الموضوع: %_-*-_%صحراء زماني%_-*-_%

زماني%%

لالا تظن أشفق عـلـى فرقاك لـو يـوم
العين يكفيها من افراقك سهرهـا
بعد القمر في دنيتي لــو تطلع انـجــوم
وش فايدتها بعد مـــاغيب قمرهــا
أمسيت ضايق خافقي وأصبحت مهموم
فرقاك نارِ زاد في روحي خطرهـا
تبكيك عينِ فـي غيابك عــافــت الـنـوم
وشـلـون ماتبكيك يـاقـرة نـظـرهــا
كثرت هواجيسي وصار الصبر معـدوم
كيف المسافات البعيده بختصــرهـا
بردد أبيات الحـزن مـن قـلـب مـحـروم
يمكن يخفف شدة الـلـوعـة وأثـرهــا
واهيم كني فـي ظــلام الـلـيـل مـنـجـوم
مثل السفينه تنتظر شاطيء بـحــرهـا
غديت في صحراء زماني ارجي اغيوم
أبي سحابة تنــعش الـقـلـب بمــطـرهـا
أنت الأمل واللي بقى لي قدر مـعــلــوم
ارجع ترا شوقي براحــالـي واســرهـا
خلاص بشعل شمعتي لك واترك اللــوم
أنت السبب والروح من غيرك سحرها

---

%_-*-_%wpvhx .lhkd%_-*-_%