الموضوع: أجمل ماقيل في ولاة الامر . مصافحه اولى

الامر, ولاة

بسم الله الرحمن الرحيم

والسلام عليكم ورحمة الله وبركاته





(( ملك ندّاح ))

[poem=font="Simplified Arabic,6,skyblue,bold,normal" bkcolor="darkblue" bkimage="" border="ridge,4,skyblue" type=2 line=1 align=center use=ex num="0,black"]
سلام الله عدد ماسار بوسط المملكـه سُيـاح=وأيضا زاير العمـره ومسلـم حـاج ٍ لمكّـه
على الغالي نكررها ونرسل صوتنـا بصيـاح=سلام ٍ كله أسترسال بمشاعـر قلـب مندكّـه
لوالينـا وقايدنـا لأبونـا الفـارس اللّمـاح=لخادم مسجد محمـد بمدينـه مابهـا شكِّـه
وأيضا كعبة الخالق خدمهـا سيـدي بسـلاح=حموها رجال من قبله وهو مواصل على السكّه
ياسيدي مالكم أعذار وبابـك مقفـل بمفتـاح=دخيلك ياأبو متعـب ياشيـخ ٍ زاهـي ٍ ملكـه
عِقيد القوم وامرهم أميـر هـو ملـك نـدّاح=من أول عِرفنا. يمناك تحل الصعـب وتفكّـه
سنين ٍ ماضيه بمجده وسنين ٍ مقبله بأفـراح=عسى الله مايفرقكـم بشمـل ٍ مكتمـل صكّـه
ياسيدي عذركم مرفوض غديت بظلمة الاشباح=طلبتك فزعه يالغالي لضيمـي أفـزع وذكّـه
قهرني وقتي القاسي قهرني حظي اللي طـاح=بجود عزك وصولاتـك طلبتـك فقرنـا بكّـهِ
وخله يبتعـد عنـي وعـن تفكيرنـا ينـزاح=ياعبـدالله طلبناكـم طليبـة نفـسْ منضكّـه
وصلاة ربي عدد ماشفت سحاب مرسل بأرياح=على الهادي محمدنا رسـول قـد فتـح مكـه [/poem]






(( مقصقص شركها ))
[poem=font="Simplified Arabic,6,burlywood,bold,normal" bkcolor="black" bkimage="" border="ridge,7,burlywood" type=2 line=1 align=center use=ex num="0,black"]
بديت باسم اللي على أعداه مختـــّص = رب ٍ عظيم قوته محتفظها
عزيز ٍ تعلى وأعتلى يوم خلـــّص= ثم أستوى من فوق عرشه حفظها
اللي خلقها بستت أيام وأخلـــّص= حبه ملكني لهيبته مفترضها
لا طفت فوق الغيم ملزوم تمتــّص= تأمل بتعظيم من هو خلقها
سبحانه الجبار سبحانه أحرّص= تارك علاماته لمن هو لحظها
لا شفت شي ٍ يذهلك لا تخرّص = وصاك بالتسبيح سبحانه أدها
ومن بعدها نطلبك زود ٍ بلا نقص = لبيوتي الجزلات عطني وزدها
من شان تقصيري عليه نتحرّص = نبغى بيوت ٍ تتعب اللي نقدها
بسلام فيه المسك فايح مع النص = لولي عهد المملكه يسمى ولدها
اللي عليه الحين ندراه بحصص = غالي علينا في دفاعه سندها
هذا أبو خالد قص الشرر قص = مقصقص شركها قبل قصة نكدها
فيه المدح يحتار والسب به غص = لا قلت شين بزيف تلقى رددها
غصه بحلقك جعلها ماتخلــّص = لأنه خلي العيب طاهر شهدها
أشتقت له وأرسلت قاف ٍ مقرّص = هذا سببها كان تبغى سببها
مع العذر أرجوك لو لو حظ النقص = مرضاك مطلوبي علي معتمدها
لاني نزيف الجرح وأيضا ً مقوص ّ = مطعون ظلم الغدر روحي سردها
وصلاة ربي عداد ماتاحو فرص ّ =وعداد كل الخلق بجملة عددها
على نبي ٍ في حديثه لك قصص = شفيعنا لا صار يشدك ضمكها [/poem]





