عاتبوها

**فديتني كويتي** · 26-Nov-2006,08:15 PM

عاتبوها بعد ماقابلتني عاتبوها
على شوف الحبايب حاسبوها
خذوها وابعدوها غصب عني
وعن وجهة طريقي جنبوها
وشالوها عن عيوني غصيبه
عواذل واغصبوني واغصبوها
خذوها من يديني شوف عيني
وعن عيني تعدوا واحجبوها
كلام وصدقوا بالبنت كذبة
وهم اللي من اول كذبوها
وهم وش دخلهم في مال لين
لابوها والخلايق طالبوها
وفية ماتخون ولا تعاند
جسورة والمواعيد ارعبوها
ملاك كاملة والكامل الله
ولكن العواذل عذربوها
وهي كل مادعتني تشتكي لي
عن اللي سالفتنا سربوها
تخاف وتلتفت مع كل كلمة
تظن ان العواذل راقبوها
تلتفت من عقب ماهي جريئه
شجاعه ماتهاب وهيبوها
واهديها وانا حاير وثاير
مصيبه ياعذاب عذبوها
وهم كل ماخذوها عن طريقي
تراهم صوب قلبي قربوها
وانا ماتعبت قلبي خيانة
خيانة رتبوها وحسبوها
ولا يعجز خفوقي لايقابل
جفا من حاربوني وحاربوها
وانا لي عزة تفرض علي
أخاطب بالجفا من خاطبوها
واكسر لوحة الماضي وازيله
واخربها مثل ما خربوها
واذوقهم ندم ماصار فيها
واشربهم من اللي شربوها
ادلعها واولعها بنفسي
واشرقها بعد ماغربوها
وأعوضها عن اللي راح كله
وعن ذيك الليالي كل أبوها
غلاي بقلبها مر وتعدى
غلاها لامها والا لأبوها

uhjf,ih