~[ لا يفوتكم0000000سوالف فسحه المدرسه ]~

سوالف فسحة المدرسة

شرايكم .. تبون تعرفون شيسوون البنات والشباب إذا رن جرس الفسحة ..


البنات..

أول ما يرن جرس الفسحة:

- تشوف شلة بنات داشين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوته في أخوها الصغير أمس ..

- كل بنية تمشي وفي مخباها (كافي (شكولاته وإذا عطيتها شبس تقولك: سوري ... إنا مسوية رجيم ... الله واكبر ... أول ماترد البيت على طول تسوي تليفون للدكان اللي على الشارع ...

- والبنات الاذكية أول مايرن الجرس تشوفها داخلة غرفة المدرسات تبي الابلة تشرح لها الدرس اللي كانت رفيجتها غايبة فيه ..

- وبعض البنات اتشوفهم متحذفين ورا اللوكر يحلون واجب الرياضيات اللي ماحلوه في البيت ..

- اما الاهم .. تشوف بعض البنات يستأذنون من الحصة قبل البريك بثلاث دقايق ويركضون الكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع خربان ..


خلونا من البنات وانروح انشوف شيسووون الشباب في الفسحة ..

- تحصل واحد منهم راقد طول الحصة واول مايرن الجرس يدعي على اليوم اللي دش فيه المدرسة
(لان حلمه انقطع بسببهم )

- واثنين من الصبيان ينطرون متى يروح المدير اللي صار له واقف ساعة جدام الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم دكان في طريجهم وبعد نص ساعة يرجعون المدرسة ..

- وشلة تروح وتره المدرسة ويتمون يدخنون لين ما يقولون بس وما امداهم يشفطونها الا واحد كشخة رايح يفتن عند المدير وما يوعون الا المدير حابسهم في غرفة الاحتجاز ويسوي تليفون حق ابهاتهم .

- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويلعب سوني )


منقوووووووووووووووووول


السوالف كثيره و اللي عنده شي مخبيه يقوله

__________________

أخوكم / جنرال المحبة

أخي نقلت فأبدعت فلاتحرمنا من إبداعاتك القادمه .

أخووك / أبوعبدالله .