الموضوع: (املي في الحياة قصة رومنسية)(قصة سعودية)

marhaba akhouya chokran ilayka kasiran ala ya3tik al 3afiye al kesa helweee ktir chokraan ilayaka

al salam 3alaykom akhouya al kesa helweeee ktir wa ana montazera bi faregh al saber al takmola ya rit law ma tetoul 3alina chokraan ilayka wa ala ya3tik al 3afiye

أطياف ذكريات
مشكور على القصة
الله يعطيك العافيه
بس لو كبرت الخط شويه
أنا في إنتظار جديدك

أولاً السلام عليكم
ثانياً آآآآآآآآآآآآآآآآآآآسسسفة على التأخير لأني كنت مشغووولة مررررررره في الفترة الأخيرة و أوعد كل من يتابع القصة أني راح أعوضكم
ولأني تأخرت جداً في وضع التكملة راح أحط ثلاث بارتات
البارتات في الرد الثاني

البارت الثاني
ساره:أموله حبيبتي ويش صار لش ويش فيها عاباتش متوصخه.
أمل اتصيح:أهئ أهئ أبغى أروح البيترجعت اتصيح.
حوراء:انزين قولي ويش صاير
أمل: اتصيح
ساره سمعت جوالها يرن.
ساره:ألوه.
سلمان يتكلم بصوت عالي لأنه حده معصب:سارو أنا عند السياره أن ماجيتي بسرعه باخليش وبمشي.
سد سلمان الخط قبل لايسمع ردها.
ساره مستغربه من سلمان لأن مايعصب عليها من دون سبب:أمل حوراء عمي بيوصلني تروحوا معاي.
حوراء اتباعد أمل ألي كانت حاضنتنها:هيه بنروح معاش لأن أمل ماتقدر تمشي و عباتهاجذي.
ساره:عجل يلا بسرعه ماأبغاه يعصب.
أخذو أغراضهم راحوا.

.

في السياره سلمان كان ينظف نفسه:أف هاذي أتأخرت خلاص بنتظرها برى.
[سلمان شاب وسيم فيه كل الصفات ألا تتمناها أي بنت يعتني بشكلهخلص الجامعه ينتظرقبوله في الشغل]

اتذكرالموقف ألي صار له مع أمل ضحك على نفسه.
سلمان:ههههههههسمع صوت فالتفت ورى.
ساره:هيه أنت أستخفيت قاعد تضحك لحالك.
سلمانماأنتبه لوجه أمل:صديقاتش بروحوا معانا.
ساره:هيه ألا صحيح ويش فيك امبهدل جذي شجاهل ماتعرف تاكل أس كريم ههههه.
أمل سمعت كلام ساره فرفع وجهها وانصمت لما شافت وجههمن صدمتها طاحوا الأغراض الي عندها.
سلمان وجه نظراته لها اتفاجئ لما شافها لف على جهة ساره:ساره هذي صديقتش.
ساره مستغربه:هيه ليش تسأل
سلمان:أنا مستحيل أوصل هذيأشرعلى أمل.
أمل تتمسخر:لالا الله أخليك أبغاك اتوصلني لأني باموت أذا ماوصلتني.
سلمان:أصلآ يحصل لش الشرف أنا أوصلش.
(كان لابس قميص فاأفتعل حركه بيده خلت كلرقميصه يرتفع فزداد شخصيه وسامه).

ساره و حوراء كانوا مستغربين من الي يصير.

أمل أشتغل غرورها:تبغاني أني أمل بنت علي أل نبهان أركب مع واحد وقح زيك.(أشرت عليه بصبعها من فوق لتحت بطريقة أستهزاء).

سلمان فقد أعصابه ماحس بعمره ألا ماسك يدها يبغى يضربها بس ظل جامد ماتحرك لأنه حس بشي يجذبه لعيونها ظل ايطالع عيونها. أما أمل ماقدرت تباعد عينها عن عينه كانوا عيونه جنااااااااااان يهبلوا قلبها يدق دق مو طبيعي.

ساره:هايي عمي ويش هلقله الحياه إلي عندك الناس كلها أتطالعكم.

سلمان ترك يدها ركب السياره:دخلوا بسرعه الحين بيأذن.

أمل ظلت ساكته منزله عواينها لتحت مو عارفه ويش هالشعور الي جاها من شافت عيونه.
ساره بصوت واطي:أمل ويش صاير بينكم
أمل:هو الي طيحني.
ساره:كيف ؟!
أمل:بعدين أقولش بس مابركب معاكم.
حوراء:ويش اتقولواعلموني شسالفه.
أمل:أقولش في الطريق يلا أمشي.
ساره:أمل أرجوش أركبيامسحيها في وجهي.
أمل:ساره لاتظغطي علي.
ساره:ولله اركبي.
أمل:ليش حلفتي
ساره:عشان تركبي.
أمل بتفكير:ولله لو ماحلفتي كان ماركبت.
ساره ابتسمت لها وركبوا السياره.

طول ماهم في الطريق وأمل ساكته اتطالع الطريق من الدريشه أما سلمان كان يسأل ساره عن بيت حوراء وأمل.

وصل حوراء أول لأن بيتهم أقرب بعدين وصل أمل.

أول مااتباعد عن بيت أمل.
ساره:ويش ألا صار بينكم؟! سلمان ببرود:مو هي صديقتش أسأليها.
ساره:أكيد أباسألها بس أبغى أعرف السالفه من الطرفين.
سلمان:ساره ضايق خلقي.
ساره:بس أني أبغى أعرف.
سلمان فكر:خلاص بقولشأنا رحت أشتري لي كانت هي تشتري بالغلط دست على عباتها فقالتلي اباعد ارجولي أنا باعدتها بس عودت مكاني والأخت عباتها طويله فدست عليها مره ثانيه اتعرقلت طاحت وأنا ماكنت قاصد بس هي افتكرتني قاصد فسبتني رمت علي الأس كريم.
ساره ماسكه بطنها:ياربي ماني قادره هههه بطني هههه.
سلمان عصب:ساره الموقف ما ايظحك.
ساره:هههه أتخيل كيف كان وجه أملوا أكيد صار طماطه الناس كلها اطالعها ههه وله أكيد شكلك بلأس كريم يهبل هههه.

سلمان ظل ساكت تذكر كيف كان وجه أمل وأنه حس بشعور غريب لما ناظر عيونها.

_________________

#في غرفة أمل#

أمل منسدحه على سريرها تفكر في أحداث اليوم تذكرت لما رمت على سلمان أس كريم و بدأت تبتسم و تظحكياربي كيف سويت جذي ولله كنت امعصبهأخاف أكون ظلمته وهو ماكان يقصدأتذكرت كيف كانت عيونه لما مسكها:أأأه ياربي عيونه أيهبلوا لا مو بس يهبلوا الا أيخلوا الوحده تهوس.
أف بس لو مهو وقح وقليل أدب شان سكتت شوي و قالت بصوت مسموع:صدق أني غبيه قاعده أتعب فكري في واحد مايستاهل.

طفت المبات حاولت اتنام بس لقت نفسها مو قادره تنام من التفكير في الي صاربدت تقرى ايات عشان تنام ونامت.

_________________

#بيت ساره#

ساره كانت في الصاله تشاهد مسلسل" دنيا القوي"و مندجه عدل.

رن تلفون البيت بس مارفعته وبعد ثواني جى أخوها وليد رد على التلفون.

وليد:ألو.
.:ألو السلام عليكم موجوده ساره
وليد:هيه بس لحضهلف على سارهساروا تلفون لش.
ساره متملله:أف منهي ذي الفاظيه داقه ألحين.
وليد ماسك السماعه:أتقول لش مهي فاظيه لش ألحين دقي بعد
ساره قامت أبسرعه لعند التلفون اخذت السماعه من عند وليد:وليدوا أني ماقلت لك قول جذيأدلف روح ألعب كمبيوتر.غبي .لف السماعه لأدونها:ألوو.
:ياسباله ويش يعني منتين فاظية لي.
ساره تحاول تتهرب من الأجابه:هلا بحوراء عمري حبي كل دنيتي.
حوراء:ياااااي كل هلغزل حقي.خجلتيني.
ساره بخبث: أذا ماغازلتش باغازل منو.
حوراء:بعد من بيكون.أكيد زوج المستقبل.
ساره: خله أيجي أول بعدين أغازله.ألا ماقلتي لي ويش صاير متصله؟!
حوراء:شأني ماأتصل علشان تسألي.بس بسألش سألتي عمش ويش صار بينه وبين أملوا.لأني أتصلت لها قالوا نايمه.غريبه مو من عوايدها تنام هلحزه.
ساره: و أني أقول مو لله متصلهاسمعي قال لي أنه.
(قالت لها السالفه كلها).

