بسم من أوجد الدنيا وصور صورة الأنسان = عظيم أبدع بصنعه بست أيام سواها
بعد ماحارت أفكاري وأصبحنا بلا عنوان = هواجيس ٍ تلاعبي ونفسي تاهت أخطاها
ياكيف شلون ياعالم أنا من همكم تعبان = عجزت أتخيل المشهد عجزت أستوعب أدناها
أشوف الناس قدامي تبدل فيهم الميزان = تغير حالهم للشين ونفسي جابت أقصاها
أذا صارت ريالاتك كثيره عدها ميلان = تصير أشجع رجل والناس لمدحك يكثر ثغاها
ولو قلت دنانيرك يشوفونك بعمى الوان = على الهامش ترى نفسك وصغير القوم ياطاها
ولو نك ف ي وصوفك شهم وصيتك بالسما رنان = تصير أحقر بشر فيهم أذا جيبك فضا ماها
عليكم لعنة الخالق عليكم نكبة الشيطان = ياربي عجل بيومك ياربي أكشف أغطاها
عجزت أقاوم النظره عججزت أتحمل الأحزان= عجزت أساير الواقع مع اللي عندي أشواها
وأنا كلمة تكفيني أذنك تفهم الاوزان = أبيك تقولي باكر أذا صرنا من أغناها
دخيلك قلي وشلونك وأنا خابر وشلي كان = ياشين الموقف وياشين سوالف منك نلقاها
وكل هذا وبقى أكثر لو أشرح وأكتب القيفان = ولكن يكفي ماقلته من أتلا تالي أتلاها
وصلاة ربي عدد نجم ٍ سطع وسط السما أو بان = على أشرف وأطهر أقدام ٍ مشى بالأرض ماطاها