الموضوع: \\ الفزعــــــــة \\

الفزعــــــــة

[align=center]يسرني وعبر هذا الموضوع أن اقدم لكم تفسير شافيا لمصطلح (الفزعــــــــة) والذي يكثر أستخدامه
في مملكتنا الحبيبة وخصوصا في المناطق الشمالية

أولاماهي الفزعةوكيف نشأت

الفزعة في اللغة
مأخوذة من الفزع أي الخرعةويقال فزع ,يفزع ,فازعا.
وقد قيل فزع البعير للناقة أي أخذته الحمية عليها وخاف على معشوقته من أي أذى يلم بها <<خصوصا لاكانت من المزايين>>
ودقّ صدرة لها واحتمت خلفه الناقة في النائبه والشدة

أما في الأصطلاح: هي معاني اختلجت في النفس بدافع الحماس وحب التدخل فيدخل عصه بشي مايخصه <<يمديك على هالشرح>>

نشأت مصطلح الفزعة مع نشأة مصطلح الشرهة <<عاد متى نشأت الشرهة>>وكانت في السابق (أي الفزعة) منتشرة في كل رقعة
فكان الرجل يفزع لجاره أذا طبّ عليهم حرامي ويجيب العيد فيه.

والمرة تفزع لجارته أذا نقص على بصل

والبزر يفزع لخويه لو مامعه هاكاليوم فسحة فيتقاسمه بينه وبينوه

يعني الزبـــــــــدة

الفزعة في السابق كانت محمودة <<محمودة ولا نبويّة>>

اما في وقتنا الحاليفحدث ولادرج
انقلب هذا المفهوم الى الهوشة .ومايصدق الواحد يشوف خويه يتضارب مع أبـــوه قاله تبي نفزع

· دوافـــــعها

* قد تكون في ظنه انها نابعــة من المرجلةهالمسيكين وحب السيطرة وعقد الحاجبين وفتح الزرار <<اللي يشوفه يقول يبي يدخل حلبه>>

* وقد يحتمل أن تكون لواحد يستاهل الدبجة خصوصا لما يفزع الرجل لخواته ومحارمه من واحد ماشاف الخير يبحلق عويناته هونا وهونيكوهذي ياأني استانس لاشفته دابجه

*وقد تكون ناتجة من الفراغ والبطالة فما يلقى له شغلة فيروح يتسكع بالشوارع همن لاشاف له اثنين يسولفون بصوت طويل شمّر عن كمومه وركض يمهم قال من يبي الفزعة

*ايضا الفزعة بدافع الشفايه وحب الأستطلاعوهذي كثـــرو منه


&%وقد تطورت الفزعة في وقتنا الحالي حتى اصبحت تدفع لها الأموال الطائلة عشان اللي مالوه حيله وضعيّف
فيدفعون فلوس ويوصونه على فلان وعلان ويتحبّلون له عند بيته همن لاطلع يروح بخبر كانخصوصا لاكان الفازع من اصحاب الزنود الثقيلة


أمثــــــله من الفزعة

· فزعة السعودي لسعودي مثله على الهندي _حسيبهم الله_ ولوهو مايعرف هالرجال بس لو يلقى هالبنغالي جدع بجنبه منديل قال انت قاصده علي( أنت . ., يابن ال ,ولاتسوى.)
طـــــــاخ طيخ طوخ.
يفزعون عيال الحارة لخويهم ويروح هالهندي بقسم العظام أن تسان الله كتب له حياه



وعشان كذا اتحداكم تلقون هندي يحب السعودية على كثرهم عندنا يقلون سئوديه مافيه كويس كلوه شباب كربان<<بعذرهم>>


*الفزعة لاصار على الطريق حادث (الله لايريكم مكروه) فيجونك ركض اللي يصور واللي يفتش بالسيارة واللي يسرق وراعي الحادث رايح فيها وهذي يااني اتفرفر لاسمعت بهم تسيف يقعد يصور الحادث ولايسعف هاللي طايح حشا تقل قلوب يهود<<تهيء تهيء>> <<تفاعلت>>


· الفزعة بالطلعة عند المدرسة وهذولا غالبا مايكونون زورافاتن ووحدانايعني فصل (أ) يثور على (ب) كل ابوهم وكل السالفة عشان اللي من (أ) قال للي (بباء) مانت رجل فقامت القيامة



وقد تغنّــــــى الشعراء بالفزعــــة فبعضهم سبّها وبعضهم مدحها.
.ومن بين الذين سبّوها أحدهم يوم قال:
الفـــزعة اللي كل شـــــي يهدمها الله يقلعـــها ويقلــــع مداها
وجودها بهالوقت كنه عدمــــها ضعيفـــة مايرتفع مستواها

أما من مدحها فأحدهم اللذي قال<<عاد دوروه>>أفزع لخويك بشدة الوقت واللين وأن مافزعت بتندبغلك ترى يوم


هذا مابجعبتي للأفصاح عن هذا المصطلح<< خطين تحت جعبتي>>

والى لقاء آخر مع تفسير لمصطلح آخر بمشيئة اللهأنتظرونا <<الفراغ له دور>>[/align]

---

\\ hgt.uJJJJJJJJm \\