ساره:أوكي حوحو باروح أتعشى الحين.
حوراء:أنزين.صحيح بتروحي بكره الكوافير عشان عرس فاطمه>>وحده من الأصدقاء.
ساره:هيه باروح.حوروه يالله باي أني مستعجله.
حوراء:باي.

_________________

اليوم التالي

ساره كلمت عمها عشان يوديها الكوافير وراحت معاهحوراء خلت أخوها قيس يوديها مع أمل لأن أمل ماعندها أخو وأبوها يكون مشغول.

اجتمعوا في الكوافير ولما خلصوا مكياج قعدوا يسلفوا.كانوا ثلاثهم حلوين بس حوراء كانت أحلى خصوصي أن عيونها رهيبه
كانوا مطقمين في البس بس الألوان تختلفأمل أحمر.حوراء وردي.ساره بنفسجي

أمل:أف متى بجي أخوش. مليت.
حوراء:ماأدري بس مو الحين.
أمل:باقوم أشرب ماي.راحت.
ساره وقفت:يالله باروح جى عمي حوحو ليش ماتجوا معي.
حوراء ناظرت ساره بخبث شدها قعدتها جنبها:تدري أنش ذكيه وااجد.
ساره مو فاهمه:ويش قصدش.
حوراء بخبث:قربي باقول لش.قالت لها الفكره ألي براسها

أمل تمشي بتجاهم:كلمتي أخوش؟!
حوراء غمزت لساره:هيه كلمته بس قال أنه مايقدر أيجيساروه أتقول أن عمها برى.أني باروح معاها
أمل بصوت عالي:ماأقدر أروح معاه.
ساره تسوي نفسها معصبه: لاولله.مصختيها عمي ماكان يقصدغطت وجها:يالله بسرعه تعالوا.حورو روحي ألى ألي تحاسب قالت أن في حسابش غلطلاتتأخري أحنا بننتظرش.مسكت يد أمل ومشت.
أمل:لحظه صبري بغطي وجهي.
ساره:يلا بسرعه.
أمل غطت وجهها طلعوا مع بعض راحوا عند السياره.

ساره تفتح باب السياره:السلام عليكم.
سلمان لف لها:وعليكم السلامأوه أوه ساره مغطيه وجها ويش صاير في الدنيا.
طبعآ سلمان ماأنتبه لأمل لأنها دخلت السياره من دون ماتقول ولا حرف وهو كان حاط أغاني فما أنتبه.
ساره تمزح:يعني ويش تبغاني أسوي.حاطه لي مكياج أخاف الرجال لين شافوني يغمى عليهم من جمالي الفواح.
سلمان مبتسم:أوكي خليني أكحل عيوني أبشوفتش.
أمل كانت اطالعهم بس ساكته.
ساره متعمده أتخلي سلمان يحس بوجود أمل:عمي لاتحرجني قدام صديقتي.
سلمان لف لورى شاف أمل عرفها من عباتها لف صوب ساره:تدري صديقتش بنت أصولدخلت من دون ماتسلم خايفه أسمع صوتها الشفاف<<قالها بطريقة مسخره.

أمل ماردت عليه(أف هذا مايستحي على وجهه صدق أنه وقح)

ساره استغلت فرصة أن أمل تفكر:أوه نسيتباروح شوي لحوروا باجاي.نزلت من السياره بسرعه.

أمل توها تستوعب أن ساره نزلت:االليش نزلت.
سلمان:هاه أشوف صوتش طلع.كمل كلامه بشمئزاز لاتخافي ماباكلش.

أمل كانت بتتكلم بس جتها عطسه عطست تمت تحوس في شنطتها تدور نشاف.
سلمان أنتبه لها فأخذ علبة النشاف مدها لها
أمل مسكت العلبه بس صارت أطراف أصابعها فوق أصابعه حست برعشه بجسمها أخذت العلبه بسرعه.
أما سلمان دق قلبه بسرعه جنونيهتموا ساكتين.

حوراء وساره اتعمدوا يتأخروا عشان يحرجوا أملبعد ربع ساعه من التأخير طلعوا من الكوافير ركبوا السياره.

وتموا طول الطريق ساكتين حوراء و ساره كانو متحقرصين يغبوا يعرفوا ويش صار.

وصل سلمان عند بيت حوراء نزلت حوراء وأول مادخلت البيت على طول رسلت لأمل رساله كاتبه فيها:
"أسفه أموله أني وساروا أتأخرنا قصد علشان نحرجش مع سلمان بس سامحينا"

أمل لما قرت الرساله عصبت عدل ورسلت لها رساله.
"صدق أنش حماره ياربي أيصير لش موقف أعظم مني"

حوراء قرت الرساله ظحك تركت جوالها ونزلت تحت أدور أخوها قيس.
(قيس عمره24سنه شاب وسيم موظف في أحدى الشركات الكبرى يحب شي أسمه كمبيوتر).
ماشافته راحت المجلس شافته قاعد على الكنبه بس هي كانت وراه.

حوراء اتقدم عشان تصير قدامه:قيسوه ويش رايك فيي أكيد

ماكملت كلامها لأنها أنصدمت من ألي شافته لأن الشاب ألي شافته مو أخوها قيس



شوراح يصير لحوراء؟
مين الشاب ألي في المجلس
هل بتطور علاقة أمل مع سلمان

البارت الثالث
حوراء ظلت واقفه مو عارفه شتسوي.
الشاب ظل يناظرها ماقدر أيبعد عينه عن الملاك الي قدامه.

ظلوا على هلحال لبضع ثواني.بس قطع عليهم صوت ملئ بلغضب.
قيس(مفول من العصبيه):ياكلبه ويش أتسوي هني.

حوراء من سمعت صوته ركضت بسرعه لدور الثاني أوعلى طول راحت غرفة أبوهاوأمها.

حوراء(ماسكه أبوها):أبوي قيسوه بيذبحني(أوتاخذ لها نفس لأنهاكانت تركض).
أبوحوراء(وهوخايف على بنته الوحيده لأنها كانت ترتجف):ويش فيش شصاير؟!ليش قيس بيذبحش؟!ويش سويتي؟!
حوراء(بعدها ترتجف):أف بعدين أقولك. أهم شي قيسوه مايضربني عن لايخترب مكياجي(يحليلها ماخافت ألاعلى المكياج)

أوفي المجلس كان قيس بيلحق حوراء بس الشاب مسكه أوجلس يهديه.

الشاب:قيس لاتتهور.خلني أفهمك السالفه.
قيس(بعصبيه):يعني في سالفه (يوقف)باروح أذبحها.
الشاب(وهوماسك يده):وشو تذبحها أسمعني أول.
قيس:رائدو أتركني أحسن لك.
رائد(بحزم):ترا وللهي وبكسرالهاءأن ماسمعتني.رجلي ماداني عند بيتكمأوعمرك ما______
قيس(يقاطعه):لا مايحتاج تكملأنا ماأقدر ماأشوفك(جلس)قول كلي أذان صاغيه.
رائد:ههههه ماتجي ألابلعين الحمره.أسمع أنت لما رحت أتشوف من في الباب أناجلست أشاهد تلفزيون .
قيس(بطولة بال عن لايفقد أعصابه):أي والزبده. أدري أنك كنت تشاهدألي أبغا أعرفه ليش هلحماره حوروه دخلت أووقفت عندك؟!
رائد(يكلم نفسه):أأأه أسمها حوراء ولله أيناسبها.أكيد هي حوريه من حواري الجنه
قيس(بصوت عالي):رائدو أسألك وين رحت.
رائد(توه مستوعب):أف. أختك كانت أتفكرني أنت أولما وقفت قدامي أنصدمت أوكانت بتطلع بس أنت دخلت أوعصبت عليها.أوبس.
قيس(هدأ):أمممم(وقف)أوكي اباروح أشوفها(وترك رائد).

