ألا يا نفس لاتشكي


ألا يا نفس لا تشكي عذابي
ولا تشكي من الدنيا حزوني


بلاج الحب في درب الشبابي
وتوّج ع المحبه ما تهوني


يا غير الله مالج من مثابي
ولا لج فالخلايق من يصوني


يغـَرنّي أبو سمر الهدابي
أصدقهم وهم ما صدقوني


أنا في دارهم قلبي وطابي
خذوني بالمحبه وملكوني


هقيت إني على درب الصوابي
حسافه في طريجي كسّحوني


وصار الهم كاسي والشرابي
ونومي فالكرا عني احرموني


وزادي ما هنالي ولا هو طابي
تولـّعت ابهواهم و ولــّعوني


ألا يا ما حلا تلع الرقابي
صغير السن بو دعج العيوني


يلي عوده زها تحت الثيابي
يليت اهل الهوى فيه انصفوني


رماني فـ الهوا لي ما درابي
اناديهم وهم ما يسمعوني


يعاتبني اذا طلت افغيابي
أنا أعذرهم وهم ما يعذروني


عزيز النفس ما يحْسب حسابي
وسبقوني بحكمهم وظلموني


مضا بي العمر في حبه وسرابي
ألا يا شين خيّب بي الظنوني


مصيري يا جماعه فالترابي
ونفسي وش لقت غير الطعوني


ألا يا نفس لا تشكي عذابي
وتوّج ع المحبه ما تهوني



الشاعر خالد بن داغر

---

Hgh dh kts ghja;d