الموضوع: حملتك هموم

حملتك

حملتك هموم



حملتك هـموم مالك ذنب تحملهـا
وأتعبتك اليوم ونفسـك أمس مرتاحة

أرمي بأثقال هـمي فوق كاهـلهـا
واحـس مـن بعدهـا بشـي مـن الراحة

وانت الذي بكل طيبة نفس تنقلهـا
ما تشتكي من طعون الهم واجراحه

بدلت دنياي وغيرك ما يبدلهـا
من بعد ضيقاتهـاأسكنـتـنـي بواحه

نفسـك كريمة وما بوفي جمايلهـا
لو دونك الروح فارس حامل اسلاحه

كأن ربي اصطفى تربتك وصلصلهـا
وخصـك بروح هـي من خيرة ارواحه

واعطاك من صورة الانسان أجملهـا
لي شفتك اتبعثرت مـن قلبي اتراحه

أجود من المزنة لي جادت خمايلهـا
واطيب من الزهرة لي بالطيب فوّاحه

كفك مثل روضة مالت خمايلهـا
تجري بأوساطها أنهار طراحه

تسمع على غصنهاأشجان بلبلهـا
في جوهـاالشـاعري أنغام صـدّاحه

أتأمل الناس من حولك وأملها
عسى ألاقي شراتك حد في الساحه

لكن لا والذي الأوصاف كملهـا
في هامتك مايطالك طير بجناحه

جل اهتمامات قلبي انته أولهـا
وأسمى غاياته الحلوة وأطماحه

لو نفسك بعيدة بتعنى وبوصلها
وإن طالت الدرب لاجلك صارت اسياحه

بحرص على ارضاك لو ناسـي بزعّلهـا
ياسعد قلبي بالدنيا وأفراحه

لو عزت النفس في غـيرك بذلّلها
لاجلك ولا بشـتكي أقوال جراحه

بتصـد نفـسي عـني اللي ناوي يعذلها
ولا بترك الواشـي يحقق فيك أرباحه

أهون على النفس بايدك يوم تقتلهـا
واقسى على القلب زعلك يوم يجتاحه

لانها حياتي بدونك كيف أقبلهـا
ولان هجرك فؤادي تسكنه اشباحه

تعجز حروفي عن الهامات توصلهـا
تغرق معانيها لو في الماي سباحه

عسى السعادة تظلك دوم في ظلها
والخـير حـولك يلفك دوم بوشاحه

وعـسى الاماني إذا ما ييت تأملهـا
تلقى لتحقيقهـا لكل باب مفتاحه





الشاعر حميد المقبالي

---

plgj; il,l