(رائد شاب جميل أنيق بمعني الكلمه مغرور بجماله بس حنون أوشخصيته قويه أهم شي عنده أن كبريائه ماينهز)

قيس(وهو يمشي في الدرج):حوراء.حوحووينك حبي(وأيغني)وينك عني ياحبيوينك أتلتني الغربهوينك راح يوأف ألبي
حوراء وأبوها كانو في الغرفه بس لما سمعوه راحو يشوفوهوكانو مستغربين أنه يغني خصوصي حوراء.
قيس(مبتسم):هاي داد(يوجه نظراته لحوراء)أوه أوه ماأصدق هذي حوراءأكيد سوو لش عملية تجميل بلغلط.
حوراء(تتقدم له و تحط يدها على جبهته):غريبه مو متسخن؟!
قيس:ههههه(قربهاله وهمس في أذنها):لاتخافي ماباسوي لش شيرائد حلفني مأصرخ عليش(يحك شعره) شكلك سحرتيه.
حوراء(بتطيرمن الفرحه):صحيح قول ولله
قيس(عافس وجهه):أقول عطيتش وجه واجد.روحي ألبسي عاباتش.
حوراء(مستغربه):ليش ألبس عباتي؟!وين بتوديني؟!
قيس:ياهبلهموأناألي بوصلش عرس صاحبتش لو تبغي تتأخري.
حوراء:أوكى ألحين بجهز.

_________________

أمل بعد مادخلت غرفتها ظلت تعدل نفسها وتلبس باقي أكسسواراتها وبعد ماخلصت كل شي.
أمل(تناظر نفسها في المرأه):ياربي هذا ليش يكرهني (سلمان)ليش أيحاول يستفزنيأأههوأني ليش قاعده أفكر فيهأف أحس أني أبغا أصيح كلامه لي كان جارح(تهز راسها)لا مستحيل أذرف دمعه من عيني على شان هلحقير.

وتطلع من غرفتها وتنزل لصاله لأبوها.

أمل(بطريقه مؤدبه):أبوي ممكن طلب تكفى لاتردني.
أبوها: تفضلي عيوني أعطيش أياها.
(أمل أكبر وحده في أخوانها وعندها أختين 1/زهراء عمرها 16تحب تقره قصص من شتى الأنواع.2/حنان عمرها13 هاديه أوبعض الأحيان تكون أنطوائيه.
وعندها أخوين تؤم حسن و حسين عمرهم 10سنين.
أمل دلوعة أمهاوأبوها لأنها أول العنقود).
أمل:أبصراحه أني ماأبغا أروح ويا صديقتي العرس(حوراء)أحس أني ظيقت عليها واجدفاأبغاك أنت توصلني العرس.أبوها:بس أنا وراي دوام بكره
أوماأقدر أرجع لش لما تخلصي.
أمل(محبطه):خلاص أنت وصلني وأني أدبر نفسي بعدين.
أبوها:قومي لبسي عباتش وأنا بنتظرش في السياره.
أمل:أنشالله.

_________________

وفي بيت ساره كان
سلمان جالس في الصاله ينتظر ساره تخلص لأن هو ألي بيوصلها.

سلمان(يكلم نفسه):ياربي أنا ليش قلت ليها جذيه(أمل)ألحين ويش بتقول عنيأف وأنا ليش قاعد أفكر أبها هي أكيد ألحين قاعده تسبني وتلعنيأكيد بتستحقرنيصج أني غبي يعني كان لازم أقول لهاكذاأنا لازم أتأسف ليها.(يمرر أصابعه على شعره ويسند رأسه للجدار): أأأههه(يتنهد)أنا أول مره أحس بهلأحساسولله وقمت تحب ياسلمان
ساره(تقطع عليه حبل أفكاره):عمممميييي (بصوت عالي).
سلمان(متخرع):شفيش خرعتيي.
ساره(تضحك على شكله): ههههه عسى ألي ماخذه عقلك تتهنى به.
سلمان(يعرف أن ساره تفهم للغة العيون فاماحب أنه يطول معاها بلكلام):جهزتي.يالله نروح.
ساره حست أنه فيه شي بس قالت لنفسها خله براحته.

وفي السياره سلمان كان طول الوقت أفكرأوساكت .

ساره ملت من سكوت سلمان فقررت تسأله.

ساره:عمي شفيك ساكت ؟!
سلمان(أيغير الموضوع):
مافي شي بس أتخيل لو أني مت كيف بتكون حياتش؟!بتعيشيها عادي لو
ساره(تقاطعه):سلمان لاتقول جذي. أني ماأقدر أعيش من دونك.(ساره ماتقول لحد عن مشاعرها أتجاهه أوهذي أول مره تقول لسلمان جذي وتناديه بأسمه).
سلمان وقف السياره وتم أناظرها.
ساره:ليش وقفت السياره؟!أوليش تطالعني جذي؟!
سلمان(مبتسم):هذي أول مره اتقولي لي سلمان مو عمي.وأول مره أكتشف أني غالي عندش.ساره لا تناديني عمي أحس أني كبير مع أني بعدني شباب.
ساره(فهمت قصده):أمممم ويش رايك أناديك قدام الأهل عمي أوقدام الناس سلمان.
يعني مثلآ لما أكون مع صديقاتي أقول سلمان مو(تبتسم).
سلمان:عطيتش وجه واااجد(وحرك السياره).

ظلوا يسولفوا لين سكتت ساره.

ساره تقول في نفسها:ويش فيه سلمان مو على بعضه هليومين دايم يسرح ويفكر.(جات على بالها أمل)معقوله أيكون حبها.لالا مع الشي ألي صار بينهم ماأتوقع أيحبها.لا يمكن أيكون حب عنفي.أف ويش هلخرابيط ألي قاعده أقولها.أي خلني أختبره وأشوفه ويش يقول(ذكيه).

ساره:أفففففففف.
سلمان:شفيش تتأففين؟!
ساره:أملوا صديقتي كاسره خاطري.
سلمان(ببرود):ليش ويش فيها؟!
ساره:أبوها وراه دوام بكره أومايقدريرجع ياخذها من العرس وهي ماتبغى ترجع مع حوراء لأنها تحس أنها ثقلت على قيس أخو حوراء.

سلمان من سمع أن أمل ممكن ترجع مع قيس حس بلغيره وقال:مو مشكله أنا أوصلها مانا مشغول.
ساره(بخبث):بس أنت ماتبغاها تركب سيارتك.واليوم لوما أني حطيتك قدام ألأمر الواقع كان ما وصلتها و
سلمان(يقاطعها):بس أنا غلطان أو أبغا أعتذر منها.حاولي تقنعيها أني أوصلها.
ساره(حست بلأنتصار لأنها عرفت أنه يميل لأمل):أمممم سلمان أعترف قول شسالفه؟!
سلمان(وقف السياره):يالله نزلي لو تبغي تأخريني على أصحابي.
ساره ألتفتت للجهه الثانيه شافت أنه قاعة العرس قدامها وهي ماحست أنهم وصلوا ونزلت من السياره وقالت له:تعال الساعه12 مو تتأخر.
سلمان:أوكي يالله باي.
ساره:باااي.

______في القاعة_____

أمل تنتظر حوراء وساره وهي قاعده بروحها في أحدى الطاولات.
وترجع تفكر في سلمان وفي حوراء وساره كيف أحرجوها معاه وهي بداخلها نار ما بتنطفي ألا لما تنتقم منهم.

وتشوفها ساره وتروح لها.

ساره(واقفه قدامها):القمر بشو تفكر.ها أعترفي.
أمل(عابسه):أمم ألحين صرت قمرلو تراضيني على الموقف ألي حطيتيني فيه أنتي وحورو
ألا تجي لهم حوراء:أسمعت أسمي ويش تقولو عني(تجلس على الكرسي)أملوا أني شكلي أذا أبغى شي باجي لش تدعي لي لأن دعائش مستجاب.
أمل:مافهمت وضحي أكثر.
حوراء:موأنتي دعيتي أن يصيبني موقف أنحرج منه زيش.
أمل:أي وبعدين.
حوراء:ولا أبلين.صار ألي بغيته.
أمل(فرحانه):صج قولي ولله.

ساره تناظرهم وهي مي فاهمه شي:هايي صبايا أني موفاهمه شي فهموني شصاير
ماأحب أكون زي الأطرش في الزفه.
أمل وحوراء:ههههههههه
وقالت لهم حوراء السالفه.
أمل:ههههه تستاهلي أحسن مو بس أني ألي أنحرج.
حوراء:بس وسيم ويهبل.الله يهني ألا بتاخذه.
ساره:أقول أمل قومي مالينا مكان أهنيالأخت بدت تحب.
حوراء:حلفي أني ماقلت حبيته بس عجبني.

