][][§¤°^°¤§][][قصة فتاة في جامعة زايد!!!][][§¤°^°¤§][][

في 04-Jan-2007 الساعة : 02:37 PM

السلام وعليكم ورحمة الله وبركاته

أنقل إليكم اليوم رسالة .. تحمل في طياتها قصة فتاة من الإمارات ... وقعت في طامة الفتيات .. ألا وهي الحب ... الحب الزائف أو المغرر بالمراهقات ...

أترك لكم القصة كما سمعتها ... (بالعامية الدارجة في الإمارات) ..

القصة

اسمي (............) عمري 19 سنه وهاي القصة كانت بدايتها يوم كان عمري 18 سنه أنا بنت من الإمارات العربية المتحدة من مدينة الفجيرة .

عندي من الاخوة 2 ومن الأخوات 1 يعني إحنا 4 إخوان . أبوي وأمي مطلقين من إحنا صغار من أول ما انولدت بالتحديد أبوي خذ اخوي وأختي .. وأمي خذتني أنا وخذت اخوي جاسم وما شفنا بعض أبدا لأني كنت صغيره وااااااااااااااااااااايد .(هذي القصة والله والله والله حقيقية).

أمي رجعت عند أهلها الشارقة وأبوي تم في الفجيرة بعدها انتقل ليعيش في أبوظبي .....وأنا سرت ادرس في أبوظبي في جامعة زايد .. ما درست في جامعة زايد اللي في دبي لأن بغيت أغير جو .. وسكنت عند خالتي في أبوظبي وأمي ما كان عندها مانع لأنها كانت شوي فري .

بعد ما دخلت الجامعة لقيت وحده اسمها مشابه لاسمي الاسم الأب واسم الجد واسم العايله أنا انصعقت !! (يعني هي أختي!!) بس أنا ما قلتلها لأنها ما عرفت ولا لاحظت .

وكانت اكبر مني بسنه وحده ومرت ثلاثة شهور وأنا ما خبريتها إن هي أختي .. وكل مره أشوفها يالسه بروحها في الكافتيريا وكل مره أطوف من جدامها وابتسم لها تميت على هذي الحالة أسبوعين كل ما أطوف من جدامها ابتسم لها . بس يوم من الأيام وأنا طايفه من جدامها ابتسم لها زقرتني !

هي : لو سمحتي
أنا : نعم خير (وأنا مبتسمة)
هي: ممكن اسألج أنتي ليش دوم تبتسمي لي؟
أنا: لا والله ما في شي .. بس أنا من النوع اللي وايد ابتسم و وايد أجامل.
هي: هي هي هي هي ..جان تبين قعدي
أنا: لا عادي والله .. أنا مستعيله شوي علي امتحان وما ذاكرت
هي: قعدي أنا بدرسج
أنا: لا لا ما أبا اعطلج ويايه
هي لا والله عااااااااااااااااااااادي يلسي لاه
أنا: اوكيك

تمينا نتكلم .. وتعرفت عليها وتعرفت علي بس أنا غيرت اسمي .. غيرت اسم العايله واسم يدي وأبوي يعني هي ما عرفتني.
عقب تمت امبينا اتصالات شوي شوي ...... وفي يوم من الأيام كنا واقفين عند باب الجامعة نتريا السواقين فمرت سياره مخفي كاااااامل استيشن رقم ابوظبي احمر ... لون الاستيشن اسود .....فأنا صديت الصوب الثاني على أساس إني ما اجابلهم بس هي ..تمت تطالعني عقب سارت اتجاه السيارة انفتحت الدريشه بس أنا ما رمت أشوف منو داخل السيارة , تمت ترمس شوي عقب اطالعتني و ابتسمت .. بعدين ردت..! أنا تميت امبطله حلجي . قلت منو هاييل جان اتقولي والله هذا ولد عمي ياي يمر علي يردني البيت فأنا قلتله بيلس اتريا ربيعتي لين ما تروح .. عقب جان اتقولي أنا مب صايعه (وهي مبتسمة) أنا صديقتها .

بعد أسبوعين اتعلقنا في بعض وايد وايد .. وعزمتني على عرس عمتها .. أنا سألت أمي إذا اقدر أسير العرس فقالت لي اوكي .. (بس محد كان يعرف إن إحنا خوات ) فمرت علي وسرنا بيتهم أول .

عقب قالت بنسير الفندق واحنا نازلين عند الفندق إلا أشوف نفس السيارة اللي شفتها عند الجامعة طنشت ودخلنا جان يطلعون 2 شباب جدامنا أنا ما قدرت أميز أي واحد فيهم اخوي إلا يوم سألتها لما رجعنا وقالت لي اللي لابس كاب هو ولد عمي ولا متعصم هو اخوي وما شفتهم من بعدها .