(( يابو سلطان القمر ))
[poem=font="Simplified Arabic,6,burlywood,bold,normal" bkcolor="darkred" bkimage="" border="ridge,6,burlywood" type=2 line=1 align=center use=ex num="0,black"]
يابو فهد جيتك غلا جيتك وفا مـع عاطفـه=جيتك محبه وأنتماء ويخالطه خوفـك علـّي
يشدني صوبك سلام والقلب منـي خاطفـه=مالك ترى ذنب وخطا لا قلت لك أنـك هلـّي
أبوي أو عم ٍ يصون تزهـاك كـل السالفـه=تكفى تحقق ماطلبت* لأجل يتحطم بي زعلـّي
والمشكله ياسيـدي حالـي أظنـك عارفـه=مالي سوى رب العباد شفيعي وأيضا لي ولـّي
من بعد عينك ياغلاي دربي تجيه العاصفـه=وأصبح بلا حلم وأمل وعجاجها ما ينجلـّي
يا بو سلطان القمر يمنـاك مبطـي غارفـه=من نبع جودك صّبها يمنى الشجاع المعتلـّي
يابوفهد لا تتركه وسـط السيـول الجارفـه=هذا تعنى لخاطرك وفي حبك أصبـح مبتلـّي
يابوفهد أنت الرجاء وانت العـوض بالتالفـه=صارت حياتي كلهـا بلـوه وفيهـا زلزلـّي
شهادتي صارت غثى والكـون كلـه قارفـه=من بعد ماكنت أنتظر محصولها يقبل علـّي
تهدمت كل السنين وصارت بعينـي هايفـه=من بعد ماكنت أفتخر عند الجماعه مع هلـّي
من يوم سن السادسه وأنا نجاحي عاسفـه=أركض ليا اخذت الورق ممتاز الأول منزلـّي
وأبشّر أمي بالنجاح وتستبشر وهي خايفـه=من أول سنين المدرسه وأنا التفوق معزلـّي
سنه ورى سنين وغديت بآخر سنين النايفه=وخلصت سن الجامعه وفرحتّها وغنو هلـّي
ولاعادها الله ماجرى يوم السعـاده واقفـه=صارت حياتي مندبه والنار تصلاني صلـّي
أربع سنين وحالتي بيـن الوعـود الزايفـه=على الأمل أكذب وأقول بكرا نحليهـا بحلـّي
الين ربك هو هـداه ولدربكـم هـو حارفـه=درب ٍ محطم للنكـد وهـو لعذابـي مقتلـّي
هذا طريقك يادفاي بصدقي ترانـي واصفـه=يابوفهد يا عزوتي .ياآخري ياآوليّ
من هو عرفكم مايتوه وأطباعكـم متوالفـه=أنشهد أنك مغنمي ومكسب لقلـب ٍ مبتلـّي
طال القصيد وليتهـا داوت جـروح ٍ نازفـه=معاك يا أول غـلا ياسيــّدي ياأغلا ولـّي
وأرجع أقول جيتك غلا جيتك وفا مع عاطفـه=جيتك محبه وأنتماء في قلبي أنت المختلـي[/poem]







((الأمن عزيته بحكمة وتخطيط ))
[poem=font="Simplified Arabic,6,black,bold,normal" bkcolor="gray" bkimage="backgrounds/25.gif" border="groove,7,teal" type=2 line=1 align=center use=ex num="0,black"]
ماجيت أدّور من يسلـي ضميـري=أو جيت أشجع في شبابي تفاحيـط
أوجيت أدور عن فقيـد الحريـري=أو جيت متحسف برجعه وتفريـط
جيتك أنا والحب معمـي نظيـري=أسمك يكفي هـز قيعـان المحيـط
يا أغلى وزير شفت وأطهر وزيري=الأمن عزيتـه بحكمـه وتخطيـط
يا باتر الأرهاب بسيف ٍ خطيـري=فكيتنا من غـم وسلطـه وتسليـط
خوف ٍ سكنا وشرهـم مستطيـري=عيشة قلق ينقط بها الـدم تنقيـط
والحين بعد الله وفضلـك نسيـري=بأمن وأمان بدون خوف ومرابيـط
تنشدنـي الأفكـار عنـك كثيـري=وأصبر عيوني بالأشواق تقسيـط
مطلوبنا ماظـن عنـدك عسيـري=حنا رجالك لـو غدينـا مقاريط
لأنك لنا النبراس ورمز ٍ كبيري=من يجهلك يصبح ضمن المواريط
هذي هي أخر ماكتبته يـا اميـري=ولاظن فيها عيب أو هي خرابيط [/poem]

---

H[lg lhrdg td ,ghm hghlv > lwhtpi h,gn