الموضوع: قصة حبيبين (النهايه حزينة)

النهايه, حبيبين, حزينة, قصة

السلام عليكم
القصة تبدا من حي صغير باحد البلدان العربية وبالتحديد بالخليج
كانوا جيران من يوم همه صغار يحبها ويعشقها يوم كانوا صغار كن دايم معها يلعب معها يروح المدرسة معاها يذاكر معاها ، مر الزمن عليهم وكبروا بدت البنت تتحجب عنه وبدى الشوق بقلبه يزيد لها ماعاد يشوفها او يلاقيها الا صدفة وهي راجعة من المدرسة يبي يكلمها بس ما يقدر عادات وتقاليد ماكانوا يعرفون العلاقات للحين كبروا وهم على هذا الحال البنت كانت تسافر كل اجازة صيف وهو ينتظرها عند باب البيت كان الشاب اكبر منها بخمس سنين هم تخرج من المدرسة وعلى طول ما عطل واشتغل كان كان حاط بباله انه يتزوجها بس بعد التجهيزات تكلف المهم ماقدر على بعدها اكثر حاول يتقرب منها يتعرف عليها بس هي دايم ترد عليه بالرفض الين مافي يوم مالت له وبدت تقتنع انها لازم تكلمه من كثر الحاحه عليها اخذت الرقم منه وكلمته وجن الرجال لما سمع نعومة الصوت وكانت البنت عادية مافيها جمال زايد ولا ناقص بل يمكن تكون حتى مو جميلة ذاك الزود بس الحب اعمى المهم تقربوا من بعض حبوا بعض اكثر وصارحت النت اهمها لانها تعودت ما تخفي عليها شئ والام كلمت الشاب وتفاهمت معاه وكانت دايم على اطلاع باخبار العلاقة اول باول الين مابدت الاحلام تكبر بعين البنت هو الشاب غيور عليها بدرجة الجنون وهي كانت تبي تدخل الجامعة والجامعة عندهم خلط ( شباب وبنات) ومن هنا جت المشاكل البنت تبي تكمل دراستها وهو رافض لان مستعجل عليها ولان يغير عليها حاولت البنت تقنعه بوجه نظرها وهو فعلا اقتنع بكلامها ووافق واتفقوا على كل شئ الين ماجى اليوم المشؤم اللي اختلفوا فيه على نفس الموضوع وهو الجامعة واخذها الشاب حجه على البنت وقال لها ( اما انا او الجامعة) البنت ردت وبدون تردد الجامعة وتخالفوا وراح كل من بطريقه بس الشاب كان يبين من كلامه انه متحجج وانه خلاص ما يبيها وكان يبي اي شئ علشان يتركها صارت محاولات بين الام والشاب لكن الولد غلط على الام والبنت وسبهم بكلام مو عدل وكل هذا طبعا مو علشا الجامعة علشان شئ ثاني بتعرفونه بعدين


ومر الزمان وسافرت البنت مع امها وكانت هناك لحظة الوداع الاخيرة بين البنت والام توفت الام وتركتهم لحالهم بنتين وولدين رجعت البنت لبيتها بعدت ما خلصوا مراسيم الدفن والوفاة بشكل عام وجوا الناس يعزونها كانت اخت الود صديقة عزيزة للبنت الهم جت اخته علشان تعزيها ومن خلال هذه الزيارة عطتها رساله من اخوها وكانت البنت مازالت تحبه في البداية رفضت تاخذها بس بعد الحاح من اخت الشاب خذتها وقرت ما فيها كان فيها عتذار عن اللي سواه وطلب ان يقابلها علشا يبي يعزيها ويقول لها شئ مهم البنت راحت على عماها مسكين وقابلته عزاها وسالته عن الشئ المهم رد عليها ( انا جبتك هنا اليوم علشا اعطيك كرت خطوبتي ولازم تحضرين ) شوفوا الزمن ايش يسوي بالانسان البنت كانت مجروحة من وفاة امها وهو زاد الطين بله ( الجرح فوق الجرح يبطي علاجه) المهم البنت كانت اقوى من اي صدمة تماسكت الين مارجعت البيت وتوها حتى مادخلت الا وهي مغمى عليها ونقلوها اهلها الى المستشفى ونامت هناك ثلاثة ايام بعدها طلعت حست بالخنقة في البيت وكثر الناس اللي تعزي حبت ان هي تطلع تغير جو قالت ايش ابشتغل اضيع وقتي بالشغل وبالمرة اطلع من الجو وافقوا الاهل على شغلها خصوصا ان كان هناك مسافة 6 شهور على الجامعة اشتغلت البنت بمحل عبايات وبدت تفك عن نفسها وكان معاها بالعمل وحدة ابليسة كانت عل شطانة الدنيا فيها المهم هذه اللي معها عرفتها على واحد وهي مسكينة من زود همها وحاجتها الى من يخفف عنها تعرفت عليه وكان حبيبها الاولي خطب وخلاص المم زادت العلاقة بين البنت والشاب الجديد اللي تعرفت عليه هي بدت تميل له بس في نفس الوقت مو قادرة تنسى حبها الاولي هذه البنت فيها طيبة غريبة طيبة الدنيا كلها تجمعت بقلبها سبحان الله المهم كانت عايشة بين نارين الحب الاول او الجديد كان الشاب الجديد طيب في معاملته لها وكان يبين عليه انه يحبها المهم توطدت العلاقة اكثر لما عرف حبيبها القديم انها تعرفت على واحد غار وبدى ينغص عليها حياتها هو كان عنده معارف كثير وكانت واسطته قوة بالدولة المهم حاول اولا مع الشاب بالتهديد والوعيد بس لانه يحبها رفض انه يستمع له ويتركها قام خرب عليه وفصله من وظيفته الولد جلس يدور على شغل كل مكان يروحة كان مرفوض فيه ومع ذلك رفض انه يتنازل عن حبه للبنت والشاب القديم فسخ خطوبته وحاول انه يرجع للبنت وهو يدري انها للحين تحبه بس البنت تضايقت من تصرفاته مع الشاب الجديد وقامت تهينه وتطرده من حياتة الين ما قال لحبيبها الجديد اذا تبيني اتركم لحالكم اول خل البنت ( قال اسمها ) تسلمني نفسها وقدامك يعني كان يعاشرها معاشرة الزوج امام حبيبها الجديد البنت طبعا رفضت وصفعته على وجهه والولد عصب وكان بيضربهه لولا البنت حلفت عليه المهم مرت فترة والولد للحين ما اشتغل الحين ما حصل وظيفة سكيورتي ( موظف امن ) وفي هذا اليوم اتصل البح القديم للبنت وقال لها انه سوى كل هذا علشا كان يبي يتاكد من حب فلان لها ( الحب الجديد ) البنت سكرت الخط بوجهه وظل يحاول يتصل لها على جوالها لكن البنت كانت دايم تصده ولا ترد الين مافي يوم من الايام بعد مادخلت الجامعة رجعت من دوام الجامعة العصر ولقت ناس كثيييييييير عن المقبرة راحت تسال اهل حيها منو مات وايش صاير كان يطلع من المتوفي