أوجلسوا يسولفوا لين جات العروس وراحو يسلموا عليها ويباركوا لها وبعدها ظلو يرقصو لين تعبو.

والناس ماكانو يطالعوا غيرهم لأنهم كانو أيه من الجمال والابداع في الرقص والكشخه.

وعلى الساعه12كان سلمان ينتظر ساره ويدعي ربه أن أمل توافق تجي معاهم.

ساره كانت تقنع أمل تجي معاها بس أمل مارضيت.

ساره:أموله حبيبتي أرجوش تعالي ويايي.
أمل:لاماأبغى أركب ويا عمشأخاف أيعكر مزاجي بكلامه ألي زي العسل.
ساره:بس هوألي قالي أنه يبغى أيوصلش على شان يعتذر لش على ألي قاله.

أمل تقول لنفسها:ياااااي يبغى يعتذر،خلاص باروح باشوفه أوباشوف عيونه ألي تهبل واااااي وحشني وااااجد(وترجع تفكر)لالا خله يولي يعني أني مره باموت أذاماأعتذر لي ولا أذا ماشفته
لا أبغاه ولا أبغا أعتذاره.

أمل:لا ساره مايحتاج أروح وياش لأن زوجة خالي هني أوأكيد خالي بجي ياخذها فاباروح وياهم.
ساره(بخيبة أمل):خلاص على راحتش.يالله باي.
أمل:باي.

_________________

سلمان مل من تأخر ساره وأخذ جواله ودق عليها ألا ويسمع نغمة جوالها ويلف يلقاها راكبه السياره.
ساره:السلام .
سلمان(بسرعه):وين أمل؟!مارضيت مو؟!أكيد بعدها زعلانه مني.
ساره(متفاجئه منه):بل بل شفيك كنك كنت تنتظر نتيجه أختبار و
سلمان(يقاطعها):أف كن هذه وقت مسخرتش قولي ويش قالت؟!
ساره:أوكى باقول لك بس أنت أمشي أول لأني تعبانه حدي.
سلمان(حرك السياره):يالله قولي لأني قاعد على أعصابي.

ساره قالت له كل الكلام ألي دار بينها وبين أمل.

سلمان(أرتاح):أشوه يعني بترجع مع خالها.
ساره:ليش تبغاها ترجع مع خالها؟!
سلمان:لأني ماأبعاها ترجع مع البطيخه قيس.
ساره(فهمت بس تستهبل):أي وليش ماتبغاها تروح ويا قيس؟!
سلمان:لأني أغار.
ساره(تستهبل عدل):أي ليش أتغار.
سلمان(عصب):أووه ويش فيش هبله يعني واحد يغار على وحده ليش؟!
ساره:أي ليش؟!
سلمان:لأني أحبها ياذكيه.
ساره:ههههههههه
سلمان(يصرخ):أنا ماقلت شي يضحك.
ساره:أنت من صجك تحبها توك أمس شايفنها أو غير جذي هزئتها وألحين تقول تحبها بلله عليك هذه شي مايضحك.
سلمان:الحب مايعرف حاجه أسمها أمس واليوم.خلاص سدي الموضوع.

ساره ظلت ساكته بس فرحانه لأمل لأنها حست أن أمل تبادل سلمان نفس الشعور.

________________

وفي جهه ثانيه وعالم ثاني
كان رائد منسدح على سريره يفكر بلملاك ألي شافها مو قادر ينام كل ما غمض عينه يشوفها قدامه.
رائد:أخ مو قادر أنام خلاص بكره باروح بيت قيسوه يمكن أشوفها بلغلط مره ثانيه.
ولف على الجهه الثانيه أوراح في سابع نومه.
________
اليوم ألي بعده كان عادي حتى رائد ماقدر يشوف حوراء
________
يوم السبت في المدرسه
___________
حوراءوساره رايحين لأمل في الفصل لأنها مانزلت لهم
وهذي من غير عوايدها وصلو لفصلها أولقوها قاعده بروحها وحاطه راسها على الطاوله. قربوا لها.
ساره وحوراء:أمل ويش فيس ؟!
أمل رفعت راسها وحوراء وساره شهقوا أول ما شافوها.
ساره:ويش في عواينش جذي؟!
صار لش شي أمس؟!
حوراء:باجيب لش اكحلي على شان ايخفف من مضهرش.

أمل كان تحت عيونها هالات سوده وكانت رابطه شعرها على غير عادتها وموحاطه لها
الكريم ألي تحطه كل يوم.

ساره:متى نمتي؟!
أمل(بصوت مبحوح):الساعه 3.
ساره:بااااال حرام عليش ليش
جذي.

أمل في نفسها:أأأأهه ويش تبغيني أقول.أقول أني حبيت سلمان وظليت طول اليل أفكر كيف أني حبيت واحد ماعنده أخلاق و
ساره(تقطع حبل أفكارها):أموله ما جاوبتيني ويش فيش؟!
أمل(تكذب):ما في شي بس أمس بعد ماأنتهت حفلة ستارأكاديمي سهرت أشاهدهم ومانمت .
ساره (ماصدقتها):أممم تدري أني ماشاهدته. من هو ألي فاز؟!
أمل(أرتبكت وماعرفت شتقول):أأ ساره راسي أيعورني.
ساره(فهمت أن أمل تتهرب):
أمل أذا الشي ألا خلاش ماتنامي عائلي ماأجبرش تقولي بس أذا كان شي غير فالازم تقولي لي.
أمل ماتحملت وحضنت ساره وقامت تصيح.
في هلحضه جات حوراء وتقدمت لساره وأشرت لها بطريقة أنها تبغى تعرف شنوصاير وفي هللحضه صفرت لطابور حوراءوساره راحو طابورهم وقالو لأمل أنهم بجو ليها في الفسحه.

في الفسحه حوراءوساره ظلو يبحثو على أمل بس مالقوها.

وفي أخر الدوام ماشافوها لأنها على طول راحت بيتهم.

حوراء وساره كانوا مستائين لحال صاحبتهم.

________________

ساره رجعت البيت وصلت وأتغذت وأستأذنت من أمها أنها تروح لأمل واتصلت على سلمان.
ساره:ألو السلام عليكم.
سلمان: هلاولله وعليكم السلام
ساره:أبغاك توصلني بيت أمل
(سلمان من سمع أسم أمل فز قلبه)
سلمان:ألحين الساعه3 بتروحي ويش بتسوي في بيت الناس؟!
ساره:أنت بتوديني لولأ؟!
سلمان(يمزح):لا ما باوديش
ساره:خلاص باروح مشي.
سلمان:هايي أمزح بعد10دقايق باكون عندش.باي
ساره:باي

_________________

أمل كانت في غرفتها تفكر بلاصار الصبح ويرن جوالها.

أمل:نعم
ساره:هلاولله
أمل:هلا
ساره:حبي أباجي لش بعد اشوي
أمل:حياش في أي وقت
ساره:تسلمي يالله باي
أمل:باي
وتسكر الخط وتنزل لتحت تروح المطبخ تجهز شي تقدمه لساره ولماخلصت راحت للمجلس تجهزه بس أول مادخلت أنصدمت شافت أبوها منسدح على الأرض بطريقه غريبه أمل خافت على أبوها
وراحت جلست بجنبه وحطت راسه في حضنها وقعدت تصحيه بس ماصحى و ظلت تظربه بلخفيف وتناديه .
أمها كانت في الصاله ولما سمعتها تصرخ ركضت لها.

ظلو ثنتيتنهم يصحوه بس ما صحى.
أمل أتصلت لخالها جاسم(ألي
وصلها من العرس).
جاسم:ألو
أمل(تصيح):ألحقني أبوي ماأدري ويش فيه أنصحيه بس مايصحى
جاسم:خلاص ألحين باجي

وترجع أمل لأبوهاوتقعد تصيح والعائله كلها تصيح وبعد ربع ساعه جا جاسم وسلمان وساره كانو توهم واصلين
ساره(قبل لاتنزل من السياره):مشكور وماقصرت وعساني أقوم وأقعد وأرقص في عرسك.
سلمان:هههههههه توني أدري أنش مصلحشيه.
ساره:الله يسامحك الحي
سلمان(يقاطعها):ساره (ويأشر على جهة باب بيت أمل)مو هذي أمل.
ساره(مستغربه):أي بس هي ما قالت لي أنها بتطلع.يوه هذا أبوها.
سلمان طلع من سيارته أوراح عند أمل وخالها
سلمان:تحتاج مساعده أخوي.
جاسم كان حامل أبو أمل بس كان ثقيل عليه
جاسم:مشكور بس لو تحمله ويايي .
سلمان حمل أبو أمل ولأنه قوي حمله بروحه وقال لجاسم يفتح باب السياره على شان يحطه داخلها(سياره جاسم).
أمل من خوفها على أبوها ماعارت أهتمام لسلمان وركبت السياره بسرعه.

