باسم الكريم اللي عرفنا صفاته = وأسماءه التسعه وبالزود تسعين
الخالق الفرد الصمد جل ذاته = الموجد المنشئ لنا دين ياسين
المبدع الرزاق كرر وصاته = تسبيح مع طاعه لكم خلد لا قين
اللي جعل كل البشر من غلاته = وخص بغلاه لفارس ٍ حطــّم الشين
نعدد له التسليم ومعها صلاته = حتى بفروضي واجب الذكر له دين
إبراهيم الخليل المبتلي في حياته = بأعظم مصيبه يوم سن السكاكين
لنحر الولد من بعد حلم بمباته = = وتكرر المشهد وأنصاع له زين
يوم الولد لبى وقرر وفاته = ونفذ له المطلوب بصدق البراهين
أسماعيل ماقصّر طايع حلاته = عليه مني ياجماعه صلاتين
هذا هو البر الحقيقي سواته = ساعد أبوه يوم لله ملبين
وفداهم الخلاق كبش بنجاته = وأنقذ به الغالي وصارو غلاوين
وغير السفر يوم أبتعد في شتاته = وغير الصنم والنار والشمس ناسين
وغير القمر واللي جرى من شماته = وأمرت ابوه اللي رفض قوله الزين
بلواه أكبر من وصايف سماته =لأنه خليل الله ورافع عمودين
ركنين شيــّدهن وكمل بناته = بيت ٍ لخلاق السما خالق الطين
الكعبه اللي بالوصايف حلاته = بمله حنيفه ملته صارت بدين
أطلبك بالغالي تحقق دعاته = الشاعر اللي طالب الرزق هالحين
حالي غدت مابين وده وهاته = وسنين عمري ضاعت سنين وسنين
درست وأنجزنا وهذي جزاته = فقر وغثى وابليس زعيم الملاعين
والناس تنظرني وتقرا شكاته = لا تفشل اللي فيك خط العناوين
لو تتركه ينقال اقفى بفلاته = اصبح كسير وحالتي تشكي الشين
والحين نختم حرفنا في صلاته =و نصلي له بتسليم لكل النبيين