حبيبها القديم البنت من الصدمة جمدت الدموع بعينها ما عرفت ايش تسوي الين ما اتصلت حق حبيبها الجديد وقالت له وبعدين نزلت دموع عينها انهار على خدها والاخ يحاول يهديها بس الصدمة اقوى مما تتحملهالاهو شاب عمره 25 سنة اشلون يموت كذا فجاة وكان قبل وفاته بساعة تقريبا يتصل لها وهي ما ترد حوالي 43 مسكول ماردت عليه هي لاحظت ان الحاحة غريب بس ما تصورت انه كان يبي يودعها ويقول لها الحقيقة المرة اللي هي ما تعرفها

تدرون وش الحقيقة
كتبها لها برسالة عطاها حق خطيب اخته علشان يعطيها لاخته علشا اخته تعطيها الرسالة وفتحت البنت الرسالة علشا تقرا فيها الصدمة اللي ما يتحملها اي قلب ( حبيبتي انا ادري ان زعلانة علي بس صدقيني كل اللي صار غصبا عني
اولا انا اسف على كل شئ بس لازم تعرفين ان كل اللي سويته علشانك انت بالنسبة لي مو حبيبة وبس انت روح وحياة ووردة متفتحة ما كنت ابيها تذبل
اتمنى اني قبل ما اقولك عن سبب المشاكل تكوني كققتي لي امنيتي وهي انك تكرهيني كره عميق وانا اعرف انه مو طبعك لكن حاولت اسوي المستحيل علشان تكرهيني وكل اللي سويته وسببته لك من مشاكل كان علشا تكرهيني وعلشا ما تذبل الدموع عينك من كثر بكائك علي
حبيبتي انا كنت عارف اني بترك الجمل بما حمل كنت عارف اني بموت وما حبيت اني اخليك تضيعيين عمرك مع واحد مريض كنت ابيك تعيشين حياتك عادي بدون حزن او شء انت مثل ما قلت وردة وما ابها تذبل ابد
حبيبتي انا اخذت سالفة الجامعةحجه علشان اتركك واسبب لك المشاكل كنت ابي انمى الكه بقلبك من صوبي لاني في يوم حسيت بالم غريب براسي تجاهلته لكنه بدا يزيد يوم ورى يوم وبعدها اضطريت اروح للطيبي علشا اكتشف بعد الفحوصات اني مريض بالسرطان . سرطان المخ
ماكنت ابيك تضيعي عمرك معاي وانا ماراح اقدر اسعدك السعادة اللي تستحقيها انت تستحقيين سعادة الكون كله وهذا هو عجزي
اتمنى انك ما تبكي ولا تحزني لاني ما استاهل دموعك الغالية وخلي بالك على . هو فعلا يحبك من قلبه ومستعد يسوي اي شئ علشانك وحبه لك عميق جدا جدا جدا لكنه مو اكثر مني
الوداع
حبيبتي



هذه القصه واقعيه حدثت لا حد الاشخاص

---

rwm pfdfdk (hgkihdi p.dkm)