سلمان سأل جاسم في أي مستشفى بيروح وبعد ماقاله راح لسيارته وحركها وقال لساره عن كل ألي صار.

_________________

وفي المستشفى كانت أمل تصيح وجاسم يهديها ويحضنها.
وساره ما كانت تقدر تروح لأمل لأن جاسم كان وياها.
أماسلمان كان قلبه يتقطع على حبيبته وكان بيموت من الغيره على أن جاسم حاضننها.

سلمان:ساروا(يأشر على جاسم) من هو هذا ألي حاضننها؟!
ساره(بضيقه خلق):وأني ويش عرفني به.صج أنك فاظي.

وبعد بضع دقائق جا الدكتور وجاسم وسلمان راحو له وساره راحت لأمل تهديها.

جاسم يسأل الدكتور:لو سمحت أخوي المريض ألي داخل ويش حالته ألحين.
الدكتور(مصري):هو بيقرب لك أيه.
جاسم:أنا أخو زوجته وولد عمه.
سلمان(يتدخل):هو المريض فيه أيه.
الدكتور:هو معاه السكري.أطمنو هو دلوئتي بخير وحتاخذوه لما يصحى.
جاسم:مشكور والله يعطيك العافيه.
الدكتور:ولو دا واجبنا.

ويروح الدكتور ويترك جاسم مع سلمان بروحهم.

جاسم أتعرف على سلمان وشكره وسلمان طلب من جاسم أنه يوصل أمل بيتهم وجاسم مارفض لأن ساره بتكون معاهم ولأنه أعجب بأخلاق سلمان.

جاسم بقى في المستشفى يخلص أجرأت الخروج.

_________________

ومن جهه ثانيه حوراء حرقت جوال أمل وساره من كثر ماتتصل.
أمل كانت ناسيه جوالها في غرفتها وساره كانت حاطته على الصامت.
وأول ماركبت ساره السياره طلعت جوالها ودقت على حوراء تطمنها.
أما سلمان كان بين دقيقه ودقيقه يناظر أمل من مراية السياره.
وأمل كبر في عينها سلمان وكبر حبها له.

لما وصل سلمان بيت أمل وقف السياره وقبل ماتنزل أمل قالت:مشكور و
سلمان(يقاطعها):مايحتاج تشكريني هذا واجبي.
أمل أبتسمت له أبتسامه خفيفه ونزلت وسلمان ظل ساهي في جمالها ويفكر كيف يقول لها عن حبه.

ساره تدق هرن سيارة سلمان وسلمان يتخرع وساره تظحك عليه.

_________________

يوم الأحد في المدرسه في الفسحه أمل وحوراءوساره مع بعض يسولفو ألا تجي لهم بنت (بكامل أنوثتها جميله وحلوه وصابغه شعرها بلياج).

شيماء:السلام عليكم.ويش حالكم صبايا(وتسلم عليهم)
ساره ويش حال عمتي(أم ساره).
ساره(مبتسمه):الحمدلله بخير ويش حال خالي(أبو شيماء).
شيماء:بخير الحمد لله.أي قولي لعمتي تجي لنا يوم الأربعاء لأن جواد(أخوها)توه راجع من السفر(أمريكا)أوبنسوي له حفله.مو تنسي أبغاش تجي وياها.
ساره:لا مابنسى.
شيماء:أوكي باي
ساره:باي

ومن راحت شيماء هلت الأسئله على ساره من قبل أمل وحوراء.
(شيماءتصير بنت خال ساره بس علاقتها بها مو لديك الدرجه لأن أم ساره ماتزورهم واجد بس بحكم أن شيماء أجتماعيه حبت أن ساره تكون معاهم).

حوراء:ساروا هذي شيماء بنت خالش.
ساره:أي.
أمل:حليوه وااجد تشبهش ساروا.
ساره:تدرو أنها أحلى وحده في عائلتها.
حوراء:أخوها ألي راجع من السفر كم عمره وحليو.
ساره:عمره يمكن26وأذا عن جماله فكلمة جميل ماتوصف جماله.
أمل:أوه أوه تطورنا ساره تغازل واحد مو معقوله!
ساره:لاأغازله ولاشي بس أني ماشفت واحد زيه.
أمل(من غير وعي):أكيد سلمان أحلى منه.
ساره وحوراء ناظرو أمل وهم مستغربين.
أمل أستوعبت ألا قالته وعلى شان تبري نفسها قالت:ويش فيكم تناظروني جذي أني قصدي أن سلمان احليو.
وفي هللحظه تجي لهم بنت(معجبه لحوراء) وتقول:لو سمحتي حوراء أبغا أمشي أياش شوي.
حوراء كانت تبغى تكمل السوالف ومن حرتها قامت وهي تدزأمل وساره عن لا يكملوا السوالف وأمل وساره ميتين ظحك عليها.

حوراء مشت مع المعجبه بس ظلت المعجبه ساكته وحوراء تتحرطم وتقول:أف هذي بتظل ساكته مللتني أني أبغا أكمل السوالف أياهم(أمل وساره).
وأخيرآ نطقت المعجبه:حوراء.
حوراء(من غيرنفس):نعم
المعجبه:أني معجبه بش واجد.
حوراءفي نفسها:أدري عجل ليش تمشي أياي ألحين.
حوراء:مشكوره.
المعجبه:وأني ماأعجبش؟!
حوراء(ماسكه نفسها عن لا تظحك ياربي تحلف دي كيف بعجب أبها وأني أول مره أمشي أياها وحتى أسمها ماأعرفه صج هبله):أي حتى أنتين جميله.

أو ظلت تسولف المعجبه لين صفرت وحوراء تتحرطم على أن فسحتها ضاعت.

________________

كان جالس على مكتبه يفكر
رائد:أف هذي مي حاله صارلي4أيام أفكر فيها ومو قادر أنساها.أنا ليش ماأخطبها وأريح نفسي.خلاص باقول لقيس.

_________________

مكالمه بين ساره وسلمان.
ساره:ويه بتوديني بيت أملوا
سلمان:اليوم شفتيها ليش بتروحي؟!
ساره:موأبوها مريض لازم أتحمد له بسلامه.
سلمان:أنزين باجي بعد نص ساعه.
ساره(شهقت):باااااااااال مابيمديك توديني أشتري ورد.
سلمان:حلفي كني فاظي لش روحي لمحل الورد ألي قريب من بيتكميالله باي أنا مشغول.
ويسد الخط.

_________________

#في محل الورد#

ساره دخلت المحل وظلت تنظر ألي الورد ولفتت أنتباها باقة ورد يلفها الهندي
قربت منه وسألته:تقدر تسوي لي باقه مثلها.(كان في شاب واقف بس ساره ما أنتبهت له).
الهندي:أي في سوي ماما.
ساره:بس ماأبغاها لون واحد تالي تطلع مو احليوه
الشاب(الي كان وراها):لو سمحتي أختي يعني ذوقي موحلوا.
ساره(من غير ماتلتفت له):أخوي الناس أذواق وأني ماقلت مواحليوه.
الشاب:اشكله ذوقش حلو.
ساره ماردت وأنتظرت لين مايخلص الهندي من باقة الشاب أوصارت باقته جذابه كتير بس الشاب ماراح أنتظر لين تخلص باقتها أوصارت باقتها جذابه وناعمه وتبين على ذوق صاحبها.

وطلعت ساره من المحل وطلع الشاب وراها.

الشاب راح لسيارته وحط الباقه بداخلها وقفل السياره وراح مشى وراء ساره وساره ماحست له الا لما قربت توصل للبيت.

ساره(تلف له وهي معصبه):أنت ماتستحي عل

وتسكت ساره لأنها أنصدمت من ألي شافته



شو راح يصير ومن الشاب ألي شافته ساره؟!
وهل رائد بيقول لقيس أنه يحب حوراء؟!
وشوأخر التطورات بين أمل وسلمان؟!

