لو همستي للثريّـا

سرحـي شعـرك أمانـه كــل مــا هـبـت شـمـال
إضربـي صـدر الهبـايـب وارسليـهـا للجـنـوب
شوحـي اطـراف النواعـم نزلـي تـاج الجـمـال
عطّـري جـو المدينـه غـنـي اللـحـن الـطـروب
بـيّـنـي لـلـنـاس قـــدرك واذبحـيـهـم بــالــدلال
خلـي العـالـم تـولـع فـيـك مثـلـي يــا اللـعـوب
لو وقفتـي عنـد اجـا الشامـخ وقلتـي لـه تعـال
مـا اتكـاثـر لوتـحـرك يـمـةَ الـصـوت الـعـذوب
أو همسـتـي للثـريـا حـوّلـت مـــا بـــه جـــدال
ثم صفـت فـوق جيـدك عقْـد مـا تبـي الغـروب
صاحـبـي فـتـان حـيـل وفتنـتـه فــوق الخـيـال
طاغي النظره حلـي الـدل مـزاحٍ ( ن) عجـوب
ان تكلـم فــي كـلامـه يـذهـب عـقـول الـرجـال
وان سكـت يجـرح سكوتـه مستكنـات القلـوب
قلـت لـه يامرهـف الاحسـاس كـيـف الاتـصـال
قـال يـا مسكيـن خـل النـار فـي قلبـك شـبـوب
شرعنـا مـا يرحـم العاشـق ولا يـرفـا الخـمـال
=وكل شيٍ(ن) عندنا تدري مسجل ومحَسـوب
قلـت ذنـبـي يــوم احـبـك صايرٍ(ن)كبرالجـبـال
والله إن اسـري وذبحـي مـن كبيـرات الذنـوب
سقيـة الظامـي حـرام وذبـحـة المسـلـم حــلال
أشهد ان العدل عنـدك جـور والحـق مغَصـوب
المـقـام اكـبـر واهــم مــن البـلاغـه والـمـقـال
والجروح اعمق واشد مـن اللفايـف والنـدوب
آه واحـــري عـلـيـك و بالمـعـالـيـق اشـتـعــال
كـل مـا ولّـع حـريـق وكــل مــا هـبّـت هـبـوب
قال طـول الهـرج عنـدي مـن علامـات الهبـال
وانـت رجـال وتعَـرْف السَّـلـم وتــدِلّ الــدروب
قلـت واعــزاه قــال ارجــوك مــن غيرانفـعـال
لا تنـبِّـه غافلـيـن الـسـوق لــو قلـبـك يـــذوب
واحتـرف مثـل العسيـف اللـي مذيِّرهـا الجفـال
واختفى بين الجموع ولا عرفت من ايّ صوب