الموضوع: من ابداعات شاعر

ابداعات, شاعر

[align=center][align=justify][align=justify]انا جيت أعشقك نبض ومشاعر ماأعشقك تمثال
انا جيت أسكنك وأحياك وأبقى فيك وأبقى لك
أنا جيت بظمى عاشق تعب يطرد سراب الليل
أنا جيت استفز رضاك من فرقاك والجا لك
أن ماهمت بك عاقل انا كنت أعشقك بخبال
انا ماكنت احبك حي انا كنت أعشقك هالك
تخيل من كثر ماخاف تلقى للزعل مدخال
اخاف أخطي على طيفك وادوس برجلي ظلالك
تبعتك والعرب تتبع رعود البارق الهمال
وصرت أقرب جسد يمشي معك باقفال واقبالك
ملكته من هدب عين وخسرت ارضاه باهمالك
صحيح ان الفراق اقسى ولكن الوصال محال
وأنا صعب على ارضي غرورك واضعف قبالك
بعد ماحققت عيني في بعدك للرقاد آمال
أعود للسهر >>>>>>>> يااخوي فال الله ولا فالك
ببدل نظرتك فيني وأجي لك كل يوم بحال
بـ أكون اقرب من ثيابك عليك ولا اتهيالك
بـ المك وأنثرك وأجمعك وارجع أنثرك بإهمال
بـ أخونك وازعلك وأرضيك وازعل منك وأرضى لك
بـ ارسم بالثرى وجهك وابا ادفن صورتك برمال
بـ اشكي للعرب فرقاك واضحك عند عذالك
بـ أهديك الوصال فراق وأهديك الفراق وصال
بـ أسوي مثل ما أشوفك تسوي وافعل أفعالك
عشان تعرف من فينا الزعول ومن وسيع البال
أبيك تذوق فنجالي وأنا بـ ذوق فنجالك
نصيحة واحتفظ فيها قصر معك الزمن أو طال
أبي تسمع كلامي زين وتحطه على بالك
إذا حبك هبال أطفال لك عندي هبال أطفال
ولا وابشر بعد بهبال حب ما هو هبالك
وإذا قصدك تهين اسمي عشان تشمت العذال
حشا لا انته ولا غيرك ولا عشره من أشكالك[/align][/align][/align]

---

lk hf]huhj ahuv