~[ ×?°عاااااااجل وللاهميـــة...اتنمى من الكل الدخوول×?° ]~

هلا بسميتي
السلام عليكم ورحمة الله
انت طرحت اكثر من تساؤل اسمحي اجاوبك عليهم

	حرااام الوحده تتغزل في خطيبها وحبيبها أماام الناس؟؟؟

شوفي يا قمر تفرق مين الناس الي تقصديهم
في قدام الناس يعني في مطعم
في شارع
في منتدى
في بيت اهلك
في بيت اهله ؟

ايش المكان الي تقصديه ؟

ابجاوبك عليهم
في مطعم في الشارع ( لأ ما ينفع ) لي لان الناس ما تدري ياقمر هو مين ؟
والنبي لما خرج في رمضان وهو معتكف في حاجة احدى زوجاته رآه الصحابة فقال عليه السلام هذه ( فلانة) هذا وهو الرسول عليه السلام ولا يعقل ان يظن احد به السوء فكيف بنا والناس فقط تنتظر الخطأ منك لينهشوا لحمك .
في بيت اهلك
في بيت اهله ؟
ملاك مو حلوة صدقيني
والله مو حلوة بيقولوا ايش هادي البنت الي ما تستحي صدقيني
هادا رايي وانت حرة يا غالية

ثانيا : عيون الناس ما ترحم يالغلا ممكن والله يحفظك يشوفوكم مبسوطين وحدة ما انخطبت ولا عريسها منكد عليها تجي تحسدك ايش حيفيدك الغزل فيه ؟ ممكن يجيكم شي عظيم وعين قوية وانت عارفة العين حق

ثالثا :
في منتدى
طبعا ما يصلح لان المكان فيه صغار وكبار لا ينفع هالكلام لان الناس مرح يدروا هادا مين وراح يفتح باب ماراح يتسكر ولو دريو ابرجعك ل( ثانيا )


فهمت قصدي

	حرااام الوحده تقول هذا حبيبي وعمري وحياتي؟؟؟

لا طبعا
بس مو كل شوية احس ممكن يطفش منها حذار من الطفش
مزحة
لا اختي مو حرام واجبك تدلليه لكن احتفظي بشيء لبعد الزواج نصيحة

غير كدة انتو هالفترة تصيروم منجرفين بعواطفكم طب وبعدين اكيد بتقل هالكلمات الحلوة والغزل بعد الزواج بسبب انه في وجهك وراح تفرق معاه
فلا تخليه شي دايم على لسانك عشان كما يصير عنده شي عادي كأنك تناديه باسمه

	لازم اتغزل بحبيبي فمكااان مافيه الا انا وهو؟؟

تبغي الحق والله مدري بس احس طبعا افضل
ليه مدري بس كمان عشان يظل فيه قليل من الحياء والخجل وتحمر خدودك يعني اشياء انثوية انتي بحاجة لها امامه
وقدام الناس يا قمر بيروح الحياء
وهو تاجك
هادا رايي وطبعا مو ملزمة تطبقيه ولا تسمعيه

	هل الغزل يقلل من أحتــرام الاخرين لي ولخطيبــي ؟؟؟

انت طلبتي رايي
بقولها واجري على الله
أي أي أي
احس حتضربيني باقرب شي في يدك

تاختي الامور الي بين الزوج وزوجته ما احس ممكن تنقال قدام الناس طبعا اقصد الغزل
بس يا حبيبي ولا حياتي مدري حسب مجتمعكم
لكن
لو زوجك ممكن الناس حيشوفوها عادي بعدة الزواج لكن
بس في فترة الخطوبة لازم يكون في خجل
واحس واالله ملاك في خاطري بينك وبينه احلى
احلى بينك وبينه
احلى مليون مرة من انك تتغزلي فيه بين الناس


لازم يكون في حد فاصل بين الي تقوليه لخطيبك اما م الناس وبينك وبينه

ولازم يكون في حد فاصل بين الكلام الي تقوليه لخطيبك قبل الزواج وبعده
وفيه كمان ما لازم ينقال سيبيه يحس فيه

ولازم تكوني البنت الخجوله الي تحمر خدودها هادي هي البنت والانثى
حتى لو مع خطيبها


اختي انا هادا الي في بالي والي في خاطري
قلته لك قبلتيه اختي خير وبركه

ما قبلتيه يا غالية مو شرط وطبعا انت ما طرحت الموضوع الا وانت منتظرة الراي والراي الاخر

وشوفي النبي عليه السلام ما عرف الناس ما بينه وبين زوجاته الا عندما كن يحكين رضي الله عنهن
نعم كان يقول احب عائشة ولكن لا اكثر من ذلك
اما فيما بينها وبينه صلى الله عليه وسلم لم يكن ليدور او يقال اما م الاخرين
ولنا في هدي النبي وال بيته افضل مثل



تقبلي الراي والراي الاخر

الله يسعدك و يوقفك