بعد ثلاث أسابيع من العرس سرت بيتهم مره ثانيه وهناك شفت اخوي حمد و وولد عمي حمدان . سلمت عليهم من بعيد بس ما كنت ادري انهم كانو موجودين في البيت .وما بيظهرون .!

كان عندي بروجكت وهي قالت بتساعدني قعدنا في حجرتها وتمينا نسولف ..عن ولد عمها وأخوها وأبوها ..أنا من السوالف اللي سمعتها عن ولد عمي حمدان ...حبيته !!...بس ما قلت لها .. وتميت اكثر الزيارات اللي بينا وفي يوم من الأيام قالت لي إن ولد عمها بدا يحبني فرحت واااااااااااااااايد وقلت لها إني أنا بعد بديت احبه .

في يوم كان الدريول ياي ياخذني من بيتهم سوى حادث وكان الوقت متأخر فطلبت منهم إن يوصلوني البيت فهي قالت حق ولد عمها إن يوصلني وركبت ويانا السيارة ..في السيارة تم يطالعني من المنظرة وأنا ويهي متكسر وقافطه وهي كانت تعرف وتطالعه وتبتسم وفي نص الدرب وقفت عند بيت وقلت أنا شوي وبرد وسكرت الباب وتمينا أنا وهو في السيارة بروحنا تمينا ساكتين فتره وفجأة جان يقول : شو أخبار الدراسة ؟ أنا سكتت وويهي محمر وعقب وقلت الحمد الله امشيين .

حمدان: زين زين سمعت إنها وايد صعبه والبنات يشتكون وايد منها ؟

أنا : والله .. لكل مجتهد نصيب (صح) بس إحنا نجتهد ونكرف وما نحصل شي .

حمدان : هههههههههه حليلكم والله .

مرت لحظة صمت

حمدان: هاااااااا شو بعد ؟
أنا : والله ولا شي .
حمدان : احبج
أنا : !!!!!!!!!!!!!!!!!!!! تميت صاخه وقافطه والله ما اعرف كيف اشرح موقفي !!!! أنا بعد كنت احبه .. بس ما قدرت أقول انبلع لساني .

فجأة حرك السيارة وطلع على الشارع الرئيسي !!!
أنا : وين ساير ؟؟؟؟!!!!!!!!!؟؟!؟!؟
حمدان: بتعرفين بعدين حبيبتي
أنا : لو سمحت اتأدب وخلك ريال وعن هاي الرمسه !
حمدان: حرام عليج حبيبي والله احبج وااااااااااايد.. أنتي ليش اتعذبيني
أنا : ممكن توقف لو سمحت !! بنتريا بنت عمك (..........) !!!
حمدان: هههههههههههههههههههههههههههه
أنا : شووووووو فيك ؟؟؟؟؟ ليش تضحك ما في شي يضحك !!!! وقف الحين والله ترا بتصللها الحين !! وفي عمتي وفي أمي !
حمدان: ههههههههههههه ترا بنت عمي ما بترجع !! اوكي أنا وهي متفقين .. شو انسوي .
أنا !!!!! متفقيييييييين !!
حمدان: هي ..والله أنا آسف بس أنا احبج وبغيت ارمسج على انفراد.
أنا: والله ترا بتصل..(خذيت الموبايل على أساس بتصل اكتشفت إن موبايلي مافيه رصيد
حمدان:ها اشوفج ما اتصلتي ههههههههههههه
أنا: جب .. الله يخليك لا تسوي فيني جذيه الله يخليك !!
حمدان: زين زين لا تصيحين عاد.
أنا: بترد؟!!!
حمدان: هي ما يهون علي اشوفج تصيحين

بس أنا اكتشفت انه مارد البيت سار مكان فيه خناخيش .. ما ادري أي فريج وقف السيارة ..قفل البيبان ..!!! أنا تميت ساكته !!!!!!! ما رمت أقول شي بس كنت أصيح .

حمدان: والله ما بسوي فيج شي .. بس بغيت اقولج أنا آسف .. و الله يخليج لا تقولين حق اهلج اللي استوى الله يخليج .. ((جان يعفد على السيد اللي ورا يبوسني على خدي !! أنا ما عرفت شو اسوي يتني قشعريره ! تميت أصيح .. قلت إذا صفعته بيسوي شي ألعن احسن لي اتم ساكته ,, عقب عطاني رقمه

وقالي: اتصليلي والله حبيتج من أول ماشفتج!!
وشغل السيارة و وصلني لين البيت .. واعتذر مره ثانيه !!.... بس طول الدرب تميت ساكته !!