البارت الرابع ساره منصدمه(وتقول في داخلها):ماني مصدقه مستحيل أكيد هذا مو هو.ألا هذا هو.مستحيل أنسى شكله. الشاب(مستغرب من تفاجئها):ويش فيش تناظريني كذا.أكيد مذهوله من وسامتي. ساره(بستهزاء):الله على الوسامه ألي طالعه من واحد محترم شغلته بس يمشي وراء البنات. الشاب:عن الغلط أنا عمري ما ركضت وراء البنات هم ألي يركضوا ورايي. ساره:أخاف تكون براد بيت لو توم كروز وأني ماأدريومدام أنك محترم وماتراكض وراء البنات ليش تمشي وراي؟! الشاب:تبغي الصراحه.أنا ماشفت وحده بجمالشصحيح أني شفت بنات واجد أحلى منش بس ساره(تقاطعه):صحيح أنك وقح. الشاب:خليني أكمل كلامي.أنا ماشفت وحده سعوديه جميله وتشبه أختي مثلش. ساره:أحنا السعوديات جميلات بس ايخلونا نتغطى لأنهم يخافو علينا من الحسد ومن حرارة الشمس. الشاب:ههههههههههههههههه ولله وطلع دمش خفيف بعد. ساره كانت بتمشي بس وقفها الشاب:تعالي وين رايحه. ساره:ويش تبغى الناس يقولو عني أذا شافوك ويايي. الشاب:أي يعني أنتي مهتمه لكلام الناس أذا مهتمه غطي وجهش . ساره:غطيته ولا ماغطيته أنت ويش لك دخلك. الشاب:أنتي لو خايفه على كلام الناس كان ماقعدتي تكلمي واحد ماتعرفيه طول هالوقت. ساره: ومن قال لك أني ماأعرفك. الشاب(بأستهزاء):يعني تعرفينيطيب ويش أسمي؟! ساره(والتحدي في عيونها):طيب تبغاني أقولك نبذه قصيره عنك. الشاب:يالله أبسمعش. ساره:أمم أسمك جواد مهدي العرياني وأسم أمك سكينه وعندك أختين ألأولى شيماء والثانيه دانه وأنت درست طب بأمريكا وتوك راد من السفر ويوم الأربعاء بتكون عندك عزومه لرجوعك بسلامه(تبتسم)هاويش رايك؟! جواد في هل لحظه تمنى أن الأرض تنشق وتبلعه وماعرف ويش أيقول ظل مصدوم ومتفاجئ. ساره:هههههههه تدري أن شكلك وأنت متفاجئ ايظحك. جواد(علامة أستفهام باديه على وجهه):أنتي كيف تعرفيني؟! ساره:لاتخاف أني مو جنيه ولا ساحره بس أني أعرفك من زمان و جواد(يقاطعها):بس أنا ماأعرفش وهذي أول مره أشوفش. ساره:لا أنت شفتني بس نسيتني وأذا حابب تعرف من أني لا تلحقني ويوم الأربعاء بتعرفني باي. وماتركت له مجال أنه يتكلم ومشت بسرعه أما جواد ظل أيناظرها لين غابت عن ناظريه وراح لسيارته وساقها وهو يفكر وين شافها بس مااذكر شي. (جواد شاب وسيم خفيف دم رومنسي ذكي ويفهم بسرعه يحب أخته شيماء واااااااجد ومايرضى أحد يأذيها هو مازار بيت عمته ولا مره(أم ساره)ولما تزورهم ساره مايكون موجود وهذي أول مره يشوف ساره من كبرت). ساره رجعت البيت بس ظلت في حديقة المنزل وجلست على الكرسي الموجود. ساره:أأهه كل منش (أمها)أنتي سبب عذابي لو ماتزوجتي أبوي غصبآ عن خوالي كان ما كرهوني وعيالهم نسونيأنا ويش سويت عشان أعيش جذي لاأبو ولاأم تحسسني أني بنتها تحب وليد أكثر مني هههه صحيح أني غبيه ليش هي تحبني عشان يكون أكثر ولا أقل.أف لي متى بظل جذي قدام الناس سعيده ومن وراهم تعيسه حتى سلمان وحوراءوأمل ماايحسو بي.أف مافي أمل أعيش حياتي عشانه. وبعد ثواني وصل سلمان وراحت بيت أمل. _______في بيت أبو جواد #في غرفة شيماء# شيماء جالسه على سريرها تسمع أغنية أيوان "أسأل علي الشوق". أسأل علي الشوق وانجوم القمر من فوق. تلاقيني غلبني الشوق سهران قلبي يستناك. لو بس تيجي اتشوف أزاي قلبي ليك ملهوف. شيماء:ولله أني أشتقت لك ياهادي ( فجاه يندق الباب)طق طق طق. شيماء وهي تطفئ الستيريو: من من أذا مابتردوا ليش طاقين الباب. جواد:شيمو أفتحي الباب. شيماء فرحت وراحت تفتح الباب ولما وضعت يدها على مفتاح الباب تذكرت أنها زعلانه منه. شيماء من خلف الباب:ويش تبغى مو فاظيه لك. جواد:أفا ياشيوم ألحين أنا مو فاظيه لي. شيماء:أي أنت أمس لما قلت لك وديني لصديقتي مارضيت وقلت لي مو فاظي لش ألحين أني مو فاظيه لك. جواد:شيموه بتفتحي الباب لو أكسره. شيماء:لاولله خوفتي ومن قالك تناديني شيموه أصغر عيالك أني. جواد:أسف كنت أفكرش أكبرهم. شيماء:تنكت حضرتك. جواد:لا أخفف دمي. شيماء:تراك مصختها. جواد:حطي عليها شوية ملح. شيماء:ياثقل دمك. جواد:سوي له رجيم. شيماء(بدت تعصب):جواد مو فاظيه لك جواد:على راحتش بس صدقيني ماباكلمش. شيماء تفتح الباب وتتفاجئ:الله حلوه ألى من هذي؟! جواد يعطيها باقة الورد:يعني ألى من غيرش. شيماء:شكرآ الله لا يحرمني منك. جواد:ولا يحرمني منش. شيماء:تدري نفسي أتزوج واحد يحبني زيك. جواد يناظرها بنص عين:هادي يحبش أكثر مني. شيماء أستحت ونزلت راسها جواد:هادي بيتهنى مو أنا مالت عليي ماأحد يحبني. شيماء:أنت كل البنات أيموتو عليك وتقول ماحد. جواد:أنا أبغى وحده تحبني لشخصي مو لوسامتي ولأني ولد واحد غني وعن قريب باصير دكتور أبغى زيش حبيتي هادي من هو صغير(هادي ولد خالتها)وكبر حبش وياش ولحد ألحين تحبيه وكل ألي تقدمو لش رفظتيهم عشان تنتظريه ياخذ وظيفته ويتقدم لش مو. شيماء متفاجئه:أنت من وين عرفت أني ماقلت لك شي. جواد:أفا ناسيه أني فاهمش عدل وأني أقرأ كتب علم النفس. وقعدو يسولفو وتذكر جواد البنت(ساره) . جواد:شيمو حبيبتي أنتي عزمتي أحد من صديقاتش على يوم الأربعاء. شيماء بأستغراب:لأ ليش تسأل ؟! جواد:ها لا بس جذي عشان ياخذو راحتهم. شيماء:بس العائله بجو يعني ماأحد غريب بجي. جواد يكلم نفسه:ليش قالت أنها بجي يوم الأربعاء أف ماأقدر أصبر للأربعاء. ___________في المساء #في البحر# قيس ورائد على شاطئ البحر قيس:رائد ويش فيك هل يومين متغير. رائد:ألا قول من أربعة أيام.