أنا لا قلت لك بانساك حذاري لا تصدقينــــــي

أنا لا قلت لك بانساك حذاري لا تصدقينــــــي---وكيف أبنساك يا رمشآ علي عيني يغطيهــــا

انا لا غبت عن عينك ضروف الوقت تبعدني ---واسلي خاطري واصبر عسى ربي يجليهـــا

ولكن مطلبي منك على ماســــار تعذرنــــــي ---تحمـــل لجل من حبـــــك وزلاتـــي تناسيهــا

سكن حبك في الخافق وحبك حيــــل يكفيني ---زرعتك في الحشا زهرة من الحساد أداريها

حبيبي بعد هذا الحب ما اصدق تجافينـــــي ---لانك فرحـــــة ايامي وروحي وانت عاليهـــا

حبيبي فرحتي شوفك وعيدي يوم تلفينــي ---لانك بلســــم اجراحي ولا غيـــرك يداويهـــا

احبك حب ما يوصف فهل مثلي تحبينــــي ---انا بينت لـــــك حبــــــي تحديهم وقوليهـــــا