الموضوع: الرد على إهداء ابوعبدالله

الرح, ابوعبدالله, على

نزعل ونتكبّــر وحنا من الطيـــن
والكل منا . صــــدّ لا أقبل خويّــه .!!

نفخر نقول إنا على الصد قاوين
وهــــي علينا . في الحقيقـــــة قــــويه .!!

نشفق على الطيبة و كسب . الكريمين
وهذي بنا لاشك فعــــلة رديـــــــــه !!

ننسى نهايتنا وعلى وين ماشيــــن
وننسى الزمان . اللي . جمعنا ســـــــويه !!

المشكلة ماهي بـ حاجة لــ تخمين
ولاهي بعد ياناس . صعبـــــة القضيـــه !!

دق الرقم : كيفك هلا فيك . وأهليــن .
أنــا الخـــوي . اللـي مـــــزعّــل خويــــه !!

قلّه : تغيب . وصـــورتك داخل العين
ويبقــى لـ حبك . في خفـــوقي بقيـــــــــــــــه !!

أخوان حنا . لو . يجي بيننا . شيــن .
و مانفتـــــــــــرق دام المحبـــــــة . نديــــه !!

خلك قــوي . لاتحتــــكرك الشياطين
قبل الفوات . وقبل وقت . المنيــــــــــــــــه !!

كلّم خويــك بـــ اطيب الهرج . واللين .
وأعرف جميل الهرج . يمســــح . رديـــــــه !!

هذي . هي الدنيا من الحين لـ الحين
لابد . بين الناس . تحصــــــل . خطيـــــــــه !!

ومن لايقدّر غلطــــة أحبابه . الحيــن
يقـــــرأ حـــــروفي . ويعتبرها . هــديه .!!

باكر تمر سنين وسنين . وسنيـــــن
والــــــكل يرحـــــــل في الدروب . المـــــديـه !!

صدقني تندم وأذكر حروفنا . زين .
تندم على خلك إذا غاب ضيّـــــــــــــه !!

دنيا غريبــــة وأكثر الناس . ماشين
وكم صــــاحبٍ . والله دفنته بــ يديــــــه
وســــلامـــتـــكم
تقبلو مني أرق التحايا.

أخوك / أبوعبدالله .


ياabdullah1 هذي الأبيات هديه لك ولكل الي بينه وبين خويه مشاكل

انتظر ردك ياabdullah1

السلام عليكم ورحمة الله وبركاته.

العذر ان كنت انا المقصود فلم اطلع عليها الا أمس والمعذره أخي الكريم.

[frame="7 60"][align=center]يا مرحبا بك ياسليـل العريبيـن
ترحيبة تغشاك صبـح وعشيـة

عنيتنـي والا عنيـت البعيديـن
ابشر بردي لـو تأخـر شويـه

ما قلت واقع بيننـا لـه محبيـن
ابليس واعوانـه تحـب الأذيـه

اللي يطاوعهم حليـف المهويـن
خسران بالدنيـا الحيـاة الشليـه

وان مات قلوا فيه حتى المعزيـن
رحمه وتخفيف ودفعة بليـه

يـا لله لا خليتنـا لـه شبيهيـن
واكتب لنا حبك وحـب البريـه

نمشي بما يرضيك دايم عزيزين
ما دامت الاجساد بالروح حيـه

يالله تقدينا فـي العسـر والليـن
واجعـل خوافينـا سليمـه نقيـه

ما اوفيتك القيفان ياحـي ذالعيـن
ياصقر ياللي في الجبـال العليـه

صلاة ربي عد قـول المصليـن
الله اكبـر فـي نهـار الضحيـه

على الرسول اللي له الناس مغلين
عليه من ربـي صـلاة وتحية[/align][/frame]

---

hgv] ugn Yi]hx hf,uf]hggi