في اليوم الثاني لما رجعت الجامعة قلت حق أختي كيف تودريني وتسيرين؟؟ كيف تسمحين حق عمرج انج تتفقين ويا ولد عمج علي؟؟
أختي تجاوب وهي تصيح ) والله انه مب متفقين ولا شي .ليش شو سوى فيج ؟؟؟؟؟!!!!
أنا : لا لا ماسوى شي والله .....بس وصلني لاتخافين .
أختي: والله إن سمعت انه سوابج شي والله لايلوم إلا نفسه ..أنا طلعت برع ماشفتكم مالقيت السيارة ما عرفت شو اسوي !! عقب قالي إن أنتي سلمتي علي وانج كنتي مستعيله لانج وايد متاخره وانج اتصلتيلي وأنا مارديت عليج .
أنا : لا ماسوى شي لاتخافين

عقب نسينا السالفه

وبعد ثلاث ايام رجعت البيت وماكان في حد .. واعوذ بالله من الشيطان اللي خلاني امسك الموبايل واتصل على رقم حمدان
رد حمدان : الووووووووووووو
أنا : تميت ساكته
حمدان : الوووووو حوووو ..
أنا : بصوت خافت الو
حمدان : منو ؟
أنا : ماعرفيتني ؟
حمدان: لا
أنا : خلاص اوكي احسن.
حمدان: لحظه لحظه .. عرفتج منو
أنا : ساكته
حمدان: اخبارج؟
انا : تمام .. اخبارك؟
حمدان: بعد تسالين اكيد اوكي .....عقب ماسمعت صوتج
أنا: ساكته من القفطه
حمدان: شو ياج سكتي؟
أنا: شو أقول ؟
حمدان: أي شي !! اوكي شو أخبار الجامعة ؟
تمينا اندق سوالف لمدة ربع ساعه عقب سكرت لان قوم خالوه وصلو .

تمينا على التلفون لمدة 5 شهور ..

مراااااااااااااااااات نتشاوف كل ما أسير بيت أختي (بنت عمه) ومره طلعت وياه بدون مايدرون قوم خالوه يتحرون إني طالعه ويا ربيعتي ماسوينا شي خطير وايد.
بس كنت احبه مووووووووووووووت ادري إن هذا مب عذر !! شو يسوى حياتي هذا الانسان !! ما اقدر استغنى عنه هذا حياتي ودنيتي هذا كل شي في حياتي وما اقدر استغنى عنه حتى وأنا وياه اشتاقله .. كل يوم لازم اكلمه .. قال انه بيخطبني وسواها اتقدم لي وخطبني ..( أنا اكتب هذا الايميل بعد اسبوع من الخطبه اليوم السبت تاريخ 27-4-2002 وهو خطبني تاريخ 20-4-2002 !)

في الخطبه استوى اللي ما توقعته وما اصدق

بس اللي عرفته إن خالي لما ساله عن اسمه بالكامل طلع اسمه مثل اسمي يعني هذا اخوي

أختي كذبت علي وقالت انه ولد عمها .
لش يا دنيا لش؟

انا كنت اعاشر اخوي !!!!!!!!! أنا كنت اكلم اخوي على التلفون واقوله احبك مليون مره

اخوي يخطبني !!!!!!!!!!!!!!!!!!

ما اعرف الوم منوووووووووووووو!!!!!!
الووم اهلي على اساس انهم فرقونا!!
الووم أمي لأنها خلتني أسير !!
الووم أختي لأنها كذبت علي !!
الووم البطاقه المدفوع لان ما كان عندي رصيد!!
الووم نفسي !!
الوومه هو !!
شوووووووووو اسويييييييييييييي ؟؟؟؟؟!!!!!!

والله العظيم كل اللي اقولكم اياه صدق .. بس خلوني اكمل قصتي
بعد ماعرف أبوي إن ياي يخطب بنته لولده وأختي عرفت إن أنا اختها !! قررو قوم أمي و أبوي انهم يرجعون لبعض !! بعد شوووووووووووووو ؟؟!!!!!!!!!!!

نرجع نسكن في بيت واحد !! مستحيييييييييييييييييييييل !!!!!!
والله ياجماعه انتو مب حاسين فيني أنا أبا اموووووووووووووووووت !!!!

الله يخليكم قولولي شو اسوي !!

هو اللحين يكرهني لان ماقلت لاختي اسمي الصدقي وأنا سرت اكره أختي لأنها كذبت علي !!