قيس أنا مريض. قيس:ويه لا يكون السرطانلحظه لحظه(يمسك خصله من شعره القصير)وحدك لا بروحك لمسنا الصوف الشر عنا مصروف يادافع البلا رائد:هايي أنت ويش تخربط. قيس:ههههههههههه هذي أختي حورو لما تسمع شي مو زين اتقول جذي. رائد من سمع أسم حوراء تغيرت ملامحه:أأأأأهههه قيس:بل شكلها السالفه جايده قول وشو مرضك. رائد:أنا أنا قيس:أي أنت عجل أنا رائد:أنا أحب قيس:هههههههههههههه ومنهي تعيسة الحظ ألي طيحتك ولعبت عليك. رائد:ماأسمح لك تقول عنها جذي. قيس:شكلك رايح فيها. رائد:ويش أقولك ياقيس أحبها ولله ولله أحبها. قيس:وين شفتها وكيف حبيتها وهي تحبك؟! رائد:حبيتها من أول نظره وماأدري أن كانت تفكر بي ولا نستني. قيس:روح أخطبها وشوف أذا وافقت خلاص تنحل مشكلتك وأذا ماوافقت الله أيساعدك مع أني متأكد أنهم بيوافقو لأن ما بيلاقوا أحسن عنك. رائد(فرحان):خلاص قول لأمك وأبوك أن أمي وأبوي بيجو لكم يوم الأربعاء. قيس(مو فاهم شي):ليش أقول لهم؟! رائد:لأني أبغى أختك حوراء ياغبي. قيس:ههههههههههه ألحين أنت مادورت تحب ألا حورو. رائد:لاتقول أنها مخطوبه خبري أن أختك فاطمه هي المخطوبه. قيس:لا مو مخطوبه بس أذا تزوجتها بتخليك على بساط الفقر. رائد:ليش؟! قيس:لأنك أذا تزوجتها كنك متزوج ثلاث مو وحده. رائد:مافهمت وضح أكثر. قيس:أسمع تدري أن لما سافرنا سوريا ويش سوت أخذت ثلاث شنط سفر غير شنطة أغراضها وكل شي يعجبها تاخذ منه ثلاث قطع تدري ألى من أليها شنطه وألى صديقاتها أمل وساره كل وحده شنطه. رائد:زين حبيبة القلب طلعت كريمه. قيس:صج أنك خبل أقولك فلست أبوي تفلس. رائد:مايهمني أنا أحبها وأبغاها. __________بعد ثلاثةأيام #في بيت ساره# ساره تقبل راس زوج أمها:الحمد لله على السلامه.(كان في رحلة عمل). أبو وليد:الله ايسلمش ساره وين أمش. ساره:أمي فوق تجهز لها ثياب حق بنروح بيت خالي مهدي(أبو جواد)لأن جواد رجع من السفر. أبو وليد:أنا بعد بتحمد له بسلامه.قولي لأمش تنزل تحط الغذاء. ساره:أنشالله. ______________ مكالمه تلفونيه بين أمل وحوراء أمل:أف يعني اليوم مابنروح مجمع الخنيزي. حوراء:مايمدينا نروح نسيتي أن ساره بتروح بيت خالها وأني أمي قالت لي أقعد في البيت بيجو لنا ضيوف. أمل:خلاص نروح بكره. حوراء:باشوف أمي وباقول لش . أمل:أوكي باي. حوراء:باي. أمل:أف الحين أني بقعد في البيت ويش باسوي أكيد بقعد أفكر في سلمان.وحشني وااجد.أف ما أبغا أفكر فيه خلاص باروح لزهروه وراحت لغرفة ختها زهراء ولقتها تحوس في جوالها أمل:ويش قاعده اتسوي. زهراء:يعني ويش أسوي قاعده أقرأ قصه. أمل:ويش أسمها؟! زهراء:دنيا العاشقين قصه روعه جناااان. أمل:صحيح ويش هو محور القصه. زهراء:أسمعي أول مابدت علاقتهم كانو يكرهو بعض أوبعدين حبو بعض. أمل:ياي لو يحبني سلمان جذي. زهراء:ويه ويش قلتي ما سمعتش. أمل:ها لا ولاشي كملي كملي القصه. _______في بيت أبوجواد أم جواد:هلا شخبارش ويش أحوالش أنشالله بخير. أم ساره:بخير الحمدلله. ساره:ويش حالش وتسلم عليها. أم جواد:ولله وكبرتي وحلويتي ياساره. ساره نزلت راسها مستحيه:مشكوره. شيماء:ساره ويش رايش تجي أيايي غرفتي. ساره:عادي. في غرفة شيماء: ساره:غرفتش مره احليوه. شيماء:شكرآ عيونش الحلوه. ساره ناظرة الغرفه ولفتت أنتباهها باقة الورد وأدركت أنه شارينها لشيماء. جلست على السرير وشيماء جلست جنبها. شيماء:شيلي عباتش ماحد في الغرفه. وظلو يسولفوا وساره حبت شيماءوأرتاحت ليها وشيماء بعد حبتها. ساره:وين دانه ما شفتها. شيماء:أكيد قاعده على الكمبيوتر. ساره:تقدري تناديها أبغى أشوفها. شيماء طلعت من الغرفه وأول ماسكرت باب الغرفه ألا تتلاقى عيونها بعيونه وتفتح باب غرفتها وتدخل على طول. ساره:بل مامداش تناديها. شيماء كانت تناظر نفسها بلمرايه وتتأكد أذا كانت حلوه لولأ. شيماء:كيف كان شكلي لما طلعت؟! ساره:زي الحين.ليش تسألي؟! شيماءمن دون وعي:لأن هادي أهني وشافني و.قبل لا تكمل أنتبهت لكلامها وسكتت. ساره فهمت على طول:قصدش هادي ولد خالتش وحبيبش. شيماء أستغربت:من وين عرفتي؟من ألي قالش؟! ساره:أني عرفت بطريقتي. شيماء:أي كيف. ساره:أول شي أنتي حاطه تعليقة جوالش حرفh‏ وغرفتش مليانه قلوب وأشياء حمره ورومنسيه وأشرطة الأغاني ألي عندش ثلاثة أرباعها عن الحب هذا يدل على أنش عاطفيه وااااجد ولما طلعتي وشافش هادي دخلتي على طول للمرايه تشوفي أن كنتي حلوه ولا لأ مع أنه لو واحد غيره شافش كان جلستي تصيحي أوأستحيتي وصحيح أنش مستحيه ألحين بس فرحتش أنش شفتيه باينه على عيونش. شيماء كانت طول الوقت ساكته ماتوقعت أن ساره ذكيه وقوية الملاحظه. شيماء:تدري أن تحليلش لحبي لهادي يشبه طريقة جواد في ال (وفجئه ينفتح باب الغرفه) جواد:شيمو هادي متغبل عل(أنتبه لوجود ساره)طلع من الغرفه بسرعه. أما ساره أنحرجت وسكتت ولا قالت شي. شيماء طلعت من الغرفه وكان جواد بعده واقف. شيماء(بخوف): هادي ويش فيه؟! جواد:مافيه شي بس ايقول شافش وأمسوي لي عرس في الغرفه. شيماء:ههههههههه. جواد:من هي البنيه ألي بلغرفه؟! شيماء:ماني قايله لك أكيد عجبتك. جواد:شيموه مو فاظي لمسخرتش قولي من هي. شيماء:أحلف ماعرفتها. جواد:ليش أنا لازم أكون أعرفها. شيماء:هذي ساره بنت عمتي. جواد:شوووووووووووووووو. شيماء:اشفيك متفاجئ جذي أكيد من جمالها لأنها أول وحده في العائله غير دانو تتقارن بجمالي . جواد بصوت واطي:هي أحلى منش. شيماء:ويش قلت. جواد:مو كأنش تركتيها بروحها دخلي قعدي وياها. شيماء:بروح أنادي دانو. جواد:دانو تحت في المطبخ. وتروح شيماء وفي هل لحظه ساره تطلع من غرفة شيماء وهي تكلم تلفون. ساره:أي ألحين أبنزل.باي.وتلف تلاقي جواد واقف قدامها. ساره(مرتبكه):أهلآ جواد حمد لله على السلامه. جواد:أي ألحين حمد لله على السلامه وقبل ثلاثة أيام وقح ومو محترم ومادري شو. ساره(بنظره حزن):أسفه ما كان قصدي أ جواد(يقاطعها):أنا ألي أسف ماأبغاش تفكريني صايع شغلتي أغازل البنات صدقيني أنتي أول وحده أل ساره(تقاطعه):أي دريت أنك محترم وخلوق ومايحتاج تقص قصة حياتك.