وبعد يبونا نسكن ويا بعض عقب مادمر مستقبلي !!!

عقب ماطلعت من الجامعة !!]عقب ما كل حد عرف السالفه ]

يمكن سمعتوا هالقصة من قبل بس صدقوني ان هالقصة استوت بعد مرة بس هالمرة في دبي و بالتحديد في منطقة الجافليه .....

يا اهالينا حرام عليكم ..... ليش تتزوجون و تييبونا و بعدين تفترجون شو ذنب العيال ......... خافوا رب العالمين

اتمنى ان اسمع رأيكم واتمنى من الجميع المشاركه وابداء الرأي ولو بكلمه

تقبلو تحياتي
اليــازيــه

في 05-Jan-2007 الساعة : 02:46 PM

يسلموووووووووو على القصة

في 05-Jan-2007 الساعة : 07:34 PM

الله يسلمج اختي وابغى تفاعل من الاعضاء معقوله 16 دخل ومحد فيهم رد على الموضوع !!!

أختكم اليــازيــه

في 06-Jan-2007 الساعة : 09:25 PM

في 08-Jan-2007 الساعة : 11:03 PM

عجايب يادنيا عجايب

في 01-Feb-2007 الساعة : 09:49 AM

والله أرد الرد من قلب صادق
بصراحة الوالد والوالدة الله يهديهم ميستاهلوا عيال لو يستاهلوا العيال كان أهتموا فيهم وماصار اللي صار لكن الله يكون بعونهم ويعينهم على هالمصيبة
لكن نسمع بالمثل اللي يقول هونها وتهون أتيسر أن شاء الله وبضل أدعي لهم لين الله ييسر لهم أمر مبارك وأرجو من التي أتت بالقصة أخباري إذا تحسنت أوضاعهم لأني سوف أطلب الله العلي القدير أن ييسر لهم أمرهم .
والسلام خير ختام. يكون بإرسال رساله على أيميلي.

في 12-Feb-2007 الساعة : 05:40 PM

محد غلطان غير الاب والام
الله يهديهم
يسلمووووووووووووو
خيتو

في 12-Feb-2007 الساعة : 05:49 PM

يسلموووووووووو على القصة

في 23-Feb-2007 الساعة : 10:58 PM

مرحبا خيتو .. حبيت اقولج :: والله الام و الاب هم الاساس لانهم فرقوكم .. صح هم اطلقوا بس ما كان انهم يفرقون بين العيال .. بين الاخت و اختها بين الاخ و اخته ..

بس بعد الاخطا الاكبر كان من البنية نفسها لان المفروض كانت اتقول حق اختها الصدق .. اتخبرها انها اختها ..

و بعدين ايي خطا الاخت اللي جذبت و قالت انه ولد عمها ..

بس الصراحة الخطا يقع ع الكل .. كلهم غلطانيين .. و هاي نتيجة الخطا .. الله يستر .. بصارحة هاي القصة مأسااااااااااااه بمعنى الكلمة .. لا و بعد بيعيشون مع بعض كييييييييف ؟؟؟؟؟!!!!! ..

بس ما اقول غير الله يعينهم ع مصيبتهم .. و ان شاء الله تتحسن اوضاعهم .. والله يهدي الجميع ..

حابة اقول عنوان الموضوع لو كان :: جذبة دمرت عايلة :: بيكون افضل ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيفَ يستطيعُ الشابُ امتلاكَ قلب الفتاةِ والتلاعبَ بعواطفها ؟!	ألراقي	•°•¤ مكرر¤•°•	3	11-Dec-2006 11:42 AM
خاطرة (( فتاة الأحلام ))	طلال العتيبي	•°•¤ ثنائية الجسد والروح¤•°•	9	27-Jan-2006 02:55 PM
فيصل ولد حي المعذر الذي اغتصب 16 فتاة من جامعة الملك سعود	هووواوووي	•°•¤ خارج مقص الرقيب¤•°•	28	12-Dec-2005 11:47 PM
الى كل رجل خدع فتاة	قناص الأسود	•°•¤ مذكرات روح¤•°•	0	12-Nov-2005 12:23 AM
إنها فتاة الإسلام .	قطرات الندى	•°•¤ رياض المؤمنين ¤•°•	3	25-Sep-2005 09:37 PM

الذين يشاهدون محتوى الموضوع الآن : 1 ( الأعضاء 0 والزوار 1)

][][§¤°^°¤§][][قصة فتاة في جامعة زايد!!!][][§¤°^°¤§][][

•°•¤ في جعبتي حكاية ¤•°•