عن أذنك أمي تنتظرني. وراحت بسرعه أما جواد ظل ايفكر:ويش فيها هذي أول مره وحده ترد عليي جذي. وسمع صوت أحد يناديه وراح لغرفته ألي هي قريبه من غرفة شيماء. جواد(وهو يفتح باب غرفته):ويش فيك قاعد اتصارخ. هادي:ويش فيك نقعتني في غرفتك كل هذا قاعد ويا شيماء حسافه ماأقدر أخطبها قبل لاأستقر في وظيفتي. جواد:أذا بتقعد طول الوقت تتكلم عن شيماء بتركك وبطلع. هادي:ويش فيك امعصب. جواد:مافيي شي. هادي:على راحتك. (هادي شاب وسيم رائع خلوق متفهم ذكي أجتهد في حياته ودراسته بس عشان شيماء وهو يحبها ويموت فيها). _______في بيت أبو قيس #في غرفة حوراء# حوراء:اف ألحين أمي خلتني في البيت حق بس أروح أقدم العصيروالحلويات فاطمه:ياهبله أنتي مافهمتي أن المرأه ألي تحت جايه هي وختها حق يخطبوش لولدها. حوراء(مندهشه):ماأحد قال لي . فاطمه:قيس قال لي لأن ألي يبغاش صديقه رائد. حوراء(فرحانه):صحيح. فاطمه:ويش فيش جذي فرحانه لا يكون حوراء:لأ ماأحبه بس معجبه به. فاطمه: يعني بتوافقي. حوراء:أول أبويي يسأل عنه بعدين أقرر. (ملاحضه) "فاطمه مخطوبه لخال أمل راشد وهو ألحين امسافر رحلة عمل وعمره 25سنه" ______اليوم التالي مكالمه تليفونيه بين حوراء وساره. ساره:حلفي أمس خطبش ما أصدق. حوراء:حتى أني ما صدقت أول ما قالوليلو تشوفيه ياساروه ايجنن وسيم. ساره:أختي شكلي مخلطه في الرقم. حوراء:ساروه عن المزح الماصخ. ساره:أنزين أنتي بتوافقي؟! حوراء:أول أبوي بيسأل عنه مع أنه مايحتاج لأن قيس يعرفه عدل بس هذي الأصول. ساره:أنزين وأذا طلع ولد حلال وما ينعاب بتوافقي. حوراء:أذا ماينعاب ليش ماأوافق. حوراء:أي اليوم بنروح أني وأملوا مجمع الخنيزي بتروحي أيانا؟! ساره:أي باروح لأن أبغا أشتري لي ثوب جديد. حوراء:الساعه ثمان تكوني جاهزه. ساره:أخوش قيس ألا بيودينا. حوراء:لأ أني أضحكي أكيد قيس. ساره:أوكي باي. حوراء:باي. ساره راحت تجهز نفسها وتخلص وعلى الساعه سبع ونص دق جرس البيت. وراحت ساره تفتح الباب. ساره:هلا سلمان ويش صاير امتعب نفسك وجاي تزورني سلمان:أنا مو جاي أزورش أنا جاي أوديش البيت لأن أمي تعبانه(جدتها)وأبغاش تسهري وياها. ساره:خلاص باروح أقول لأمي وزوجها وباجي. وتمشي شوي وتوقف. سلمان:ويش فيش وقفتي. ساره:ذكرت أني لازم أقول لصديقاتي أني باروح وياك. سلمان:أخر زمن الناس قامت تاخذ أذن من صدقانهم عشان يروحو بيت جدتهم. ساره:لا مو جذي أني باقول لهم لأني كنت أباروح وياهم مجمع الخنيزي. سلمان:خلاص روحي وياهم وأنا أجي لش بعدين. ساره:أوكى. سلمان:تعالي من هو ألا بيوديكم. ساره:ومن هو غير قيس أخو حوراء. سلمان:لا ما أبغاش تروحي وياه ويش رايش أنا ألي أوديكم. ساره بصوت واطي:ماتبغاني أروح وياه لو تغار على أملوا. سلمان سمعها:أي أغار عندش مانع. ساره:خلاص باروح أتصل لحوراء أقول لها وأنت أنتظرني بلمجلس. وراحت تكلم حوراء و بعد ما خلصت من حوراء أتصلت على أمل. ساره:هلا ولله. أمل:هلا فيش. ساره:خلصتي. أمل:من زمان وقاعده أنتظر حورو. ساره:ترا مو قيس ألي بيودينا سلمان هو ألي بيودينا. أمل(شاقه الحلق):خلاص تعالو أني جاهزه. ساره:أوكى باي. أمل:باي. ساره راحت لأمها وقالت لها أنها بتروح بيت جدتها بعد ماترجع من السوق وأمها وافقت لأن وجود ساره زي عدمه عندها هي ماتحبها بس ماتكرهها يعني عادي. _______في مجمع الخنيزي. ساره وحوراءوأمل يتسوقوا وسلمان معاهم بس بعيد عنهم اشوي عشان ياخذو راحتهم. ساره:هذا المحل شكل ثيابه حليوه مو. حوراء:تعالو ندخله. أمل:أني اتعبت بستريح لي اشوي. ساره:على راحتش أمشي حوراء. ودخلوا ثنتيهم المحل أما أمل جلست في أحدى كراسي الأنتظار وقعدت تحوس بجوالها. سلمان لاحظ أنها قاعده بروحها وراح وقف عند محل قريب منها وطلع جواله وكتب رساله من الملاحظات ألي في الجوال وغير أسم جهازه وشاف أسماء أجهزه واجد كلهم شباب ولفت أنتباهه أسم"أحلى أموله"وناظر الناس ألي من حوله ماشاف بنات قاعدين كانت أمل هي الوحيده ألي قاعده فعرف أن هذا أسم جهازها ورسل لها الرساله عن طريق البلوتوث. أمل كانت قاعده تحوس في الجوال وتفاجئت لماشافت. "أستلام رسالةBluetooth‏ ‏ من أنا سلمان" ورفعت نظرها له وشافته يهز براسه(يقصد أستقبلي)فهمت قصده وظغطت على نعم وجاتها الرساله. "أبغا أسألش سؤال ممكن" أمل من دون أي تردد لأن الفضول بيذبحها تبغى تعرف ويش هو السؤال. ردت عليه: "اتفضل" سلمان ما أتوقعها ترد عليه بس ردها شجعه يكتب سؤاله و رسله لها. وصلت الرساله لأمل وفتحتها "ويش هل العباه ألي لابستنها رايحه عرس لو مجمع" أمل أنقهرت لحدها ورسلت. "صج أنك وقح ويش دخلك فيي أني حره لما تصير أبويي تعال حاسبني". رد سلمان: "لو كنت وقح كان أخذت رقمش و وزعته" ( عن طريق البرنامج الجديد ألي بلجوال) رد أمل: "ويه خوفتني واجد شكلي باصيح . أخذه مو مشكله أقدر أغير الرقم". أمل قفلت البلوتوث ومشت من دون ما تنتظر رده. أما سلمان لما شاف رسالتها ضحك ولما شافها مشت مشى في نفس طريقها بس بعيد عنها. وبينما كانت أمل تمشي أعترض طريقها شاب. الشاب:أيش هلزين أيش هلحلاه ممكن رقمك ياعمري. سلمان أنتبه لشاب وراح صوبهم. سلمان:أخوي ويش بغيت. الشاب:بغيت رقم الحلوه. سلمان:صج أنك ماتستحي على وجهك. الشاب:ليش الحلوه ويش تقرب لك. سلمان:خطيبتي عندك مانع. أمل تفاجئة من رده وظلت ساكته. الشاب:ماأصدق أنها خطيبتك لأنك مستحيل ترضى أنها تلبس هلعباه. الشاب:عندي لك نصيحه علمها الأدب وكيف تلبس عباه عدله وتغطي وجها زي الناس. وراح الشاب من دون مايسمع رد سلمان. أمل تمنت الأرض تنشق وتبلعها ولا يصير لها هلموقف. وفي هللحظه جت ساره وحوراء. ساره لاحظت أن أمل قريب تصيح وسلمان شكله مايطمن. ساره:ويش فيكم؟! سلمان(بهدوء عن لا يفقد أعصابه)يالله أمشوا باروح. ساره:بس سلمان(يصرخ):مااسمعتي ويش قلت. ساره:خلاص لا تعصب بنمشي. شو راح يسوي سلمان؟! وهل بتوافق حوراء على رائد؟! وشو بيصير بين ساره وجواد؟!
أنتظر ردودكم بفارغ الصبر
و ما راح أكمل إلا إذا لقيت على الأقل ثلاث ردود
سي يو

وااااااااااااااااااااااااااااااااااااااااااااااااو

القصة تجنن مرررررررررررررررررة حلوووووووووووووة

بليييييييييز كمليها عشان خاطري

تحياااااااااااااااااااااتي

القصة حلووووووووووووة
من البداية لم لكمالها بعد